Lajmet

Thatësira aktuale në Evropën Jugore ‘mund të bëhet më e keqja ndonjëherë’

Ndryshimet klimatike kanë rritur rrezikun e zjarrit, thonë shkencëtarët.

Published

on

Bashkimi Evropian po përgatitet për një sezon të vështirë zjarresh me qindra zjarrfikës nga shtete të ndryshme anëtare që janë vendosur, pasi kjo thatësirë mund të bëhet “më e keqja ndonjëherë”.

“Që nga viti 2017, ne kemi qenë dëshmitarë të zjarreve më intensive në pyjeve që janë parë ndonjëherë në Evropë dhe që, për fat të keq, presim që sezoni i zjarreve në pyje të vitit 2022 të ndjekë këtë trend”, u tha ligjvënësve Maroš Šefčovič, nënkryetar i KE për marrëdhëniet ndërinstitucionale.

“Në mënyrë të ngjashme, shërbimi i menaxhimit të urgjencës Copernicus tregon se thatësira aktuale në Evropë mund të bëhet më e keqja ndonjëherë”, shtoi ai.

Ndryshimet klimatike kanë rritur rrezikun e zjarrit, thonë shkencëtarët. Temperaturat më të larta të verës, së bashku me efektet e thatësirave të shumta e të gjata, e bëjnë më të lehtë ndezjen dhe përhapjen e zjarreve. Vetë sezoni i zjarreve është bërë më i gjerë.

BE dhe vendet fqinje u ndikuan rëndë në vitin 2021 me një seri zjarresh, të nxitura nga valët rekord të të nxehtit, me ferma, fusha dhe pyje të shkatërruara në të gjithë Mesdheun, përfshirë Turqinë, Greqinë, Italinë, Francën, Shqipërinë, Maqedoninë e Veriut dhe Spanja, Algjeria dhe Tunizia në Afrikën e Veriut dhe vendet e Lindjes së Mesme si Libani dhe Izraeli.

Disa zjarre çuan në skena apokaliptike, si në Evia, ku njerëzit u detyruan të iknin nga ishulli grek me varkë në fund të natës.

Sipas Organizatës Evropiane për Shfrytëzimin e Satelitëve Meteorologjikë, viti 2021 ishte viti i dytë më i keq i regjistruar ndonjëherë për zjarret në pyje në Mesdhe, pas vitit 2017 dhe të paktën 86 persona humbën jetën.

“Ne po planifikojmë të blejmë 12 avionë shtesë sipas (projektit) rescEU. Kur kapacitetet kombëtare janë të mbingarkuar, (kjo forcë mbrojtëse) është gati të ndërhyjë për të ofruar mbështetje shtesë për t’u përballur me fatkeqësitë në Evropë”.

“Këtë vit, për herë të parë në historinë e BE-së, Komisioni po financon prepozimin e 204 zjarrfikësve dhe automjeteve tokësore nga Bullgaria, Finlanda, Franca, Gjermania, Norvegjia dhe Rumania në Greqi gjatë korrikut dhe gushtit. Ekipet e para tashmë kanë mbërritur javën e kaluar”, shtoi ai.

Pothuajse e gjithë Portugalia përballet gjithashtu me “thatësirë ​​të madhe” pas majit më të nxehtë në 92 vjet./UBTNews/

Lajmet

​OVL e UÇK-së i reagon Kurtit: Qëllimshëm u anashkaluam sërish

Published

on

By

Organizata e Veteranëve të Luftës së Ushtrisë Çlirimtare të Kosovës ka reaguar ndaj deklarimeve të sotme të kryeministrit në detyrë, Albin Kurti, i cili në mbledhjen e Qeverisë ka folur për rritje të pensioneve dhe pagave.

Sipas OVL-UÇK-së, kryeministri në detyrë “edhe kësaj radhe nuk ka përmendur fare pensionet e veteranëve të luftës”.

Nga kjo organizatë thonë se Qeveria në detyrë po mundohet të krijojë përshtypje mashtruese me premtime për rritje që nuk mund të realizohen pa buxhet të miratuar nga Kuvendi.

Përmes këtij reagimi OVL e UÇK-së kërkon nga qeveria e ardhshme që pensionet e veteranëve të përfshihen në rritjen e pagës minimale.

Në një kohë kur vendi po shkon drejt zgjedhjeve, Qeveria në detyrë po mundohet të krijojë përshtypje mashtruese me premtime për rritje që nuk mund të realizohen pa buxhet të miratuar nga Kuvendi. Por edhe në këtë tentativë për mashtrim të qytetarëve, ku u përmendën të gjitha kategoritë shoqërore, veteranët e luftës së UÇK-së u anashkaluan sërish qëllimisht. Kjo është dëshmi e qartë se diskriminimi ndaj atyre që sakrifikuan më së shumti për lirinë e Kosovës po vazhdon. Në vend që të përmirësohet trajtimi i dinjitetshëm për veteranët, Qeveria në largim po tenton t’i harrojë ata plotësisht, madje edhe në momentet e fundit të mandatit. OVL UÇK kërkon që çdo qeveri e ardhshme të kthejë atë që na takon me ligj, përfshirjen e pensioneve të veteranëve në rritjen e pagës minimale, të drejtë që u mohua padrejtësisht nga qeveria Kurti me ndihmën e Listës Serbe”, thuhet në reagimin e OVL-UÇK-së.

Qeveria në detyrë ka miratuar projektbuxhetin në vlerë prej katër miliardë euro për vitin 2026.

Në mbledhjen e sotme, ekzekutivi mori vendim për rritjen e pensioneve në 150 euro, si dhe shtesave për fëmijë për 50 për qind nga muaji nëntor i këtij viti.

Po ashtu, qeveria në detyrë mori vendim për rritjen e pagës minimale për vitin 2026. Paga minimale u tha se do të rritet në dy faza: nga 1 janari i vitit 2026 paga minimale do të jetë 425 euro, ndërkaq nga korriku i vitit 2026 paga minimale do të bëhet 500 euro./KP

Continue Reading

Lajmet

​Krasniqi për vendimet e Kurtit: Mashtrimi elektoral nuk kalon, uji i turbullt s’pihet dy here

Published

on

By

Kryetari i PDK-së, Memli Krasniqi, ka reaguar ndaj Qeverisë në detyrë për miratimin e projektbuxhetit 2026, rritjen e pensioneve dhe shtesave për fëmijë.

Krasniqi e ka quajtur këtë “tentativë për mashtrim elektoral”, në prag të balotazhit dhe zgjedhjeve parlamentare.

Thesi i mashtrimeve të një ‘babadimri’ që kurrë s’erdhi për qytetarët e Kosovës, sado që premtoi çdo vit për pesë vjet, s’mundet me e rikthy besimin e humbur e as nuk mund të arrijë qëllimin e blerjes së votës për balotazh e për zgjedhje parlamentare,” ka deklaruar Krasniqi.

Ai shtoi se “krejt ato që sot u thanë në mbledhjen e fundit të kësaj qeverie, e që s’u bënë pesë vjet me radhë, do të bëhen: më mirë, më shumë e më shpejt, por me qeverinë e ardhshme, pa Albin Kurtin e pa Vetëvendosjen”.

Krasniqi në fund ka dhënë mesazhin se “mashtrimi elektoral nuk kalon” dhe se “uji i turbullt s’pihet dy herë”.

Buxheti për vitin 2025 ishte 3.6 miliardë euro, derisa paga minimale ishte 350 euro bruto, shtesat për fëmijë ishin 20 euro, pensioni bazik 120 euro./KP

Continue Reading

Lajmet

​Haradinaj i reagon qeverisë: Shumë vonë, shumë pak

Published

on

By

Kryetari i Aleancës për Ardhmërinë e Kosovës, Ramush Haradinaj ka reaguar pas vendimit të sotëm të Qeverisë së Kosovës për miratimin e projekt buxhetit për vitin 2026, rritjen e pagës minimale, pensioneve dh shtesave për fëmijët.

Sipas tij, kjo rritje është e vonuar dhe e pakët. Teksa ka shkruar në rrjetin social “Facebook”, ish-kryeministri, Ramush Haradinaj tha se një rritje e tillë është dashur të ndodh para shumë vitesh.

Shumë vonë, shumë pak. Marre. Kjo rritje është dashur të ndodhë para shumë vitesh. Në takimin e parë të qeverisë sonë, pensioni bazik do të jetë 200 euro, ndërsa paga minimale do të jetë 600 euro. Shtesat për të gjithë fëmijët nga 0–16 vjeç do të kenë rritje të konsiderueshme. Nënat me dy fëmijë do të marrin 100 euro, ndërsa nënat me katër fëmijë do të marrin 300 euro në muaj”, ka shkruar ai.

Qeveria në detyrë ka miratuar projektbuxhetin në vlerë prej katër miliardë euro për vitin 2026. Në mbledhjen e sotme, ekzekutivi mori vendim për rritjen e pensioneve në 150 euro, si dhe shtesave për fëmijë për 50 për qind nga muaji nëntor i këtij viti.

Po ashtu, qeveria në detyrë mori vendim për rritjen e pagës minimale për vitin 2026. Paga minimale u tha se do të rritet në dy faza: nga 1 janari i vitit 2026 paga minimale do të jetë 425 euro, ndërkaq nga korriku i vitit 2026 paga minimale do të bëhet 500 euro./KP

Continue Reading

Lajmet

LDK e quan të paligjshëm miratimin e projektbuxhetit: Përpjekje për blerje votash

Published

on

By

Lidhja Demokratike e Kosovës (LDK) ka reaguar ashpër ndaj vendimit të sotëm për miratimin e buxhetit të vitit 2026 nga Qeveria në detyrë, duke e cilësuar këtë veprim si “akt të paprecedent politik, institucional dhe një përpjekje të dëshpëruar për blerje votash”.

Në një komunikatë për media, LDK ka theksuar se një qeveri pa mandat dhe pa legjitimitet nuk ka të drejtë të miratojë dokumente të tilla madhore, veçanërisht “vetëm një javë para balotazhit të zgjedhjeve komunale dhe pak javë para zgjedhjeve të parakohshme parlamentare”.

“Lidhja Demokratike e Kosovës e konsideron vendimin e sotëm për miratimin e buxhetit për vitin 2026 nga një qeveri pa mandat dhe pa legjitimitet si një akt të paprecedent politik dhe institucional, një përpjekje të dëshpëruar për blerje votash dhe manipulim të procesit zgjedhor vetëm një javë para balotazhit të zgjedhjeve komunale dhe pak javë para zgjedhjeve të parakohshme parlamentare”, thuhet në reagim.

Sipas LDK-së, miratimi i buxhetit në këtë fazë përbën “uzurpim të kompetencave shtetërore dhe keqpërdorim flagrant të buxhetit publik për interesa partiake”. Partia thekson se ky veprim bie ndesh me Kushtetutën dhe aktgjykimet e fundit të Gjykatës Supreme.

“Asnjë qeveri në detyrë nuk mund të marrë vendime kaq madhore e afatgjata që prekin stabilitetin financiar dhe të ardhmen e qytetarëve të Republikës së Kosovës,” thuhet në reagimin e LDK-së.

LDK ka paralajmëruar se çdo tentim për përdorimin e buxhetit si instrument elektoral është i papranueshëm dhe përbën “abuzim me pushtetin dhe shkelje të etikës institucionale”.

Në fund të deklaratës, kjo parti u bën thirrje qytetarëve “të mos bien pre e tentativave mashtruese”, duke theksuar se Kosova ka nevojë për “institucione të ndershme, qeverisje me përgjegjësi dhe transparencë”.

LDK ka shprehur vendosmërinë për të mbrojtur rendin kushtetues, integritetin e institucioneve dhe interesin publik, duke u angazhuar për “rikthimin e besimit qytetar dhe normalitetit institucional” pas zgjedhjeve të ardhshme./KP

Continue Reading

Të kërkuara