Lajmet nga UBT

Studenti i Arkitekturës në UBT, Art Luri, do të vazhdojë studimet në Anhalt University of Applied Sciences në Gjermani

Luri do të vazhdojë studimet në nivelin master në Anhalt University of Applied Sciences, të Gjermanisë.

Published

on

Një mundësi e re për t’u zhvilluar edhe më shumë për nga aspekti akademik, si dhe për të njohur kultura të reja i është bërë realitet studentit të Fakultetit Arkitekturë dhe Planifikim Hapësinor në UBT, Art Luri.

Përmes partneriteteve të shumta që ka UBT me universitetet më të njohura evropiane, studenti i Fakultetit të Arkitekturës dhe Planifikimit Hapësinor në UBT, Art Luri do të vazhdojë studimet në nivelin master në Anhalt University of Applied Sciences, të Gjermanisë.

Përkrahja që i dha atij UBT për të vazhduar tutje në rrugëtimin e tij profesional ishte e madhe, dhe për këtë falë edhe profesionistëve të arkitekturës që janë në UBT, Arti ka arritur që të vazhdoj studimet në njërin prej institucioneve më me emër të Gjermanisë.

“Studimet akademike ishin sfiduese po aq sa edhe një eksperiencë shumë e bukur nën epitetin e të qenurit student, si periudha më e mirë e fillimit të karrierës sime. Zgjodha UBT-në për shkak të qasjes kualitative ndaj problematikave të zhvillimit akademik si dhe mundësive të shumta që studimet e mëtejme t’i vazhdoj në universitetet me famë ndërkombëtare”, ka thënë ai.

Cilësia e lartë që ofron UBT, si dhe kushtet moderne për studimet akademike me praktika të njohura ndërkombëtare, janë shpërblyer me diplomë që njihet ndërkombëtarisht, dhe në saje të kësaj studentët e UBT-së nuk po hasin në probleme me nostrifikimin e diplomës.

“Procedurat e njohjes së diplomës nuk ishin të vështira për shkak se për fat të mirë tashmë diplomat e UBT-së janë të njohura ndërkombëtarisht. UBT më ka ofruar një mundësi që me angazhimin tim t’i hap vetës një dritare duke i tejkaluar kufijtë e shtetit tonë për të depërtuar në shtetet e zhvilluara të perëndimit”, ka thënë studenti i Fakultetit Arkitekturë dhe Planifikim Hapësinor në UBT, Art Luri.

UBT përmes bashkëpunimeve me universitete prestigjioze ndërkombëtare, studentëve të saj po u ofron një mundësi unike në njohjen e kulturave të reja, praktikave të ndryshme të mësimit, si dhe njohjen e profesionit nga këndvështrime të ndryshme të ekspertëve ndërkombëtarë.

Lajmet

Studentët e UBT-së vizitojnë agjencinë Base Agency për të mësuar mbi marketingun dhe inovacionin

Published

on

By

Në kuadër të lëndëve Marketing Ndërkombëtar dhe Marketing Digjital, studentët e Fakultetit Menaxhment, Biznes dhe Ekonomi – Niveli Master në UBT, të udhëhequr nga prof. Gonxhe Beqiri, realizuan një vizitë studimore në agjencinë e marketingut Base Agency në Prishtinë.

Gjatë vizitës, studentët patën mundësinë të njihen me themeltarët e agjencisë, Lirak Arifaj dhe Alban Shabani, dhe të mësojnë për sfidat dhe sukseset që kanë shoqëruar zhvillimin e kompanisë deri më sot. Një pjesë e veçantë e takimit iu kushtua prezantimit të klientëve kryesorë vendorë dhe ndërkombëtarë, duke theksuar bashkëpunimet strategjike dhe fushat e ndryshme të veprimtarisë së agjencisë.

Studentët u njohën gjithashtu me procedurat e brandimit, qasjen profesionale në punën me klientët, si dhe metodologjitë e përdorura për ndërtimin dhe menaxhimin e identitetit të markave. U prezantuan edhe inovacionet më të fundit në marketing dhe komunikim, si dhe projektet e shumta të realizuara me sukses, që dëshmojnë për kreativitetin dhe kapacitetin profesional të agjencisë.

Vizita ishte interaktive, ku studentët bënë pyetje mbi strategjitë e marketingut, rëndësinë e inovacionit, zhvillimin e tregut ndërkombëtar dhe përgjegjësinë sociale të kompanisë.

Continue Reading

Aktualitet

Gjeomonumentet e Republikës së Kosovës publikohen në ProGEO

Published

on

By

Profesori nga Fakulteti Inxhinieri e Ndërtimit dhe Infrastrukturës në UBT, Hazir S. Çadraku, në bashkëpunim me Fadil Bajraktari, Cand. PhD, nga Instituti i Kosovës për Mbrojtjen e Natyrës, kanë publikuar artikullin shkencor me titull “New geomonuments, Republic of Kosovo” në ProGEO News, revistë dhe platformë zyrtare e International Association for the Conservation of Geological Heritage (ProGEO).

Ky publikim paraqet një kontribut të rëndësishëm shkencor dhe institucional në fushën e trashëgimisë gjeologjike, duke prezantuar monumente të reja gjeologjike (geomomumente) në Republikën e Kosovës, si dhe duke theksuar vlerat e tyre shkencore, edukative, turistike dhe mjedisore.

Artikulli synon të rrisë ndërgjegjësimin kombëtar dhe ndërkombëtar për pasurinë gjeologjike të Kosovës dhe rëndësinë e ruajtjes së saj në kuadër të mbrojtjes së natyrës.

ProGEO është një organizatë ndërkombëtare prestigjioze që bashkon ekspertë të gjeoshkencave, menaxherë të trashëgimisë natyrore, studiues, edukatorë dhe profesionistë të turizmit, me misionin për të promovuar dhe mbrojtur trashëgiminë gjeologjike dhe gjeodiversitetin në mbarë botën.

Organizata është e afiluar me International Union of Geological Sciences (IUGS) dhe është anëtare e International Union for Conservation of Nature (IUCN), duke luajtur një rol kyç në politikat globale të konservimit të natyrës.

Përmes këtij publikimi, autorët theksojnë nevojën për një qasje të integruar në mbrojtjen e natyrës, ku trashëgimia gjeologjike trajtohet në mënyrë të barabartë me biodiversitetin, si dhe rëndësinë e përfshirjes së institucioneve shtetërore, akademike dhe publikut në ruajtjen dhe promovimin e këtyre vlerave.

Për më shumë detaje rreth artikullit dhe aktiviteteve të ProGEO-s, vizitoni faqen zyrtare të organizatës: ProGEO

Continue Reading

Lajmet

Eksperti i sigurisë nga UBT, Arian Kadriu, mban ligjëratë tematike në Camp Bondsteel

Published

on

By

Profesori dhe njëherit Prodekani i Studimeve të Sigurisë në UBT, Prof. Dr. Arian Kadriu, ka realizuar një ligjëratë tematike në ambientet e Camp Bondsteel, në Kosovë, në kuadër të bashkëpunimit akademik dhe profesional me misionin e KFOR-it.

Ligjërata u përqendrua në temën “Kërcënimet e brendshme dhe të jashtme ndaj sigurisë kombëtare në Kosovë”, duke trajtuar në mënyrë analitike zhvillimet aktuale të sigurisë, sfidat strategjike dhe rolin e institucioneve vendore dhe ndërkombëtare në garantimin e stabilitetit dhe paqes.

Gjatë ligjëratës, Profesori Kadriu ofroi një qasje të thelluar akademike të kombinuar me përvojë praktike, duke theksuar rëndësinë e analizës së rrezikut, bashkëpunimit ndërinstitucional dhe rolit të partnerëve ndërkombëtarë në ruajtjen e sigurisë në Kosovë dhe rajon.

Continue Reading

Aktualitet

Edmond Hajrizi: Kur dija, biznesi dhe etika ndërthuren në vendimmarrje

Published

on

By

Një dialog mbi rolin e drejtuesit në shndërrimin e dijes në modele funksionale që integrojnë arsimin, shëndetësinë, sportin dhe inovacionin

(more…)

Continue Reading

Të kërkuara