Aktualitet

Instalimi i njehsorëve të ngrohjes fillon sot në këto hyrje të Ulpianës

Instalimi falas i pajisjeve do të bëhet nga ekipet e specializuara të projektit Prishtina HeatSave.

Published

3 years ago

July 27, 2022

UBT news

Sot bëhet vendosja e alokatorëve të ngrohjes dhe valvulave termostatike në banesat e lagjes Ulpiana, konsumatore të Ngrohtores Termokos. Hyrjet ku do të fillojë instalimi këtë javë janë si vijojnë: E mërkurë 27.07.2022 Ulpiana D3; Hyrjet H1-H2 E enjte 28.07.2022 Ulpiana D3; Hyrjet H3-H4 E premte 29.07.2022 Ulpiana D3; Hyrjet H5-H6 E shtunë 30.07.2022 Ulpiana D4;

Instalimi falas i pajisjeve do të bëhet nga ekipet e specializuara të projektit Prishtina HeatSave, të cilët do të vizitojnë të gjitha apartamentet që ngrohen përmes Termokos, për të bërë instalimin e matësve dhe shpjeguar funksionin e tyre.

Ky proces, i cili përbëhet prej vetëm dy hapave, zgjatë rreth 30 minuta. Andaj, luten banorët të qëndrojnë në shtëpi përgjatë kësaj kohe sa zgjatë procesi i instalimit. Videon ku demonstrohet procesi i instalimit mund t’a shihni ketu.

Për informata të detajishme përgjatë tërë fazës së instalimit të këtyre pajisjeve, qytetarët inkurajohen të drejtohen në numrin kontaktues: 0800 99 000, rrjete sociale, uebfaqe të projektit Prishtina HeatSave, ose grupin në Viber.

Aktualitet

Emisari i BE-së për dialog takon sot presidenten Osmani

Published

59 minutes ago

August 6, 2025

UBT News

Emisari i posaçëm i BE-së për dialogun Kosovë-Serbi, Peter Sorensen, do të vizitojë sot Kosovën.

Sipas një njoftimi të Presidencës, ai do të takohet fillimisht me presidenten Vjosa Osmani.

“Në orën 10:00, presidentja e Republikës së Kosovës, Vjosa Osmani pret në takim përfaqësuesin e BE-së për Dialog, Peter Sorensen”, thuhet në njoftim.

Aktualitet

Organizatat e dala nga lufta shpalosin detajet e protestës së nesërme

Published

1 hour ago

August 6, 2025

UBT News

Organizatat e dala nga lufta e Ushtrisë Çlirimtare të Kosovës, do të mbajë sot konferencë për media për të prezantuar detajet dhe informacionet për protestën e nesërme. Konferenca nis në ora 11:00, në zyret e OVL-UÇK.

OVL-UÇK-ja nesër me fillim nga ora 17:00, do të protestojnë në sheshin “Skënderbeu” në Prishtinë, për të kundërshtuar vijueshmërinë e procesit gjyqësor në Hagë, ndaj ish-krerëve të UÇK-së.

Gjatë protestës do të kërkohet reagim institucional lidhur me këtë proces. Në një prej njoftimeve të organizatës thuhet se duke pasur parasysh mosreflektimin e partive politike për konstituimin e institucioneve, dhe mosrespektimin e vendimit të Gjykatës Kushtetuese, në takim u vendos që të mbahet protestë gjithëpopullore, me kërkesat e mëposhtme

Kundërshtimi i padrejtësive ndaj ish-bashkëluftëtarëve në Gjykatën Speciale

Formimi urgjent i institucioneve legjitime dhe respektimi i rendit kushtetues

Ndërprerja e përbuzjes ndaj kategorive të luftës, përfshirë mosmbështetjen financiare, përjashtimin e veteranëve nga paga minimale dhe mungesën e ligjit për vlerat e UÇK-së” thuhet në një prej njoftimeve të organizatës.

Aktualitet

Fushë Kosovë, burri sulmon fizikisht gruan

Published

1 hour ago

August 6, 2025

UBT News

Një rast i dhunës në familje është raportuar në Fushë Kosovë, kur një burrë shtetas i Kosovës, ka sulmuar fizikisht bashkëshorten e tij shtetase e Shqipërisë.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

Raporti i Policisë së Kosovës:

“Fushë Kosovë 05.08.2025 – 15:08. Është arrestuar i dyshuari mashkull kosovar, pasi që kishte sulmuar fizikisht dhe më pas kishte kanosur bashkëshorten e tij viktimën femër shqiptare shtetase e Shqipërisë. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës”.