Lajmet

​Ekzekutohen pagat e tetorit, por pa shtesa

As me pagat e shtatorit nuk ishin ekzekutuar shtesat prej 50 eurosh.

Published

on

Ministria e Financave, Punës dhe Transfereve ka ekzekutuar sot pagat e muajit tetor për punonjësit e sektorit publik, por jo edhe shtesat prej 50 euro në muaj në kuadër pakos për përballje me inflacionin.

As me pagat e shtatorit nuk ishin ekzekutuar shtesat prej 50 eurosh, por ishte thënë se kjo do të ndahet me pagën e tetorit.

Po kështu shtesat për muajin tetor prej 100 euro nuk i morën me pagën e tetorit as punëtorët e ndërmarrjeve publike, sidomos ata të Telekomit të Kosovës.

Nga Ministria e Financave nuk janë përgjigjur, por mësohet se ende shtesat për këto kategori nuk kanë dalë.

Kryetari i Sindikatës së Telekomit të Kosovës, Lamih Balaj, ka thënë se pagat për muajin tetor kanë dalë sot në llogaritë bankare, por pa shtesat prej 100 eurosh.

“Pagat për muajin tetor kanë dalë sot, ndërsa sa i përket shtesave prej 100 eurove, nuk kemi marrë këtë shumë të shtesave. Në periudha të mëhershme, shtesat i kemi marrë përmes aplikimit, këtë herë nuk kemi asnjë informatë se si do procedohen, për mes listave për punëtorë, apo me aplikim. Por, shtesat deri tash nuk i ka marrë askush nga punëtorët e Telekomit… Atë që mundemi me thënë, është e sigurt se shtesat nuk i kanë marrë askush nga punëtorët e Telekomit”, theksoi Balaj.

Në Ministrinë e Financave, nuk janë përgjigjur as për numrin e bizneseve që kanë aplikuar për subvencionimin e pagave për punëtorët e sektorit privat në kuadër të pakos së fundit për përballje me inflacionin.

Aktualitet

FSK-ja realizon ushtrimin fushor “Ujku shigjetë” pesë ditë

Published

on

Trupat e Forcës së Sigurisë së Kosovës do të realizojnë ushtrimin fushor “Ujku Shigjetë” për pesë ditë.

FSK-ja ka njoftuar se gjatë këtyre ditëve do të ketë lëvizje të konvojeve nga bazat në drejtim të rajonit të Gjakovës, ndërkohë ka kërkuar mirëkuptimin e qytetarëve.

“Njoftojmë gjithë qytetarët e Republikës së Kosovës, se nga data 31 gusht deri më 05 shtator 2025 Forca e Sigurisë së Kosovës do të realizojë ushtrimin fushorë ‘Ujku Shigjetë’, në kuadër të përgatitjeve për validimin e Regjimentit të tretë.

Gjatë kësaj periudhe do ketë lëvizje të konvojeve nga vendbanimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës”, thuhet në njoftimin e FSK-së

Continue Reading

Aktualitet

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Published

on

Komisioni Qeveritar për Personat e Zhdukur, përmes një njoftimi ka bërë të ditur se sot nga ora 10:45, mbahen homazhe te Monumenti i Personave të Zhdukur. Kryesuesi i Komisionit Qeveritar për Personat e Zhdukur, Andin Hoti, ka bërë të ditur se deri më tani janë punuar 17 lokacione në Kosovë në kuadër të kërkimeve për personat e zhdukur.

Hoti tregoi se në 7 prej tyre janë zbuluar mbetje mortore.

“17 lokacione është punuar deri më tani në Kosovë, 7 prej tyre ka pasur gjetje të mbetjeve mortore (të cilat janë dërguar për analizë në Laborator të ICMP)”, u shpreh Hoti.

Sipas tij, aktualisht janë përfunduar disa gërmime, derisa pritën edhe 5 lokacione të gërmohet.

“Aktualisht i kemi përfunduar gërmimet në Vushtrri dhe Klinë në një lokacion. Janë edhe minimum 5 lokacione tjera që pritet të ndërmarrin veprim ekipet”, deklaroi Hoti.

Ai ka konfirmuar se mbetjet mortore të 9 individëve janë gjetur në lokacionet në Kosovë.

Në përpjekje për të ndriçuar fatin e të zhdukurve, lokacionet e gërmimeve mbeten pikë kyçe në procesin e kërkimit dhe identifikimit të mbetjeve mortore.

Continue Reading

Aktualitet

Një vdekje e dyshimtë në Skenderaj

Published

on

Një person është gjetur pa shenja jete në Skenderaj ditën e sotme ku policia po e heton si vdekje të dyshimtë.

“Është raportuar për një viktimë mashkull kosovar pa shenja jete. Në vendin e ngjarjes kanë dalë njësit relevante policore si dhe emergjenca ku mjeku kujdestar ka konstatuar vdekjen e viktimës”, thuhet në njoftim.

“Me vendim të prokurorit, trupi i pajetë është dërguar në IML për obduksion”, thuhet në raportin e PK-së.

Continue Reading

Aktualitet

Gucati: Së shpejti do të dalim me emrat e eksponentëve të VV-së që çuan dokumentacione në Hagë

Published

on

Kryetari i OVL-UÇK, Hysni Gucati ka deklaruar të enjten se brenda Lëvizjes Vetëvendosje ka dëshmitarë të Gjykatës Speciale.

Në një konferencë për media, ai përmendi emrin e ministres së Jashtme në detyrë, Donika Gërvalla, duke thënë se ajo ka dorëzuar dokumente në këtë gjykatë.

“Ne jemi bazuar gjithmonë në punimin shkencor duke parë Dimal Bashën që e ka bërë në vitin 2012, ku Dimal Basha thotë se në vitet e ’90-ta, Ushtria Çlirimtare e Kosovës është financuar nga dilerë të drogës, ku aty përfshihen të gjithë dëshmorët, ata që kanë rënë. Besoj e dini, që disa eksponentë të VV-së që janë aty sot, në Parlamentin e Kosovës kanë deponuar dokumentacione të Gjykatën Speciale në Hagë. Ministra Gërvalla gjithqysh, por ka edhe të tjerë”, u shpreh Gucati.

Sipas tij, janë disa këshilltarë të ministrave, ku paralajmëron se emrat e tyre do të dalin shumë shpejt.

“Shumë shpejt do të dalim me emra, ne nuk kemi nevojë t’i frikësohemi askujt. Ka ardhur koha ta ndajmë sharpin nga sheqeri, dhe të kuptohet një herë e mirë se kush e do vendin dhe kush nuk e do”, tha tutje kreu i OVL-UÇK-së.

Ai shton se i vjen turp për deputetët e Kosovës që votuan Dimal Bashën për kryetar të Kuvendit.

Continue Reading

Të kërkuara