Lajmet

Vdekja e një gruaje ndez protesta rreth ligjit të abortit në Poloni

Ata gjithashtu vendosën qirinj përpara Gjykatës Kushtetuese në Varshavë.

Published

on

Protestuesit i bënë homazhe një gruaje që besojnë se është viktima e parë e ndalimit pothuajse total të abortit në Poloni, përcjell UBT News.

Gruaja e paidentifikuar u shtrua në spital sepse fetusit i mungonte lëngu amniotik. Por në vend që të kryenin një abort, mjekët prisnin që fetusi të vdiste, sipas Jolanta Budzowska, juriste e specializuar për keqpërdorime mjekësore. Si pasojë e kësaj, ajo vdiq.

Disa nga protestuesit u panë të veshur me rroba të kuqe si ato të veshura nga personazhet në “The Handmaid’s Tale”, një shfaqje televizive për një regjim represiv që përdor gratë vetëm për qëllime riprodhimi.

Protestuesit përfshinin aktivistë të cilët thonë se gruaja është personi i parë që ndërroi jetë si rezultat i një kufizimi të vitit 2020 të ligjit të Polonisë për abortin.

Por Jerzy Kwasniewski, president i Ordo Iuris, një grup katolik ultrakonservator që loboi për kufizime më të rrepta të abortit, paralajmëroi njerëzit të mos nxirrnin përfundime të shpejta derisa të kryhet hetimi, transmeton UBT News.

Teorikisht, gruaja duhet të kishte qenë në gjendje të ndërpriste shtatzëninë nëse jeta e saj ishte në rrezik. Por aktivistët argumentojnë se ligjet kufizuese të abortit priren t’i bëjnë mjekët të kenë frikë nga ndërprerja e shtatzënive edhe në raste ligjore.

Si erdhi ndalimi pothuajse total i abortit në Poloni?

Polonia miratoi më parë një ligj të rreptë në 1993 që ndalonte të gjitha abortet me përjashtim të tre rasteve: nëse shtatzënia rezulton nga përdhunimi ose incesti; nëse jeta ose shëndeti i gruas është në rrezik; ose nëse fetusi kishte deformime të lindura.

Por Gjykata Kushtetuese, nën ndikimin e partisë konservatore në pushtet të Polonisë, vendosi vitin e kaluar se abortet për defekte të lindura nuk ishin kushtetuese. Vendimi i tetorit 2020 ka çuar në një ndalim pothuajse të plotë të abortit.

Partia në pushtet e Polonisë e cila është në linjë me Kishën Katolike Romake, kërkuan kufizimin aktual. Ata argumentuan se një nga synimet ishte parandalimi i abortit të fetuseve me sindromën Down, i cili, sipas tyre, kishte përbërë një pjesë të konsiderueshme të aborteve legale në Poloni deri atëherë.

Është bërë një përpjekje për të kundërshtuar vendimin e tetorit 2020 përmes një projektligji të nismës qytetare të njohur si “Aborti ligjor pa kompromis”.

Projektligji, i cili kërkon 100,000 nënshkrime peticioni përpara se të paraqitet para parlamentit, do të lejonte abortin sipas kërkesës deri në javën e dymbëdhjetë të shtatzënisë dhe madje edhe më tej në raste të caktuara, duke përfshirë shtatzëninë që rezulton nga përdhunimi ose incesti – duke hequr kohën kufizim në ligjin aktual./UBTNews/

Aktualitet

Sot përfundon masa e përkohshme për konstituimin e Kuvendit

Published

on

Masa e përkohshme e vendosur nga Gjykata Kushtetuese e Kosovës, e cila ndaloi deputetët e legjislaturës së nëntë të ndërmarrin çfarëdo veprimi në drejtim të konstituimit të Kuvendit përfundon sot. Kjo masë ishte vendosur pas dështimit të deputetëve për të përmbushur afatin 30-ditor të përcaktuar nga aktgjykimi i Kushtetueses më 26 qershor.

Në pritje të skadimit të kësaj mase, vendi po pret një aktgjykim të ri të Gjykatës Kushtetuese, i cili pritet të bëhet publik Ky aktgjykim do të jetë vendimtar për hapjen e rrugës drejt konstituimit të Kuvendit të Kosovës.

Kryeministri në detyrë dhe lideri i Lëvizjes Vetëvendosje, Albin Kurti, ka deklaruar se partia e tij do ta respektojë vendimin e ri të Kushtetueses, pavarësisht përmbajtjes së tij.

“Do të na njoftojnë për atë që kanë menduar të ndodhë pas 30 ditëve. Nuk e di cila do të jetë zgjidhja, por ne kemi thënë se do ta respektojmë aktgjykimin. Është dëmtim i madh që Kosova nuk ka Kuvend,” ka thënë Kurti.

Kosova ndodhet në një krizë të thellë institucionale pas dështimit për të formuar institucionet e reja, më shumë se pesë muaj pas zgjedhjeve të 9 shkurtit 2025. Deri tani, janë bërë 54 përpjekje për ta konstituar Kuvendin që nga seanca e parë më 15 prill, por pa sukses.

Presidentja e Kosovës, Vjosa Osmani, ka thënë të martën se e ka tërhequr një kërkesë drejtuar në korrik Gjykatës Kushtetuese për të kërkuar sqarim se çfarë do të ndodhte nëse Kuvendi i Kosovës nuk do të konstituohej deri më 26 korrik – afati i përcaktuar nga gjykata më herët përmes një aktgjykimi. Ajo tha se arsyeja e tërheqjes së kërkesës së saj është gjyqtari serb në Gjykatën Kushtetuese, Radomir Llaban.

 

Continue Reading

Aktualitet

Parashikimi i motit

Published

on

Në Kosovë sot parashikohet të mbajë mot kryesisht me diell.

Sipas Institutit Hidrometeorologjik të Kosovës, temperaturat minimale do të lëvizin prej 15 deri në 17 gradë Celcius, kurse ato maksimale nga 32 deri në 35 gradë Celcius.

Era do të fryjë me shpejtësi prej 15-35 km/h ka njoftuar IHMK.

Continue Reading

Lajmet

Përmbyllet protesta kundër Gjykatës Speciale

Published

on

By

Lajm i përditësuar

Me përfundimin e fjalimit të Ali Ahmetit, njërit prej ish-themeluesve të Ushtrisë Çlirimtare të Kosovës (UÇK), është shpallur e përfunduar protesta kundër gjykimit të ish-krerëve të UÇK-së nga ana e Dhomave të Specializuara në Hagë.

Qindra qytetarë nga e gjithë Kosova, por edhe nga treva të tjera shqiptare, u mblodhën në sheshin qendror të Prishtinës për të shprehur kundërshtimin e tyre ndaj, siç u cilësua, “padrejtësive” që po u bëhen ish-pjesëtarëve të UÇK-së.

Motoja e protestës “Kundër padrejtësisë! Në mbrojtje të UÇK-së dhe së vërtetës” u shoqërua me pankarta dhe flamuj kombëtar, të cilët protestuesit i mbanin lart gjatë gjithë tubimit.

Ndërsa disa komuna ofruan transport falas për qytetarët që dëshironin të merrnin pjesë në protestë. Një pjesë e konsiderueshme e tyre kishte arritur në Prishtinë që në orët e hershme të mëngjesit.

Gjatë fjalimeve të mbajtura në shesh, u theksua se qëndrimi i protestuesve nuk është kundër drejtësisë, por kundër, siç u tha, njëanshmërisë dhe selektivitetit të Gjykatës Speciale në adresimin e krimeve të luftës.

Protesta përfundoi në mënyrë paqësore, pa incidente, ndërsa organizatorët paralajmëruan se nuk do të ndalen së kërkuari drejtësi për luftën e UÇK-së dhe do të vazhdojnë angazhimin qytetar për të mbrojtur, sipas tyre, të vërtetën historike.

17:49 – Hetuesja në rastin e gjykimit të Sllobodan Millosheviqit, Neveka Tromp, ka kritikuar zvarritjen e procesit ndaj ish-krerëve të UÇK-së.

Tromp, në protestën kundër Gjykatës Speciale, ka thënë se të akuzuarit mbështetën krijimin e Speciales sepse besonin në drejtësi dhe ndershmëri.

Ata që sot po akuzohen ishin vetë ata që mbështetën krijimin e Dhomave të Specializuara, sepse besonin në drejtësi dhe ndershmëri,” u shpreh Tromp.

Ajo theksoi se ligjet që rregullojnë luftën janë krijuar për të mbrojtur çlirimtarët, e jo për t’i ndëshkuar ata.

Gjykata duhet të veprojë në mënyrë profesionale. Nëse drejtësia zbatohet në mënyrë selektive, ajo rrezikon të kthehet në padrejtësi. Në raste të tilla, gjykimet nuk janë për të zbuluar të vërtetën, por janë gjykime të inskenuara.

Ja ku jemi, pesë vjet më vonë, dhe ata ende ndodhen në paraburgim, pa një gjykim të drejtë. Besimi i tyre në drejtësinë e shpejtë është thyer. Por mos harroni – udhëheqësit që sot po akuzohen, janë ata që mbështetën krijimin e këtyre dhomave. E bënë këtë duke qenë të vetëdijshëm për rrezikun.

Pse? Sepse ata besuan në drejtësinë e kauzës së tyre. Besuan se lufta ishte e drejtë, një luftë e lejuar. Ata luftuan dhe fituan. Shkuan në Hagë sepse besonin në drejtësi dhe ndershmëri – besonin në sundimin e ligjit dhe në aftësinë e gjykatës.

Ata besuan se ligjet që rregullojnë luftën janë krijuar për të mbrojtur çlirimtarët e lirisë, dhe jo për t’i ndëshkuar”, ka thënë ajo.

17:15 – Nën brohoritjet e shumta UÇK në Prishtinë ka nisur protesta gjithëpopullore në mbrojtje të vlerave të luftës çlirimtare dhe ish-krerëve të saj që po mbahen padrejtësisht nga Gjykata Speciale.

Në protestë po marrin pjesë një numër i madh i qytetarëve nga e gjithë Kosova e më gjerë, raporton KosovaPress.

‘Skënderbeu’ nis të mbushet me qytetarë në mbrojtje të vlerave të luftës së UÇK-së

“Kundër padrejtësisë! Në mbrojtje të UÇK-së dhe së vërtetës” është motoja e protestës.

Ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë prej nëntorit 2020.

Ata ngarkohen për krime lufte, teksa janë deklaruar të pafajshëm për të gjitha pikat e aktakuzës. Gjykimi ndaj tyre nisi më 3 prill 2023.

Continue Reading

Lajmet

​Barduani takon Sorensen, Orav e Barbano në selinë e KFOR-it

Published

on

By

Kreu i KFOR-it gjeneral major Enrico Barduani, priti sot në takim emisarin special të BE-së për dialogun Peter Sorensen, përfaqësuesin special të BE-së për Kosovën, Aivo Orav dhe shefin e EULEX-it Giovanni Pietro Barbano.

Në takim u diskutua mbi zhvillimet më të fundit mbi situatën e sigurisë në Kosovë dhe mbështetjen e vazhdueshme të KFOR-it për dialogun e lehtësuar nga BE-ja midis Kosovë dhe Serbisë, raporton KosovaPress.

Gjenerali Barduani nënvizoi rëndësinë e bashkëpunimit të qëndrueshëm me institucionet evropiane në Kosovë dhe midis partnerëve ndërkombëtarë të angazhuar në stabilitetin rajonal, thuhet në njoftimin e KFOR-it.

Vizita dëshmon angazhimin e përbashkët të NATO-s dhe BE-së për paqe të qëndrueshme, dialog rajonal dhe një mjedis të sigurt për të gjitha komunitetet në Kosovë.

Continue Reading

Të kërkuara