Botë

​Ukraina thotë se bisedimet me SHBA-në “filluan në mënyrë shumë konstruktive”

Published

8 months ago

on

Zyrtari i lartë ukrainas, Andriy Yermak tha të martën se bisedimet midis Shteteve të Bashkuara dhe Ukrainës “kanë nisur në mënyrë shumë konstruktive”, raporton CNN.

“Takimi me ekipin amerikan filloi në mënyrë shumë konstruktive dhe ne po punojmë për të sjellë një paqe të drejtë dhe të qëndrueshme”, tha Yermak, i cili është shefi i stafit të presidentit të Ukrainës.

Yermak është pjesë e ekipit negociator të Ukrainës, së bashku me ministrin e jashtëm të vendit, ministrin e mbrojtjes dhe zyrtarë të tjerë, të cilët zhvillojnë takim me Sekretarin amerikan të Shtetit, Marco Rubio dhe këshilltarin e sigurisë kombëtare, Mike Waltz, në Arabinë Saudite.

Takimi i sotëm ndërmjet zyrtarëve të lartë amerikanë dhe ukrainas është duke u zhvilluar tani në hotelin Ritz-Carlton në Xheda, Arabinë Saudite.

Zyrtarët refuzuan të përgjigjen në pyetjet e gazetarëve që bëheshin me zë të lartë për ndihmën ushtarake të ndërprerë të SHBA-së dhe propozimin ukrainas për një armëpushim të pjesshëm, ndërsa u ulën përballë njëri-tjetrit në një tavolinë të gjatë druri.

Këshilltari i sigurisë kombëtare të Arabisë Saudite dhe ministri i Jashtëm u ulën në krye të tavolinës.

Sekretari amerikan i Shtetit, Marco Rubio, është ulur pranë Këshilltarit të Sigurisë Kombëtare, Mike Waltz.

Nga ana ukrainase, ndihmësi kryesor i Presidentit Volodymyr Zelensky, Andriy Yermak, është në qendër, me Ministrin e Jashtëm Andri Sybiha dhe Ministrin e Mbrojtjes Rustem Umerov pranë tij.

Related Topics:
Continue Reading

Lajmet

Izraeli konfirmon kthimin trupave të tre ushtarëve nga Hamasi

Published

4 hours ago

on

November 3, 2025

By

Izraeli ka konfirmuar identitetin e tre pengjeve të vdekur, trupat e të cilëve i mori nga Hamasi nëpërmjet Kryqit të Kuq në Gaza të dielën.

Testet mjeko-ligjore treguan se mbetjet ishin ato të ushtarëve izraelitë Kolonel Asaf Hamami, 40 vjeç, Kapiten Omer Neutra, 21 vjeç, dhe Rreshterit të Shtabit Oz Daniel, 19 vjeç, tha zyra e kryeministrit.

Konfirmimi do të thotë se tetë pengje të vdekur izraelitë dhe të huaj janë ende në Gaza.

Sipas fazës së parë të marrëveshjes së armëpushimit të ndërmjetësuar nga SHBA-të me Izraelin, e cila filloi më shumë se tre javë më parë, Hamasi pranoi të kthejë të 20 pengjet e gjallë dhe 28 pengjet e vdekur që mbante./S.K/KP/BBC/

Continue Reading

Lajmet

Presidenti kroat pas takimeve me Papën e Vatikanit: Kudo që shkoj e kërkoj njohjen e Kosovës

Published

5 hours ago

on

November 3, 2025

By

Presidenti i Kroacisë, Zoran Milanovic, është takuar me Papa Leonin, të cilin e ka ftuar për vizitë. Pasi u pyet nga gazetarët nëse kanë diskutuar për Kosovën, Milanovic tha se Vatikani është shumë konservator në këto çështje.

Ai u takua edhe me sekretarin e Vatikanit, Pietro Parolin, por Milanovic tha se nuk mund të japë detaje.

“Kjo tregon se shtetet veprojnë në interesin e tyre, gjë që nuk është domosdoshmërisht një gjë e keqe, për sa kohë që nuk janë keqdashëse ose pushtuese”, tha Milanovic, duke shtuar se ai mbështet njohjen e Kosovës kudo që të mundet.

“Unë nuk e bëj këtë për të inatosur Serbinë ose serbët, është thjesht çështje realiteti”, tha ai./S.K/EO/

Continue Reading

Botë

Orteku në Itali vret pesë persona

Published

5 hours ago

on

November 3, 2025

By

Një ortek në malet Dolomite të Italisë ka vrarë pesë alpinistë gjermanë, përfshirë një vajzë 17-vjeçare dhe babain e saj, sipas ekipeve të shpëtimit.

Alpinistët, duke udhëtuar në grupe të ndara, po ngjiteshin në Cima Vertana në Alpet Ortler rreth orës 16:00 sipas orës lokale të shtunën, kur ra dëbora që lëvizte me shpejtësi.

Një grup prej tre personash “u rrëmbye plotësisht nga orteku” dhe të gjithë vdiqën, tha shërbimi alpin i shpëtimit i Italisë, Soccorso Alpino e Speleologico.

Veçmas, babai dhe vajza u morën nga orteku dhe trupat e tyre u gjetën të dielën. Dy alpinistë të tjerë në një grup të tretë mbijetuan.

Alarmi u ngrit nga të mbijetuarit, duke shkaktuar operacionin e shpëtimit./KP

Continue Reading

Botë

Izraeli konfirmon kthimin trupave të tre ushtarëve nga Hamasi

Published

5 hours ago

on

November 3, 2025

By

Izraeli ka konfirmuar identitetin e tre pengjeve të vdekur, trupat e të cilëve i mori nga Hamasi nëpërmjet Kryqit të Kuq në Gaza të dielën.

Testet mjeko-ligjore treguan se mbetjet ishin ato të ushtarëve izraelitë Kolonel Asaf Hamami, 40 vjeç, Kapiten Omer Neutra, 21 vjeç, dhe Rreshterit të Shtabit Oz Daniel, 19 vjeç, tha zyra e kryeministrit.

Konfirmimi do të thotë se tetë pengje të vdekur izraelitë dhe të huaj janë ende në Gaza.

Sipas fazës së parë të marrëveshjes së armëpushimit të ndërmjetësuar nga SHBA-të me Izraelin, e cila filloi më shumë se tre javë më parë, Hamasi pranoi të kthejë të 20 pengjet e gjallë dhe 28 pengjet e vdekur që mbante./KP

Continue Reading

Të kërkuara