

Teknologji
WhatsApp – 5 karakteristikat që do të lansohen së shpejti
Published
4 years agoon
By
Betim GashiWhatsApp kohët e fundit konfirmoi se do të zgjerojë funksionin e ‘Disappearing Messages” (Mesazheve të zhdukur) dhe gjithashtu do të shtojë një mundësi ‘View Once’ (Shiko një herë).
WhatsApp po punon në një numër karakteristikash si për Android ashtu edhe për iOS. Kompania kohët e fundit konfirmoi se do të zgjerojë funksionin e ‘Disappearing Messages’ dhe gjithashtu do të shtojë një mundësi ‘View Once’. Gjithashtu pritet të shtojë veçorinë e thirrjes në versionin Web të WhatsApp.
Disa nga karakteristikat:
Funksioni ‘Disappearing mode’
WhatsApp tashmë ofron një veçori të mesazheve që zhduken dhe tani po planifikon ta zgjerojë këtë aftësi. Në një intervistë me WaBetaInfo, themeluesi i Facebook, Mark Zuckerberg konfirmoi se WhatsApp do të prezantojë një mënyrë e cila do t’ju lejojë të mundësoni zhdukjen e mesazheve në të gjitha temat e bisedës.
Aktualisht, duhet të aktivizoni funksionin që zhduket manualisht (për çdo bisedë). Sapo ta aktivizoni, lejon që mesazhet të fshihen pas një periudhe të caktuar kohe.
Funksioni ‘View Once’
Zuckerberg gjithashtu konfirmoi se WhatsApp ka plane për të shtuar një tipar ‘View Once’, i cili do të lejojë përdoruesit të ndajnë media të tilla si foto dhe video që mund të shihen vetëm një herë. Kjo është e ngjashme me funksionin e fotos ose videos në Instagram që zhduket.
Pra, kur i dërgoni një foto dikujt dhe ajo do të zhduket nga biseda kur marrësi ta ketë parë atë. Kjo veçori nuk do të aktivizohet si parazgjedhje.
Akses të hyni me llogarinë tuaj në disa pajisje
WhatsApp ka testuar mbështetjen e shumë pajisjeve për muaj me radhë, dhe më në fund konfirmoi se do të mbërrijë së shpejti.
Kjo nënkupton se ju mund të qaseni me llogarinë tuaj në WhatsApp në disa pajisje. Drejtori i Përgjithshëm i Facebook gjithashtu konfirmoi se tipari me shumë pajisje nuk do të kompromentojë enkriptimin që aplikacioni i mesazheve po ofron të gjitha për biseda personale.
Sapo e njëjta llogari të regjistrohet në një pajisje tjetër, ajo automatikisht del nga pajisja e parë, sipas raporteve të mëparshme. Aktualisht, përdoruesit mund të hyjnë në llogarinë e tyre WhatsApp vetëm në një pajisje të vetme.
Telefonatat e humbura në grup
WhatsApp gjithashtu thuhet se po punon në një tipar që do t’ju lejojë të bashkoheni në thirrjet në grup që mund t’i keni humbur. Në terma më të thjeshtë, nëse dikush ju fton të bashkoheni në një telefonatë në grup dhe nuk jeni në gjendje të bashkoheni në atë moment, atëherë do të keni mundësinë të bashkoheni më vonë nëse telefonata nuk ka përfunduar. E njëjta karakteristikë ishte parë më herët në versionin beta të Android në tetor 2020 dhe tani, WhatsApp po e teston atë për përdoruesit e iOS.
Funksioni ‘Read later’
Së fundmi, kompania në pronësi të Facebook po punon gjithashtu për një tipar ‘Read later’ (shqip: lexoni më vonë), sipas një raporti të fundit nga WaBetaInfo. Karakteristika do të zëvendësojë funksionin ekzistues të bisedave të arkivuara dhe nuk do t’i kthejë bisedat e arkivuara në krye të aplikacionit të mesazheve.
Aktualisht, kur arkivoni ndonjë bisedë në WhatsApp, aplikacioni e fsheh atë në pjesën e arkivit dhe nuk e shihni tek bisedat. Sidoqoftë, kur arrin një mesazh i ri, biseda e arkivuar shfaqet automatikisht në pjesën e sipërme të ekranit. Me funksion e ri në fjalë, WhatsApp dëshiron të eleminojë këto ndërprerje.
(Përktheu dhe përshtati UBTNews)
Teknologji
Vivo V60 nis lansimin global pas debutimit në Indi
Published
12 hours agoon
August 27, 2025By
UBTNews
Pas prezantimit të tij në fillim të gushtit për tregun indian, Vivo V60 ka nisur zyrtarisht debutimin ndërkombëtar, me lansime fillestare në Malajzi, Tajvan dhe Vietnam.
Në Malajzi, modeli me konfigurim 8GB RAM dhe 256GB memorie të brendshme është tashmë i disponueshëm për blerje. Megjithatë, variante të tjera të memories për momentin nuk janë në dispozicion.
Ndërkohë, në Tajvan dhe Vietnam, pajisja nuk ka mbërritur ende në raftet e dyqaneve. Në Vietnam, periudha e para-porositjes ka përfunduar, por ende nuk është bërë disponimi real i produktit – përdoruesit këshillohen të kontrollojnë përsëri në ditët në vijim për përditësime.
Vivo V60 është një telefon me përmasa të holla (7.5 mm trashësi), por që ofron një ndërtim të fortë. Ai vlerësohet me certifikimet IP68 dhe IP69, duke ofruar rezistencë ndaj ujit dhe pluhurit – përfshirë qëndrueshmëri nën 1.5 metra ujë deri në 2 orë.
Fokusi kryesor i pajisjes mbetet kamera, sidomos moduli telefoto 50MP, i cili përdor sensorin Sony IMX882 (1/1.95”) dhe lente ZEISS 3x/73mm me stabilizim optik të imazhit (OIS).
Për performancën, V60 vjen me procesorin Snapdragon 7 Gen 4 dhe një bateri të fuqishme 6,500mAh me teknologjinë 90W FlashCharge, e ndërtuar mbi arkitekturën Silicon-Carbon (Si/C) për jetëgjatësi më të lartë.
Teknologji
Prindërit e një adoleshenti padisin ChatGPT pas vetëvrasjes së djalit
Published
12 hours agoon
August 27, 2025By
UBTNews
Një padi është ngritur në Gjykatën e Lartë të San Franciskos nga prindërit e një adoleshenti 16-vjeçar në Kaliforni, të cilët pretendojnë se platforma e inteligjencës artificiale ChatGPT ka ndikuar në mënyrë të drejtpërdrejtë në vetëvrasjen e djalit të tyre, Adam Raine.
Sipas raportimit të NBC News, familja Raine deklaron se pas vdekjes së Adamit, kanë zbuluar dhjetëra biseda të zhvilluara nga djali i tyre me ChatGPT-në, disa prej të cilave përfshinin diskutime të detajuara mbi mënyrat për të kryer vetëvrasje.
Në padinë e paraqitur, prindërit pretendojnë se Adam e kishte përdorur fillimisht platformën si ndihmë në mësime dhe si një mënyrë për të përballuar vetminë. Megjithatë, sipas tyre, bisedat kishin evoluar me kohë dhe kishin marrë një drejtim shqetësues, duke u përqendruar te temat e shëndetit mendor dhe vetëvrasjes. Ata argumentojnë se platforma nuk kishte ndërhyrë apo nuk kishte ofruar udhëzime për të kërkuar ndihmë profesionale, pavarësisht shenjave të qarta të gjendjes së rënduar emocionale të të birit.
Në dokumentet ligjore, kompania OpenAI dhe drejtori ekzekutiv i saj, Sam Altman, akuzohen për dështim në vendosjen e mekanizmave mbrojtës për përdoruesit e mitur dhe për ofrim të mundshëm të informacionit të dëmshëm.
“Adam do të ishte ende me ne po të mos ishte për ChatGPT-në. Jam 100 për qind i bindur për këtë”, u shpreh babai i tij, Matt Raine, në një prononcim për mediat.
Në një deklaratë publike, OpenAI tha se është e tronditur nga ngjarja dhe shprehu ngushëllimet për familjen. Kompania theksoi se ChatGPT përfshin disa mekanizma sigurie, përfshirë sugjerimin për të kontaktuar linjat e ndihmës, por pranoi se këto mund të mos jenë gjithmonë të mjaftueshme në raste të vështira./NBCnews/
Teknologji
Apple lëshon përditësim urgjent të iOS për shkak të një dobësie kritike të sigurisë
Published
12 hours agoon
August 27, 2025By
UBTNews
Apple u ka bërë thirrje të gjithë përdoruesve të iPhone dhe iPad që të instalojnë sa më shpejt përditësimin më të fundit të sistemit operativ iOS, versionin 18.6.2, për shkak të një dobësie serioze të sigurisë.
Sipas njoftimit zyrtar të kompanisë, cenueshmëria e identifikuar (CVE-2025-43300) ndodhet në komponentin ImageIO dhe mund të shfrytëzohet nga sulmuesit për të marrë kontrollin e pajisjes përmes një imazhi të dërguar në pajisje. Apple ka konfirmuar se kjo është një dobësi e klasifikuar si “zero-day”, çka do të thotë se ajo është zbuluar dhe shfrytëzuar përpara se të ishte publikuar ndonjë përditësim mbrojtës.
Përditësimi është i disponueshëm për të gjitha modelet e iPhone nga iPhone XS e më vonë, si dhe për disa modele iPad-i, përfshirë iPad Pro (gjenerata e tretë dhe më të reja), iPad Air (nga gjenerata e tretë), iPad 7 ose më i ri, si dhe iPad mini 5 ose më i ri.
Përdoruesve u rekomandohet të kontrollojnë versionin e softuerit dhe të instalojnë përditësimin përmes rrugës:
Settings → General → Software Update (Cilësimet → Të përgjithshme → Përditësimi i softuerit).
Apple nënvizon se edhe pse deri tani cenueshmëria është shfrytëzuar vetëm në raste të kufizuara dhe të synuara, përditësimi është i rëndësishëm për të gjithë përdoruesit, për të garantuar sigurinë e pajisjes së tyre.
Kjo përbën një nga disa përditësime të sigurisë të lëshuara nga Apple gjatë vitit 2025, duke reflektuar sfidat në rritje përballë kërcënimeve kibernetike gjithnjë e më të sofistikuara.
Aktualitet
Trajnime praktike dhe certifikime ndërkombëtare në UBT, nga shtatori deri në nëntor
Published
1 day agoon
August 26, 2025By
Driton Iseni
UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.
Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.
Trajnimet e planifikuara:
- PRINCE2 – 24 orë
- ITIL Foundation – 24 orë
- Analiza e të Dhënave me SPSS – 24 orë
- MS Project – 18 orë
- Hyrje në Programim – 30 orë
- MS Excel i Avancuar – 24 orë
- Marketingu Digjital – 24 orë
- Shitja & Kujdesi ndaj Klientëve – 2 muaj
- Instalues Elektrik – 3 muaj
- Zhvillues i Aplikacioneve me AI – 2 vite
Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.
Aplikimet kryhen online: APLIKO TANI!

Nga nutricioni te bioteknologjia: UBT përgatit profesionistët e së ardhmes në industrinë ushqimore

Formimi i profesionistëve që udhëheqin në sport, rehabilitim dhe shëndet publik – Studio Master në Shëndet dhe Aktivitet Fizik në UBT

Ambasada e Italisë: Mirëpresim zgjedhjen e Dimal Bashës si kryeparlamentar

Drejtori i ATK-së në takim me përfaqësues të Ambasadës së Mbretërisë së Bashkuar në Kosovë

Blerim Sallahu caktohet ushtrues i detyrës së Ministrit të Drejtësisë

Manchester United planifikon shitje masive – në listë emra si Garnacho, Sancho e Hojlund

Suedia publikon listën për ndeshjet me Slloveninë dhe Kosovën – mungon Besfort Zeneli

Shirat e rrëmbyeshëm përfshijnë Tajlandën, një i vdekur dhe një i zhdukur

KQZ miraton vendime për decertifikim dhe certifikim të kandidatëve për zgjedhjet lokale 2025
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA