Lajmet

Von der Leyen: Marrëveshja për targa, mesazh i jashtëzakonshëm për rajonin

Ursula ka thënë se BE nuk është i kompletuar pa rajonin.

Published

4 years ago

on

Në Samitin e Bashkimit Evropian me Ballkanin Perëndimor që po mbahet në Slloveni, presidentja e Komisionit Evropian Ursula von der Leyen ka thënë se marrëveshja e Kosovës dhe Serbisë për targat ka dërguar një mesazh të jashtëzakonshëm për rajonin.

Sipas saj, ulja e tensioneve në mes të Kosovës dhe Serbisë me lehtësimin e Bashkimit Evropian, ka treguar se përmes bisedave në tavolinë dhe gatishmërisë për të gjetur zgjidhje, mund të vazhdohet përpara.

Ursula von der Leyen ka folur në një konferencë për media pas takimit të Samitit të BE-së me Ballkanin Perëndimor në Brdo, ku ndër të tjera ka thënë se BE nuk është i kompletuar pa rajonin.

“Marrëveshja në mes të Kosovës dhe Serbisë lidhur me tensionet sa i përket targave, pra një marrëveshje që u fasilitua nga Bashkimi Evropian dërgoi një mesash të jashtëzakonshëm për regjionin se është e mundur që duke u ulur në tavolinë, duke treguar gatishmëri për të gjetur zgjidhje edhe në situata shumë të vështira mund të gjejmë pra zgjidhje dhe mund të ecim përpara. Dhe nëse i hedhim një sy deklaratës së sotme që kemi nxjerrë shihet qartë se zotimi ynë për zgjerim qysh në paragrafin ep arë të deklaratës tregon edhe gatishmërinë tonë për të ecur përpara”, ka thënë ajo.

Kryetarja e Komisionit Evropian ka thënë se gjatë vizitës që i ka bërë Ballkanit Perëndimor, ka kuptuar që njerëzit tashmë janë të frustruar me zgjatjen e procesit për hyrjen e këtyre shteteve në Bashkimin Evropian.

“Javën e kaluar vizitova shtetet e Ballkanit Perëndimor dhe përveç diskutimeve për temat që i përmenda, ndjeva edhe mos durimin që kanë njerëzit dhe frustrimin e tyre lidhur me zgjatjen e hyrjes së tyre në Bashkimin Evropian, me zgjatjen e procesit. Tani cilat janë hapat përpara, sa i përket reformës, është e qartë se partnerët tanë në Ballkanin Perëndimor po ndërmarrin reformat ë rëndësishme, nuk mund të themi se kanë arritur, por ka përparim shumë të dukshëm, nëse shikojmë në aspektin kronologjik shumë gjëra kanë ndryshuar dhe tani është me rëndësi të mbajmë këtë drejtim në luftën kundër korrupsionit, krimit të organizuar, lirisë së medias dhe reformës ekonomike. Por, ndërkohë BE duhet të ofrojë të vetën në veçanti mos hapja e negociatave me Maqedoninë e Veriut dhe Shqipërinë por rrezikon bashkëpunimin tonë apo të ardhmen”, ka thënë ajo.

Sipas saj, mesazhi i komisionit është i qartë, se Bashkimi Evropian nuk është i kompletuar pa Ballkanin Perëndimor.

“Mesazhi i Komisionit është më se i qartë, pikë së pari, Ballkani Perëndimor është pjesë e po asaj Evrope siç është edhe BE, kemi të njëjtën histori, ndajmë të njëjtën histori, të njëjtat vlera dhe të njëjtin fat, BE nuk është i kompletuar pa Ballkanin Perëndimor, prandaj, Komisioni im do të vazhdojë të bëjë punën maksimale për të quar më tej planet e zgjerimit në integrimin evropian. Ne duam Ballkanin Perëndimor brenda BE-së dhe nuk ka dyshim që qëllimi ynë është zgjerimi”, ka thënë Ursula von der Leyen.

Samiti në Brdo, në të cilin po merr pjesë edhe kryeministri i Kosovës Albin Kurti, organizohet nga presidenca sllovene e Bashkimit Evropian.

Related Topics:
Continue Reading

Lajmet

Zhegrova ftohet për ndeshjen ndaj Dortmundit

Published

8 hours ago

on

September 16, 2025

By

Edon Zhegrova është ftuar nga trajneri i Juventusit, Igor Tudor, për ndeshjen ndaj Borussia Dortmundit.

Juve sonte nga ora 21:00 e pret Dortmundin në kuadër të xhiros së parë të fazës së ligës së Ligës së Kampionëve.

Edhe pse trajneri Tudor ditë më parë deklaroi se Zhegrova nuk do të luaj ndaj Dortmundit ai ka vendosur që ta ftojë reprezentuesin e Kosovës. Zhegrova mund të debutoj për “Zonjën e Vjetër”.

26-vjeçari nuk luajti xhiron e kaluar në Serie A në derbin që e fitoi Juventusi 4:3 ndaj Interit.

Zhegrova u transferua te Juve nga Lille për afro 16 milionë euro në ditën e fundit të afatit kalimtar veror, por nuk ka luajtur prej 14 dhjetorit të vitit të kaluar./S.K/EO/

Continue Reading

Aktualitet

UBT hap thirrjen për dorëzimin e abstrakteve për Konferencën Ndërkombëtare për Modë dhe për Dizajn të Integruar

Published

9 hours ago

on

September 16, 2025

By

UBT ka nisur pranimin e abstrakteve për dy prej konferencave më atraktive dhe bashkëkohore që zhvillohen në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion:

Të dyja konferencat janë peer-reviewed dhe ofrojnë një platformë shkencore e profesionale ku akademikë, studiues, studentë të programeve master e doktorale, si dhe ekspertë të industrisë, ndajnë njohuri dhe ide mbi zhvillimet më të fundit.

Datat kryesore:

Dorëzimi i abstrakteve: deri më 10 tetor 2025

Njoftimi për pranim: më 17 tetor 2025

Rishikimi shkencor (peer-reviewed): më 17 tetor 2025

Afati i hershëm i regjistrimit: deri më 17 tetor 2025

Afati i vonuar i regjistrimit: deri më 20 tetor 2025

Dorëzimi i punimit të plotë: deri më 14 nëntor 2025

Tema qendrore e këtij viti është “Resilience and Sustainability”, duke trajtuar mënyrat se si moda dhe dizajni ndërveprojnë me teknologjinë, kulturën, politikën dhe sfidat globale.

Fushat kryesore të IC-FAS (Fashion):

  • Fashion Activism dhe ndikimi i tij në politikë
  • Moda dhe Teknologjia
  • Dizajni i Modës dhe Edukimi
  • Vetëdija sociale në industrinë e modës
  • Nga ambicia në veprim (Ambition to Action)

Fushat kryesore të IC-ID (Integrated Design):

  • Ndërthurja e dizajnit grafik, teknologjisë dhe kulturës
  • Roli i teknologjisë në dizajn
  • AI, AR/VR dhe ndikimi i tyre në praktikat e dizajnit
  • Të ardhmen e branding dhe identitetit vizual
  • Moda në epokën e AI, identitetet virtuale dhe kriza klimatike
  • Dizajn i interierit të integruar me AI
  • Metaverse dhe hapësira virtuale
  • Materiale të zgjuara dhe hapësira reaguese
  • Dizajn qarkullues dhe i qëndrueshëm

Dorëzimi i punimeve: Punimet duhet të jenë origjinale, të papublikuara dhe jo në shqyrtim diku tjetër. Gjatësia maksimale është 6 faqe dhe punimet që nuk i përmbushin kriteret e formatimit nuk do të merren në konsideratë.

Continue Reading

Lajmet

Zyrtare: Loja Shqipëri-Serbi luhet në Leskovc

Published

9 hours ago

on

September 16, 2025

By

Zyrtarisht, më datë 11 tetor, ndeshja Serbia-Shqipëria, nuk do të luhet në Beograd në stadiumin “Rajko Mitiq”, sepse shtëpia e futbollit evropian UEFA, ka vendosur që kjo lojë të luhet në Leskovc në stadiumin “Duboçica”.

Fillimisht, kjo sfidë ishte planifikuar të zhvillohej në “Rajko Mitiq” në kryeqytetin serb, por për arsye organizative dhe të sigurisë, autoritetet kanë vendosur ndryshimin e stadiumit.

Kjo konsiderohet një nga ndeshjet më të rëndësishme jo vetëm për kualifikueset e Botërorit, por gjithashtu edhe për historinë.

Në vitin 2014, Shqipëria luante një ndeshje të madhe në Serbi, teksa ëndrra për një vend në Europianin e Francës sapo kishte nisur.

Kuqezinjtë përballeshin jo vetëm me skuadrën serbe, por me terrorin serb, me tifozerinë e cila në çdo moment bënte thirrje për vdekjen e shqiptarëve, apo edhe me vendimet për të mos lejuar jo vetëm tifozët shqiptarë, por as flamurin kuqezi në stadium. /S.K/EO/

Continue Reading

Aktualitet

UBT në hap me zhvillimin e qëndrueshëm në sektorin e ushqimit dhe agrikulturës

Published

10 hours ago

on

September 16, 2025

By

Prof. Dr. Emine Daci Zejnullahi, profesoreshë në Fakultetin e Shkencave të Ushqimit me Bioteknologji dhe në Fakultetin e Inxhinierisë së Agrikulturës dhe Mjedisit, në UBT, ka nënshkruar kontratën për zbatimin e projektit shkencor: “Përdorimi i mbetjeve agro-industriale të patates për zhvillimin e produkteve bioteknologjike të qëndrueshme në VIPA CHIPS – Zgjidhje për ekonomi qarkore dhe qëndrueshmëri industriale”, i financuar nga MAShTI në kuadër të projekteve shkencore 2025.

Ky projekt synon të mbështesë sektorin privat në menaxhimin e mbetjeve të industrisë ushqimore, duke i kthyer ato në produkte finale me vlerë, si dhe duke reduktuar ndikimin negativ në mjedis dhe duke sjellë përfitime ekonomike e sociale.

Zbatimi i projektit do të bëhet me përfshirjen e profesorëve të tjerë të departamentit dhe studentëve të nivelit Master, duke kontribuar në ngritjen e kapaciteteve kërkimore dhe në zhvillimin e qëndrueshëm të sektorit.

Continue Reading

Të kërkuara