Lajmet

“Syri i Popullit”, refuzohet propozimi për leximin e deklaratave të dëshmitarëve për shkak të mungesës së tyre

Published

5 years ago

on

Për shkak të mungesës së dëshmitarëve, pasi disa ishin jashtë Kosovës e njërin nuk e gjeti policia, për gjykimin në rastin e njohur si “Syri i Popullit”, ka dështuar seanca të hënën në Gjykatën Themelore në Prishtinë. Ndërsa, është refuzuar propozimi që të lexohen deklaratat në mungesë të tyre.

Në këtë rast, Avni Llumnica akuzohet për tentim vrasje të Azem Vllasit në bashkëkryerje me tani të ndjerin M.J, ndërsa, Sadri Ramabaja akuzohet se kishte ndihmuar të akuzuarit në kryerjen e veprës penale të vrasjes në tentativë, raporton “Betimi për Drejtësi”.

Në këtë seancë, kryetari i trupit gjykues, Musa Konxheli, pas hapjes së shqyrtimit ka bërë të ditur se prokurori Burim Çerkini, u ka dërguar një njoftim dhe kërkesë që ua dorëzoi palëve në fillim të seancës.

Lidhur me këtë kërkesë, ai bëri të ditur se sapo e kanë pranuar kërkesën, i kanë njoftuar avokatët e të akuzuarve.

Në këtë shkresë, sipas Konxhelit, prokurori ka njoftuar se dëshmitarët janë jashtë shtetit dhe nuk munden të paraqiten në gjykatë.

Gjykatësi Konxheli bëri të ditur që për të mos dështuar kjo seancë, kanë lëshuar edhe një urdhëresë për dëshmitarin Gëzim Haliti, për të cilin nuk kishin mundur më parë të sigurojnë prezencën e tij.

Kurse, tha se deri në këtë moment policia, nuk kanë njoftuar nëse kanë arritur ta gjejnë të njëjtin.

Tutje, ai bëri të ditur se prokurori ka propozuar që në mungesë të dëshmitarëve për shkak të ekonomizimit të procedurës, nëse pajtohen avokatët, të lexohen deklaratat e dëshmitarëve anonim.

“Në shkresa, janë tre dëshmitarë anonin, A1, A2 dhe A3. Në shkresat e lëndës, prokurori i kaluar është tërhequr nga dëshmitari A1, mirëpo meqenëse është prokuror tjetër tash, ky mundet me u deklaru a ka mendu për leximin e tre deklaratave të tre dëshmitarëve, meqenëse njëri nga ta nuk ka dhënë dëshmi në shqyrtim gjyqësor”, ka thënë gjykatësi Konxheli.

Kurse, prokurori Çerkini bëri të ditur se sa i përket dëshmitarit A1, siç është cekur në shkresën e dërguar në gjykatë, i njëjti nuk gjendet në Kosovë.

“Meqenëse, dëshmia e tij nuk është e karakterit të vërtetojë veprimin e datës kur ka ndodh vepra penale, ne duke  ditur paraprakisht që edhe avokatët mbrojtës nuk do të pajtoheshin me leximin e deklaratës për shkak se nuk e ka dhënë në shqyrtimin gjyqësor, ne tërhiqemi nga dëgjimi i këtij dëshmitari”, ka thënë prokurori.

Ndërsa, sipas tij, sa u përket dëshmitarëve A2 dhe A3, që sipas informatave zyrtare nuk gjenden në Kosovë, për shkak të ekonomizimit propozon që dëshmitë e tyre të dhëna në shqyrtimin paraprak të lexohen apo konsiderohen të lexuara.

“ Meqenëse të njëjtit janë përballur edhe me pyetjet e avokatëve mbrojtës. Nëse, pala mbrojtëse nuk pajtohet, ne nuk tërhiqemi nga dëgjimi i tyre dhe duhet të caktohet një datë tjetër dhe të mundohemi të sigurojmë. Njëjtë edhe për dëshmitarin Gzim Haliti, propozoj të lexohet nëse nuk mund të sigurojmë prezencën”, ka thënë prokurori.

Përfaqësuesi i palës së dëmtuar, avokati Nasuf Hasani, është pajtuar me propozimin e prokurorit, kurse avokatët mbrojtës e kanë kundërshtuar këtë propozim.

Avokati Naim Rudari, që mbron Avni Llumnicën bëri të ditur se janë kundër leximit të deklaratave, për shkak se tani është procedurë krejtësisht e re, një prokuror i ri dhe trup gjykues tjetër.

“Dy dëshmitarët që kanë lidhje me Avni Llumnicën, Gzim Haliti dhe Nuhi Zeka, dëshmitë e tyre i kanë dhënë si të burgosur dhe ato deklarata janë jashtëzakonisht të pabesueshme. Nëse prokuroria qëndron pranë dëgjimit të dëshmitarëve, duhet t’i sigurojë dëshmitarët dhe ata duhet të ballafaqohen”, ka thënë Rudari.

Kurse, avokati Ramiz Krasniqi, i cili mbron të akuzuarit Ramabaja, deklaroi se mendon se e vërteta është më e rëndësishme se sa ekonomizimi i procedurës.

“Ne insistojmë që dëshmitarët anonim gjithsesi të ftohen në gjykatë sepse dëshmitë e tyre kanë qenë strumbullar i ngritjes së aktakuzës. Ju e nderuar gjykatë i keni lexuar ato deklarata, i keni parë pyetjet e mbrojtjes, prandaj kujtoj se dëgjimi i sërishëm i tyre, do të na tregoj se rasti ishte i montuar, se dëshmitarët janë punëtore të shërbimit të caktuar në Kosovë, prandaj nuk pajtohemi që deklaratat e tyre të lexohen”, ka thënë ai.

Pas këshillimit, trupi gjykues i kryesuar nga Musa Konxheli , ka bërë të ditur se fillimisht kërkon nga prokurori i shtetit që në një afat sa më të shkurtër kohor ta njoftojë gjykatën se a mund t’i sigurojë dëshmitarët anonim për seancën e radhës të datës 28 shtator 2021.

Tutje, tha se për dëshmitarët Haliti dhe Zeka, gjykata do të lëshojë urdhëresë që të sillen me detyrim për seancën e radhës, nëse të njëjtit gjenden në vendbanimin e tyre të përshkruar si në aktakuzë.

Prokurori Çerkini bëri të ditur se gjatë kësaj jave do të mundohet të informohet nëse do të mund të jenë dëshmitarët anonim prezent dhe për çdo gjë do të njoftoj me kohë trupin gjykues.

Ndërkaq, gjykatësi Konxheli deklaroi se  varësisht se çfarë i njofton prokurori, do t’i njoftoj palët e tjera me kohë.

Seancat e radhës priten të mbahen më 28 shtator dhe më 1 tetor.

Në këtë çështje penale, në cilësinë e të akuzuarit ka qenë edhe Bajrush Konjusha, mirëpo ai pas pranimit të fajësisë për armëmbajtje pa leje, është dënuar me 300 euro gjobë.

Ndryshe, ky rast kishte marrë epilog në janar të vitit 2020, kur Gjykata Themelore në Prishtinë i kishte shpallur fajtor të akuzuarit, por pas ankesave të ushtruara, Gjykata e Apelit e kishte kthyer rastin në pikën zero.

Duke vepruar konform rekomandimeve të Apelit, PSRK kishte ngritur aktakuzë të re në këtë rast.

Sipas aktakuzës së datës 27 tetor 2020, Sadri Ramabaja, Avni Llumnica dhe Bajrush Konjusha janë tashmë të vetmit të akuzuar në këtë rast.

Kjo pasi që PSRK heqë dorë nga vepra penale kundër rendit kushtetues respektivisht nga dyshimi për ekzistimin e një grupi kriminal “Syri i Popullit”.

Me aktakuzën e re, Llumnica akuzohet se në bashkëkryerje me tani të ndjerin M. J. kishin tentuar të privojnë nga jeta, Azem Vllasin.

Ramabaja akuzohet se kishte ndihmuar Llumnicën dhe M.J të kryejnë atentat ndaj të dëmtuarit Azem Vllasi, ndërkaq Bajrush Konjusha akuzohet për veprën penale të armëmbajtjes.

Lidhur me akuzën ndaj të ndjerit M.J, sipas vendimit të Apelit, meqenëse i njëjti kishte probleme shëndetësore, rasti i tij ishte deleguar në Prokurorinë Themelore në Prishtinë, e cila kishte ushtruar propozim për caktimin e masës së trajtimit të detyrueshëm psikiatrik.

Ndryshe, Prokuroria Speciale e Republikës së Kosovës (PSRK), më 27 shkurt 2018 kishte ngritur aktakuzën e parë për këtë rast.

Avni Llumnica, Ragip Sallova, Sadri Ramabaja, Sabit Berisha, Behxhet Luzha, Halim Halimi, Bajrush Konjusha, Lirije Luzha dhe Rexhep Topllana akuzoheshin për vepra të ndryshme penale.

Sipas kësaj aktakuze, i pandehuri Avni Llumnica me dashje që tani i ndjeri M.J. të vriste për hakmarrje të dëmtuarin Azem Vllasin, i kishte dhënë ndihmë M.J në kryerjen e veprës penale.

Llumnica thuhet se më 6 mars 2017, e kishte sjell nga Zvicra në Kosovë tani të ndjerin M.J., e kishte ftuar në shtëpinë e tij, ndërsa një ditë më vonë e kishte dërguar në motel “Fontana” në Veternik, ku ia kishte paguar edhe fjetjen në këtë motel.

Ndërsa, sipas pretendimeve të Prokurorisë, kur i pandehuri, tani i ndjeri M. J. kishte kryer vepër penale ndaj Azem Vllasit, ai bashkë me të akuzuarin Llumnica ishin takuar në qytet dhe pasi që kishin dashur të largoheshin për në shtetin e Zvicrës, në orën 12 të mbrëmjes ishin arrestuar nga Policia e Kosovës.

Me këtë, Llumnica akuzohej se kishte kryer veprën penale “hakmarrje në ndihmë” nga neni 396, i Kodit Penal.

Llumnica sipas kësaj aktakuze, sa ishte në Qendrën e Paraburgimit në Lipjan më 16 maj 2017 thuhet se duke përdorur kanosjen dhe forcën ka dhunuar të dëmtuarin N.Z duke e futur në banjo të dhomës së paraburgimit dhe duke e detyruar të njëjtin që t’i bëj seks oral. Sipas akuzës Llumnica edhe para se të ndodhte rasti disa ditë më parë e kishte ngacmuar seksualisht të dëmtuarin në fjalë.

Për këtë, Llumnica akuzohej për veprën penale “Dhunim” nga neni 230 i Kodit Penal.

Të pandehurit M. J., Avni Llumnica, Ragip Sallova, Sadri Ramabaja, Rexhep Topalla, Bajrush Konjusha, Sabit Berisha, Halim Halimi, Bexhet Luzha dhe Lirije Luzha, pretendohej se më 15 maj 2017, siç thuhet në aktakuzë, ishin pjesë e organizatës kriminale “Syri i Popullit”, me të ashtuquajturin “Avni Rrustema” diku në një shtet të Evropës kishin filluar aksionet e kundërligjshme me qëllim që të destabilizonin ose shkatërronin strukturat themelore politike, ekonomike dhe kushtetuese të Republikës së Kosovës.

Sipas aktakuzës, të njëjtit thuhet se kishin planifikuar sulme dhe vrasje ndaj personaliteteve të lartë shtetëror të konsideruar si ish-funksionarë të viteve 1980-1991 si tradhtar të vendit. Këto sulme, sipas aktakuzës, ata kishin planifikuar t’i kryenin ndaj presidentit të Kosovës Hashim Thaçi, kryetarit të Kuvendit Kadri Veseli, ish-kryeministrit Isa Mustafa, ish-ministrit Hajredin Kuçi, Xhavit Haliti, Fatmir Limaj duke vazhduar me komandantë të luftës së UÇK-së, drejtorin e ATK-së, klerikët fetarë, etj.

Sipas akuzës, ky grup me qëllim të vrasjes së këtyre personave që i konsideronin si tradhtar kishin themeluar fondin “Liria e Atdheut” dhe si organizatë “Syri i Popullit” kishin një strukturë të ndarë në bazë të hierarkisë, kishin emra të koduar dhe detyra të ndara thuhet ndër tjera në aktakuzë.

Ndërsa, i pandehuri, tani i ndjerë, M.J. thuhet se kishte tentuar të vriste Azem Vllasin si ish-funksionar i cili sipas tyre ishte vlerësuar si i pari në listën e tradhtarit të vendit.

Me këtë, ata akuzoheshin se kishin kryer veprën penale “përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës” nga neni 144, i Kodit Penal.

I pandehuri Bajrush Konjusha, akuzohej edhe për veprën penale “mbajtja në pronësi, kontroll ose posedim të paautorizuar të armëve”, pasi që me rastin e bastisjes në shtëpinë e tij ishte konfiskuar një pistoletë e gazit dhe një pushkë ajrore me diabolla 250 copë.

Ndërsa, i ndjeri M.J. nga PSRK-ja, ngarkohej me veprat penale “hakmarrja” dhe “mbajtja në pronësi, kontroll ose posedim të paautorizuar të armëve”.

Prokuroria e akuzonte M.J. që duke qenë në gjendje të paaftësisë mendore për t’i kuptuar dhe kontrolluar veprimet e veta për shkak të sëmundjes nga çrregullimi skizoafektiv-tipi maniak, me karakter të përhershëm, më 13 mars 2017 ka shkuar në banesën e të dëmtuarit Azem Vllasi në Prishtinë, që ta privojë nga jeta si ish-udhëheqës i lartë i LKJ-së dhe ish-udhëheqës i Kosovës, duke e konsideruar të njëjtin si tradhtar për shkak të qëndrimeve të tij lidhur me demonstratat e vitit 191 dhe çështjes kombëtare.

Tutje, në aktakuzë thuhet se M.J., fillimisht është interesuar që Vllasin ta angazhojë si avokat në çështje civile, ndërsa ai i ka thënë se nuk merret me çështje civile, duke e sugjeruar të drejtohet te një avokat tjetër dhe pas kontaktit të dytë me të, i akuzuari e ka nxjerrë pistoletën e tipit “Crvena Zastava”, me shurdhues duke ia drejtuar në ballë të dëmtuarit.

Me tej, prokuroria pretendon se Vllasi ia ka kapur pistoletën të ndjerit M.J. dhe e ulur, që ka ndikuar që plumbi ta godet Vllasin në pjesën e majtë të kraharorit, duke i shkaktuar lëndime të rënda trupore. Pas kësaj, J. kishte tentuar edhe njëherë të shkrep me armë në drejtim të viktimës, por iu kishte bllokuar arma dhe më pas ishte larguar nga vendi i ngjarjes, për t’u takuar me të pandehurin Avni Llumnica, për tu arrestuar nga polica në motel “Fontana”, në Veternik.

Sipas aktakuzës, pasi policia kishte bërë një kontroll në motel “Fontana”, te i ndjeri M.J ishte gjetur dhe konfiskuar një pistoletë e tipit “Crvena Zastava”, model 70 e kalibrit 70-65 mm, me shurdhues dhe një karikator me 7 fishekë, që e ka përdorur pa leje.

Për këtë aktakuzë, Gjykata Themelore në Prishtinë, udhëhequr nga kryetarja e trupit gjykues, Naime Krasniqi – Jashanica dhe gjykatësit Vesel Ismajli dhe Valbona Musliu – Selimaj, kishin marrë aktgjykim me të cilin të akuzuarit i kishte shpallur fajtorë.

Sadri Ramabaja, M. J., Ragip Sallova, Avni Llumnica, Bexhet Luzha, Halim Halimi, Bajrush Konjusha dhe Rexhep Topllana, në janar të vitit 2020 ishin shpallur fajtorë për vepra penale kundër rendit kushtetues dhe vepra të tjera penale.

Avni Llumnica për veprën penale të hakmarrjes është dënuar me 3 vjet burg, për dhunim 1 vit, kurse për shkak të veprave terroriste 10 vjet burg, kurse më pas ndaj tij është shpallur dënim unik prej 12 vjetësh burgim. Atij do t’i llogaritet edhe koha në paraburgim dhe i konfiskohet vetura “BMW”, me targa te huaja.

Për vepra penale terroriste, Sadri Ramabaja ishte dënuar me 5 vjet burg, kurse për të njëjtën vepër penale, i akuzuari Ragip Sallova ishte dënuar me 4 vjet burg, ndërsa Rexhep Topllana ishte dënuar me 2 vjet.

Të ndjerit M. J. për shkak të gjendjes së tij, gjykata i kishte shqiptuar atij trajtim të detyrueshëm psikiatrik në kohëzgjatje prej 10 vjetësh.

Behxhet Luzha për mos lajmërim të veprës penale ishte dënuar me 2 vjet burg.

Halim Halimi dhe Bajrush Konjusha ishin dënuar me nga 3 vjet burg. Përveç me burg, Konjusha me 300 euro gjobë për armëmbajtje pa leje.

Për të akuzuarit Sabit Berisha dhe Lirije Luzha ishte refuzuar aktakuza, pasi që prokurori kishte hequr dorë nga ndjekja penale.

Por me konstatimet e Gjykatës Themelore nuk ishte pajtuar Gjykata e Apelit, e cila çështjen e kishte kthyer në rigjykim, madje kishte kërkuar që rasti të kthehet nga shqyrtimi fillestar për shkak të shkeljeve të paevitueshme.

Në aktvendimin e Apelit thuhet se “çështja penale kthehet në rivendosje për t’u proceduar nga shqyrtimi fillestarë dhe pas rregullimit të aktit akuzues”.

Ky aktvendim kishte bërë që Prokuroria Speciale të paraqes pas disa muajve një aktakuzë të re dhe me shumë ndryshime.

Related Topics:
Continue Reading

Vendi

UBT organizon Konferencën Ndërkombëtare të Juridikut, duke vënë në fokus drejtësinë, inteligjencën artificiale dhe integrimin evropian

Published

8 seconds ago

on

October 24, 2026

By

Konferenca shkencore ndërkombëtare në fushën e juridikut, e organizuar në UBT, mblodhi profesorë, studiues dhe ekspertë të së drejtës për të trajtuar çështje me rëndësi të veçantë për sistemin juridik, zhvillimet institucionale dhe proceset integruese evropiane. Përmes prezantimeve shkencore dhe diskutimeve akademike, konferenca trajtoi sfidat bashkëkohore të drejtësisë, ndikimin e inteligjencës artificiale në fushën juridike, mbrojtjen e të drejtave dhe lirive themelore të njeriut, si dhe harmonizimin e legjislacionit të Kosovës me standardet e Bashkimit Evropian.

Punimet e konferencës u zhvilluan në disa sesione, duke përfshirë tema nga e drejta penale, e drejta civile, e drejta administrative, e drejta e punës, e drejta tregtare, mbrojtja e të dhënave personale, sigurimet shoqërore, të drejtat pronësore dhe proceset politike e kushtetuese. Vëmendje e veçantë iu kushtua përdorimit të inteligjencës artificiale në parashikimin e kriminalitetit, mbrojtjes së privatësisë, luftimit të korrupsionit, barazisë dhe mosdiskriminimit, si dhe rolit të institucioneve evropiane në zgjerimin e Bashkimit Evropian dhe zhvillimin e Ballkanit Perëndimor.

Sesioni I

Kryesues: Prof. Dr. Ahmet Maloku
Bashkëkryesuese: Prof. Ass. Dr. Jorida Xhafaj

Sesioni i parë trajtoi ndërthurjen e teknologjisë me sistemin juridik, çështjet e kriminalitetit dhe qeverisjes lokale, si dhe mbrojtjen e të dhënave personale.

  • Prof. Dr. Ahmet Maloku dhe Prof. Ass. Dr. Elda Maloku-Mustafa – The Use of Artificial Intelligence in Crime Prediction from a Criminalistic Perspective.
  • Prof. Assoc. Dr. Vanya Panteleeva – Financial Decentralization in Bulgaria in the Context of Local Self-Government.
  • Dr. iur. Elina Marinova – Alternative Tax Dispute Resolution in Bulgaria: National Framework and International Perspectives.
  • Prof. Assoc. Dr. Albana Metaj-Stojanova – The Institute of Invalidity of Legal Transactions and Its Consequences in the Republic of North Macedonia.
  • Prof. Ass. Dr. Jorida Xhafaj dhe Mr. Sc. Heroina Pulani – Artificial Intelligence and Personal Data Protection: Exploring Public Perceptions of Risk, Privacy and Trust in Kosovo.
  • Prof. Ass. Dr. Elmi Kelmendi – Murders in Kosovo as a Form of Criminality.

Sesioni II

Kryesuese: Prof. Assoc. Dr. Egzone Osmanaj
Bashkëkryesuese: Prof. Ass. Dr. Merita Muharremi

  • Prof. Assoc. Dr. Egzone Osmanaj – The Right of Unmarried Women to Medically Assisted Conception in Kosovo: Legal Framework, Comparative Analysis, and Public Perceptions.
  • PhD(c) Mesibe Jashari-Shabani – International Comparison of Healthcare Systems in the Protection of Health Insurance Rights.
  • Prof. Ass. Dr. Mervete Shala dhe Prof. Ass. Dr. Xhavit Shala – Women’s Representation in Public Administration of the Republic of Kosovo.
  • Prof. Violeta Zefi dhe Prof. Ass. Dr. Artan Tahiri – The Rights of People Living with HIV in Kosova: Stigma, Discrimination, and Barriers to Accessing Health Services.
  • PhD Robert Gajda – The Need for an Independent and Effective Equality Body in Kosovo: Comparative Analysis with the Albanian Experience and Implementation of EU Standards.
  • Prof. Dr. Merlin Papadhopulli dhe Mr. Sc. Yllka Suliqi – Alignment with EU Environmental Standards and Its Implications for International Arbitration: The Case of Kosovo.
  • Prof. Ass. Dr. Veli Lecaj dhe Vleran Bojaxhi – Social Security and Social Protection in Kosovo, with an Emphasis on Kosovo’s Pension Security.
  • Prof. Assoc. Dr. Bashkim Nuredini – International Intellectual Property Protection in the Age of Artificial Intelligence.

Sesioni III

Kryesues: Prof. Assoc. Dr. Avni Alidemaj
Bashkëkryesues: Prof. Ass. Dr. Nuredin Lutfiu

  • Dr. Erinda Ahmetaj – Personal Security Measures: Their Conditions, Criteria and Types. Theoretical and Practical Treatment in Albanian Legislation and Judicial Practice.

Prezantimi trajtoi kushtet, kriteret dhe llojet e masave të sigurisë personale, duke ndërthurur analizën teorike me zbatimin e tyre në legjislacionin dhe praktikën gjyqësore shqiptare.

Sesioni IV

Kryesuese: Prof. Ass. Dr. Enisa Haliti-Mustafa
Bashkëkryesues: Prof. Ass. Dr. Sevdai Morina

Sesioni i katërt trajtoi çështje të së drejtës civile dhe tregtare, kontratave, trashëgimisë, pronësisë, marrëdhënieve të punës dhe reformave ligjore në përputhje me acquis të Bashkimit Evropian.

  • Prof. Dr. Adnan Jashari – Risk as an Essential Element of the Insurance Contract.
  • PhD(c) Bardhyl Limani – Electronic Wills and the Readiness of Kosovo’s Inheritance Law for the Recognition of Digital Testamentary Forms.
  • PhD(c) Besiana Xhaferi-Beqiri – Guaranteeing and Legal Protection of the Right of Ownership in International Legal Acts.
  • Dr. Sc. Burim Haliti dhe Prof. Ass. Dr. Sevdai Morina – The Civil-Law Aspect of the Circulation of Goods in the Context of Customs Valuation.
  • Prof. Ass. Dr. Enisa Haliti-Mustafa dhe Mr. Sc. Lyra Begolli – A Comparative Analysis of Employment Contracts and Contracts for Services under the Legislation of Kosovo: Harmonization with the European Union Acquis.
  • Mr. Sc. Lyra Begolli – Harmonization of Kosova’s Notarial Legislation with the European Union Acquis: Challenges and Lessons from the French Notarial System.
  • Mr. Sc. Yllka Suliqi – Contractual Liability for Lost Profits in B2B Relations: Third-Party Contractual Implications and the Alignment of Kosovo’s Legal Framework with European Standards.
  • Prof. Ass. Dr. Merita Muharremi dhe Lirida Marmullaku Krasniqi – Partnership Contract and General Partnership under Kosovo Law.
  • Prof. Assoc. Dr. Njomëza Zejnullahu dhe Prof. Assoc. Dr. Egzone Osmanaj – Institutional Deadlock of the Kosovo Competition Authority: Challenges in Merger Control.

Sesioni V

Kryesues: Prof. Assoc. Dr. Elton Tota
Bashkëkryesues: Prof. Ass. Dr. Xhavit Shala

  • Prof. Ass. Dr. Xhavit Shala dhe Prof. Ass. Dr. Mervete Shala – The Temporary Exercise of Presidential Powers in Parliamentary Systems – The Case of Kosovo.
  • Zeynep Azra Metin dhe Prof. Ass. Dr. Hajdi Xhixha – Kosovo’s Immigration Law and the EU Migration and Asylum Framework: Perspectives on the Diaspora Route.
  • Prof. Assoc. Dr. Muharem Faiku dhe Mr. Sc. Liridona Avdyli – The Fight Against Corruption in the Republic of Kosovo and Harmonization with European Union Standards.
  • PhD(c) Aida Hoxha – The Europeanization of Expropriation Law in Kosovo: Constitutional, Administrative and Judicial Perspectives.
  • Prof. Assoc. Dr. Elton Tota dhe Prof. Assoc. Dr. Gjon Culaj – The War in Ukraine: Impact on the EU Enlargement Process.
  • Dr. Sc. Bleta Brovina dhe Mr. Sc. Arben Limani – Discussing Power-Sharing Arrangements: Power-Sharing Arrangements Constitutionalized in the Republic of Kosovo.
  • Dr. Sc. Nuhi Osmani dhe Prof. Dr. Ahmet Maloku – Impact of Comprehensive Proposal for the Kosovo Status Settlement in the Kosovo Constitution and Legislation.
  • Prof. Assoc. Dr. Elton Tota dhe LLB Yllza Metbala – The Role of EU Institutions in the Enlargement Process in the Western Balkans.
  • PhD(c) Kujtim Ramadani – The Green Agenda for the Western Balkans: Regional Transformation and the Special Case of North Macedonia.

Continue Reading

Vendi

Konferenca Ndërkombëtare e Psikologjisë në UBT trajton shëndetin mendor, zhvillimin psikologjik dhe ndikimin e inteligjencës artificiale

Published

12 minutes ago

on

October 24, 2026

By

Konferenca Ndërkombëtare e Psikologjisë në UBT mbledh studiues, psikologë, profesionistë të shëndetit mendor dhe përfaqësues të fushave të ndërlidhura, për të diskutuar zhvillimet bashkëkohore në psikologji, sfidat e shëndetit mendor dhe ndikimin e teknologjisë në mirëqenien psikologjike. Konferenca është akredituar nga Oda e Infermierëve, Mamive dhe Profesionistëve të tjerë Shëndetësorë si aktivitet i Edukimit të Vazhdueshëm Profesional (EVP), duke krijuar mundësi për avancimin e njohurive profesionale dhe shkëmbimin e përvojave shkencore.

Programi i konferencës përfshin tri sesione tematike, me prezantime shkencore që trajtojnë një gamë të gjerë çështjesh, nga ndikimi i stresit akademik në shëndetin mendor të studentëve, roli i lojës në zhvillimin social dhe kognitiv të fëmijëve, si dhe marrëdhënia ndërmjet temperamentit dhe arritjeve akademike, deri te vetmia në epokën digjitale, faktorët emocionalë në trajtimin e obezitetit dhe ndikimi i inteligjencës artificiale në vetëbesimin akademik.

Sesioni i parë

Chair: Deniz Çelçima

Co-Chair: Anita Sadikaj

  • Academic Burnout and Its Impact on the Mental Health of University Students: A Theoretical Literature Review – Mirlinde Bilalli dhe Fatime Ajdini.
  • The Impact of Emotional Factors on the Outcomes of Dietary Therapy in Individuals with Obesity – Eglantina Kraja Bardhi.
  • The Role of Play in Children’s Social and Cognitive Development: A Systematic Review – Fatbardha Qehaja Osmani dhe Elion Baruti.

Sesioni i dytë

Chair: Emrush Thaci

Co – Chair: Violeta Zefi

  • Video Games as Predictors of Attitudes Toward Mathematics and Academic Achievement Among High School Students in Kosovo – Qufli Osmani, Anila Shala dhe Diana Sejdiu Shala.
  • The Impact of Artificial Intelligence (AI) on the Psychotherapeutic Experience: Psychotherapists’ Perspectives on Clients’ Use of ChatGPT – Violeta Zefi, Valbona Uka dhe Zhaneta Shatri.
  • The Long-Term Impact of Childhood Trauma on Adult Mental Health: A Review of Psychological and Clinical Evidence – Anora Kroj dhe Nerenxa Alia.
  • Conversations with AI: Emotional Support and Help-Seeking Among Young People – Dr. Adelina Ahmeti.
  • Beyond Diagnosis: Integrating Technology into ADHD Assessment and Treatment — An Innovative Approach in Psychological Practice – PhD(c) Ema Skeja.
  • Who Controls the World? Conspiracy Mentality and Childhood Vaccine Refusal Among Albanian-Speaking Parents – Dr. Lirim Isufi.
  • Augmentative and Alternative Communication (AAC) in Language Development: Scientific Foundations and Implementation Perspectives Through the EcDheFol Program – MSc. Bardha Gerdovci.
  • The Relationship Between Altruism and Emotional Empathy in Students of Different Fields of Study, Natural and Social Sciences – Qufli Osmani, Delvina Beka, Muhamed Jonuzi dhe Denis Çelçima.

Sesioni  i tretë

  • The Relationship Between Temperament and Academic Achievements of Children in Classes IV–V in the Municipality of Lipjan and Shtime, Kosovo – Alma Rizani.
  • Loneliness in the Digital Age: The Impact on Young People’s Psychological Well-Being – A Literature Review – Anita Sadikaj.Cultural Adaptation of the RECONNECTED Digital Mental Health Intervention Content for Kosovar Young Adults: Insights from Stakeholder Workshops and Cognitive Interviews – Elona Krasniqi.
  • Artificial Intelligence and Academic Self-Confidence Among University Academics – Agron Hoxha, Valdrin Krasniqi dhe Agnesa Krasniqi.
  • Presentation on Psychological Behaviour – Donarta Dervishi.

Continue Reading

Lajmet

Inteligjenca Artificiale dhe Siguria Kibernetike në fokus të Konferencës Ndërkombëtare të UBT-së

Published

13 minutes ago

on

October 24, 2026

By

Në kuadër të konferencës ndërkombëtare të UBT-së, Fakulteti i Shkencave Kompjuterike dhe Inxhinierisë prezantoi një numër të gjerë punimesh shkencore që trajtojnë inteligjencën artificiale, zhvillimin e softuerëve, mësimin makinerik, sistemet inteligjente, komunikimet kompjuterike dhe sigurinë kibernetike.

Përmes tri sesioneve shkencore, studiuesit prezantuan rezultate kërkimore dhe zgjidhje inovative për sfida aktuale në arsim, shëndetësi, programim, menaxhim të të dhënave dhe mbrojtje të sistemeve digjitale.

Në sesionin e parë, me kryesues Blerim Zylfiu dhe bashkëkryesues Lavdim Menxhiqi, u prezantuan punime mbi programimin, arkitekturën e softuerëve, binjakët digjitalë, platformat e Internetit të Gjërave (IoT), modelet e mëdha gjuhësore dhe përdorimin e inteligjencës artificiale për zhvillimin e sistemeve më të besueshme.

Punimet e prezantuara përfshinë:

  • Erblina Ramadani, Fëllanza Egegji, Mirlinda Selimaj – An Interactive Approach to Teaching Recursion: Performance Analysis and Visualization of the Tower of Hanoi Problem
  • Lind Sylqa, Hizer Leka – Application of the Concept of Limit in Computer Science and Modern Systems
  • Liridon Hoti, Hiflobina Dermaku, Vesa Rrahmani – The Use of Digital Twins for the Validation of Complex Software Systems
  • Albanë Gashi, Genc Zhushi – Exploring Students’ Intentions for Synchronous E-Learning: A Behavioral Perspective
  • Besa Alija – Process Modelling for the Digitalisation of Third-Cycle Studies: A Case Study at South East European University
  • Auron Ismajli, Lavdim Beqiri, Besnik Qehaja – Microservices Architecture in Modern Enterprise Applications: Benefits, Challenges and Best Practices
  • Erti Hoxha, Elton Boshnjaku – Design and Development of ‘CampusLab Twin’: A Prototype Digital Twin Platform for Monitoring Laboratory Infrastructure in Higher Education Institutions in Kosovo Using Simulated Data
  • Jahir Qoçaj, Elton Boshnjaku – Development of an IoT Platform with Virtual Sensors for Real-Time Simulation and Forecasting of Photovoltaic Energy Production
  • Bejda Maksuti, Visar Shehu, Adrian Besimi – Evaluating Cloud and Local Large Language Models for Java Code Optimization: Correctness, Performance, and Deployment Trade-Offs
  • Anita Maloku, Elton Boshnjaku – IoT-Based Remote Patient Health Monitoring System with Real-Time Health Alerts
  • Altinë Salihu, Edmond Hajrizi, Alma Novobërdaliu – Beyond Conflict-Free Timetables: Constraint Graphs for Fair and Stable Academic Scheduling
  • Altinë Salihu, Edmond Hajrizi, Diellza Berisha – When a Fast Website Is Still Hard to Use: Accessibility and Interaction Reliability in Single-Page Applications
  • Greta Ahma, Blerta Xheladini, Vehebi Sofiu, Alma Novobërdaliu – A Multidimensional and Reproducible Evaluation of AI-Generated Code Reliability
  • Blerta Xheladini, Vehebi Sofiu, Greta Ahma, Alma Novobërdaliu – Implementation and Performance Analysis of JPEG Image Compression in MATLAB
  • Florent Latifi, Altina Salihu – Automated Code Smell Detection and Refactoring Recommendations Using Software Metrics and Machine Learning
  • Anduena Syla – A Comparative Evaluation of Local Large Language Models for Referential Ambiguity Detection in Software Requirements
  • Eriola Salihu, Diellza Berisha – Design and Evaluation of an Integrated Web Platform for Home Care Management for Older Adults in Kosovo
  • Alma Novobërdaliu, Altina Salihu – Trust but Verify: An Empirical Study of Security and Maintainability in Code Generated by Agentic AI Coding Assistants

Në sesionin e dytë, me kryesues Bertan Karahoda dhe bashkëkryesues Besnik Qehaja, fokusi ishte te inteligjenca artificiale dhe mësimi makinerik, me aplikime në arsim, analizën e sjelljes së përdoruesve, vlerësimin e rrezikut, shëndetësinë, përpunimin e sinjaleve dhe analizën e të dhënave digjitale.

Në këtë sesion u prezantuan këto punime:

  • Vrion Krasniqi, Besnik Qehaja – Impact of Text Preprocessing on Machine Learning Performance in Spam Detection
  • Adea Likaj, Lavdim Beqiri – The Impact of Artificial Intelligence in Education
  • Elmedina Murturi, Lavdim Beqiri – Machine Learning as the Foundation of Modern Intelligent Systems
  • Arbëresha Hoxha, Greta Ahma – Explainable Machine Learning for Analyzing Player Behavior and Engagement in Video Games
  • Lamir Shkurti, Avdyl Demukaj, Vehebi Sofiu – Efficiency versus Fairness in Automated Credit Scoring: A Comparative Analysis of Logistic Regression, Random Forest, and XGBoost
  • Qëndresa Morina, Zsolt Lavicza – Designing SIMPLE-AI: Configuring a Custom GPT to Support Mathematical Word-Problem Instruction
  • Laura Sherifi, Leonora Sherifi, Kaltrina Latifi, Ramadan Dervishi – Import Risk Analysis System: A Machine Learning-Based Approach for Import Risk Detection
  • Vesë Vrellaku, Stinë Demolli, Ela Ramosaj, Dren Kastrati, Greta Ahma – Machine Learning-Based Skin Lesion Classification and Geospatial Recommendation of Medical Clinics Using Clinical Metadata and Dermoscopic Images
  • Fjolla Nebihi, Greta Ahma – Real-Time Sign Language-to-Speech Translation Using MediaPipe and Deep Learning
  • Lulzim Thaçi, Rrita Canolli – Biophysics-Inspired Neural Network Pruning for Computational and Energy Efficiency
  • Vehebi Sofiu, Greta Ahma, Lamir Shkurti, Mirlinda Reqica, Blerta Xheladini – An Integrated Analytical and Statistical Approach to Continuous and Discrete Signal Classification Using Laplace Transform Techniques
  • Altinë Salihu, Edmond Hajrizi, Jeta Domi, Besnik Qehaja – Tracing Coordinated Behavior in Online Communities Through Temporal Graph Learning
  • Altinë Salihu, Edmond Hajrizi – Helpful Hint or Hidden Solution? Evaluating AI Feedback in Introductory Programming
  • Rigon Pira, Gentrit Halimi – Supercritical Spreading and Threshold Effects: A Spark-Based Simulation of Information Diffusion on the Higgs Twitter Network
  • Oltiona Qadraku – LogSense: Explainable Anomaly Detection for System Logs
  • Alma Novobërdaliu, Blerta Xheladini, Greta Ahma – Generative Artificial Intelligence Use Among University Students in Kosovo: Attitudes, Practices, and Implications for Academic Integrity
  • Diellza Berisha, Edmond Hajrizi, Laura Gjikokaj – Faster Diagnostics or Earlier Reassessment? A Mathematical and Simulation-Based Study of Emergency Patient Flow
  • Elinda Krasniqi, Bledi Buduri – Predictive Performance and Explanation Stability in Student Dropout Classification: A Comparative Machine Learning Study
  • Bledi Buduri, Leutrina Pireva – Order Effects of Noise and MP3 Transcoding in Music Retrieval: A Paired Follow-up Study
  • Elinda Krasniqi, Bledi Buduri – Probability Recalibration under Increasing Feature Missingness with Limited Labels
  • Blerta Xheladini, Greta Ahma, Vehebi Sofiu, Alma Novobërdaliu – A Comparative Study of Machine Learning Algorithms for Predicting Online User Behavior from Digital Footprints

Në sesionin e tretë, me kryesues Zhilbert Tafa dhe bashkëkryesues Xhafer Krasniqi, u trajtuan komunikimet kompjuterike, siguria e rrjeteve, kriptografia dhe metodat e avancuara për zbulimin dhe parandalimin e sulmeve kibernetike.

Punimet e prezantuara përfshinë:

  • Xhafer Krasniqi, Edmond Hajrizi – Performance of the AI Control Layer in a Private Outdoor 5G Open RAN Deployment: Field Evidence from a 15-Cell Multi-Vendor Trial
  • Egzon Lika, Zhilbert Tafa – DDoS Attack Detection in IoT Networks Using Isolation Forest and Logistic Regression
  • Erblina Ramadani, Fëllanza Egegji, Mirlinda Selimaj – One-Time Pad and Key Reuse Vulnerabilities: A Practical Cryptographic Study
  • Liridon Hoti, Besnik Qehaja, Leart Bajrami – Development of a Real-Time Cyberattack Detection Platform Using Reinforcement Learning Techniques
  • Liridon Hoti, Kastriot Dermaku, Oketa Shuki – A Systematic Review of Static Analysis Approaches for Cross-Site Scripting (XSS) Vulnerability Detection in Web Applications
  • Albiona Leka, Rron Morina, Gazmend Krasniqi, Hizer Leka – Comparative Analysis of the Performance and Security of DES, 3DES and AES Algorithms
  • Liriana Idrizi, Lavdim Beqiri – AI-Based Detection of Phishing Emails: A Review of Machine Learning Approaches and Practical Challenges
  • Viola Pajaziti, Shkurte Kamberi, Blend Bunjaku, Hizer Leka – The Use of Matrices for Encrypting and Their Inverse for Decrypting
  • Albiona Leka, Edmond Hajrizi, Besnik Qehaja, Hizer Leka, Dion Mulaj – The Implementation of an Intrusion Detection System based on Machine Learning
  • Altinë Salihu, Vesa Basha, Erind Balaj, Bled Mehmeti – When Probabilistic Cryptanalysis Fails: Statistical Breakdown Thresholds in Short-Ciphertext Vigenère Attacks
  • Altinë Salihu, Edmond Hajrizi – From Login to Logout: Finite-State Verification of Authorization in Web Systems
  • Alma Novobërdaliu, Greta Ahma, Blerta Xheladini – Security in Microservices-Based Systems: A Semi-Systematic Literature Review of Threats, Mechanisms, and Zero-Trust Approaches

Përmes këtyre sesioneve, Fakulteti i Shkencave Kompjuterike dhe Inxhinierisë krijoi hapësirë për prezantimin e rezultateve kërkimore dhe shkëmbimin e njohurive në fusha kyçe të zhvillimit teknologjik. Punimet e prezantuara theksuan rolin e inteligjencës artificiale, sistemeve inteligjente dhe sigurisë kibernetike në përmirësimin e shërbimeve, avancimin e kërkimit shkencor dhe adresimin e sfidave të transformimit digjital.

 

Continue Reading

Lajmet

Shëndeti, Sporti dhe Inovacioni Shkencor bashkohen në Konferencën Ndërkombëtare të UBT-së

Published

17 minutes ago

on

October 24, 2026

By

UBT ka hapur sot zyrtarisht edicionin e 15-të të Konferencës Ndërkombëtare Shkencore, një ngjarje madhore akademike që po zhvillohet në Kampusin Inovativ të UBT-së në Lipjan.

Në kuadër të kësaj konference ndërkombëtare, Fakulteti i Shkencave të Sportit dhe Lëvizjes organizoi Konferencën për Sportin, Shëndetin dhe Shoqërinë (SHS-IC 2026). Kjo ngjarje mblodhi akademikë, studiues dhe ekspertë të fushës për të adresuar ndërthurjen mes aktivitetit fizik, shëndetit publik, mirëqenies shoqërore dhe teknologjisë në sport.

Në kuadër të kësaj konference u prezantuan punimet e hulumtuesve me temat e tyre përkatëse:

  • Milaim Berisha – Can the Timed Up and Go Test Replace the Leonardo Mechanography Chair Rise Test in Older Adults? A Convergent Validity and Agreement Study
  • Abedin Bahtiri – Digital Management of Competitions and Rankings in Table Tennis: An AI-Assisted Development Approach – Evidence from the Table Tennis Federation of Kosovo
  • Agron Thaqi – UBT Student Health Index 2026: Physical Activity, Lifestyle, Body Composition and Technology Use among University Students – A Pilot Cross-Sectional Study
  • Blerta Abazi – Changes in Lower-Limb Explosive Strength Following Plyometric Training in Adolescents
  • Sami Sermaxhaj – Comparative Analysis of U17 Defenders, Midfielders, and Forwards Based on Coaches’ Subjective Assessment of Game Understanding
  • Anesa Korqa & Agron Thaqi – Comparison of Endurance Capacity Measured by Spiroergometry versus Field Tests (Shuttle Run)
  • Granit Gashi – The Effect of Small-Sided Games on the Development of Aerobic Capacity and Repeated Sprint Ability in Football Players: A Narrative Review
  • Shkumbin Hoxha – Improving Technical Skills and Coordination Abilities in 7-9-Year-Old Football Players in Kosovo
  • Erjona Haxhiu – Correlation of Reactive Strength with 30-Second Repeated Jump Performance
  • Blerina Oraca – Acute Effects of Split Resistance Training on Bioimpedance-Derived Body Composition in Women Aged 25-45 Years
  • Arber Smajli – Effectiveness of Combining Acupuncture and Exercise Therapy in the Management of Chronic Nonspecific Low Back Pain: A Systematic Review of the Evidence
  • Vlera Xhemshiti – Validation and Use of the New Era FitScore (NEFS) Test for Fitness Assessment in Children Aged 11-14 Years
  • Mevlana Jakupi – Application of the New Era FitScore (NEFS) Test in Children Aged 7-10 Years
  • Florent Miftari & Abedin Bahtiri – Lower-Limb Asymmetry in Female Footballers and Injury Risk Factors

 

Continue Reading

Të kërkuara