Sport

Ylli i Premier League refuzon transferimin te Manchester United

Dubvraka luajti për Neëcastle të martën mbrëma, teksa mundën me rezultatin 3-1 Evertonin.

Published

5 years ago

February 9, 2022

Betim Gashi

Portieri i Newcastle, Martin Dubravka, refuzoi në minutë të fundit një huazim te Manchester United.

Nga mediat angleze bëhet me dije se Dubravka iu ofrua United si pjesë e një marrëveshje shkëmbimi, e cila do të bënte që Dean Henderson të bashkohej me Newcastle në formë huazimi deri në fund të sezonit.

Henderson ka luftuar për mundësitë e aktivizimit te ekipi i parë këtë sezon, me portierin e parë David De Gea që duket në formë të mirë.

Trajneri i përkohshëm i United, Ralf Rangnick së fundmi konfirmoi se Henderson kishte dorëzuar një kërkesë për transferim ishte i prirur në kërkim të sa më shumë kohe në dispozicion.

Megjithatë, një lëvizje në St James’ Park dështoi të materializohej për anglezin, me Dubravka që nuk dëshironte ta zëvendësonte atë si ndihmës te De Gea.

Dubvraka luajti për Neëcastle të martën mbrëma, teksa mundën me rezultatin 3-1 Evertonin.

Henderson, ndërkohë, bëri vetëm paraqitjen e tij të tretë të sezonit të premten, pasi United u eliminua nga FA Cup nga Middlesbrough në raundin e katërt.

Pasi koha shtesë përfundoi pa gola, Henderson nuk ishte në gjendje të priste asnjë nga penalltitë e Middlesbrough. Më pas ai u rikthye në stol për ndeshjen e së martës kundër Burnley-t, me De Gean që u kthye në ekip për barazimin 1-1 ndaj Burnley.

Henderson mund të mos luajë më në ekipin e parë këtë sezon, me United të eliminuar nga të dyja garat e kupave vendase.

Vendi

Akil Gjakova mbyll garën pa medalje në Abu Dhabi

Published

11 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

12 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

13 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/