Lajmet nga UBT
Thellohet bashkëpunimi në mes Fakultetit Inxhinieri Ndërtimore dhe Infrastrukturë në UBT dhe Industrisë së Ndërtimit dhe Prodhimit të Materialeve Ndërtimore
Kompania amerikane “PENETRON” me degën e saj në Athinë të Greqisë dhe po ashtu me nëndegën e saj në Kosovë “PENETECH”, rikthehen me interesim për vazhdim të bashkëpunimit me UBT-në.
Bashkëpunimi ndërmjet industrive të ndryshme nga vendi dhe rajoni me Akademinë në UBT ka rezultuar me investime edhe në hulumtime shkencore në Laboratorin e Materialeve në UBT, kësaj radhe nga Industria e Ndërtimit dhe Prodhimit të Materialeve Ndërtimore.
Kompania amerikane “PENETRON” me degën e saj në Athinë të Greqisë dhe po ashtu me nëndegën e saj në Kosovë “PENETECH”, rikthehen me interesim për vazhdim të bashkëpunimit me UBT-në.
Vlen të theksohet që njohja e kompanisë “PENETRON – PENETECH” ka fillet e saj në Panairin e Materialeve Ndërtimore të organizuar nga Fakulteti i Inxhinierisë Ndërtimore dhe Infrastrukturës në UBT në kuadër të Akademisë Verore, ku kjo kompani ishte sponsor kryesor i aktiviteteve të ndryshme.
Ata kthehen dhe kërkojnë që pas fushatës së parë hulumtuese mbi betonet jetëgjate të vazhdojnë hulumtimet në Laboratorin e Materialeve të UBT-së mu për shkak të konfirmimit të cilësisë mbi menaxhimin e punës, testimeve dhe po ashtu prezantimit të rezultateve të cilat vazhdojnë të jenë në studim e sipër.
Në kuadër të kësaj fushate eksperimentale vlen të theksohet që Fakulteti i Ndërtimit me Laboratorin kanë thelluar bashkëpunimin ku kanë përfituar studentët e nivelit bachelor dhe master me punimet e tyre në laborator dhe duke ndërlidhur Akademinë dhe Industrinë që është edhe thelbi i punës se këtij fakulteti.
Këto rezultate janë prezantuar edhe në Konferencën Ndërkombëtare me renome dhe pritet po ashtu të vazhdohet edhe më tej me këtë pjesë ku priten ende rezultate edhe më të mira, si fryt i këtij bashkëpunimi. Në kuadër të këtyre testimeve janë mbajtur edhe disa takime për të konfirmuar aspektet e laboratorit dhe prezantimit të rezultateve dhe takime e prezantime të tjera do të vazhdojnë.
Tashmë Fakulteti Inxhinieri Ndërtimore dhe Infrastrukturë në UBT konfirmon edhe njëherë kompetencën rajonale dhe evropiane dhe me këtë angazhim të përbashkët edhe të studentëve synohet të përfitohet nga këto zhvillime pozitive në UBT.
Një vizitë e veçantë është realizua në Innovation Center të RTU ku përfaqësuesit e Innovation Center prezantuan idetë e tyre dhe start-up që studentët po realizojnë më përkrahjen e RTU-s duke ndërlidhur edhe studentët direkt me industrinë dhe duke realizuar prototipe ku ishin prezent edhe ne pjesën që realizohen, në laboratorët inovative të RTU-s.
Po ashtu u dakordua që bashkëpunimi të vazhdojë jo vetëm me Fakultetin e Inxhinierisë Ndërtimore dhe Infrastrukturës në UBT, por të shtrihet edhe në fakultetet të tjera dhe të rritet bashkëpunimin në nivel Universiteti.
Aktualitet
Profesori i UBT-së, Hamëz Rama, ligjëroi në Hardh Talk në kuadër të Hardh Fest në Rahovec
Në kuadër të Festivalit tradicional “Hardh Fest”, që është kthyer në një ndër ngjarjet e rëndësishme kulturore në vend, u mbajt aktiviteti Hardh Talk, ku këtë vit ligjwroi profesori i UBT-së, Prof. Ass. Dr. Hamëz Rama.
Ligjërata e tij, me temën “A mund të jetë vera pasaporta e re për zhvillimin ekonomik dhe imazhin ndërkombëtar të Kosovës?”, ngjalli interesim të madh tek publiku i pranishëm. Rama theksoi se vera, dhe në veçanti ajo e Rahovecit, mund të shërbejë si një element identitar dhe si një instrument i fuqishëm ekonomik, duke promovuar vendin në tregjet ndërkombëtare.
Në këtë aktivitet mori pjesë edhe Rektori i UBT-së, Prof. Dr. Edmond Hajrizi. Ngjarja, e cila u zhvillua në ambientet tradicionale të Bodrumit të Vjetër në Rahovec, mblodhi së bashku ekspertë të industrisë, akademikë dhe përfaqësues institucionesh, duke hapur një debat të gjerë mbi rolin e industrisë së verës në zhvillimin ekonomik dhe turizmin në Kosovë.
Aktualitet
UBT sjell modelin e suksesshëm austriak të arsimit në turizëm: Dy diploma për studentët e Kosovës dhe rajonit
Turizmi është një sektor kyç për zhvillimin ekonomik dhe të qëndrueshëm të Kosovës, që kërkon profesionistë të përgatitur sipas praktikave më të mira ndërkombëtare. Për ta bërë këtë të mundur, UBT ka nënshkruar një marrëveshje për Diplomë të Dyfishtë (Double Degree) me IMC Krems – University of Applied Sciences në Austri, një nga modelet më të suksesshme evropiane në arsimin për turizëm.
Në bazë të kësaj marrëveshjeje, studentët e Turizmit në UBT do të studiojnë dy vite në Kosovë dhe vitin e fundit në Austri, duke u pajisur me dy diploma universitare – një nga UBT dhe një nga IMC Krems.
Marrëveshja u nënshkrua nga Presidenti i UBT-së, Prof. Dr. Edmond Hajrizi, në Austri, ku ai u prit nga themeluesi dhe kryetari i bordit mbikëqyrës të IMC Krems, Heinz Boyer, drejtori ekzekutiv Udo Brändle, si dhe nga Iris Waringer, drejtuese e Marrëdhënieve Ndërkombëtare, dhe Chen Yang, përgjegjës për projektet ndërkombëtare.
“Ky bashkëpunim është dëshmi e orientimit ndërkombëtar të UBT-së dhe përkushtimit tonë për t’u ofruar studentëve mundësi unike që e rrisin cilësinë e studimeve dhe hapin dyert e karrierës ndërkombëtare”, tha Rektori Hajrizi.
Ky program Double Degree do të shndërrohet në një nga shtyllat kryesore të zhvillimit të turizmit në Kosovë, duke përgatitur gjenerata të reja profesionistësh që do të kontribuojnë në promovimin e vendit si destinacion turistik dhe në rritjen e standardeve të industrisë së mikpritjes.
Austria konsiderohet si një ndër modelet më të suksesshme në fushën e arsimit profesional për turizëm dhe hotelieri, duke ofruar një sistem shkollimi të avancuar dhe të orientuar drejt praktikës.
Aktualitet
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
Arrestohet një person i dënuar për posedim të paautorizuar të armëve dhe narkotikëve
Njoftim për prindërit nga Lugina e Preshevës, Maqedonia e Veriut, Shqipëria dhe vendet tjera të banuara me shqiptarë
Bayrou niset t’ia dorëzojë dorëheqjen Macronit
Begaj takohet me Kamberin: S’do të heqi dorë nga përpjekjet për unifikimin e faktorit shqiptar
Si të shihni kush ju ka hequr në Instagram me ChatGPT
‘Mallkimi i Drake’ godet edhe Jannik Sinner: 300 mijë dollarë të humbura
Vdes një 29-vjeçare lehonë në QKUK, humbi edhe foshnjën disa ditë pas lindjes
Presidentja Osmani: Bllokimi i Kuvendit cenon themelet e shtetit
Italianët bëjnë dush më shpesh se çdokush tjetër në Evropë
-
Aktualitet2 weeks agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months agoUBT shpall konkurs për pranimin e studentëve të rinj për vitin akademik 2025/26