Lajmet

ShBA vendos moratorium mbi ekzekutimet federale

Publikuar

Departamenti amerikan i Drejtësisë lëshoi një moratorium mbi ekzekutimet federale, pasi rishikoi politikat dhe procedurat e dënimit me vdekje.

Prokurori i përgjithshëm, Merrick Garland, tha se “Departamenti i Drejtësisë duhet të sigurojë që secili në sistemin federal të drejtësisë penale, jo vetëm që i ka të drejtat e garantuara me Kushtetutë dhe ligjet amerikane, por gjithashtu trajtohet në mënyrë të drejtë dhe njerëzore”.

“Ky detyrim ka fuqi të veçantë në rastet e dënimit kapital”, tha Garland.

Në muajt e fundit të administratës së ish-presidentit amerikan, Donald Trump, Byroja e Burgjeve në SHBA ka kryer 13 ekzekutime.

Vargu i ekzekutimeve – më i gjati nën një president në 120 vjet – është bërë pasi ish-prokurori i përgjithshëm, William Barr, ka rinisur përdorimin federal të dënimit me vdekje, pas një ndërprerjeje 17-vjeçare.

“Janë ngritur shqetësime serioze në lidhje me përdorimin e vazhdueshëm të dënimit me vdekje në të gjithë vendin”, tha Garland në deklaratën ku njoftoi për moratoriumin.

Këto përfshijnë “mënyrën arbitrare të zbatimit të tij, ndikimin e ndryshëm te njerëzit me ngjyrë dhe raste të tjera të rënda”, tha Garland.

Ekzekutimet federale janë ndërprerë për shkak të shqetësimeve në lidhje me një koktej me tri ilaçe, që është përdorur për një numër ekzekutimesh.

Një nga ilaçet ka qenë gjithashtu vështirë të sigurohet, pasi ndërmarrjet farmaceutike kanë ndaluar shitjen e tij te Qeveria.

Por, Barr ka lejuar një procedurë të re me injeksione vdekjeprurëse, që kanë zëvendësuar kombinimin me tre ilaçe me një ilaç: pentobarbital.

Avokatët mbrojtës dhe kritikët e dënimit kapital kanë ngritur shqetësime në lidhje me përdorimin e pentobarbitalit, duke thënë se ai gjithashtu shkakton dhimbje dhe vuajtje.

Moratoriumi vlen vetëm për ekzekutimet federale dhe një administratë e ardhshme mund ta anulojë vendimin.

Prokurorët federalë ende mund të kërkojnë dënimin me vdekje./REL

Lajmet

Murati thotë se qarkullimi i bizneseve ka rritje, i reagon Bajrami: Çka ke bërë për sektorin privat

Murati ka shkruar në Facebook se këto janë të dhënat zyrtare të deklaruara në ATK.

Publikuar

nga

Ministri i Financave, Hekuran Murati ka thënë se qarkullimi i bizneseve për muajt janar dhe shkurt të këtij viti, krahasuar me vitin 2023, shënon rritje prej +4.8%. Murati ka shkruar në Facebook se këto janë të dhënat zyrtare të deklaruara në ATK.

“Çdo pretendim tjetër nëpër studio televizive ose është i keqinformuar, ose qëllimkeq. Ndërmarrësit tanë e bizneset tona e kanë dëshmuar tash e sa kohë që u bëjnë ballë të gjitha sfidave”, ka shkruar ai.

Atij i ka reaguar deputetja e Lidhjes Demokratike të Kosovës, Hykmete Bajrami duke ia kujtuar se eksportet e Kosovës të vitit 2023 janë për 6% me të ulëta se ato të vitit 2022.

“Për këtë s’po flet a? Çka ke bë ministër për sektorin privat që po krenohesh me qarkullimin e tyre, përveç që iu ke marrë taksat dhe i ke shpërnda në formë të karrameleve. Në mandatin e juaj: Investiemt kapitale të nivelit qendror janë të njëjta me ato të vitit 2017, plus ti ke inflacion 23% në tri vitet e fundit, bizneseve u është dyfyshu tatimi në pronë, bizneseve u është rritë çmimi i energjisë, bizneset për shkak të sanksioneve që ju e keni futë vendin e kanë pasë shumë më vështirë me i mirëmbajtë kontratat me partnerët e tyre jashtë dhe për atë arsye eksporti në vitin 2023 është për 6% me ulët se ai i vitit 2022. Që dy vjet e ke drejtorin e ATK-së pa mandat, të emëruarin e PDK-së në kohën e Bedri Hamzës ministër i financave, çka me të thanë…E sa ju përket atyre që po themi në studio merr leje ndonjë ditë, gjeje guximin e hajde përballemi”, ka shkruar ajo në Facebook.

Vazhdo të lexosh

Lajmet

LDK dhe AAK kërkojnë dorëheqjen e Kurtit për të shkuar në zgjedhje

Sipas tyre, Kurti nuk mund t’i ikë përgjegjësisë për keqqeverisje duke shpërbërë Kuvendin.

Publikuar

nga

Lidhja Demokratike e Kosovës dhe Aleanca për Ardhmërinë e Kosovës kanë kërkuar dorëheqjen e kryeministrit Albin Kurti për të shkuar në zgjedhje të parakohshme. Sipas tyre, Kurti nuk mund t’i ikë përgjegjësisë për keqqeverisje duke shpërbërë Kuvendin.

Pas mbledhjes së kryesisë së Kuvendit, dy shefat e grupeve parlamentare të LDK-së dhe AAK-së, akuzuan mazhorancën për bllokim të jetës parlamentare, pasi sipas tyre nuk ia vazhduan mandatin edhe për tre muaj komisionit hetimor për rezervat shtetërore.

Krahas kësaj, Arben Gashi dhe Besnik Tahiri njoftuan se seanca e radhës e Kuvendit do të mbahet të javën e ardhshme, ku pritet të diakutohet për tri vjet punë të qeverisë Kurti.

Vazhdo të lexosh

Lajmet

Martin Berishaj po intervistohet nga Prokuroria

Arsyeja e intervistimit të Berishajt nga Prokuroria Speciale vjen pas dyshimeve për një aferë financiare të tij në Slloveni.

Publikuar

nga

Ambasadori i Kosovës në Kroaci, Martin Berishaj është duke u intervistuar nga Prokuroria Speciale në Prishtinë.

Arsyeja e intervistimit të Berishajt nga Prokuroria Speciale vjen pas dyshimeve për një aferë financiare të tij në Slloveni. Në këtë aferë dyshohej për shpëlarje parash.

Ndërsa, një televizion slloven kishte raportuar se mbi gjysmë milionë euro kesh, janë bartur nga Mali i zi për në Slloveni, kurse rolin e transportuesit e ka pasur ambasadori Berishaj.

Vazhdo të lexosh

Lajmet

Rizvanolli: Prioritet i yni është investimi në kapacitete të reja gjeneruese nga burimet e ripërtritshme

Kompanitë që kanë ofertuar në këtë ankand janë nga Franca, Turqia, Egjipti dhe Zvicra e Kosova.

Publikuar

nga

Ministria e Ekonomisë ka përmbyllur me sukses procesin ofertues për Ankandin Solar Fotovoltaik (FV) prej 100 MW, me ç’rast kanë ofertuar pesë kompani vendore e ndërkombëtare. Kompanitë që kanë ofertuar në këtë ankand janë nga Franca, Turqia, Egjipti dhe Zvicra e Kosova.

Me këtë rast, ministrja e Ekonomisë, Artan Rizvanolli, tha se prioriteti i dikasterit që ajo e udhëheq është investimi në kapacitet të reja gjeneruese nga burimet e ripërtritshme të energjisë.

“Që nga fillimi i mandatit kemi theksuar e pastaj e kemi konfirmuar edhe në strategjinë se investimi në kapacitet të reja gjeneruese nga burimet e ripërtritshme të energjisë do të jetë prioritet dhe se ky do të mbështet në procese konkurruese ferr e transparente që përfundimisht sjellin çmime më të ulëta. Kështu ne sigurojmë përballueshmerinë për qytetarët, përderisa forcojmë sigurinë e furnizimit dhe qëndrueshmërinë e sektorit me përfshirjen e sektorit privat. Qëllimi ynë ishte që të kemi një projekt të madh që të sigurohemi se ekonomia e shkallës garanton një çmim sa më të volitshëm për qytetarët tanë. Insistuam që ankandi të bëhet në një tokë publike, një lokacion specifik të paracaktuar ashtu që secilit t’i jepet mundësia e barabartë, dhe te sigurohemi që shfrytëzimi i pronave të jetë sa më efikas, pra për prodhimin e energjisë të pastër, të mos e bëjë në kurriz të humbjes së tokave bujqësore, ose që mund të përdoret për aktivitete tjera”, u shpreh Rizvanolli.

E ushtruesja e detyrës së drejtoreshës së Misionit të USAID-it, Kerry Monaghan Higler, tha se lansimin e këtij ankandi tregon zotimin e Kosovës drejt një sistemi energjetik të qëndrueshëm.

“Një e ardhme ku ajri është më i pastër, energjia më e besueshme dhe ekonomia vazhdon të rritet. Ky ankand 100MW historik tregon zotimin e Kosovës drejt një sistemi energjetik të qëndrueshëm. Gjithashtu do të ofrojë përfitime të tjera, siç është edhe krijimi i vendeve të punës. Derisa janë këto kompani, vërehet se ka një interesim të rritur të investitorëve në Kosovë, që urojmë të rritet në të ardhmen”, deklaroi ajo.

Vazhdo të lexosh

Të kërkuara