Aktualitet

​Bordi ekzekutiv i MCC-së aprovon programin Kompakt

Projektet e mundshme të mbështetura përmes këtij mekanizmi përfshijnë gjenerimin e energjisë së ripërtërishme.

Published

4 years ago

on

Bordi Ekzekutiv i Korporatës së Sfidave të Mijëvjeçarit, (MCC), në mbledhjen e rregullt më 30 qershor 2022 ka aprovuar Projektin Kompakt si dhe kanë hapur rrugën për nënshkrimin dhe finalizimin e proceseve të ratifikimit në Kuvendin e Kosovës dhe dekretimin nga presidentja Vjosa Osmani.

Nga ky financim 200 milionë dollarësh do të vijë në formë granti nga SHBA përmes MCC-së, rreth 35 milionë dollarë do të jetë kontribut nga Qeveria e Kosovës, ndërsa 2 milionë do të jenë fonde nga Institucioni Amerikan i Katalizatorit për Zhvillim (ACFD-së).

Programi do të përfshijë tri projekte rezerva dhe arbitrazh të energjisë (bateritë me kapacitet 170 MW, që ofrojnë rezervë 340 MWh), zhvillimi i fuqisë punëtore dhe përfshirja e grave në sektor të energjisë, dhe projekti i Institucionit Amerikan të Katalizatorit për Zhvillim.

Projekti i parë konsiston në blerjen dhe instalimin e baterive me kapacitet të lartë, që shërbejnë si rezerva të energjisë.

Kapaciteti i sistemit akumulues të energjisë pritet të jetë më i madhi në Evropë për kokë-banori, dhe shënon njërin prej projekteve më inovative në rajon dhe më gjerë.

Rezerva do të përdoret për stabilizimin e frekuencës së luhatshme të rrymës elektrike si pasojë e disbalancit të furnizimit dhe konsumit.

Bateritë po ashtu mund të përdoren për arbitrazh të energjisë, që do të thotë, për ruajtjen e energjisë në orët e hershme të mëngjesit kur shpenzimi është i ulët, me qëllim të përdorimit të saj kur është nevoja gjatë orëve me konsum të lartë.

Tutje, bateritë do të mund të lidhen shumë lehtë me burime solare, të erës, dhe burime të ngjashme, gjë që do ta përshpejtoj kalimin e Kosovës në burime të ripërtërishme dhe të qëndrueshme të energjisë.

Projekti i dytë përfshinë dy aktivitete zhvillimin e Fuqisë Punëtore Energjetike për të Ardhmen, që synon të krijojë një program të studimit që do të zhvillojë aftësitë e individëve që do të punojnë në sektor të energjisë, kështu duke e mbështetur edhe investimin me MCC-në; dhe fuqi punëtore gjithëpërfshirëse në sektor të energjisë që do të synojë përfshirjen më të madhe të grave në sektor përmes disa nën-aktiviteteve siç janë mbështetja e punëdhënësve në sektor për ambient më të përshtatshëm për gra, rritja dhe fuqizimi i rrjetit të grave në energji dhe dhënia e çmimit për vendet më të mira të punës për gra.

Projekti i tretë është financim nga Institucioni Amerikan i Katalizatorit për Zhvillim, apo ACFD, i cili ka për qëllim të nxisë financimin e sektorit privat nga Korporata Financiare e Zhvillimit Ndërkombëtar (DFC) të Shteteve të Bashkuara në Kosovë.

Specifikisht, projekti synon të rrisë përfshirjen e sektorit privat gjatë implementimit të programit Kompakt në fushat që mbështesin ose plotësojnë objektivat e projektit të rezervave të energjisë dhe atë të zhvillimit të fuqisë punëtore.

Projektet e mundshme të mbështetura përmes këtij mekanizmi përfshijnë gjenerimin e energjisë së ripërtërishme dhe hapjes së mundësive për financim për agjendë të gjelbër.

Investimet e programit Kompakt do të jenë pronë e Kosovës, dhe shënojnë njërin nga bashkëpunimet më të rëndësishme në mes të Republikës së Kosovës dhe Shteteve të Bashkuara të Amerikës, thuhet në njoftimin e Qeverisë së Kosovës.

Related Topics:
Continue Reading

Aktualitet

Tragjeditë e deritashme nga vërshimet në Nepal

Published

1 hour ago

on

August 27, 2026

By

Tragjedia e fundit në Nepali solli në kujtesë disa tragjedi, afërisht të njëjta, të ndodhur anë këtë rajon. Vërshimet dhe rrëshqitjet e dheut në korrik të vitit 1993 morën jetën e më shumë se 1300 personave. Deri në tragjedinë e këtyre ditëve llogaritej tragjedia më e rëndë, shkaktuar nga vërshimet. Erdhi pas reshjeve të jashtëzakonshme monsunike.

Në vitin 2008, lumi Koshi ndryshoi rrjedhën pas thyerjes së një dige pranë kufirit me Indinë. Qindra mijëra njerëz u detyruan të largohen nga shtëpitë e tyre. Edhe në vitin 2014, ndodhën vërshime dhe rrëshqitje dheu. Reshjet e dendura monsunike shkaktuan përmbytje në pjesën perëndimore të Nepalit. Mbetën mbi 200 viktima, ndërsa mijëra banorë u zhvendosën, si dhe shumë fshatra u izoluan.

Një përmbytje e befasishme në luginën Melamchi, pranë Kathmandusë ndoshi në vitin 2021. Shkas ishin reshjet ekstreme dhe rrjedhjet e fuqishme me baltë e gurë. U shkatërruan ura, rrugë dhe pjesë të projektit të madh të furnizimit me ujë të Kathmandusë. Dhjetëra persona humbën jetën ose u shpallën të zhdukur.

Të paktën 66 persona humbën jetën në përmbytjet e mëdha të shtatorit 2024. Reshjet e mëdha shkaktuan vërshime dhe rrëshqitje të dheut në shumë pjesë të Nepalit. Gjitashtu, u dëmtuan rrugë, ura dhe zona të banuara përreth Kathmandusë.

 

Continue Reading

Aktualitet

Përmbytjet në Nepal: Fshatra të tërë fshihen nga dheu, mbi 70 pelegrinë ndër të zhdukurit

Published

1 hour ago

on

August 27, 2026

By

Detajet e fundit nga ngjarja katastrofike në kufirin mes Nepalit dhe Kinës konfirmojnë se situata në terren mbetet tejet kritike, ndërsa numri i viktimave dhe të zhdukurve vazhdon të rritet pas shembjes masive të akullnajës.

David Fisher, kreu i Kryqit të Kuq në Nepal, bëri të ditur se shumë zona në veri mbeten të izoluara totalisht. Urat dhe rrugët e shkatërruara nga ujërat e furishme e bëjnë të mundur ndërhyrjen vetëm përmes helikopterëve. Fshatra të tërë dhe tregje janë fshirë plotësisht nga dheu, ndërsa mijëra banorë kanë kaluar natën në qiell të hapur.

Ndërkohë, mes qindra të zhdukurve figuron edhe një grup prej të paktën 77 pelegrinësh ndërkombëtarë të fondacionit “Isha Foundation”. Lidhja me ta u shkëput papritur brenda një dritareje prej 10 minutash gjatë rrugëtimit të tyre krah Katmandusë. Në këtë grup ndodhen shtetas nga SHBA-ja, Australia, Mbretëria e Bashkuar dhe vende të tjera evropiane e aziatike.

Përpjekjet e kërkim-shpëtimit po vazhdojnë në kushte tejet të vështira, ndërsa autoritetet lokale dhe organizatat ndërkombëtare frikësohen se bilanci i viktimave do të rritet ende gjatë orëve në vijim. /BBC/

Continue Reading

Lajmet

Istog: Viktima raporton se u sulmua fizikisht dhe seksualisht nga tre persona

Published

2 hours ago

on

August 27, 2026

By

Sipas raportit 24-orësh të Policisë së Kosovës, një rast i dhunimit është raportuar të ketë ndodhur në Komunën e Istogut.

Viktima, burrë, ka deklaruar në polici se fillimisht është sulmuar fizikisht nga tre persona të dyshuar, po ashtu meshkuj kosovarë, e më pas është dhunuar seksualisht prej tyre.

Për shkak të lëndimeve të pësuara, viktima ka marrë trajtimin e nevojshëm mjekësor në Spitalin e Pejës.

Lidhur me ngjarjen është njoftuar prokurori i shtetit, me urdhër të të cilit rastit i është hapësiruar hetimi dhe njësitë kompetente po punojnë për zbardhjen e plotë të rrethanave dhe identifikimin e të dyshuarve. /E.A/

Continue Reading

Lajmet

Mjete të pashpërthyera, armë e uniforma ushtarake janë gjetur gjatë punimeve në rrugë në Gjilan

Published

2 hours ago

on

August 27, 2026

By

Gjatë kryerjes së punimeve rrugore në Gjilan, janë hasur disa mjete të pashpërthyera dhe pajisje ushtarake, të cilat dyshohet se i përkasin periudhës së luftës.

Sipas raportit zyrtar, në vendngjarje janë gjetur granata dore, armë të gjata, karikatorë, fishekë si dhe uniformë ushtarake.

Njësitë policore kanë reaguar menjëherë duke bërë sigurimin e plotë të zonës, ndërsa njësitë e specializuara për deminim nga KFOR-i dhe Forca e Sigurisë së Kosovës (FSK) kanë dalë në vendin e ngjarjes. Mjetet e dyshimta janë tërhequr në mënyrë të sigurt nga punonjësit e deminimit, pa shkaktuar asnjë incident. /E.A/

Continue Reading

Të kërkuara