Lajmet

Si ta dalloni aneminë e shkaktuar nga mungesa e hekurit?

Kush janë njerëzit më të rrezikuar nga anemia e shkaktuar nga mungesa e hekurit?

Published

on

Anemia si pasojë e mungesës së hekurit në organizëm manifestohet me një sërë simptomash. Ndjesia e lodhjes pas gjumit, e të ftohtit të vazhdueshëm, ethet dhe plogështia janë disa prej tyre, sipas të dhënave.

Njeriu mund të ketë mungesë hekuri në organizëm për shkaqe nga më të ndryshmet, ku përfshihet ushqyerja e keqe, sëmundjet kronike, mosha dhe gjinia. Trupi e përdor hekurin për të prodhuar hemoglobinë.

Hemoglobina transferon oksigjenin në të gjithë trupin. Mungesa e hekurit nënkupton më pak oksigjen në organizëm dhe fillimin e anemisë.

Njerëzit më të rrezikuar nga anemia e shkaktuar nga mungesa e hekurit:

Gratë

Gratë janë më të rrezikuara nga mungesa e hekurit për shkak edhe të ciklit të tyre menstrual.  Gratë shtatzënë nga ana tjetër kanë nevojë edhe për suplementë të hekurit.

Të moshuarit

Me kalimin e moshës, oreksi është gjithnjë në rënie. Vaktet pakësohen dhe sasia e hekurit e marrë nga ushqimit gjithashtu.

Njerëzit që marrin medikamente

Sipas të dhënave, përdorimi i medikamenteve të ndryshme shteron sasitë e hekurit në organizëm. Ilaçet për hollimin e gjakut siç është aspirina, e të tjera si këto kanë efekt negativ sa i përket sasive të hekurit.

Njerëzit që vuajnë nga sëmundjet kronike

Sëmundjet që shkaktojnë humbje të gjakut siç janë ulçera apo tumori i zorrës së trashë, janë shpesh shkaqe të fshehura të mungesës së hekurit.

Diagnostikimi i anemisë

Anemia e shkaktuar nga mungesa e hekurit mund të zbulohet falë analizave të gjakut. Megjithatë, janë simptomat që vërehen nga vetë pacientët që tregojnë më shumë për sëmundjen. Siç e përmendëm, lodhja edhe pas gjumit, të ftohtit të vazhdueshëm, zverdhja e duarve dhe këmbëve, ethet dhe plogështia janë disa prej tyre.

Si trajtohet mungesa e hekurit në organizëm

Trajtimi i anemisë së shkaktuar nga mungesa e hekurit nis me përmirësimin e regjimit ushqimor.

Burime të mira ushqimore të hekurit:

Spinaqi,

Agrumet,

Boronicat,

Gocat e detit,

Gjalpi i kikirikut,

Farat e kungullit,

Fasulet dhe thjerëzat,

Frutat e thata.

Sa i përket suplementëve, ato mund të merren vetëm nëpërmjet mjekut.

Këshillohet që ushqimet e mësipërme t’i shoqëroni me ushqime me vitaminë C, si agrume, speca, luleshtrydhe etj.

Lajmet

​Tërmet në Shqipëri

Published

on

By

Dy lëkundje tërmeti kanë goditur Shqipërinë ditën e sotme (27 qershor). Sipas Institutit të Gjeoshkencave, epiqendra e tërmetit me magnitudë 3.9 dhe 4 të shkallës Rihter ka qenë Fushë-Kruja.

Thellësia e lëkundjeve ka qenë 10 kilometër, ndërsa lëkundjet janë ndjerë edhe nga qytetarët, transmeton RTSH.

Deri në këto momente nuk është raportuar për dëme. Këto lëkundje, pasojë tërmetin 4.2 të shkallës Rihter që ra tre ditë më parë në Fushë-Krujë dhe u pasua nga një sërë pasgoditjesh në Durrës, Pukë, Mal të Zi, duke shkaktuar panik te qytetarët.

Continue Reading

Lajmet

Konjufca: Gjykata Kushtetuese thekson përgjegjësinë e përbashkët për konstituimin e Kuvendit

Published

on

By

Nënkryetari i Lëvizjes Vetëvendosje, Glauk Konjufca, dhe kandidatja e kësaj partie për kryetar të Kuvendit, Albulena Haxhiu, mbajtën sot një konferencë për media, një ditë pas vendimit të Gjykatës Kushtetuese që detyron deputetët të përfundojnë seancën konstituive brenda 30 ditësh.

Konjufca theksoi se sipas interpretimit të VV-së, aktgjykimi i Gjykatës i jep të drejtë fituesit të zgjedhjeve për të propozuar kryetarin e Kuvendit. Megjithatë, kjo nuk u mirëprit nga partitë opozitare, të cilat kanë pasur një qasje bllokuese.

Ai shtoi se VV ka ndërmarrë disa hapa për të lehtësuar konstituimin e Kuvendit, përfshirë ftesën drejtuar kryetarëve të subjekteve politike për dialog.

“Gjykata Kushtetuese na dha të drejtë dhe thekson se bllokada nuk mund të ndodhë vetëm në çështjen e kryetarit të Kuvendit, por është përgjegjësi e të gjithë deputetëve që ta konstituojnë Kuvendin pa vonesa,” tha Konjufca.

Ai përfundoi duke nënvizuar se konstituimi i Kuvendit është përgjegjësi e të gjithë deputetëve, jo vetëm e grupit parlamentar që ka dalë i pari në zgjedhje.

Continue Reading

Lajmet

​Dehari: Kuvendi është përgjegjësi e të gjithëve, porosia e kushtetueses ishte të arrihet një marrëveshje

Published

on

By

Kryesuesi i seancës konstituive të Kuvendit të Kosovës, deputeti i LVV-së, Avni Dehari, ka kërkuar arritjen e një marrëveshje për zgjidhjen e krizës politike pas vendimit të Gjykatës Kushtetuese.

Ai tha se porosia e kushtetueses ishte që të arrihet një marrëveshje ndërmjet të gjitha subjekteve politike në Kuvend për konstituimin e legjislaturës së nëntë.

Sipas tij, Kuvendi është përgjegjësi e të gjithëve, ndërkaq, formimi i qeverisë së re është një tjetër veprim, ku nëse janë numrat bëhet e njëjta, kurse nëse s’ka vota për qeveri të re edhe pas dy tentimeve shkohet në zgjedhje të reja.

“Le të gjendet një marrëveshje. Kjo është porosia e Gjykatës Kushtetuese….Marrëveshje duhet të gjejnë të gjithë liderët pasi konstituimi i seancës konstituive është përgjegjësi e të gjitha grupeve parlamentare. Pastaj puna për qeveri ndryshon pasi është tjetër veprim…Nëse janë numrat krijohet nëse nuk janë kalohet te subjekti tjetër dhe nëse nuk janë shkohet në zgjedhje”, tha ai.

Këto komente Dehari i bëri në Kuvendin e Kosovës, pak para fillimit të vazhdimit të seancës konstituive të Kuvendit për herë të 38-të.

Continue Reading

Lajmet

Albin Kurti fton krerët e partive në takim për konstituimin e Kuvendit

Published

on

By

Kryeministri në detyrë, Albin Kurti, ka ftuar për takim krerët e subjekteve politike të Kosovës, i cili do të mbahet të shtunën në orën 16:00.

Në një postim në Facebook, Kurti ka theksuar se aktgjykimi i fundit i Gjykatës Kushtetuese nënvizon qartë se obligimi për konstituimin e Kuvendit është përgjegjësi e të gjithë deputetëve dhe jo vetëm e subjektit të parë fitues të zgjedhjeve.

Ai ka thënë se ky takim paraqet një përpjekje të re për arritjen e konsensusit lidhur me formimin e përbërjes së re të Kuvendit.

“Si kryetar i Lëvizjes VETËVENDOSJE! dhe në emër të grupit më të madh parlamentar të dalur nga zgjedhjet e 9 shkurtit 2025, kam ftuar të gjithë krerët e subjekteve të përfaqësuara në legjislaturën e nëntë për një takim të përbashkët të shtunën në orën 16:00, në përpjekje për të arritur konsensus për konstituimin e Kuvendit”, shkruan Kurti në postim.

Takimi vjen pas aktgjykimit të Gjykatës Kushtetuese, i cili ka theksuar se të gjithë deputetët kanë përgjegjësi të përbashkët në procesin e konstituimit të Kuvendit të Kosovës.

Continue Reading

Të kërkuara