Lajmet

Tre trajtime me rozmarinë për flokë të fortë e plot shkëlqim!

Rozmarina do t’i dhurojë flokëve një aromë të mrekullueshe dhe do t’a bëjë ngjyrën e tyre më të fortë e të thellë.

Published

5 years ago

January 25, 2022

UBT news

Të trajtosh flokët e dëmtuar apo t’i mbash ata të shëndetëshëm, janë dy procese të vështira.

Ndër kurat dhe trajtimet e pafundme, në krye të listës qëndrojnë gjithnjë ato me bazë bimore dhe natyrale. Një ndër to AgroWeb.org ua sugjeron sot, për të pasur flokë të shëndetëshëm e të fortë.

Këtë herë ju këshillojmë si t’a përdorni rozmarinën për flokët. Kjo erëz është një trajtim natyral i mrekullueshëm, përsa i përket flokëve të dëmtuar dhe delikatë.

Për ta përdorur tek flokët tuaj lexoni mëposhtë përgatitjen e saj fare lehtë në shtëpi.

Përse duhet ta përdorni?

Së pari, rozmarina do t’i dhurojë flokëve një aromë të mrekullueshe dhe do t’a bëjë ngjyrën e tyre më të fortë e të thellë. Gjithsesi efektet më të rëndësishme kjo erëz i ka tek shëndeti i flokëve dhe i skalpit të kokës.

Nëse vuani nga probleme të zbokthit apo me lëkurën e kokës, rozmarina do t’ju japë zgjidhjen më të shpejtë. Kjo pasi stimulon rirtjen e mirë të flokëve, forcimin e rrënjës, shkëlqimin e tyre dhe ju çliron nga stresi.

Si ta përgatisni?

Për t’a përgatitur vajin e rozmarinës nuk do t’ju duhet asgjë e veçantë, përveç një tufe nga erëza dhe pak vaj ulliri. Merrni një ose dy degë rozmarine dhe vendoseni në një enë apo shishe qelqi hermetike. Mbusheni atë me vaj ulliri, derisa rozmarina të mbulohet plotësisht dhe mbylleni mirë me kapak. Këtë enë lëreni në një vend të errët e të thatë për 1 muaj e më pas do të jetë gati.

Aplikojeni vajin në flokë të thatë para se të bëni dush. Bëjeni këtë që nga rrënja e flokëve deri tek majat dhe mbajini për 1 orë në mënyrë që rozmarina të veprojë.

Uji i rozmarinës

Një tjetër mënyrë e lehtë dhe shumë natyrale e përdorimit të rozmarinës është nëpërmjet zirjes së saj në ujë. Mbushni një tenxhere me ujë, vendoseni në zjarr të ziejë dhe shtoni brenda disa degë rozmarine. Kur uji të jetë zier plotësisht dhe rozmarina të ketë lëshuar të gjithë ekstraktin e saj, fikni zjarrin dhe lëreni të ftohet pak. Më pas kulloni ujin me kujdes dhe mund t’a shpërlani kokën me të menjëherë pas dushit.

Gjithashtu mund t’a ruani në shishe të vogla dhe të lyeni flokët çdo herë pasi bëni dush.

Tonik me rozmarinë

Për këtë trajim do t’ju duhet një përzierje e gjithë çfarë lexuat më lart.

Në një shishe hidhni gjysmë litri ujë të nxehtë, 5 lugë gjelle ujë rozmarine si ai që shpjegohet më lart dhe 10 pika vaj rozmarine.

Lëreni ujin të ftohet, e më pas aplikojeni këtë tonik tek rrënjët e flokëve, si një trajtim kundër zbokthit dhe problemeve me skalpin./AgroWeb.org

Vendi

Monodramë, Dokumentarë dhe Muzikë: Çfarë shënoi ditën e tretë të “Etno Fest”

Published

13 minutes ago

August 7, 2026

UBTNews

Dita e tretë e festivalit “Etno Fest” solli një gërshetim të arteve skenike, trashëgimisë kulturore dhe kujtesës kolektive, duke përfshirë shfaqje teatrale, demonstrime tradicionale, dokumentarë historikë dhe muzikë live.

Programi artistik nisi me monodramën “No Surprises”, me regji të Endrit Gashit dhe interpretim të Ergjan Mehmetit. Shfaqja u prezantua përmes një qasjeje skenike interesante, duke trajtuar përjetimet e individit, raportin e tij me realitetin bashkëkohor dhe dimensionin emocional të dashurisë.

Në kuadër të promovimit të trashëgimisë kulturore u prezantua etno-performanca “Zeje në zhdukje: Farkëtari”. Përmes demonstrimit praktik të mjeshtërisë së farkëtimit, performanca vuri në pah rëndësinë e ruajtjes dhe transmetimit të zanateve tradicionale.

Mbrëmja vazhdoi me shfaqjen e dy dokumentarëve me tematikë nga historia e Kosovës:

“Ferdonija” me autorë Gazmend Bajri dhe Shkurte Dauti: Një rrëfim për historinë dhe qëndresën e Ferdonije Qerkezit nga Gjakova, e cila jeton me kujtimin e bashkëshortit dhe katër djemve të saj të humbur gjatë luftës.

“Pesë lulet, një notë e humbur” me autor Fatlum Haziri: Dokumentar që trajton temën e helmimeve të nxënësve në shkollat e Kosovës gjatë viteve ’90, i ndërtuar mbi dëshmi, intervista dhe materiale arkivore.

Aktivitetet e ditës u përmbyllën me “Etno Nejën”, ku interpretoi grupi “Ardian Behrami CIPA & Band”, duke sjellë përpunime muzikore për publikun pranishëm. /E.A/

Vendi

Katër të lënduar në një aksident trafiku në aksin Gjilan-Koretishtë

Published

20 minutes ago

August 7, 2026

UBTNews

Katër persona kanë pësuar lëndime trupore si pasojë e një aksidenti trafiku të ndodhur mëngjesin e së premtes në aksin rrugor Gjilan-Koretishtë, ku janë përfshirë dy automjete.

Zëdhënësi i Policisë së Kosovës për rajonin e Gjilanit, Valon Osmani, bëri të ditur se ngjarja ka ndodhur rreth orës 05:00. Si pasojë e përplasjes, përveç dëmeve materiale, lëndime kanë pësuar dy drejtuesit e automjeteve dhe dy pasagjerë.

“Të njëjtit, pas pranimit të tretmanit mjekësor në Qendrën Emergjente të Spitalit të Përgjithshëm në Gjilan, janë liruar për në shtëpi”, deklaroi Osmani.

Hetuesit e Njësisë Rajonale të Trafikut Rrugor në Gjilan kanë nisur hetimet për zbardhjen e plotë të rrethanave dhe shkaqeve të këtij aksidenti. /Ekonomia online/

Vendi

Arrestohet një person i dyshuar për grabitje në Pejë

Published

40 minutes ago

August 7, 2026

UBTNews

Policia e Kosovës ka arrestuar një person të dyshuar për një grabitje të ndodhur në dhjetor të vitit të kaluar në rrugën “Qamëria” në Pejë.

Sipas njoftimit zyrtar, ngjarja kishte ndodhur më 20 dhjetor 2025, rreth orës 03:30, ku persona të dyshuar kishin hyrë në shtëpinë e viktimës dhe kishin vjedhur një sasi të konsiderueshme parash, stoli ari si dhe një telefon mobil.

Pas hetimeve intensive të Sektorit Rajonal për Hetime, më 6 gusht 2026 është arritur identifikimi dhe arrestimi i njërit prej të dyshuarve.

Me urdhër të Prokurorit të Shtetit, i dyshuari është dërguar në mbajtje për 48 orë, ndërsa hetimet po vazhdojnë nga Sektori Rajonal i Hetimeve pranë Drejtorisë Rajonale të Policisë në Pejë. /E.A/

Lajmet

Afati i fundit kushtetues për konstituimin e Kuvendit

Published

1 hour ago

August 7, 2026

UBTNews

Sot mbushet afati i fundit kushtetues për konstituimin e Kuvendit të Kosovës, ndërsa nga ky institucion nuk është bërë e ditur se kur do të vazhdojë seanca e ndërprerë për legjislaturën e 11-të.

Punimet e seancës konstituese u ndërprenë me kërkesë të kryetarit të Lëvizjes Vetëvendosje, Albin Kurti, i cili kërkoi kohë shtesë për diskutime me përfaqësuesit e partive politike, me qëllim arritjen e një marrëveshjeje për çështjen e presidentit. Kjo kërkesë nxiti reagime nga ligjvënësit e Partisë Demokratike, mirëpo kryesuesi i seancës, Avni Dehari, ndërpreu punimet.

Para ndërprerjes, Kuvendi përmbylli dy pikat e para të rendit të ditës: formimin e komisionit për verifikimin e mandateve dhe betimin e deputetëve. Pasi u konstatua rregullsia e mandateve, ligjvënësit e zgjedhur dhanë betimin, përfshirë edhe deputetët e Listës Serbe. /E.A/