Sport

Southgate: Trippier është më i mirë se Alexander-Arnold

Komentet e Southgate ka të ngjarë të zemërojnë tifozët e Liverpoolit.

Published

on

Trajneri i Kombëtares së Anglisë, Gareth Southgate ka sugjeruar se Trent Alexander-Arnold tani është zgjidhja e tij e katërt sa i përket krahut të djathtë të mbrojtjes, pasi që shpjegoi se pse Kieran Trippier është para tij te “Tre Luanët”.

Alexander-Arnold u grumbullua nga Southgate për ndeshjet e fundit në Ligën e Kombeve kundër Italisë dhe Gjermanisë, por pasi që ishte një zëvendësim në humbjen 1:0 në “San Siro”, ylli i Liverpoolit u la jashtë skuadrës në barazimin 3:3 kundër Gjermanisë në “Wembley”.

Në vend të Alexander-Arnold, Southgate aktivizoi Reece James të Chelseat dhe gjithashtu preferon që të përdorë Kyle Walker të Manchester Cityt dhe Kieran Trippier të Newcastle para mbrojtësit të Liverpoolit.

Southgate tha se beson që në përgjithësi loja e Trippier është më e mirë se ajo e Alexander-Arnold, i cili tani duhet të luftojë për të zënë një vend në skuadrën e Anglisë për Kampionatin Botëror “Katar 2022”.

Kam pasur bisedime të gjata me të gjithë. Natën e kaluar kundër Italisë, neve nuk na duhej zëvendësues i krahut të majtë. Kundër Gjermanisë neve na duhej për shkak të stilit të lojës, kështu që neve na duhej Chilwell në bankën rezervë, dhe kishim Kieran, për të cilin momentalisht unë besoj që loja e tij është më e mirë se Alexander-Arnold”, tha Southgate.

Komentet e Southgate ka të ngjarë të zemërojnë tifozët e Liverpoolit, me Alexander-Arnold që luan një rol të madh në suksesin e klubit në sezonet e fundit.

23-vjeçari ka shënuar 14 gola dhe ka dhënë 62 asistime në 235 ndeshje për Liverpool, duke ndihmuar klubin e tij të fitojë Ligën e Kampionëve, Premier Ligën, Kupën e Botës për Klube, FA Cup dhe Kupën e Ligës nën drejtimin e Jurgen Klopp.

Sport

Man City fiton thellë ndaj Al Ain, kualifikohet tutje në Kupën e Botës për Klube

Published

on

Manchester City e ka shënuar edhe fitoren e dytë në Kupën e Botës për Klube.

Citizens triumfuan 6:0 ndaj Al Ain në xhiron e dytë të fazës. Ilkay Gundogan hapi festivalin e golave për anglezët qysh në minutën e tetë të ndeshjes.

Echeverri e vazhdoi në minutën e 27-të, kurse Erling Haaland nga penalltia në minutën e pestë shtesë të pjesës së parë shënoi për 3:0.

Gundogan realizoi edhe njëherë tjetër në minutën e 73-të, para se Oscar Bobb të shënonte për 5:0 11 minuta më vonë.

E në minutën e 89-të, Cherki shënoi për 6:0, e që njëherit ishte edhe goli i parë në fanellën e Man Cityt.

Me këtë fitore, Manchester City ashtu si Juventusi e sigurojnë kualifikimin utje pasi kanë nga gjashtë pikë, kurse Wydad dhe Al Ain mbesin me na një.

Continue Reading

Sport

Në pritje të Nico Williams, Barcelona befason me goditjen tjetër

Published

on

By

Barcelona është shumë pranë finalizimit të një marrëveshjeje të rëndësishme për të ardhmen e skuadrës, duke siguruar shërbimet e yllit të ri suedez, Roony Bardghji. Anësori i talentuar i FC Kopenhagen është në rrugën drejt “Camp Nou”, me marrëveshjen që ndodhet në fazat përfundimtare.

Sipas burimeve pranë klubit katalanas të përcjellura nga gazetari Fabrizio Romano palët janë duke punuar për të zgjidhur detajet e fundit të transferimit, të cilat pritet të mbyllen brenda ditëve në vijim. Bardghji është një nga emrat më premtues të futbollit skandinav, i njohur për shpejtësinë, tekniken dhe instinktin për gol, duke tërhequr interesin e klubeve të mëdha evropiane prej muajsh, përcjellë KosovaPress.

Barcelona ka fituar garën ndaj disa prej tyre, duke bindur 18-vjeçarin të bashkohet me projektin e rinovimit të klubit nën drejtimin e Hansi Flick. Pritet që Bardghji të bashkohet me ekipin në muajin korrik, në kohë për përgatitjet parasezonale, ku do të ketë mundësinë të përshtatet me stilin e lojës së Barçës dhe të tregojë potencialin e tij në një skenë më të madhe.

Ky transferim shihet si një hap strategjik për të forcuar repartin ofensiv me një profil të ri dhe premtues, që mund të bëhet pjesë kyçe e së ardhmes së klubit katalanas.

Continue Reading

Sport

FIFA heton fyerjen e dyshuar raciste në ndeshjen Rudiger-Cabral gjatë ndeshjes Real Madrid – Pachuca

Published

on

Xabi Alonso foli për incidentin e tensionuar mes Antonio Rudiger dhe Gustavo Cabral në fund të ndeshjes së Kupës së Botës për Klube.

Ai konfirmoi se protokolli anti-racizëm i FIFA-s është aktivizuar e hetimi mbi rastin është në vazhdim, përplasja ndodhi në minutat e fundit, pas një pretendimi për penallti nga Rudiger që shkaktoi shkëmbim fjalësh mes dy lojtarëve.

Rudiger pretendon se u fye me term racor, ndërsa Cabral thotë se e quajti thjesht “frikacak”. Këto deklarata të kundërta janë pjesë e hetimit.

Gjyqtari Ramon Abatti e ndaloi përkohësisht lojën dhe zbatoi protokollin anti-racizëm, por tensionet vazhduan edhe pas fundit të ndeshjes.

Trajneri i Pachuca-s, Jaime Lozano, mbrojti Cabralin, duke deklaruar se nuk beson që kapiteni i tij ka bërë fyerje raciste.

FIFA pritet të sqarojë ngjarjen në ditët në vijim, ndërsa komuniteti i futbollit pret vendimin zyrtar.

Continue Reading

Sport

Milani mund të mbetet pa kapitenin e skuadrës

Published

on

By

Theo Hernández është i hapur për një transferim te Al-Hilal dhe sipas raportimeve nga Gianluca Di Marzio, mbrojtësi i Milanit po e konsideron seriozisht kalimin në Arabinë Saudite për t’u bashkuar me trajnerin Simone Inzaghi.

Klubi saudit është i gatshëm të hyjë në negociata me Milanin dhe me vetë lojtarin, dhe një ofertë zyrtare pritet së shpejti, përcjelllë KosovaPress.

Fillimisht, Hernández kishte hezitime për një transferim në Ligën Saudite, por situata ka ndryshuar dhe lojtari tani po reflekton ndryshe mbi mundësinë për të vazhduar karrierën atje. Ai pritet të diskutojë me drejtuesit e Milanit për të ardhmen e tij.

Theo iu bashkua Milanit nga Real Madridi në vitin 2019 dhe që atëherë ka qenë një nga figurat kyçe të skuadrës, me 262 paraqitje në të gjitha garat. Sezonin e fundit në Serie A mungoi vetëm në pesë ndeshje.

Ky mund të jetë fundi i aventurës së tij në Itali, nëse marrëveshja me Al-Hilal realizohet.

Continue Reading

Të kërkuara