Sport

Zyrtari ukrainas e cilëson Komitetin Olimpik Ndërkombëtar si “promovues lufte”

Ukraina paralajmëroi javën e kaluar se mund të bojkotojë Lojërat Olimpike Verore 2024 në Paris.

Published

on

Një këshilltar i presidentit të Ukrainës e ka akuzuar Komitetin Olimpik Ndërkombëtar (IOC) për “promovim të luftës” pasi KON-i tha se do të “eksplorojë një shteg” për atletët nga Rusia dhe Bjellorusia për të marrë pjesë në garat ndërkombëtare si neutralë.

“[IOC] është një promovues i luftës, vrasjeve dhe shkatërrimit. IOC shikon me kënaqësi Rusinë duke shkatërruar Ukrainën dhe më pas i ofron Rusisë një platformë për të promovuar gjenocidin dhe inkurajon vrasjet e tyre të mëtejshme”, shkroi Mykhailo Podolyak në Twitter.

“Natyrisht paratë ruse që blejnë hipokrizinë olimpike nuk kanë erë gjaku ukrainas. Po, zoti Bach?”, shtoi ai, duke iu referuar presidentit të IOC-ut, Thomas Bach.

Ukraina paralajmëroi javën e kaluar se mund të bojkotojë Lojërat Olimpike Verore 2024 në Paris nëse atletëve rusë dhe bjellorusë iu lejohet pjesëmarrja./UBTNews/

Lajmet

​Lëndohet ylli i Interit

Published

on

Futbollisti Henrikh Mkhitaryan është detyruar të lërë fushën në minutën e 32-të të ndeshjes kundër Napolit për shkak të një problemi fizik.

Sipas testeve mjekësore të kryera në Institutin “Humanitas” në Rozzano, mesfushori armen ka pësuar tendosje muskulore në muskulin semitendinosus të kofshës së majtë.

Interi njoftoi se gjendja e tij do të rivlerësohet javën e ardhshme, ndërsa koha e rikuperimit ende nuk është përcaktuar.

Skuadra e Cristian Chivu do të përballet të mërkurën (29 tetor) me Fiorentinën në “San Siro”, ndërsa më 2 nëntor udhëton në Verona për sfidën ndaj ekipit vendas./S.K/KP/

Continue Reading

Lajmet

​De Bruyne mbyll vitin 2025, dyshohet për një dëmtim të rëndë

Published

on

Kevin De Bruyne rrezikon ta mbyllë para kohe vitin 2025 pas lëndimit të pësuar në ndeshjen Napoli–Inter.

Mesfushori belg u detyrua të largohej nga fusha menjëherë pas shënimit të golit nga penalltia, pasi ndjeu dhimbje në kofshën e djathtë dhe më pas u pa me paterica në pankinë.

Sipas Gazzetta dello Sport, dyshohet për një këputje të rëndë në bicepsin femoris, e cila mund ta mbajë jashtë fushave për disa muaj. Napoli shpreson që dëmtimi të mos ketë prekur zonën ku lojtari u operua në vitin 2023 gjatë kohës së tij te Manchester City.

Nëse konfirmohet se bëhet fjalë për një dëmtim serioz, De Bruyne mund t’i nënshtrohet një operacioni, gjë që do ta detyronte të mungojë për pjesën e mbetur të sezonit. Edhe në rastin më të mirë, ai pritet të qëndrojë jashtë për dy ose tre muaj, duke i dhënë fund praktikisht vitit 2025.

Napoli ndërkohë mund të detyrohet të bëjë ndryshime në listën e Ligës së Kampionëve, me mundësi që në vend të belgut të përfshihet njëri mes Marianuccit apo Mazzocchit. Rezultatet e ekzaminimeve priten të përcaktojnë kohën e rikuperimit të mesfushorit./S.K/KP/

Continue Reading

Lajmet

​Juventusi shkarkon trajnerin Tudor

Published

on

Humbja ndaj Lazios i ka kushtuar trajnerit Igor Tudorit, ku klubi bardhezi ka vendosur ta shkarkojë trajnerin kroat pas një serie rezultatesh të dobëta në fillim të këtij sezoni.

Sipas La Gazetta dello Sport detyrën e përkohshme të trajnerit do ta marrë Massimo Brambilla, deri në emërimin e pasardhësit të ri.

Nën drejtimin e Tudorit, Juventusi ka zhvilluar tetë ndeshje në Serie A, ku ka grumbulluar vetëm 12 pikë dhe ndodhet aktualisht në vendin e tetë të renditjes.

Në fazën e grupeve të Champions League, bardhezinjtë kanë siguruar vetëm dy pikë në tre takime, çka ka thelluar krizën e skuadrës torineze./S.K/KP/

Continue Reading

Lajmet

​Barcelona synon huazimin e Son Heung-min

Published

on

Barcelona po shqyrton mundësinë për të huazuar sulmuesin korean, Son Heung-min, nga Los Angeles FC, duke përfituar nga një klauzolë e veçantë në kontratën e tijm, e njohur si ligji i Beckham.

Kjo rregullore lejon lojtarët e MLS të kalojnë përkohësisht në klube evropiane gjatë pushimit të kampionatit amerikan, pa e prishur kontratën me ekipin aktual.

Sipas mediave spanjolle, drejtuesit e Barcelonës po e analizojnë seriozisht këtë mundësi, pasi një marrëveshje huazimi do t’u mundësonte të përforcojnë skuadrën pa shpenzime të mëdha.

Për Son-in, një kalim i përkohshëm në Evropë do të ishte ideal për t’u përgatitur në formën më të mirë para Kupës së Botës 2026, ndërsa për Barcelonën do të sillte eksperiencë, gola dhe ndikim të menjëhershëm në ofensivë.

Aktualisht, sulmuesi 33-vjeçar po shkëlqen me Los Angeles FC në MLS, ndërsa ideja e një huazimi në “Camp Nou” shihet si një lëvizje strategjike nga të dyja palët./S.K/KP/

Continue Reading

Të kërkuara