Kulturë

Sqaroni, mos mashtroni

Si ta marrësh “kontrollin” e një bisede?

Published

4 years ago

on

Komunikuesit e mirë e dinë se si t’i përgjigjen pyetjeve në lidhje me produktet dhe vizionin e kompanisë së tyre. Ata janë të sigurt dhe precizë. Dhe ka pak udhëheqës që e bëjnë këtë më mirë se CEO i Apple Tim Cook.

Nëse jeni sipërmarrës, pronar i një biznesi të vogël ose një korporate të madhe, shumica e njerëzve nuk kanë të njëjtin botëkuptim për kompaninë tuaj sikur ju. Ju keni një njohuri të thellë dhe unike për vizionin e kompanisë, tregun dhe klientin. Kontrollimi i një bisede për të qartësuar misionin e kompanisë tuaj është një aftësi e vlefshme që duhet ndërtuar.

Ja si ia bën Tim Cook.

Kur Apple publikoi raportin e saj të fundit tremujor, ai tregoi se fitimet kishin rënë, ashtu si edhe të ardhurat e iPhone. Lajm i keq? Jo domosdoshmërisht. Aksionet e kompanisë u ngritën menjëherë pasi Cook ofroi një shpjegim të qartë për një pasqyrë më të gjerë dhe më pozitive. Falë rritjes së dyfishtë nga App Store, Apple Music dhe prej shërbimeve të tjera, Apple gjeneroi 11.5 miliardë dollarë.

Cook arriti të shpjegojë vizionin afatgjatë të kompanisë duke e kontrollouar bisedën me këto fjalë.

“Mënyra se si e shoh unë…”

Për shembull, duke iu përgjigjur një pyetjeje në lidhje me ngadalësimin e shitjeve të iPhone, Cook theksoi faktin që modelet e iPhone gjeneruan 26 miliardë dollarë në shitje – një numër i madh për një tremujor.

“Mënyra se si e shoh unë,” filloi Cook, “kemi pasur portofolin më të fortë të harduerit ndonjëherë. Ne kemi produkte të reja që do të dalin në treg. Ne jemi me fat dhe kemi punuar shumë që të kemi konsumatorë besnikë.”

Cook kishte stabilizuar aksionet e Apple në një intervistë me CNBC

Në fillim të këtij viti, Apple ishte përsëri në disavantazh për thashethemet që biznesi i iPhone në Kinë po ballafaqohej me probleme. Në një intervistë me Jim Cramer në CNBC, Cook mori kontrollin e narracionit me fjalët e tij të para.

“Më lejoni t’ju tregoj mënyrën se si e shikoj unë”, filloi Cook. “Ne e menaxhojmë kompaninë për termin afatgjatë. Gjërat më të rëndësishme në Apple janë, një, kultura e inovacionit. Së dyti, ne kemi një bazë shumë të madhe aktive të instaluar [të pajisjeve Apple], dhe së treti, ne jemi kompani që kemi konsumatorët më të kënaqur dhe më besnik në këtë industri”.

Cook më pas sqaroi qartë dhe në mënyrë të përmbledhur sesi kombinimi i këtyre tre faktorëve çon në një rrjedhë të përsëritur të të ardhurave dhe klientëve besnikë. Dhe aksionet definitivisht u stabilizuan pas intervistës së Cook.

Cook shpesh përdor pak fjalë në mënyra të ndryshme për të kontrolluar narracionin. Në vend të “mënyrës se si e shoh unë”, Cook ndonjëherë thotë: “Për ta vënë këtë në perspektivë” ose “Të nxjerrim kontekstin e kësaj”.

Sqaroni, mos mashtroni

Kontrollimi i bisedës nuk do të thotë të mashtrosh një audiencë me informacione që nuk janë të vërteta. Është thjesht një mënyrë për të ndihmuar dëgjuesit tuaj të kuptojnë më mirë një vizion që ata nuk mund ta kuptojnë plotësisht. Cook nuk mund ta përballojë të humbasë besimin e audiencës së tij. Informacioni që ai ofron është i saktë, por shpesh keqkuptohet nga njerëzit që nuk e kuptojnë aq sa duhet vizionin afatgjatë të kompanisë.

Komunikuesit efektivë mbështeten në këtë teknikë të avancuar të të folurit për të shpjeguar çështjet komplekse. Do të funksionojë edhe për ju. Qartësojeni vizionin e kompanisë tuaj duke filluar bisedën me këto fjalë: Ja si e shoh unë.

Related Topics:
Continue Reading

Lajmet

Podujeva mirëpret për të tretin vit Festivalin Ndërkombëtar “Newborn Kosova”

Published

2 hours ago

on

July 9, 2026

By

Podujeva ka mirëpritur për të tretin vit me radhë Festivalin Ndërkombëtar “Newborn Kosova”, i cili edhe këtë vit e nisi rrugëtimin nga ky qytet, duke sjellë një atmosferë të veçantë kulturore.

Në Sheshin “Katër Dëshmorët”, qytetarët shijuan një mbrëmje të pasur me art, traditë dhe folklor, ku ansamble nga Bullgaria, Holanda, Kosta Rika dhe Greqia prezantuan vallet tradicionale, muzikën dhe veshjet karakteristike të vendeve të tyre.

Kryetari i Komunës së Podujevës, Shpejtim Bulliqi, tha se është kënaqësi që qyteti vazhdon të jetë nikoqir i një festivali me karakter ndërkombëtar, i cili promovon shkëmbimin kulturor, miqësinë dhe bashkëpunimin ndërmjet popujve.

Në shenjë mirënjohjeje për mbështetjen e vazhdueshme ndaj festivalit, organizatorët i ndanë një mirënjohje kryetarit Bulliqi. Nga ana e tij, ai u dorëzoi mirënjohje ansambleve pjesëmarrëse, duke i falënderuar për kontributin në promovimin e kulturave të tyre përmes muzikës dhe vallëzimit./A.K/

Continue Reading

Lajmet

“Americana” sjell sonte magjinë e muzikës amerikane në Sheshin “Skënderbeu”

Published

3 hours ago

on

July 9, 2026

By

Orkestra e Filharmonisë së Kosovës do të mbajë sonte, më 9 korrik 2026, koncertin “Americana” në Sheshin “Skënderbeu” në Prishtinë, në kuadër të shënimit të 250-vjetorit të Pavarësisë së Shteteve të Bashkuara të Amerikës.

Duke filluar nga ora 20:30, publiku do të ketë mundësinë të dëgjojë kryevepra të muzikës amerikane, nga kompozitorë të njohur si George Gershwin dhe Leonard Bernstein.

Koncerti do të interpretohet nga Orkestra e Filharmonisë së Kosovës, nën dirigjimin e Toshio Yanagisawa, duke sjellë një mbrëmje të veçantë me energji dhe emocione muzikore.

Hyrja në koncert bëhet me rezervim online./A.K/

Continue Reading

Lajmet

Libri i ditës | Pse ia vlen ta lexoni “Njeriu në kërkim të kuptimit”

Published

8 hours ago

on

July 9, 2026

By

Nëse jeni në kërkim të një libri që ju bën të reflektoni mbi jetën, sfidat dhe forcën e njeriut për të ecur përpara, zgjedhja e sotme është “Njeriu në kërkim të kuptimit” nga Viktor E. Frankl.

Ky libër rrëfen përvojën personale të autorit në kampet naziste të përqendrimit dhe mënyrën se si, edhe në rrethanat më të vështira, njeriu mund të gjejë një arsye për të jetuar. Përmes një rrëfimi të fuqishëm dhe analizës psikologjike, Frankl sjell mesazhin se kuptimi i jetës mund të gjendet edhe në momentet më të errëta.

I konsideruar si një nga librat më me ndikim në fushën e psikologjisë dhe zhvillimit personal, ky botim vazhdon të frymëzojë miliona lexues në mbarë botën.

Nëse nuk e keni lexuar ende, “Njeriu në kërkim të kuptimit” është një titull që meriton të jetë pjesë e bibliotekës suaj./A.K/

Continue Reading

Lajmet

Arianit Lakna hap ekspozitën personale “anGjelus Novus” në Open Art Gallery

Published

1 day ago

on

July 8, 2026

By

Artisti Arianit Lakna hap sonte ekspozitën personale “anGjelus Novus”, të kuruar nga Artrit Bytyçi, në Open Art Gallery. Hapja e ekspozitës do të mbahet duke filluar nga ora 19:30.

Ekspozita sjell një cikël veprash ku lajtmotivi i gjelit zë vend qendror, duke krijuar një dialog artistik me veprën “Angelus Novus” të Paul Klee dhe interpretimin filozofik të Walter Benjamin.

Sipas konceptit kuratorial, “anGjeli i Ri” i Laknës shkon përtej referencës klasike, duke ndërtuar një figurë simbolike që mishëron përditshmërinë, punën dhe përballjen me sfidat e jetës.

Një nga veprat qendrore të ekspozitës, “Zgjohu me Gjela”, paraqet figurën e gjelit përballë detyrimeve të përditshme, duke simbolizuar gatishmërinë për t’u përballur me sfidat pa pritur zgjidhje nga të tjerët.

Përmes këtij cikli punimesh, Arianit Lakna ndërton figurën e “anGjelit” si një simbol të ri që përfaqëson vlera dhe ideale të një utopie bashkëkohore. Ekspozita fton vizitorët të reflektojnë mbi jetën e përditshme, përgjegjësinë dhe mënyrën se si individi ndërton raportin e tij me realitetin përmes artit./A.K/

Continue Reading

Të kërkuara