Kryetari i Partisë Demokratike të Kosovës, Bedri Hamza, tha se preferojnë që zgjedhjet e parakohshme të mbahen më 21 dhjetor.

Ai pas takimit me presidenten Vjosa Osmani u shpreh kundër që zgjedhjet të mbahen më 28 dhjetor.

“Unë do të garoj me një ekip dhe listë të mirë. Jemi të përgatitur për zgjedhjet e parakohshme”, tha ai.

Hamza ripërsëriti qëndrimin e tij se ka vija të kuqe me asnjë subjekt politik, përfshirë Lëvizjen Vetëvendosje./KP

 Pas takimeve me liderët e partive politike, Presidentja e Kosovës Vjosa Osmani ka shpërndarë Kuvendin e Kosovës.

“Në përputhje me Kushtetutën e Republikës së Kosovës dhe legjislacionin në fuqi, si dhe pas pranimit sot të vendimit të Kuvendit të Kosovës lidhur me dështimin e krijimit të Qeverisë edhe nga mandatari i dytë, Presidentja e Republikës së Kosovës ka shpërndarë sot Legjislaturën e nëntë të Republikës së Kosovës”, njoftojnë nga Presidenca./EO

Kryetari i “Gxuo” Faton Peci ka thënë se Presidentja Vjosa osmani propozoi që të mbahet dhe një seancë ku do të diskutohej për buxhetet por që kjo nuk pati miratimin e partive opozitare.E pa çka ai tha se kështu ajo nuk pati zgjidhje tjetër veçse të firmos shpërbërjen e Kuvendit.

“Presidentja pati lutje që të shqyrtohet mundësia që të kemi dhe sot një seancë të radhës në mënyrë që të adresojmë disa nga problemet që rrezikojnë kategoritë e caktuara me mbetë pa paga sic janë punëtorët e RTK-së… nuk kishte darkordim nga shumica e partive politike për të adresuar nevojat elementare etike dhe rrjedhimisht pas mungesës së vullnetit politik të partive opozitare, presidentja nuk pati zgjidhje tjetër veçse të firmos shpërbërjen e Kuvendit ë Kosovës e që dihet që me automatizëm shkojnmë në zgjedhje”, tha Peci pas takimit.

Ai tha më tej tha se “Ne si Guxo jemi mes datave 21 dhejtor dhe 28, ne kemi zgjedhur datën 28 dhjetor”./EO

Agron Qalaj është emëruar ushtrues detyre i Kryeprokurorit të Shtetit.

Emërimi i tij erdhi pas shkarkimit të Besim Kelmendit nga kjo pozitë

Vendimi u mor pak minua më parë në mbledhjen e Këshillit Prokurorial të Kosovës (KPK).

Me pesë vota për, Kelmendi tanimë u shkarkua.

Gjatë diskutimit pas propozimit për t’u futur në rend dite shkarkimi i ushtruesit të detyrës së Kryeprokurorit të Shtetit, Besim Kelmendi, ky i fundit dhe katër anëtarë të tjerë të Këshillit Prokurorial të Kosovës lëshuan mbledhjen, duke thënë se po tentohet shkatërrimi i sistemit.

Fillimisht, anëtari Veton Shabani tha se tentativa për dëmtimin e sistemit prokurorial është e kotë, duke thënë se sistemi prokurorial është më i madh se të gjithë ata.

“Ka vëtëm një adresë dhe një agjendë për dëmtimin e sistemit prokurorial, por kjo tentative është e kotë. Nuk do jem pjesë e këtyre agjendave të ulëta”, tha Shabani.

Ndërkaq, Arian Gashi tha se ajo që dëgjoi është e papranueshme dhe e paprecedent.

“Një kërkesë e tillë për t’u fut në agjendë është keqpërdorim i pozitës zyrtare, ky Këshill i ka humbur legjitimitetin sepse çdo aktivitet i ardhshëm do jetë vazhdimësi e kësaj”, tha ai.

Ndërkaq, replikoi Hajdaraj, duke i thënë “Po shihet kush është për të shkatërruar sistemin”.

Fillimisht, nga salla e takimit u larguan dy anëtarët Arian Gashi dhe Visar Krasniqi. E më pas, edhe Kelmendi e Vuniqi.

Në anën tjetër, Dardan Vuniqi, tha se integriteti i tij nuk lëkundet, sepse janë aty për të mbrojtur ligjin dhe me i dhënë arsye të vertetën, duke thënë se asnjë vendim nuk mund ta marrë nën presion.

“Mua më duhet ta lëshoj këtë takim pasi ky konflik është filluar pa qenë unë këtu.”, shtoi Vuniqi duke thënë  se në moment kur të bindet do të rikthehet. Tha se po e lëshon takimin për të ruajtur rendin juridik.

Ndërkaq, Shabani tha se propozon të mos thirret më asnjë takim.

Kryesuesi Hajdaraj më pas vendosi që takimi të shkojnë në pauzë./EO