Lajmet nga UBT

UBT mirëpret talentet kreative, fitues të sfidës “Innovation Unleashed”

Published

6 months ago

December 24, 2024

EAd Sul

UBT ka mirëpritur 10 talentet e industrive kreative fituese të garës “Innovation Unleashed: A Challenge for Creative Minds”. Me mbështetjen e Ambasadës së Dukatit të Madh të Luksemburgut në Prishtinë, ky projekt synon të krijojë mundësi për zhvillimin e produkteve të reja inovative dhe përmirësimin e ekonomisë vendore përmes fuqizimit të ideve krijuese.

Në kuadër të kësaj nisme, talentët pjesëmarrës kanë pasur mundësinë të marrin mentorim nga ekspertët më të njohur të UBT-së, të cilët u kanë ofruar udhëzime dhe mbështetje në zhvillimin e aftësive të tyre në sipërmarrje dhe vetëpunësim. Kjo mbështetje ka si qëllim përgatitjen e të rinjve për të qenë udhëheqës të mundshëm të industrive kreative, duke i ndihmuar ata të zhvillojnë ide novatore dhe të krijojnë mundësi biznesi.

Gjatë këtij eventi, u mbajt një takim i veçantë me Rektorin e UBT-së, Prof. Dr. Edmond Hajrizi, dhe profesorë të Fakultetit të Artit, Mediave Digjitale dhe Dizajnit të Integruar, ku talentet prezantuan projektet e tyre inovative. Ata ndanë ide që përfshinin një platformë të dedikuar për postimin e ngjarjeve kulturore javore dhe mujore, që mundëson krijimin e mundësive për organizimin e aktiviteteve kulturore në mbarë Kosovën. Po ashtu, u paraqitën produkte të avancuara që përdorin teknologjinë e Inteligjencës Artificiale (AI) për personalizimin e enterierëve, duke ofruar mundësi për dizajnin e hapësirave të brendshme të përshtatshme për çdo individ dhe klient.

Projektet që u prezantuan gjithashtu përfshinin produkte të tjera kreative, si pajisje dhe objekte të dizajnuara për t’u përshtatur me nevojat dhe dëshirat e klientëve, që kanë potencial për të hapur mundësi të reja tregu për bizneset vendore. Këto ide tregojnë angazhimin e rinisë kosovare për të ofruar zgjidhje të reja dhe novatore për nevojat e ndryshme të shoqërisë.

Rektori Hajrizi, gjatë takimit, dëgjoi me kujdes secilin projekt dhe ndau mendime dhe këshilla praktike që do t’i ndihmojnë këta talente të rinj të përmirësojnë produktet dhe idetë e tyre, duke ofruar mbështetje dhe motivim për ta arritur suksesin në fushën e sipërmarrjes. Ai theksoi rëndësinë e zhvillimit të industrive kreative dhe mundësitë që ky sektor mund të krijojë për të rinjtë, si dhe rolin e UBT-së si një faktor kyç në mbështetje të zhvillimit të këtyre industrive në Kosovë.

Aktiviteti është dëshmi e angazhimit të UBT-së për të kontribuar në zhvillimin e aftësive profesionale të studentëve dhe të rinjve të Kosovës, duke i mbështetur ata që të bëhen liderë dhe inovatorë në fushat e tyre. Ndihma që këta talente kanë marrë nëpërmjet mentorimit dhe mbështetjes së drejtpërdrejtë do t’u mundësojë atyre të shndërrojnë idetë e tyre kreative në mundësi të qëndrueshme biznesi, duke kontribuar kështu në forcimin e sektorit të industrive kreative në vend./UBTNews/

Up Next

Bashkëpunimi i ri për studentët e Ndërtimtarisë – UBT nënshkruan marrëveshje me Ndërmarrjen Publike Banesore në Prishtinë

Don't Miss

Eurotripi i ëndrrave: Horizonte të reja për studentët e UBT-së

Lajmet nga UBT

UBT shpall konkurs për pranimin e studentëve të rinj për vitin akademik 2025/26

Published

19 hours ago

July 1, 2025

UBTnews

UBT shpall konkursin e rregullt publik për pranimin dhe regjistrimin e studentëve të rinj për vitin akademik 2025/2026, në të gjitha programet e studimit, në nivelet: Bachelor dhe Master, të akredituara nga Agjencia e Akreditimit e Kosovës dhe të licencuara nga MAShTI.

Të drejtën e konkurrimit dhe të regjistrimit në studimet themelore (Bachelor) e kanë të gjithë kandidatët të cilët e kanë përfunduar shkollimin e mesëm të lartë dhe të cilët e kanë përfunduar me sukses testin kombëtar të maturës.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

Prishtinë;
Lipjan;
Prizren;
Pejë;
Ferizaj;
Gjilan.

Mobilitetet/bursat ndërkombëtare:

Erasmus+;
CEEPUS;
PoSIG, etj.

Gjuha e studimeve:

Gjuhë shqipe;
Gjuhë angleze;
Mundësia e studimit në gjuhë të tjera.

Për sukses të garantuar, UBT ofron për studentët:

Orientim dhe praktika profesionale, kurse, vizita studimore dhe certifikime;
Sistem online dhe qasje në kompjuterë;
Licenca falas për softuerë;
Praktikë në kompani vendore dhe ndërkombëtare;
Librari me mbi 200 mijë tituj dhe qasje në libraritë elektronike botërore;
Praktikë dhe eksperimente në laboratorë bashkëkohorë;
Trajnime: CISCO, Microsoft, AutoCad, IPMA, etj;
Certifikime për kontabilistë në bashkëpunim me SCAAK.
Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
Diplomën e shkollës së mesme – origjinale ose kopje të noterizuar;
Dëftesat e shkollës së mesme – origjinale ose kopje të noterizuar;
Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIn dhe TikTok.

Leading the Way

#jointheLEADER

Lajmet nga UBT

UBT International Smart Schools tani edhe në Prizren: Promovohen drejtimet për mjekësi në ditën e Testit të Arritshmërisë

Published

5 days ago

June 27, 2025

UBTnews

Në një nga ditët më të rëndësishme për semimaturantët në mbarë vendin, ditën e Testit të Arritshmërisë, stafi i UBT International Smart Schools ka qenë i pranishëm në qytetin e Prizrenit së bashku me nxënësit për të promovuar ofertën arsimore.

UBT ka ndarë materiale informuese, duke ofruar detaje mbi mundësitë që ofron kjo shkollë për të gjithë të rinjtë që dëshirojnë të ndjekin një karrierë në fushën e mjekësisë.

Me një infrastrukturë moderne dhe metodologji të avancuar të mësimdhënies, UBT International Smart Schools ofron dy drejtime në Shkollën e Mesme të Mjekësisë:

Bashkëpunëtor Profesional i Infermierisë

Teknik i Laboratorit Mjekësor

Këto drejtime janë të dizajnuara për të përgatitur të rinjtë për një karrierë të sigurtë në shëndetësi, me fokus për praktikë të drejtpërdrejtë në institucionet shëndetësore dhe zhvillimin profesional të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.

Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

Lajmet nga UBT

UBT International Smart Schools tani edhe në Gjilan me dy programe në mjekësi

Published

6 days ago

June 26, 2025

UBTnews

UBT International Smart Schools sjellë në Gjilan dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor. Kjo është mundësia ideale për nxënësit që duan të ndjekin një profesion të sigurt në fushën e shëndetësisë.

Me pajisje moderne dhe mësim me metoda bashkëkohore, shkolla ofron përgatitje të plotë praktike dhe teorike për profesionistët e ardhshëm të mjekësisë.

Programe të ofruara:
Bashkëpunëtor Profesional i Infermierisë
Teknik i Laboratorit Mjekësor

Nxënësit do të kenë mundësi të praktikojnë në institucione shëndetësore dhe të mësojnë nga profesionistë me përvojë, duke u përgatitur për sfidat e tregut të punës në sektorin e shëndetësisë.

Mos e humb shansin të bëhesh pjesë e kësaj rrugë të sigurt profesionale. Regjistrohu tani — vendet janë të kufizuara!

REGJISTROHU ONLINE

Lajmet nga UBT

Tani edhe në Prizren: UBT International Smart Schools me dy drejtime të mjekësisë

Published

6 days ago

June 26, 2025

UBTnews

UBT International Smart Schools zgjeron ofertën arsimore dhe edukative me dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor, duke i ofruar nxënësve të Prizrenit mundësinë për të ndjekur një karrierë të sigurtë në fushën e mjekësisë.

Me një infrastrukturë moderne dhe metodologji të avancuar të mësimdhënies, shkolla sjell mundësi të shumta për të rinjtë që duan të specializohen në profesionet mjekësore.

Nxënësit tani mund të zgjedhin mes dy programeve kryesore:Bashkëpunëtor Profesional i Infermierisë
Teknik i Laboratorit Mjekësor

Këto drejtime janë të fokusuar në inovacion, praktikë të drejtpërdrejtë në institucione shëndetësore dhe zhvillimin profesional të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.

Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

REGJISTROHU ONLINE