Ministri i Mbrojtjes i Kosovës, Ejup Maqedonci, ka pritur sot me një ceremoni të lartë ushtarake homologun e tij nga Shqipëria, Ermal Nufi.

Pas nderimeve shtetërore nga Garda e FSK-së, dy ministrat kanë nisur një takim dypalësh në ambientet e ministrisë, ku në fokus është koordinimi i mbrojtjes dhe sigurisë mes dy vendeve.

Vizita e ministrit Nufi në Prishtinë vjen pas një jave intensive aktivitetesh, ku ai zhvilloi takime edhe me ministrin kroat të mbrojtjes, Ivan Anusiq. Sipas Nufit, diskutimet e fundit me aleatët rajonalë kanë synuar thellimin e bashkëpunimit ushtarak dhe adresimin e temave që lidhen me stabilitetin dhe paqen në rajon.

Pas përfundimit të takimit në Prishtinë, Maqedonci dhe Nufi pritet të dalin në një konferencë të përbashkët për media për të shpalosur detajet e marrëveshjeve apo pikave të diskutuara.

Spitali “United Hospital” në Prishtinë ka bërë një hap të rëndësishem në modernizimin e diagnostikës mjekësore duke instaluar sistemin e avancuar MRI, Philips MR 5300 BlueSeal.

Ky projekt është realizuar me sukses nga kompania “Unicare”, si përfaqësuese zyrtare e Philips Healthcare, duke e bërë “United Hospital” spital të parin në rajon që operon me këtë teknologji të gjeneratës së fundit.

Sistemi i ri MRI 1.5T dallohet për teknologjinë inovative BlueSeal, e cila funksionon me sasi minimale heliumi, duke eliminuar nevojën për rimbushje dhe duke rritur sigurinë dhe efikasitetin operacional.

Falë integrimit të Inteligjencës Artificiale (AI), pajisja mundëson skanime deri në 50% më të shpejta, gjë që përkthehet në saktësi më të lartë diagnostike dhe më pak kohë pritjeje për pacientët.

Përveç shpejtësisë, MR 5300 ofron rezolucion të lartë të imazhit dhe një ambient më komod gjatë ekzaminimit.

Duke operuar ekskluzivisht me pajisje të markës Philips, United Hospital rikonfirmon përkushtimin për të ofruar standardet më të larta të kujdesit shëndetësor në vend përmes teknologjisë më të avancuar në tregun global.

17 prill 1993

Lajmet kryesore:

Në Prizren policia keqtrajtoi tre nxënës

Në fshatin Tupec ushtria serbe legjitimon qytetarët

Emision i Radio-Sarajevës për të humburit në luftë

Bartholome: Nuk ka më kohë për bisedime

Partitë gjermane vazhdojnë debatin për angazhimin e forcave ushtarake të Gjermanisë në Ballkan

Policia shtiu me automatik në stacionin e autobusëve

Largimi nga banesat në funksion të spastrimeve etnike

Ushtarakë e policë në Vushtrri

 

 

 

17 prill 1995

Lajmet kryesore:

Arrestime të funksionarëve lokalë politikë e të pushtetit lokal edhe në Kamenicë

Huliganë të panjohur thyen dritaret e selisë së Degës së LDK-së në Kamenicë

Ditën e tregut në Orllan policia bllokoi të gjitha rrugët

Dënohet sulmi kundër drejtorit të shkollës

Shqiptarët në Australi ndihmuan shkollën shqipe me 18 mijë dollarë australianë

Nga arresti u liruan gjashtë aktivistë të Kaçanikut

Dëshmitarët thanë se në trupin e tyre shihen shenjat e dhunës nga tortura.

Dhuna e përditshme në Kosovë

Policia financiare ndërhyri në Rahovec

Inspeksioni serb i tregut mbylli 12 shitore në Prizren

Bujku: “Ballkanikusi i ri antishqiptar”

Në Norvegji doli numri më i ri i revistës “Liria”

Doli nga shtypi monografia “Faik Konica” e Jup Kastratit

Dha shtëpinë për ambulancën humanitare

Shoqata e Pavarur e Juristëve të Kosovës mban më 22 prill Kuvendin

Policia serbe ndërpreu dy ndjeshje futbollistike

Në Bruksel mbahet Simpoziumi ndërkombëtar me temën “Shqiptarët në rrjedhë të shekujve”

 

 

 

 

17 prill 1997

 

Lajm i plotë:

Sulm terrorist ndaj familjes së Musa Dedajt në Guskë të Gjakovës

Prishtinë, 17 prill (QIK)

Parbrëmë, rreth orës 17, persona të panjohur vendosën një bombë dore në automjetin e tipit “Opel askona” me targë të Gjakovës nr. 263-28, pronë e Musa Dedajt nga Guska e Gjakovës.

1. Dedaj i tha KI të Degës së LDK-së në Gjakovë se sapo kishte hyrë në automjet kishte vërejtur se diçka nuk ishte në rregull me frenat e automobilit të tij. Më pastaj ai vërejti se nën pedalen e frerit të veturës së tij, e mbështjellë me një shirit ngjitësi, ishte vendosur një bombë dore, të cilën ai e hoqi.

Meqë bomba ushtonte dhe ai kishte frikë se ajo mund t’i eksplodonte në dorë, z. Dedaj e hodhi bombën e cila eksplodoi në ajër.

Me këtë rast lëndime të lehta trupore pësoi vajza e tij, Angjelina Dedaj – Frrokaj.

Pesë anëtarë të familjes Dedaj po planifikonon të niseshin për rrugë me automobilin e tyre dhe vetëm fati dhe veprimi i shpejtë i shpëtoi nga vdekja.

KI i Degës së LDK-së në Gjakovë, duke mos qenë në dijeni të arsyes së këtij sulmi ndaj familjes Dedaj, përcjellë deklaratën e Musasë i cili thotë se nuk ka raporte të këqia me askë dhe nuk është në gjendje të kuptojë arsyet e këtij akti.

Familjen Dedaj në Guskë të Gjakovës e vizitoi dje një delegacion i Partisë Liberale të Kosovës, i përbërë nga Gjergj Dedaj, kryetar dhe Sokol Blakaj, sekretar.

Shërbimi për Informim i PLK-së thekson se drejtues të kësaj partie dhe banorë të këtij fshati që ishin mbledhur me këtë rast dënuan këtë akt të paramenduar terrorist kundër kësaj familjeje të pafajshme.

Në njoftim theksohet se në këtë kohë aktet e tilla dhe sulmet ndaj jetës së njerëzve janë bërë përditshmëri dhe secili qytetar i është nënshtruar dhunës dhe terrorit me rrezik të përhershëm, ndërkaq për krime të bëra nuk përgjigjet askush dhe kryesit e veprave zakonisht mbesin të pazbuluar edhe pse, siç dihet, Kosova është vazhdimisht e kontrolluar nga forca të mëdha policore serbe.

Musa Dedaj është anëtar i familjes së ngushtë të kryetarit të Partisë Liberale të Kosovës, Gjergj Dedajt.

 

Lajme të tjera:

Kryetari Rugova priti kryeredaktorin e “Bujkut”

Tubim për Kosovën në Vjenë

Shkodër – Kukës: Çdo ditë 90-100 makina me hekurishte kalojnë në Mal të Zi

Në Tiranë zbarkuan ushtarët grekë

Arritën ndihmat e para të OKB-së

Në Shkodër arriti policia speciale

Presion i policisë mbi familjen Kastrati në Prishtinë

U keqtrajtua rëndë një anëtar i KKF në Shtime

Plaçkitje në tregun e Gjilanit

U mor në pyetje një veprimtar i SHHB “Nëna Tereze”

U mor në pyetje drejtori i Shkollës Fillore në Gllogjan

Bleu e dorëzoi armën dhe sërish u rrah nga policia

Driton Rukiqit iu plaçkitën 770 DM

Në Mitrovicë policia plaçkiti një qytetar

Banorët serbë të Gorazhdecit synojnë ta dëbojnë familjen Muriqi nga ky fshat

SBASHK ndihmoi mësimdhënsit me 20. 000 DM

Në Lipjan, Rahovec e Dragash arsimtarëve iu dhanë pagat

Ekonomia serbo-malazeze e mbylli vitin e kaluar me 12,5 miliardë dinarë humbje

 

17 prill 1998

Edicioni i parë (Ora 11:00)

Lajmet kryesore:

Konferencë për gazetarë e Kryetarit Rugova

Forcat serbe plagosën dy të rinj në Ponoshec, ndërsa banorët po largohen nga fshati

Milo: Serbët po përpiqen të ngrenë akuza edhe kundër shtetit shqiptar

Mediumet serbe njoftojnë për konflikt të ushtrisë jugosllave me kontrabandistë armësh

 

Edicioni i dytë (Ora 13:30)

Lajmet kryesore:

Shetitje protestuese në ditën e tetë

Vendet ballkanike vlerësojnë Kosovën si kërcënimin më serioz të sigurisë në rajon

“Frankfurter algemaine”: Shqiptarët nuk duan të kthehen në Serbi

Gjakovë: Përqendrime forcash serbe përgjatë kufirit

Ushtria bën stërvitje nëpër oborre të shqiptarëve!

Forca ushtarake në Zajm të Klinës

Fluturime aeroplanësh dhe të shtëna në zonën kufitare – policët vëzhgojnë terrenin në Junik

Vushtrri: Nxënësit në shënjestër të policisë serbe

Në Han të Elezit ushtria shtin në kalimtarë dhe i legjitimon ata

Prapë presione policore mbi kryetarin e Degës së LDK-së në Dragash

Dy orë në stacionin e policisë në Prishtinë

Në Gostivar u mbajtën protesta kundër burgosjes së Rufi Osmanit

Australia angazhohet për zgjidhjen me negociata të çështjes së Kosovës

Kryeministri Nano priti ministrin e Jashtëm danez, Petersen

 

Edicioni i tretë (Ora 15:00)

Lajmet kryesore:

Shetitje protestuese edhe në Gjilan, Ferizaj, Vushtrri dhe Kaçanik

Gazetarët e “Flakës” së Shkupit u hodhën në një grevë urie

Të rinjtë shqiptarë thirren për rekrutim të dhunshëm në ushtrinë serbe

Kaçanik: Policia kërkon armë në shtëpitë e shqiptarëve

Foto: Gazeta “Flaka e Vëlalzërimit”, Shkup

Gjykata ka njoftuar se vendimi përfundimtar ndaj të akuzuarve për vrasjen e Liridona Ademajt do të shpallet zyrtarisht më 21 prill. Ky njoftim erdhi pas fjalës përfundimtare të prokurores Javorka Perlinçeviq, e cila kërkoi që Naim Murseli, Granit Plava dhe Kushtrim Kokalla të dënohen me burgim të përjetshëm.

Sipas prokurorisë, shqyrtimi gjyqësor ka vërtetuar se Murseli ishte arkitekti i planit për eliminimin e bashkëshortes së tij, duke u shtyrë nga raportet e tensionuara martesore dhe synimi për të përfituar financiarisht. Prokurorja theksoi se provat e administruara faktojnë përfshirjen e drejtpërdrejtë të të tre të akuzuarve në ekzekutimin e vrasjes, e cila tronditi opinionin publik.

Prokuroria kërkon dënim maksimal: Burgim i përjetshëm për vrasësit e Liridona Ademajt

Në seancën e sotme ku u dhanë fjalët përfundimtare, prokurorja Javorka Perlinçeviq ka kërkuar zyrtarisht dënimin me burgim të përjetshëm për Naim Murselin, Granit Plavën dhe Kushtrim Kokallën.

Sipas prokurorisë, provat e administruara gjatë gjykimit vërtetojnë se të pandehurit kanë bashkëpunuar për ekzekutimin e vrasjes, e cila ndodhi në prani të dy fëmijëve të mitur të viktimës.

Prokurorja theksoi se motivi kryesor i këtij krimi ishte përfitimi financiar nga polica e sigurimit jetësor të Liridonës, të cilën Murseli e kishte paguar vetëm pak kohë para se të niste organizimin e vrasjes përmes Kushtrim Kokallës.

Gjatë procesit u bë e ditur se raportet mes bashkëshortëve ishin të prishura dhe se viktima kishte refuzuar shkurorëzimin, gjë që sipas prokurorisë, e shtyu Murselin drejt planit për hakmarrje.

Si dëshmi kyçe janë përmendur analizat e telefonave dhe komunikimet mes të akuzuarve. Një mesazh i dërguar nga Naim Murseli drejt Granit Plavës një ditë para krimit, ku thuhej se “kjo përfundon nesër”, vërteton marrëveshjen paraprake për vrasjen kundrejt premtimit për pagesën prej 30 mijë eurosh.

Edhe pse Murseli ishte deklaruar i pafajshëm në fillim të procesit, Prokuroria vlerëson se i gjithë plani, që nga sigurimi i armës e deri te koordinimi i vrasësit, është argumentuar plotësisht gjatë këtij shqyrtimi gjyqësor.