Formacionet zyrtare të Chelseat dhe Al-Hilal

Sot mbetet të vendoset edhe finalisti i fundit.

Published

5 years ago

February 9, 2022

Betim Gashi

Me fillim nga ora 17:30 do të zhvillohet ndeshja mes skuadrës së Al-Hilal dhe kampionit evropian Chelsea, e vlefshme kjo për gjysmëfinalen e Kupës së Botës për klube.

Mbrëmë u caktua finalisti i parë i kësaj gare, ku skuadra e Palmeiras e mposhti me rezultat 2:0 Al Ahlyn, ndërsa sot mbetet të vendoset edhe finalisti i fundit.

Në garën deri në gjysmëfinale, Chelsea kaloi pa përballje duke u kualifikuar automatikisht, kurse Al-Hilali triumfoi në çerekfinale duke e mposhtur me rezultat të thellë 6:1 Al Jaziran.

Sa i përket ndeshjes së sotme, mungesa të lojtarëve do të ketë vetëm te “Blutë” e Londrës, ku nuk do të paraqiten James, Chilwell dhe Loftus-Cheek.

Tanimë të dy trajnerët kanë publikuar formacionet me të cilat do ta fillojnë këtë ndeshje, dhe ato zyrtare i gjeni më poshtë:

Al-Hilal (4-2-3-1): Almuaiouf; Alburayk, Jang, Al Bulayhi, Shahrani; Cuellar, Kanno; Salem, Pereira, Marega; Ighalo

Chelsea (3-4-2-1): Kepa; Christensen, Thiago Silva, Rudiger; Azpilicueta, Jorginho, Kovacic, Alonso; Ziyech, Havertz; Lukaku

Akil Gjakova mbyll garën pa medalje në Abu Dhabi

Published

12 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

13 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

14 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/