Lajmet nga UBT

Studime nga ekspertët në UBT: Ndikimi i Teknologjisë në zhvillimin e Ekosistemeve të Qëndrueshme

Ndër prezantimet e shumta, studimi i Zhilbert Tafës me temë “IoT in Air Pollution Monitoring: data acquisition and dissemination aspects”, ishte mbi përdorimin e teknologjisë IoT (Interneti i Gjërave) në monitorimin e ndotjes së ajrit.

Published

on

UBT një rrjet i shkencës dhe inovacionit në Konferencën Ndërkombëtare për ‘Ekosistemet e Qëndrueshme’, mblodhi ekspertë e profesorë që diskutuan, prezantuan, analizuan temat e tyre të studimit.

Ndër prezantimet e shumta, studimi i Zhilbert Tafës me temë “IoT in Air Pollution Monitoring: data acquisition and dissemination aspects”, ishte mbi përdorimin e teknologjisë IoT (Interneti i Gjërave) në monitorimin e ndotjes së ajrit. Tafa vuri theks në aspektet e përfitimit dhe shpërndarjes së të dhënave në lidhje me monitorimin e ndotjes së ajrit.

Po ashtu u pëmend që përmes përdorimit të sensorëve të lidhur në internet, të dhënat e cilësisë së ajrit mund të mbledhen në kohë reale dhe të shpërndahen për të dhënë informacion të rëndësishëm për cilësinë e ajrit në një zonë të caktuar. Sipas Tafës, kjo teknologji mund të ndihmojë në identifikimin e burimeve të ndotjes së ajrit dhe në ndërmarrjen e masave për të përmirësuar cilësinë e ajrit dhe shëndetin publik.

Xhafer Krasniqi prezantoi temën “Will the cellular IoT dominate the Sustainable IoT Ecosystem”, që shqyrton se a do të dominojë celulari IoT (Interneti i Gjërave Celular) në ekosistemin e qëndrueshëm të IoT-së. Në prezantim fokusi bie në diskutimin e rolit dhe përfitimeve të teknologjisë celular IoT në mënyrë specifike, duke vlerësuar potencialin e saj për të përmirësuar efikasitetin dhe ndikimin e pozitshëm në shëndetin e mjedisit.

Diskutimi gjithashtu përfshin analizën e sfidave dhe mundësive që shoqërojnë përdorimin e kësaj teknologjie në kontekstin e një ekosistemi të qëndrueshëm të IoT-së. Jakup Ratkoceri, Edmond Hajrizi, Besnik Qehaja prezantuan temën “Impact of IoT in Smart Industry” që analizon ndikimin e Internetit të Gjërave (IoT) në Industrinë e Mençur (Smart Industry).

Përmes një hulumtimi të gjerë, ata shqyrtuan se si përdorimi i teknologjisë IoT ka transformuar mënyrën se si operojnë kompanitë industriale, duke integruar pajisje dhe procese të lidhura në internet për të përmirësuar efikasitetin, prodhimin dhe sigurinë.

Ekspertët diskutua përfitimet dhe sfidat e përdorimit të IoT në sektorin industrial, si dhe potencialin e tij për të krijuar një mjedis më të lidhur dhe inteligjent në industrinë e prodhimit. Kjo analizë ofroi një kuptim të thellë për ndryshimet dhe përparimet që teknologjia IoT sjell në sektorin industrial dhe ndikon në zhvillimin e industrisë së pjesshme.

Milot Morina prezantoi temën “Smart Agriculture Solution: Integrating Sensors with Azure IoT Cloud Platform”, u përqendrua në përdorimin e sensorëve në bujqësi, të lidhur me platformën e Cloud Azure IoT, që mund të sjellë inovacione në menaxhimin e tokës dhe bimëve. Përmes kësaj teknologjie, sipas autorëve bujqit janë në gjendje të mbledhin dhe monitorojnë të dhëna kritike si temperatura, lagështia, drita diellore dhe pH-ja e tokës në kohë reale.

Ky informacion mund të përdoret për të marrë vendime strategjike, për të përmirësuar rritjen e bimëve, për të zvogëluar përdorimin e burimeve dhe për të rritur prodhimtarinë. Elton Boshnjaku, Naim Llumnica, Behar Haxhismajli, Blerim Zylfiu, Lavdim Menxhiqi, Elita Hajrizi me temën “Bridging the Gap: Enabling Enhanced Data Processing for IoT Sensor Devices through Azure Cloud Services”, analizuan sfidat dhe mundësitë që shoqërojnë përdorimin e këtyre shërbimeve në kontekstin e IoT. Ata gjithashtu shpjeguan si përdorimi i shërbimeve të Azure Cloud mund të mundësojë një përpunim të avancuar të të dhënave, duke hapur rrugën për inovacione dhe aplikime më të përparuara në fushën e IoT.

Në përmbledhje, prezantimi ofron një analizë të thellë të ndikimit të shërbimeve të Azure Cloud në përpunimin e të dhënave për pajisjet e sensorëve IoT dhe potencialin e tyre për të përmirësuar performancën dhe efikasitetin në këtë fushë. Elita Hajrizi prezantoi temën “IoT Enabled Health Monitoring System Using Wearable Sensors for Chronic” Disease Management”, që është realizuar në bashkëpunim me Greta Ahma, Mirlinda Reqica, që në fokus kishin sistemin e monitorimit të shëndetit nga Interneti i Gjërave (IoT), duke përdorur sensorë për menaxhimin e sëmundjeve kronike. Sipas autorëve kjo teknologji ofron një mënyrë më efikase dhe të përhershme për të monitoruar dhe menaxhuar kujdesin shëndetësor për pacientët, duke u mundësuar ndjekjen e afërt të gjendjes së tyre shëndetësore dhe reagimin e menjëhershëm në ndryshime.

Në konferencë u prezantuan edhe Saranda Dreshaj, Arsim Murseli, Kastriot Parduzi me temë” Digital Twin as a Central Hub for IoT-based Smart Cities Empowered by AR/VR Visualization”, që përshkruan potencialin e ndërthurjes së teknologjive të Digital Twin me AR/VR për të përmirësuar qytetet e mencura dhe të lidhura me IoT. Amet Shabani, Edmond Hajrizi, Besnik Qehaja.

“Internal Threats as Major Security breaks in IoT, Detection and prevention steps in transmission medium and Networks”, ofruan një analizë të thellë të kërcënimeve potenciale të sigurisë dhe hapat e nevojshëm për t’u mbrojtur nga to në ambientet e lidhura me IoT. Shqipe Sejdiu, Vesa Morina, Edmond Hajrizi me temë “Synergizing AI and 5G: Unleashing Nex- Generation Connectivity and Intellegence”, paraqitën potencialin e sinergjisë së AI dhe 5G për të hapur rrugën për një lidhje të avancuar dhe inteligjente të gjeneratës së ardhshme.

Erilda Muka, Polis University, Tirana, Albania me temë “Harnessing Digital Twins to model and monitor IoT Devices for green transformation and Energy Efficiency of Polis University”, shpalosën potencialin e përdorimit të binarëve dixhitale për të promovuar praktika më të mira mjedisore dhe për të përmirësuar efikasitetin e energjisë në institucionet arsimore./UBTNews/

Lajmet nga UBT

Stafi i UBT-së pjesëmarrës në Konferencën Vjetore Shkencore të Universitetit Teknik të Sofjes në Bullgari

Published

on

By

Rektori i UBT-së, Prof. Dr. Edmond Hajrizi, së bashku me Prof. Dr. Besnik Qehaja dhe anëtarë të tjerë të stafit akademik, kanë marrë pjesë në Konferencën Vjetore Shkencore të Universitetit Teknik të Sofjes, e cila u mbajt në qytetin Plovdiv në Bullgari.

Kjo ngjarje u zhvillua në kuadër të projektit strategjik “Përmirësimi i Kapaciteteve Kërkimore dhe Cilësisë për Njohje Ndërkombëtare dhe Qëndrueshmëri të TU–Sofia”, pjesë e Programit Kombëtar për Rimëkëmbje dhe Qëndrueshmëri të Bullgarisë, që synon ndërtimin e një rrjeti të institucioneve të arsimit të lartë kërkimor në Bullgari dhe më gjerë e mbështetur edhe nga Komisioni Evropian.

Pjesëmarrja e delegacionit të UBT-së u realizua në kuadër të programit “Research Fellowship Programme”, ku Rektori Hajrizi dhe Prof. Qehaja prezantuan punimet e tyre shkencore, në bashkëpunim me studiues të njohur ndërkombëtarë si Galia Marinova, Vasil Gulashki, Elton Boshnjaku dhe Behar Haxhismajli.

Që nga fillimi i programit në shkurt të këtij viti me Institutin për Kërkime Shkencore në Universitetin Teknik të Sofjes, stafi i UBT-së ka realizuar dy publikime shkencore të indeksuara ndërkombëtarisht, si dhe një kapitull libri në fushën e rrjeteve inteligjente energjetike (Smart Grid), Internetit të Gjërave (IoT) dhe Inteligjencës Artificiale – fusha këto me rëndësi strategjike për zhvillimin e teknologjive të avancuara dhe transformimin digjital.

Gjatë katër ditëve të konferencës, morën pjesë mbi 30 grupe kërkimore me rreth 200 shkencëtarë nga e gjithë bota, përfshirë studiues nga Italia, Portugalia, Rumania, India, Kolumbia, Franca, Irani, Finlanda, Jordania dhe Kongo. Në këtë kuadër, grupi kërkimor nga UBT spikati me rezultatet e arritura në një kohë shumë të shkurtër, por edhe me prezantime cilësore dhe relevante, të cilat u vlerësuan në mesin e punimeve më të avancuara ndërkombëtare.

Rektori Edmond Hajrizi, në prezantimin e tij, theksoi rolin dhe mundësitë infrastrukturore që po i ofron UBT Smart City për të zhvilluar hulumtime, teknologji dhe inovacione që ka UBT në rreth 150 fusha të jetës, duke e mbështetur ndërdisiplinaritetin, infrastrukturën e mençur dhe zhvillimin e qëndrueshëm.

Ai prezantoi platformën e zhvilluar për menaxhimin dhe kontrollin e mikrogrideve të mençura të energjisë, e cila, përveç të tjerash, po instalohet për përdorim në UBT Smart City, ndërsa profesori i asociuar Besnik Qehaja prezantoi pjesën e sigurisë së rrjetës dhe optimizimin e saj te pjesa e spitaleve dhe klinikave të mençura.

Konferenca gjithashtu shërbeu si platformë për rrjetëzim dhe bashkëpunim ndërkombëtar, ku u diskutuan projektet e përbashkëta, transferimi i teknologjisë, pronësia intelektuale dhe fuqizimi i rolit të universiteteve kërkimore në zhvillimin e qëndrueshëm ekonomik.

UBT vazhdon të shquhet si një institucion lider në rajon për hulumtim shkencor dhe inovacion, me pjesëmarrje aktive në programe evropiane dhe ndërkombëtare, dhe ka arritur rritjen më të shpejtë të publikimeve shkencore jo vetëm në Kosovë, por edhe më gjerë.

Jo rastësisht, në rangimin e fundit të Scimago, UBT në sesionin e shkencës renditet e para në Kosovë.

Pjesëmarrja në këtë konferencë jo vetëm që afirmon pozicionin e UBT-së në arenën ndërkombëtare akademike, por gjithashtu hap mundësi të reja për bashkëpunim, shkëmbim dijesh dhe krijim të projekteve të përbashkëta që ndikojnë drejtpërdrejt në zhvillimin shkencor dhe teknologjik të Kosovës dhe rajonit.

Stafi i UBT-së zhvilloi takime shumë të frytshme për bashkëpunime shkencore me shkencëtarë nga shumë vende të botës.

 

 

 

Continue Reading

Lajmet nga UBT

UBT boton librin shkencor të Kongresit të 3-të të Forenzikës Kosovë–Turqi

Published

on

By

UBT ka publikuar librin shkencor të Kongresit të 3-të të Forenzikës Kosovë–Turqi, i cili u mbajt më 25-26 maj 2024 në hapësirat e Parkut Shkencor, Inovativ dhe Teknologjik të UBT-së në Lipjan. Ky libër përfaqëson një pasqyrë të gjerë të punimeve, hulumtimeve dhe diskutimeve shkencore të prezantuara në kongresin ndërkombëtar, ku u trajtuan temat më aktuale në fushën e shkencave forenzike.

Kongresi dhe botimi i librit janë dëshmi e bashkëpunimit të suksesshëm dhe të qëndrueshëm akademik ndërmjet UBT-së dhe institucioneve partnere nga Turqia, përfshirë Universitetin Katip Çelebi të Izmirit, Shoqatën e Shkencëtarëve Forenzikë të Turqisë, si dhe partnerë të tjerë akademikë dhe institucionalë nga Kosova, Shqipëria, Maqedonia e Veriut, Greqia, Azerbajxhani dhe rajoni i Azisë Qendrore.

Një botim i rëndësishëm me përmbajtje shkencore, multidisiplinare dhe ndërkombëtare

Libri, i redaktuar nga Prof. Dr. Edmond Hajrizi, Rektor i UBT-së dhe President i Kongresit, përmbledh 168 faqe me punime shkencore, abstrakte dhe diskutime profesionale, të cilat trajtojnë një gamë të gjerë temash si:

  • toksikologjia forenzike,
  • analizat digjitale në hetime,
  • antropologjia forenzike,
  • infermieria ligjore në situata fatkeqësie,
  • identifikimi përmes odontologjisë forenzike,
  • përdorimi i teknologjive si Web3 në forenzikë,
  • krimet e luftës dhe përgjegjësia mjekësore,
  • identifikimi i viktimave përmes analizave biokimike dhe mjetesh digjitale, etj.

Ky botim dokumenton gjithashtu edhe zhvillimet më të fundit në trajnimin dhe pajisjen e laboratorëve të forenzikës në Kosovë, veçanërisht përmes inaugurimit të laboratorit të parë të forenzikës në nivel universitar në vend, të vendosur në kuadër të kampusit të UBT-së.

Një platformë për bashkëpunim ndërkombëtar dhe shkëmbim dijesh

Kongresi, i cili është shndërruar tashmë në një traditë të përvitshme, nisi për herë të parë në vitin 2014 në Prizren dhe është zhvilluar me sukses në qytete si Foça (Turqi) dhe tani për herë të dytë në Kosovë. Kjo platformë është shembull i shkëlqyer i bashkëpunimit akademik ndërmjet vendeve dhe kulturave, duke sjellë së bashku dhjetëra profesorë, mjekë, ekspertë ligjorë, studiues dhe përfaqësues të institucioneve të drejtësisë dhe shëndetësisë.

Në parathënien e tij, Rektori i UBT-së, Prof. Dr. Edmond Hajrizi, thekson:

“Shkencat forenzike po shndërrohen në një element kyç për drejtësinë moderne, përmes përdorimit të provave të bazuara në shkencë. Ky libër dhe ky kongres janë dëshmi e përkushtimit të UBT-së për të kontribuar në ndërtimin e një shoqërie më të drejtë dhe më të sigurt.”

Ndërkaq, Mr. Sci. Arsim Gërxhaliu, bashkëdrejtues i kongresit dhe drejtor i Institutit të Shkencave Forenzike në UBT, shprehet:

“Përmes këtij botimi, përforcojmë misionin tonë për të promovuar shkencën si themel të drejtësisë dhe të bashkëpunimit ndërkombëtar. Çdo punim që përmban ky libër është një kontribut i drejtpërdrejtë për një sistem më të fuqishëm ligjor e shkencor.”

Një botim me standarde ndërkombëtare

Libri është kataloguar dhe arkivuar nga Biblioteka Kombëtare e Kosovës “Pjetër Bogdani”. Ai do të shërbejë si një referencë e vlefshme për studiuesit, ligjvënësit, profesionistët e sigurisë dhe studentët e fushave të drejtësisë, mjekësisë ligjore dhe kriminalistikës.

UBT, përmes Institutit të Shkencave Forenzike dhe bashkëpunimit me universitetet më të avancuara në rajon dhe më gjerë, po shndërrohet në një qendër ekselence në fushën e forenzikës dhe drejtësisë shkencore, duke kontribuar në reformimin e institucioneve të sigurisë, hetimit dhe gjyqësisë në Kosovë dhe më gjerë.

Continue Reading

Lajmet nga UBT

Aktorja dhe profesoresha e UBT-së, Fatlume Bunjaku, pjesëmarrëse në edicionin e 78-të të Festivalit të Filmit në Cannes

Published

on

By

Në edicionin e 78-të të Festivalit prestigjioz të Filmit në Cannes, këtë vit po merr pjesë edhe aktorja dhe profesoresha, Fatlume Bunjaku, e cila njëkohësisht është edhe profesoreshë në UBT.

Me ftesë të drejtpërdrejtë nga organizatorët e festivalit, profesoresha Bunjaku po qëndron në Cannes në cilësinë e aktores dhe Casting Director, duke përfaqësuar denjësisht Kosovën dhe rajonin përmes kompanisë Balkan Faces. Ajo po merr pjesë në një sërë punëtorish, ngjarjesh dhe panelesh ndërkombëtare, me qëllim të promovimit të aktorëve dhe talenteve të reja nga Ballkani në skenën globale të filmit.

Pjesëmarrja e saj në këtë festival të njohur botërisht është një vlerësim i rëndësishëm për kontributin që ajo ka dhënë ndër vite në artin skenik dhe kinematografi, por edhe një krenari për UBT-në, si institucion që fuqishëm mbështet dhe kultivon talentet në fushën e arteve.

Përmes angazhimit të saj si pedagoge në UBT, Fatlume Bunjaku ka ndihmuar në formimin profesional të dhjetëra studentëve të artit dramatik dhe filmit, duke i përgatitur ata për një karrierë të suksesshme në tregun vendor dhe ndërkombëtar. Pjesëmarrja e saj në Cannes është një tjetër dëshmi e cilësisë së stafit akademik të UBT-së dhe ndikimit që ky institucion ka në ngritjen e kulturës dhe artit në vend.

 

Continue Reading

Lajmet nga UBT

Nga UBT në Pragë: Historia e suksesit të studentes së UBT-së, Genita Tahiri tani e punësuar në një nga kompaninë evropiane Gen Digital

Published

on

By

Genita Tahiri është një nga shembujt më të mirë se si arsimi cilësor në UBT dhe përkushtimi personal mund të çojnë në sukses ndërkombëtar. Ajo është ish-studente e programit Shkenca Kompjuterike dhe Inxhinieri në UBT, ndërsa sot është e punësuar si Software Engineer në një nga kompanitë më të njohura të teknologjisë në Evropë – Gen Digital në Pragë, Çeki.

Gjatë studimeve në UBT, Genita përfitoi nga një mjedis dinamik dhe praktik, ku njohuritë teorike shoqëroheshin gjithmonë me projekte konkrete dhe bashkëpunime ndërkombëtare. Ishin pikërisht këto përvoja që e ndihmuan atë të zhvillojë aftësitë e nevojshme teknike, të ndërtojë vetëbesim profesional dhe të jetë gati për tregun global të punës.

UBT më ka ndihmuar të kuptoj jo vetëm bazat e forta të programimit dhe sistemeve, por edhe të zhvilloj mendim kritik, punë ekipore dhe lidership – që janë thelbësore në çdo kompani teknologjike”, thekson Genita.

Puna e saj në Gen Digital konsiston në zhvillimin dhe përmirësimin e produkteve softuerike të cilat përdoren nga miliona njerëz në mbarë botën. Ajo është pjesë e një ekipi ndërkombëtar, ku vlerësohet për përgatitjen e saj profesionale dhe kreativitetin që sjell në zgjidhjen e problemeve.

Rruga e Genitës është një dëshmi se studimet në UBT në fushën e Shkencave Kompjuterike hapin dyer të reja për studentët – që nga punësimi i menjëhershëm në Kosovë, e deri tek sukseset profesionale në vendet më të zhvilluara të botës.

Continue Reading

Të kërkuara