Sport

West Ham dënon Zouman për abuzim ndaj kafshëve

Francezi 27-vjeçar ka kërkuar falje që e ka goditur macen e tij me këmbë, e më pas edhe me dorë, respektivisht për abuzim ndaj kafshëve.

Published

5 years ago

February 9, 2022

Betim Gashi

Skuadra angleze, West Ham e ka dënuar mbrojtësin Kurt Zouma me dy javë pa pagë, ndërsa lojtari e ka humbur të drejtën për të mbajtur macet e tij, pas abuzimit ndaj tyre.

Francezi 27-vjeçar ka kërkuar falje që e ka goditur macen e tij me këmbë, e më pas edhe me dorë, respektivisht për abuzim ndaj kafshëve.

Siç raportohet nga mediat angleze, Zouma është dënuar me një shumë afro 310 mijë euro, ndërsa institucionet për ndalimin e abuzimit ndaj kafshëve kanë marrë dy macet e tij.

Menjëherë pas rastit Zouma e ka pranuar dënimin, ndërsa ka kërkuar që paratë të dërgohen si donacion për shëndetin e kafshëve në nevojë.

Pavarësisht rastit ku qarkulluan video në rrjetet sociale të Kurt Zoumas duke e shqelmuar dhe goditur macen e tij, skuadra e West Ham vendosi që ai të ishte startues në fitoren e mbrëmshme 1:0 kundër Watford.

Vendi

Akil Gjakova mbyll garën pa medalje në Abu Dhabi

Published

10 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

11 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

13 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/