Aktualitet

Vdes e pastrehë, nuk dinte që kishte trashëguar pasuri në vlerë prej 884 mijë dollarësh

Published

on

Një grua nga Oregon vdiq e pastrehë vitin e kaluar, pa dijeni se ajo kishte një trashëgimi të kërkuar prej 884,447 dollarë.

Cathy Boone vdiq në janar të vitit 2020 në një strehë ngrohjeje në Astoria, Oregon. Ajo kishte qenë duke luftuar me çështje të shëndetit mendor dhe abuzim të drogës.

Kur nëna e saj vdiq në 2016, ajo i la Boone trashëgiminë e saj të konsiderueshme, por askush nuk ishte në gjendje ta gjente atë.

“Thjesht nuk kishte ndonjë kuptim për mua”, tha babai i saj, Jack Spithall. “Këto para thjesht rrinin atje – dhe asaj i duhej kjo ndihmë më së shumti”.

Boone përjetoi probleme me frymëmarrjen ndërsa qëndronte në strehën e ngrohjes dhe u dërgua me urgjencë në Spitalin e St. Vincent në Portland ku më vonë ndërroi jetë.

Pasi familja e saj nxori reklama në gazetë dhe kërkoi ndihmën e një hetuesi privat pa rezultat, paratë u transferuan përfundimisht në Departamentin e Tokave të Shtetit, ku ato mbeten të pakërkuara.

“Duke pasur parasysh një vit e gjysmë përpjekje të marrë nga përfaqësuesi personal dhe avokati për këtë pronë të veçantë, me të vërtetë nuk ka shumë më shumë që shteti mund të bëjë”, tha zëdhënësja e Departamentit të Tokave të Shtetit Claudia Ciobanu. “Ky është një rast unik dhe ne bashkndjejmë me familjen.”

Nuk dihet se çfarë do të ndodhë me paratë tani që Boone ka vdekur, megjithatë, ajo ka dy fëmijë biologjikë që mund të kenë pretendime për to./UBTNews

Vendi

Shtyhet seanca ndaj të akuzuarit për krime lufte në Burim të Malishevës

Published

on

Është shtyrë seanca gjyqësore ndaj të akuzuarit për krime lufte në Burim të Malishevës, Ramadan Morina, pas kërkesës së avokatit të tij, Arianit Koci.

Prokurori i rastit, Armend Zenelaj, ka kundërshtuar shtyrjen, duke theksuar se Gjykata e kishte obliguar PSRK-në të pajiset me deklaratën e dëshmitares anonime D1.

Sipas aktakuzës së Prokurorisë Speciale, Morina dyshohet se gjatë viteve 1998–1999, në bashkëkryerje me persona të tjerë, ka marrë pjesë në vrasje, dëbime, arrestime dhe keqtrajtime fizike në fshatin Burim të Malishevës.

Në aktakuzë thuhet se 35 burra civilë shqiptarë janë ndarë nga gratë dhe fëmijët, janë rreshtuar me forcë, ndërsa më pas një pjesëtar i forcave serbe ka shtënë me armë, duke vrarë 34 civilë.

I akuzuari është arrestuar në gusht të vitit të kaluar në Prishtinë për veprën penale “krime lufte kundër popullatës civile”.

Gjatë seancës, avokati Arianit Koci ka ngritur shqetësim edhe për një gabim në dokumentacion, ku ai dhe i pandehuri janë cilësuar si serb, çështje që ka nxitur debat në sallën e gjyqit. Kryetari i trupit gjykues, Rrahman Beqiri, e ka cilësuar këtë si gabim teknik.

Trupi gjykues ka vendosur shtyrjen e seancës, ndërsa seancat e radhës janë caktuar për muajt shtator dhe tetor.

Burimi: KOHA

/A.K/

Continue Reading

Vendi

KFOR transporton kontejnerë banimi për futbollistët e rinj në Bërnicë

Published

on

Kontejnerë banimi që ishin të vendosur në Zonën Industriale të Prishtinës dhe janë në pronësi të KFOR-it, janë duke u transportuar drejt fushave lokale të futbollit në zonën e Bërnicës.

Ky veprim është bërë pas kërkesës së Federatës së Futbollit të Kosovës (FFK), me qëllim përmirësimin e kushteve për futbollistët e rinj, njofton KFOR.

Sipas njoftimit të KFOR-it të datës 16.06.2026, kontejnerët do të shërbejnë për ndërrimin e pajisjeve, përgatitjet para ndeshjeve dhe krijimin e kushteve më të mira për stërvitje.

KFOR thekson se mbetet i përkushtuar për të siguruar një mjedis të qetë dhe të sigurt për të gjithë qytetarët e Kosovës, si dhe për garantimin e lirisë së lëvizjes, në përputhje me mandatin e tij të bazuar në Rezolutën 1244 të Këshillit të Sigurimit të OKB-së.

/A.K/

Continue Reading

Vendi

Pas numërimit të një pjese të votave, VV-ja arrin në 52 ulëse në Kuvend

Published

on

Lëvizja Vetëvendosje ka arritur në 52 ulëse në Kuvendin e Kosovës pas numërimit të një pjese të votave me postë dhe atyre nga përfaqësitë diplomatike.

Sipas rezultateve të deritanishme, VV-ja ka siguruar 45.89 për qind të votave, duke mbetur forca e parë politike në vend. Pas saj renditet PDK-ja me 19.96 për qind, LDK-ja me 17.04 për qind dhe AAK-ja me 6.89 për qind.

Në ndarjen aktuale të mandateve, Vetëvendosje ka 52 ulëse, PDK-ja 22, LDK-ja 19 dhe AAK-ja 7 deputetë.

Megjithatë, procesi i numërimit ende nuk ka përfunduar. Kanë mbetur pa u numëruar rreth 35 mijë zarfe me vota nga posta, si dhe afërsisht 11 mijë vota me kusht dhe të personave me nevoja të veçanta.

Rezultatet e deritanishme kanë treguar trende të ndryshme. Në rezultatet preliminare pas zgjedhjeve të 7 qershorit, VV-ja kishte siguruar 42.96 për qind të votave, ndërsa në votimin në përfaqësitë diplomatike mori mbi 83 për qind dhe në votat me postë 70.26 për qind.

Sipas projeksioneve aktuale, ndryshime të mëdha në ndarjen e mandateve duken të vështira, megjithëse rezultati përfundimtar do të varet nga votat e mbetura për numërim.

Për formimin e Qeverisë së re nevojiten 61 vota në Kuvend, ndërsa për zgjedhjen e presidentit kërkohet kuorumi prej 80 deputetësh në dy raundet e para të votimit.

/A.K/

Continue Reading

Lajmet

UBT në qendër të artit bashkëkohor: Ekspozitë me karakter ndërkombëtar në Austri në kuadër të Ditëve të Artit dhe Dizajnit

Published

on

By

Në kuadër të Ditëve të Artit dhe Dizajnit në UBT, është prezantuar një ekspozitë me karakter ndërkombëtar, e realizuar në Boden, Tirol të Austrisë, si pjesë e festivalit Mediafrische, në bashkëpunim me UBT.

Ekspozita vjen si rezultat i bashkëpunimit artistik ndërmjet profesorëve të UBT-së, Uran Krasniqit dhe Besfort Salihut, duke sjellë një qasje bashkëkohore që ndërthur artin, dizajnin dhe hulumtimin urban.

Ekspozita përbëhet nga dy projekte qendrore me koncept të thellë kritik dhe reflektues:

Projekti “Wear your city (Collective memory of Prishtina)” përfaqëson një hulumtim vizual dhe konceptual mbi arkitekturën e zhdukur dhe simbolet urbane të fshirë të Prishtinës. Përmes këtij projekti dokumentohet memoria kolektive e qytetit, duke i transformuar objektet dhe hapësirat e humbura në një narrativë artistike mbi identitetin urban dhe kujtesën historike.

Ndërkohë, projekti “Truth Absorbed” trajton temën e mjegullimit të së vërtetës në epokën bashkëkohore, duke reflektuar mbi mënyrën se si qytetari përballet me një realitet të transformuar, të fragmentuar dhe shpesh të paqartë në kontekstin e shoqërisë moderne.

Pjesëmarrja e studentëve dhe artistëve të lidhur me UBT-në në një festival ndërkombëtar si Mediafrische në Austri, dëshmon angazhimin e institucionit për ndërkombëtarizimin e artit dhe dizajnit, si dhe për krijimin e platformave ku talentet e reja mund të shprehin idetë e tyre në skenën globale.

Ky aktivitet konfirmon edhe një herë rolin e UBT-së si një qendër e rëndësishme e kreativitetit, inovacionit dhe bashkëpunimit ndërkombëtar në fushën e artit dhe dizajnit bashkëkohor.

Continue Reading

Të kërkuara