Bota

Takimi i tensionuar, Trump ndalon ndihmën ushtarake amerikane për Ukrainën

Published

on

Presidenti Donald Trump ka ndaluar përkohësisht ndihmën ushtarake të SHBA-së për Ukrainën pas një takimi të dështuar në Zyrën Ovale, ndërsa kërkon të bëjë presion ndaj Presidentit ukrainas Volodymyr Zelensky që të angazhohet në bisedimet e paqes me Rusinë.

Ndërprerja e ndihmës, e cila erdhi pasi Trump mbajti një seri takimesh me zyrtarë të lartë të sigurisë kombëtare në Shtëpinë e Bardhë ndërsa do të mbetet në fuqi derisa Trump të përcaktojë se Zelensky ka marrë një angazhim për të kërkuar bisedime paqeje, tha një zyrtar, duke e detyruar në thelb Ukrainën në një tryezë negociatash duke kërcënuar humbje të mëtejshme në fushën e betejës.

Zyrtari i Shtëpisë së Bardhë tha se Trump është i përqendruar në arritjen e një marrëveshjeje paqeje për të përfunduar luftën që ka zgjatur më shumë se tre vjet, duke theksuar se Zelensky duhet të angazhohet për këtë qëllim ndërsa shtoi se SHBA po rishikon ndihmën e saj për të siguruar që ajo të kontribuojë në një zgjidhje ndërsa pauza e saj nuk pritet të jetë e përhershme.

Trump premtoi se nëse fitonte zgjedhjet e vitit 2024, do të përpiqej të përfundonte luftën në Ukrainë sa më shpejt.

Ai ka shprehur zhgënjim ndaj Zelensky dhe ka sugjeruar se mund t’i besohet presidentit rus Vladimir Putin për ruajtjen e paqes, nëse arrihet një armëpushim.

Më herët gjatë ditës, Trump kritikoi Zelensky për deklaratën e tij se fundi i luftës mund të jetë ende shumë i largët.

Komentet e Trump vijnë pasi aleatët e tij kanë intensifikuar presionin ndaj Zelensky për të ndryshuar qasjen ndaj SHBA-së, duke e bërë përfundimin e shpejtë të luftës një prioritet.

Marrëdhënia mes Trump dhe Zelensky është përkeqësuar pas një takimi të diskutueshëm në Shtëpinë e Bardhë, ku Trump dhe Zëvendës Presidenti JD Vance e kritikuan Zelensky për mosvlerësimin e mjaftueshëm të mbështetjes amerikane për Ukrainën.

Në një fjalim të ardhshëm në Kongres, Trump pritet të diskutojë marrëveshjen e mundshme SHBA-Ukrainë që përfshin mineralet e rralla të tokës, një marrëveshje që tani është vënë në dyshim.

Megjithatë, ai ka vazhduar ta përshkruajë atë si “të shkëlqyer” dhe pritet të japë më shumë detaje gjatë fjalimit të tij të martën.

Në një telefonatë me Sekretarin e Jashtëm britanik, David Lammy, Sekretari amerikan i Shtetit, Marco Rubio, ka siguruar se SHBA është e angazhuar për të negociuar përfundimin e konfliktit mes Rusisë dhe Ukrainës dhe ka falenderuar Britaninë për përpjekjet e saj për të inkurajuar Evropën të forcojë mbrojtjen e saj.

Bota

OKB: Rreth 25 milionë njerëz në Sudan përballen me uri akute

Published

on

By

Koordinatorja e Emergjencave në Sudan e Programit Botëror të Ushqimit (WFP) të OKB-së, Samantha Chattaraj tha se afërsisht 25 milionë njerëz në Sudan, ekuivalent me gjysmën e popullsisë, po përballen me uri akute.

Ajo theksoi se WFP kishte bërë disa përpjekje për të ndihmuar njerëzit që mbetën kryesisht pa ndihmë dhe raportoi se në mars ata arritën 4 milionë njerëz në të gjithë Sudanin, katër herë më shumë se numri i njerëzve që ndihmuan një vit më parë.

Rreth 25 milionë njerëz në të gjithë vendin, gjysma e popullsisë, po përballen me uri akute. Rreth 5 milionë fëmijë dhe nëna që ushqejnë me gji janë të kequshqyera në mënyrë akute. Sudani aktualisht është i vetmi vend në botë ku uria është konfirmuar“, tha koordinatorja e OKB-së.

Chattaraj potencoi se synojnë të arrijnë 7 milionë njerëz deri në mesin e vitit dhe se u kanë dhënë përparësi 27 rajoneve që po përjetojnë uri ose klasifikohen si në rrezik urie.

Continue Reading

Bota

Shefi i lartë ushtarak i Rusisë vritet nga shpërthimi i makinës në Moskë

Published

on

By

Komiteti Hetues i Rusisë njoftoi sot se një oficer i lartë ushtarak është vrarë në një shpërthim makine këtë mëngjes në rajonin e Moskës.

Svetlana Petrenko, zëdhënëse e komitetit, konfirmoi se Yaroslav Moskalik, zëvendësshef i Drejtorisë së Operacioneve Kryesore të Shtabit të Përgjithshëm, ishte në automjet kur shpërtheu një pajisje eksplozive.

Pajisja shpërthyese kishte një forcë ekuivalente me më shumë se 300 gramë TNT”, u tha Petrenko gazetarëve në Moskë.

Incidenti vjen pas vdekjes së një zyrtari tjetër të lartë ushtarak rus vitin e kaluar.

Igor Kirillov, kreu i Trupave Ruse të Mbrojtjes Kimike, Biologjike dhe Bërthamore, u vra gjithashtu në një sulm të ngjashëm, për të cilin shërbimet e inteligjencës së Ukrainës morën përgjegjësinë.

Që nga fillimi i luftës në Ukrainë, disa figura të tjera publike ruse, përfshirë reporterë lufte, janë vrarë në shpërthime që u atribuohen shërbimeve speciale ukrainase.

Continue Reading

Bota

I dërguari i SHBA-së, Witkoff në Moskë për të diskutuar marrëveshjen e paqes në Ukrainë

Published

on

By

I dërguari i posaçëm i SHBA-së, Steve Witkoff, ka mbërritur sot në Moskë për bisedime të mëtejshme mbi një marrëveshje paqeje në Ukrainë.

Si SHBA-ja ashtu edhe Rusia kishin njoftuar më parë bisedime të mëtejshme pa dhënë një datë specifike.

Sipas Ministrit të Jashtëm rus, Sergei Lavrov, disa pika të një marrëveshjeje të mundshme për t’i dhënë fund luftës në Ukrainë ende duhet të “përmirësohen”, megjithëse ai i tha transmetuesit amerikan CBS se beson që procesi po ecën në drejtimin e duhur.

Witkoff është takuar disa herë me presidentin rus Vladimir Putin dhe gjithmonë ka folur pozitivisht për udhëheqësin e Kremlinit.

Takimi i tyre i fundit në Shën Peterburg zgjati më shumë se katër orë.

Ai pritet të takohet sërish sot me Putinin, ndërsa bisedimet shihen si një hapje e rrugës për një takim të mundshëm midis udhëheqësit të Kremlinit dhe presidentit të SHBA-së Donald Trump.

Pasi administrata Trump mori detyrën në janar, Uashingtoni e ndryshoi në mënyrë drastike politikën e vendit ndaj Ukrainës, duke kërcënuar se do të ndalonte mbështetjen për Kievin – për të ushtruar presion mbi Ukrainën që të rënë dakord për një marrëveshje paqeje.

Trump tha gjithashtu se anëtarësimi i Ukrainës në NATO nuk ishte temë e diskutimit, ndërsa ka sinjalizuar se Kievi mund të duhet të bëjë lëshime territoriale për Rusinë për të ndaluar luftën./ATSH/

Continue Reading

Bota

Rutte: SHBA-ja dhe aleatët evropianë bien dakord se Rusia është një kërcënim afatgjatë

Published

on

By

Sekretari i përgjithshëm i NATO-s, Mark Rutte, tha dje në mbrëmje se Rusia mbetej një kërcënim afatgjatë për aleancën, pas bisedimeve me presidentin e SHBA-së Donald Trump dhe anëtarë të lartë të administratës amerikane në Uashington.

Ne të gjithë pajtohemi në NATO se Rusia është një kërcënim afatgjatë për territorin e NATO-s – për të gjithë territorin euroatlantik”, u tha Rutte gazetarëve pas takimit në Shtëpinë e Bardhë.

Kur u pyet për mundësinë e një marrëveshjeje paqeje midis Rusisë dhe Ukrainës, Rutte tha se kishte ende “diçka” për të diskutuar në tavolinën e bisedimeve, duke shtuar se i takonte Rusisë te vendoste.

Rutte shprehu besimin se Shtetet e Bashkuara të Amerikës do të vazhdonin të luanin një rol qendror në përpjekjet për t’i dhënë fund luftës.

Nuk po shoh një situatë ku SHBA-ja po ecin përpara. Po shoh një situatë ku nën udhëheqjen e presidentit Trump, kjo mund të përfundojë pozitivisht dhe kjo është shumë e rëndësishme”, tha Rutte.

Trump tha të mërkurën se një marrëveshje me Rusinë ishte e arritshme, ndërsa pretendoi se marrëveshja me presidentin ukrainas Volodymyr Zelensky kishte qenë “më e vështirë” sesa me presidentin rus Vladimir Putin.

Presidenti amerikan ka kërkuar që Kievi të lëshojë gadishullin e Krimesë të pushtuar nga Rusia dhe të heqë dorë nga përpjekja e tij për anëtarësim në NATO në të ardhmen.

Udhëheqësit e NATO-s do të mblidhen më 24-25 qershor në një samit në Hagë./ATSH/

Continue Reading

Të kërkuara