Lajmet

​Infektiva përgatitet për linë e majmunit, Vishaj: Nuk përhapet me shpejtësinë e COVID-it

Ai tha se ekzistojnë kapacitetet e nevojshme për ballafaqim me këtë sëmundje.

Published

3 years ago

on

Kosova ende nuk ka regjistruar asnjë rast të prekur nga lija e majmunit, një sëmundje e re e cila ka prekur shumë vende të botës, por në Klinikën Infektive tashmë janë bërë të gjitha përgatitjet për trajtimin e pacientëve të mundshëm të prekur me këtë sëmundje.

Drejtori i Klinikës Infektive, Arben Vishaj, deklaroi se është evidente që edhe për Kosovën ekziston rreziku i përhapjes së kësaj sëmundjeje.

Vishaj u shpreh se kjo sëmundje nuk përhapet shpejt sikurse COVID-19, prandaj ekzistojnë kapacitetet e nevojshme për ballafaqim me këtë sëmundje.

“Jemi duke e ndjekur situatën me një vëmendje të veçantë edhe Kosova është pjesë e Evropës dhe mundësia e ardhjes së pacientëve me lijën e majmunëve është e mundur, për këtë arsye Klinika Infektive ka marrë të gjitha masat e duhura përmes një plani të veprimit në rast të ardhjes së ndonjë pacienti eventual… Ndonëse është një sëmundje e re, por në aspektin e infrastrukturës kemi një infrastrukturë të domosdoshme për trajtimin e këtyre pacientëve dhe jemi duke shikuar protokollet dhe rekomandimet të cilat dalin për trajtimin e pacientëve të tillë dhe në bazë të të dhënave që i kemi ne jemi të gatshëm që t’i aplikojmë në përpikëri protokollet të cilat jepen nga institucionet e duhura… Situata është e qetë në Kosovë, nuk kemi raste edhe nëse ndodh të kemi mendohet se kjo sëmundje nuk përhapet shpejt në popullatë dhe kapacitetet tona, qoftë infrastrukturore, qoftë me staf, janë të mjaftueshme që të përballen me këtë sëmundje”, theksoi ai.

Si sëmundje e cila është karakteristikë e vendeve të Afrikës Qendrore, infektologu Vishaj tha se lija e majmunit rrezikon çdo moshë apo person që ka kontakt të afërt me personat apo kafshët e infektuara. Ai shtoi se deri në këto momente përhapja më shumë është vërejtur tek homoseksualët dhe biseksualët.

“Kjo sëmundje përhapet përmes kontakteve të afërta duke rënë në kontakt me pacientë që janë në fazën e viremisë, apo pacientët e infektuar, ose duke rënë në kontakt me majmunët, produktet e tyre ose të brejtësve në zonat endemike… Është e vërtet në bazë të të dhënave që i kemi marr është folur se në dy vende në Belgjikë dhe Spanjë ka pasur organizim të grumbullit të madh të njerëzve të komunitetit LGBT dhe tek këta ka pasur raste tek biseksualët dhe homoseksualët të cilët është paraqitur kjo formë, por ende nuk ka një vendim të plotë dhe definitiv që na tregon se cilat mosha janë më tepër dhe arsyen e një përhapje të tillë në këto vende”, theksoi Vishaj.

Drejtori i Klinikës Infektive, Arben Vishaj beson që nuk do të ketë nevojë për vaksinim masiv ashtu siç ndodhi me pandeminë COVID-19.

Infektologu Vishaj, duke treguar për simptomat e kësaj sëmundjeje, këshillon qytetarët që të rrinë te qetë dhe të mos përjetojnë panik.

“Njerëzit të cilët kanë qenë në Afrikën Qendrore apo Perëndimore dhe kanë shtegtuar nëpër zona ku potencialisht kanë mundur të jenë të kontaminuar me produkte të minjve apo kanë rënë në kontakt me majmunët është e mundur të manifestojnë ndryshe, nëse ata infektohen në formë të temperaturës, etheve, dhe ndryshimeve të lëkurës që janë karakteristike në formë të puçërrzave që mbushen me ujë dhe ënjtje të gjëndrave limfatike, pastaj kanë edhe mundim dhe të vjella”, u shpreh ai.

Organizata Botërore e Shëndetësisë (OBSh) ka paralajmëruar se mund të ketë rritje të rasteve me virusin e rrallë, të ashtuquajtur lia e majmunëve, për shkak të organizimit më të madh të festave në muajt e verës. Ndërsa, në më shumë se 100 raste të infeksionit viral janë konfirmuar në Belgjikë, Francë, Gjermani, Itali, Portugali, Spanjë, Suedi, Holandë dhe Britani, ShBA, Kanada, Austri e së fundmi edhe në Slloveni. 

Related Topics:
Continue Reading

Aktualitet

KQZ miraton vendime për decertifikim dhe certifikim të kandidatëve për zgjedhjet lokale 2025

Published

4 minutes ago

on

August 27, 2025

By

Komisioni Qendror i Zgjedhjeve (KQZ), në mbledhjen e mbajtur ka miratuar një seri vendimesh për decertifikimin e disa kandidatëve që më herët ishin certifikuar dhe zëvendësimin e tyre me kandidatë të tjerë për zgjedhjet lokale të vitit 2025.

Sipas vendimeve të KQZ-së:
• Lëvizja VETËVENDOSJE!: Decertifikim i 2 kandidatëve dhe certifikim i 3 kandidatëve të rinj
• Lidhja Demokratike e Kosovës (LDK): Decertifikim i 2 kandidatëve dhe certifikim i 2 kandidatëve të rinj
• GUXO: Decertifikim i 3 kandidatëve
• Alternativa: Decertifikim i 2 kandidatëve
• Bashkimi Demokratik: Decertifikim i 1 kandidati
• Kosovski Savez: Decertifikim i 1 kandidati
• Koalicija VAKAT: Decertifikim i 1 kandidati

Këto vendime vijnë në kuadër të përgatitjeve për procesin zgjedhor lokal dhe kanë për qëllim të saktësojnë listat e kandidatëve që do të garojnë në zgjedhjet e vitit 2025, duke siguruar që ato të jenë të përditësuara dhe në përputhje me rregullat e KQZ-së.

Continue Reading

Aktualitet

OEK shpreh shqetësim të thellë lidhur me faturat e energjisë elektrike

Published

6 minutes ago

on

August 27, 2025

By

Oda Ekonomike e Kosovës së bashku me Shoqatën e Prodhuesve të Kosovës në kuadër të saj, kanë shprehur shqetësimin e thellë lidhur me faturat e energjisë elektrike të muajve të fundit, të cilat sipas tyre po shndërrohen në një barrë të papërballueshme për sektorin prodhues.

Në komunikatën e lëshuar për media thuhet se që nga dita e parë, Oda Ekonomike e Kosovës së bashku me Shoqatën e saj Prodhuese, ka ngritur zërin publikisht dhe institucionalisht se dalja e detyrueshme e prodhuesve në tregun e lirë do të rezultojë me çmime të papërballueshme për bizneset. Sot, fatkeqësisht, po vërtetohet pikërisht ajo për të cilën kemi paralajmëruar.

OEK ka paraqitur edhe disa të dhëna zyrtare, që sipas tyre, bizneset prodhuese të obliguara të furnizohen në tregun e lirë kanë paguar 162 €/MWh në qershor 2025 dhe 203 €/MWh në korrik 2025.

Në të njëjtën periudhë, konsumatorët në furnizim të rregulluar kanë paguar vetëm 65–75 €/MWh.

Ky dallim i pajustifikuar, mbi 3 herë më i lartë për prodhuesit, ka sjellë pasoja të rënda për konkurrueshmërinë e fabrikave tona dhe i ka vendosur prodhuesit kosovarë në pozitë të pabarabartë në raport me sektorët e tjerë të brendshëm dhe konkurrentët rajonalë.

Në kulmin e verës, kur normalisht pritet ulje e çmimeve, faturat e prodhuesve janë rritur në nivele rekord. Kjo ngre alarmin se në periudhën e dimrit, kur konsumi dyfishohet, çmimet mund të kalojnë edhe 300 €/MWh, duke shkaktuar pasoja të pariparueshme si:

mbyllje të fabrikave,

humbje të mijëra vendeve të punës,

rrëzim të prodhimit vendor dhe rritje të varësisë nga importet.

 

 

Continue Reading

Aktualitet

Abdixhiku takohet më diplomatë të Francës, diskutohet edhe bllokada institucionale

Published

11 minutes ago

on

August 27, 2025

By

Kryetari i LDK-së, Lumir Abdixhiku, priti në takim të dërguarin e posaçëm të Francës për Ballkanin Perëndimor, René Troccaz dhe ambasadorin e Francës në Kosovë, Olivier Guérot.

Abdixhiku njoftoi se u diskutua edhe bllokada institucionale.

“Gjatë bisedës sonë diskutuam mbi zhvillimet e fundit politike në vend dhe situatën aktuale, veçanërisht sfidat me të cilat po përballet Kosova nga bllokada institucionale deri te pasojat e qeverisjes populiste si dhe qëndrimet e LDK-së karshi kësaj gjendjeje. Theksova qartë se Lidhja Demokratike e Kosovës nuk mbështet praktika që dëmtojnë funksionimin kushtetues dhe normalitetin institucional të vendit. Ata që e kanë nisur këtë rrugëtim, duhet të marrin përgjegjësinë për krizat që i shkaktojnë me vetëdije”, tha ai.

Në fund, shpreha mirënjohjen time për mbështetjen e vazhdueshme që Franca i ka dhënë Kosovës në të gjitha proceset e saj shtetformuese dhe për rolin e rëndësishëm të saj në mbështetjen e integrimit evropian të vendit tonë”, shkroi në Facebook Abdixhiku.

Continue Reading

Aktualitet

59 të vdekur në trafik për shtatë muaj në rrugët e Kosovës

Published

13 minutes ago

on

August 27, 2025

By

59 persona kanë vdekur në aksidentet e trafikut në rrugët e Kosovës në periudhën janar-korrik të këtij viti.

Në një apel për pjesëmarrësit në trafik, Policia ka kërkuar nga drejtuesit e automjeteve që të jenë vixhilentë në komunikacion dhe të shmangin aksidentet të cilat shpesh po rezultojnë me fatalitet.

Në këto shifra nuk janë llogaritur edhe aksidentet e muajit gusht.

“Policia e Kosovës, për të gjithë ata pjesëmarrës në trafik, e në veçanti për drejtuesit e automjeteve, të cilët bëjnë shkelje të ligjeve e rregullave të trafikut po ndërmerr dhe do të ndërmerr masa ndëshkuese sipas ligjeve në fuqi, me te vetmin qellim parandalimin e aksidenteve të tilla tragjike”, thuhet në apelin e Policisë.

 

Continue Reading

Të kërkuara