Kulturë

Tradita e jetës: Panairi i Artizanëve në Gjirokastër mbledh 40 pjesëmarrës të të gjitha trojeve

Published

5 months ago

on

Një festë e vërtetë e artizanatit dhe traditës kulturore u zhvillua në Gjirokastër, ku 40 artizanë nga Shqipëria, Kosova, Mali i Zi dhe Maqedonia e Veriut u bashkuan për të ekspozuar punimet e tyre të jashtëzakonshme. Ky panair, i cili tashmë ka fituar një vend të veçantë në kalendarin e aktiviteteve kulturore të qytetit të gurtë, ofron një platformë për të promovuar artin dhe mjeshtërinë e traditave artisanale të rajonit.

Artizanët, disa prej të cilëve morën pjesë për herë të parë, shprehën kënaqësinë e tyre për mikpritjen e ngrohtë që u ofrua nga banorët dhe vizitorët e Gjirokastrës. Puna e tyre përfshinte një gamë të gjerë produktesh, si çanta, kurora dhe fustane, të gjitha të punuara me një mjeshtëri të veçantë dhe me një vëmendje të jashtëzakonshme ndaj detajeve. Cilësia e punimeve të dorës tërhoqi një interes të madh, sidomos nga turistët, të cilët kishin ardhur për të njohur më thellë kulturën dhe traditat artisanale të Shqipërisë.

Një nga momentet më tërheqëse të panairit ishte mundësia e shikimit të demonstrimeve “live” të proceseve artizanale. Këto aktivitete ofruan një pamje të qartë mbi punën e vështirë dhe pasionin e artistëve, duke krijuar një lidhje të drejtpërdrejtë mes krijuesve dhe vizitorëve.

Panairi i Artizanatit dhe Trashëgimisë Kulturore, organizuar në kuadër të Javës së Trashëgimisë Kulturore, dëshmoi përkushtimin e Gjirokastrës ndaj ruajtjes dhe promovimit të trashëgimisë kulturore, duke ofruar një hapësirë për dialog dhe shkëmbim kulturor mes kombeve. Kjo ngjarje përforcoi bindjen se artizanati është një pasuri e çmuar, e cila meriton të ruhet dhe të çmohet nga brezat e ardhshëm./UBTNews/

Related Topics:
Continue Reading

Lifestyle

Zyrtare: Sydney e ka kafenenë më të mirë në botë

Published

1 day ago

on

February 28, 2025

By

Është zyrtare: Sydney e ka kafenenë më të mirë në botë.

Të paktën kështu paraqitet në listën e re të top kafeneve të botës, me qytetin australian që i ka mposhtur të gjitha të tjerat.

Kafeneja “Toby’s Estate Coffee Roasters” u kurorëzua si më e mira në botë, ndërsa më pas u rendit kafeneja “Onyx” në Arkansas, “Gota Coffee Experts” në Vjenë, “Proud Mary” në Melbourne dhe “Tim Wendelboe” në Oslo, raportoi CNN.

Në top dhjetë kafenetë më të mira u futën edhe të tjera në Singapor, Francë, Malajzi dhe Kolumbi.

Kafenetë u vlerësua në bazë të disa faktorëve, duke filluar nga kualiteti i kafesë dhe ushqimi, praktikat dhe shërbimi ndaj konsumatorëve. Vlerësimet e njerëzve dhe ekspertëve u morën parasysh dhe u futën në platformën “Top 100 kafenetë më të mira në botë”, e cila më pas nxori fituesin.

Continue Reading

Kulturë

Vdes fotoreporteri Alban Bujari

Published

1 day ago

on

February 28, 2025

By

Ka vdekur fotoreporteri Alban Bujari, i cili dokumentoi tmerret e luftës përmes fotografive. Lajmin për vdekjen e tij e kanë bërë të ditur familjarët të cilët gjithashtu thanë se ai do të varroset të premten në varrezat e qytetit në Prishtinë.

Ai ka punuar për një kohë të gjatë për gazetën “Koha Ditore”.

Bujari përmes fotografive të tija ka dëshmuar shumë vrasje e masakra të forcave serbe gjatë luftës në Kosovës.

Ai kishte hapur edhe ekspozitën e titulluar “Erë gjaku” përmes së cilës kujtohej Masakra e Rogovës së Hasit në Gjakovë.

Ndër të tjera ekspozita të Bujarit, ishin edhe ato me fotografi nga Prekazi, Burgu i Dubravës, Reçaku e Krusha.

Continue Reading

Magazinë

E larguan nga puna në Televizionin Shtetëror, reagon ashpër gazetarja Elona Jaçellari

Published

2 days ago

on

February 27, 2025

By

Në edicionin e radhës të “N’Ritëm” me Albina Zeneli, në Campus Radio u trajtua një temë aktuale në ndodhi në Shqipëri.

Bëhet fjalë për gazetaren e njohur Elona Jaçellari e cila u bë protagonistja e një rasti specifik në Televizionin Shtetëror.

Ajo ishte bashkëautore dhe bashkëprezantuese e emisionit “Jetë Shqiptare”, Jaçellari ka bërë një reagim publik për ngjarjen aspak të këndshme që i ka ndodhur duke e pushuar nga puna pa paralajmërim.

E njëjta ka marrë pëlqime e komente për këtë situatë e madje portalet në Shqipëri publikuan edhe kontratën ku dëshmon se Elona dhe RTSH kishin marrëveshje deri në korrik të vitit 2025.

“Dua të tregojë gjithë procesin, pasi kam kaluar 2 muaj të vështirë, nuk e hapa muhabetin as me familjen time e as me shoqërinë. E gjithë gjëja ndodhi me 31 dhjetor e në vend se të festoja si të gjithë unë u shkarkova njëherë nga lotët”, kështu e nis Elona këtë rrëfim që sipas saj ishte më i rëndi në karrierën e saj 22 vjeçare në media.

Për më shumë nga kjo bisedë telefonike, dëgjoni intervistën e plotë tek linku i mëposhtëm.

/UBT News/

Linku: https://www.facebook.com/campusradio100.7/videos/2383393868691439

Continue Reading

Lifestyle

Ja si t’i eliminoni pikat e bardha përreth syve

Published

2 days ago

on

February 27, 2025

By

Pikat e bardha të cilat mund të shfaqen në gjithë fytyrën formohen duke e mbyllur keratinën nën sipërfaqe të lëkurës dhe duke krijuar fshikëz të vogël.

Gjithashtu, mund të jenë grumbullues të yndyrës dhe dhjamit.

Milia quhen topthat e vegjël që dalin në fytyrë zakonisht rreth zonës së syve. Ato shfaqen në formën e cisteve dhe mund të qëndrojnë në lëkurë për muaj të tërë apo edhe vite.

Menjëherë duhet patjetër ta dini që nuk bën t’i shtrydhni. Ato janë grumbullime tepër thellë nën lëkurë dhe në vende të ndjeshme.

Megjithatë, nëse nuk dëshironi të shkoni te mjeku mund të provoni me këtë metodë:

Nevojiten:

– sheqer
– limon
– vaj ulliri

Përgatitja:

Përzieni dy lugë çaji sheqer me lëng prej gjysmë limoni, tretjes shtoni një lugë vaj ulliri.

Aplikimi:

Bëni masazh të lehtë lëkurës dhe lëreni të veprojë 15 deri në 20 minuta.

Pastaj shpëlajeni me ujë të ngrohtë. /UBT News/

Continue Reading

Të kërkuara