

Botë
SHBA-ja dhe Irani s’kanë caktuar bisedime bërthamore, por janë në kontakt
Published
3 months agoon
By
UBTnewsShtetet e Bashkuara dhe Irani janë duke mbajtur kontakte të vazhdueshme për rifillimin e bisedimeve mbi programin bërthamor të Teheranit, por ende nuk kanë caktuar bisedime formale, thanë zyrtarë nga të dyja vendet të enjten vonë.
Uashingtoni është “në komunikim të afërt” me Iranin dhe ndërmjetësit e tij, tha zëdhënësja e Shtëpisë së Bardhë, Karoline Leavitt, në një konferencë për shtyp, ndërsa ministri i Jashtëm iranian, Abbas Araqchi, i tha transmetuesit shtetëror IRIB se diplomacia po vazhdon dhe kontaktet po zhvillohen përmes kanaleve të ndryshme.
Araqchi shtoi se nuk është bërë asnjë “marrëveshje, aranzhim apo bisedë për t’i nisur bisedimet e reja bërthamore”.
Ai theksoi se Irani tani po vlerëson se çfarë është më e mira për interesat kombëtare, duke shtuar se “thashethemet” se Teherani do të rikthehet në tryezën e bisedimeve “nuk duhet të merren seriozisht”.
Presidenti amerikan, Donald Trump, duke folur në samitin e NATO-s në Hagë më 25 qershor, tha se Uashingtoni do të zhvillojë bisedime me Teheranin javën e ardhshme.
Rundi i gjashtë i bisedimeve SHBA-Iran në Oman, i caktuar për 15 qershor, u anulua pasi forcat izraelite kryen sulme mbi caqet iraniane më 13 qershor.
Duke folur për IRIB, Araqchi konfirmoi se sulmet e fundjavës së kaluar nga forcat amerikane shkaktuan dëme “të konsiderueshme” në infrastrukturën bërthamore të Iranit.
Komentet e Araqchi vijnë pak orë pasi mbikëqyrësi kushtetues i Iranit, Këshilli i Gardës, e miratoi vendimin e Parlamentit për të pezulluar bashkëpunimin e Teheranit me Agjencinë Ndërkombëtare për Energjinë Atomike (IAEA).
Për këtë ligj, i cili u miratua një ditë më parë nga ligjvënësit me 221 vota pro dhe asnjë kundër, do të vendosë përfundimisht Këshilli Suprem i Sigurisë Kombëtare (SNSC).
SNSC teknikisht drejtohet nga presidenti, por ashtu si të gjitha institucionet kyçe të shtetit, i përgjigjet udhëheqësit suprem, ajatollah Ali Khamenei.
“Plani për ta detyruar Qeverinë ta pezullojë bashkëpunimin me Agjencinë Ndërkombëtare për Energjinë Bërthamore nuk ishte në kundërshtim me ligjin islamik dhe Kushtetutën pas shqyrtimit nga anëtarët e Këshillit të Gardës”, tha zëdhënësi i këshillit, Hadi Tahan Nazif, në një postim në X.
Izraeli kreu sulme të papara ndaj objekteve kyçe bërthamore dhe ushtarake të Iranit, si dhe zonave të banuara, më 13 qershor, në një luftë që mori jetën e shumë civilëve nga të dyja palët para se të përfundonte me një armëpushim të brishtë të ndërmjetësuar nga Shtetet e Bashkuara më 24 qershor.
Pezullimi i bashkëpunimit me IAEA do të thotë se Irani do t’i ndalojë inspektimet, raportimet dhe veprimtarinë mbikëqyrëse sipas Traktatit për Mospërhapjen e Armëve Bërthamore (NPT).
Para votimit, kryetari i Parlamentit, Mohammad Baqer Qalibaf, e kritikoi IAEA-n, duke thënë se ajo dështoi “qoftë edhe të shtirej sikur e dënonte sulmin ndaj objekteve bërthamore të Iranit” dhe e akuzoi për “shitjen e besueshmërisë së vet ndërkombëtare”.
Teherani ka akuzuar prej kohësh IAEA-n për anshmëri dhe bashkëpunim me fuqitë perëndimore dhe Izraelin kundër Iranit.
Projektligji parashikon që pezullimi i bashkëpunimit të hiqet vetëm nëse garantohet që objektet dhe shkencëtarët bërthamorë iranianë janë të mbrojtur dhe që e drejta e Iranit për të pasuruar uranium brenda vendit është e garantuar.
Drejtori i Përgjithshëm i IAEA-s, Rafael Grossi, ka shprehur prej vitesh shqetësimin për mungesën e bashkëpunimit nga Irani në hetimet për objekte të vjetra, por të padeklaruara, bërthamore.
“Organizata për Energjinë Atomike e Iranit do të pezullojë bashkëpunimin me agjencinë deri sa të garantohet siguria e objekteve bërthamore, dhe programi bërthamor paqësor i Iranit do të ecë përpara me një ritëm më të shpejtë”, tha Qalibaf në komentet që u pasuan nga thirrjet e ligjvënësve “vdekje Amerikës dhe Izraelit”.
Presidenti i Francës, Emmanuel Macron, tha se “skenari më i keq” do të ishte nëse Teherani tani do të largohej nga Traktati për Mospërhapjen e Armëve Bërthamore.
Macron u tha gazetarëve në Bruksel, pas një samiti të BE-së, se në përpjekje për të ruajtur traktatin, ai do të fliste në ditët në vijim me pesë anëtarët e Këshillit të Sigurimit të OKB-së.
Këto bisedime tashmë kanë filluar me një telefonatë në Shtëpinë e Bardhë më 26 qershor, në të cilën ai informoi presidentin Donald Trump për kontaktet që Parisi ka pasur me Teheranin “në ditët dhe orët e fundit”.
“Shpresa jonë është që të ketë një konvergjencë të vërtetë të pikëpamjeve”, tha Macron, duke shtuar se synimi është “që të mos ketë rifillim” të ndërtimit bërthamor nga Irani.
Irani e ratifikoi traktatin për mospërhapjen e armëve bërthamore (NPT) në vitin 1970, duke u angazhuar të deklarojë materialin e tij bërthamor para Agjencisë Ndërkombëtare për Energji Atomike./REL/
Botë
OKB mbledhet urgjentisht për të diskutuar shkeljen ruse të hapësirës ajrore të Estonisë
Published
29 minutes agoon
September 22, 2025By
UBTnews
Këshilli i Sigurimit i OKB-së do të mblidhet sot për të diskutuar për depërtimin e gjerë të dënuar të aeroplanëve luftarakë rusë në hapësirën ajrore të Estonisë të premten, shkruan The Guardian.
Do të jetë hera e dytë brenda 10 ditëve që ai mblidhet për të diskutuar rreth qëndrimit gjithnjë e më agresiv të Rusisë në rajon, pasi Polonia kërkoi takimin e parë për dronët rusë në hapësirën e saj ajrore.
“Çështja është se Rusia, një anëtare e përhershme e Këshillit të Sigurimit, ka shkelur shumë qartë parimin e integritetit territorial, po vepron agresivisht në të njëjtën mënyrë më gjerë, dhe ky nuk është një incident një herë i vetëm”, tha ministri i Jashtëm i Estonisë, Margus Tsahkna, për Postimees.
Por gjatë fundjavës, një tjetër aeroplan rus u detektua duke fluturuar mbi Detin Baltik pa një plan fluturimi, duke nxitur reagimin e aleatëve të NATO-s, Gjermanisë dhe Suedisë. Këto incidente ngritën pyetje të mëtejshme rreth planeve të Rusisë për rajonin.
Duke postuar në Facebook, presidenti i Letonisë, Edgars Rinkevic, tha se ekzistonte rreziku i një “konflikti serioz” nëse Rusia vazhdonte në javët e ardhshme të provokonte NATO-n. Qeveritë evropiane nuk dëshironin një luftë më të gjerë, por nuk kishin zgjidhje tjetër veçse të reagonin, tha ai.
“Rusia po bën vetëm aq sa të duket se nuk po shkon shumë larg. Por, duke njohur logjikën e të menduarit në Rusi dhe shpesh papërgjegjshmërinë në nivele të ndryshme, kjo [një konflikt] mund të ndodhë. Përgjegjësia do të bjerë mbi Kremlinin”, shoti Rinkevic.
Presidenti çek, Petr Pavel, bëri thirrje që NATO të reagojë vendosmërisht ndaj agresionit rus dhe të qëndrojë e bashkuar. “Fatkeqësisht, kjo është e balancuar në kufirin e konfliktit, por dorëzimi ndaj së keqes është thjesht i pamundur”, tha ai.
Gjatë fundjavës, presidenti amerikan Donald Trump u tha gazetarëve se ai “nuk e pëlqente” atë që ndodhi në Estoni, por nuk elaboroi mbi inteligjencën më të fundit që kishte marrë për incidentin.
Por, duke u pyetur nga një gazetar lituanez, ai konfirmoi se ai “do të ndihmonte” në mbrojtjen e Balltikut dhe Polonisë nëse ata do të sulmoheshin nga Rusia./D.B/KP
Botë
Avionët gjermanë ndalojnë avionin rus mbi Detin Baltik
Published
2 hours agoon
September 22, 2025By
UBTnews
Dy avionë gjermanë Eurofighter u ngritën të dielën për të ndaluar një avion rus mbi Detin Baltik, pasi Estonia njoftoi se do të thërrasë një mbledhje urgjente të Këshillit të Sigurimit të OKB-së pas shkeljes së hapësirës së saj ajrore nga avionët rusë.
Avioni rus i zbulimit Il-20M kishte fikur transponderët dhe nuk iu përgjigj thirrjeve, sipas forcës ajrore gjermane. Incidenti pasoi shkeljen e hapësirës ajrore të Estonisë nga tre MiG-31 rusë, që u cilësua “provokim i qëllimshëm”.
Ministri i jashtëm estonez, Margus Tsahkna, tha se këto veprime janë pjesë e një modeli të gjerë përshkallëzimi të Rusisë, duke përfshirë edhe Poloninë e Rumaninë. Estonia ka kërkuar konsultime nën nenin 4 të NATO-s, shkruan The Guardian.
Ndërkohë, presidenti amerikan Donald Trump tha se SHBA do të mbronte vendet e BE-së nga agresioni rus, edhe pse tha se nuk ishte informuar plotësisht për incidentin.
Në Poloni, dronë rusë ranë në territorin e saj dhe fragmente u gjetën nga civilë. Ndërkohë, Rusia njoftoi se një sulm me dron ukrainas në Krime vrau dy persona.
Udhëheqës evropianë, përfshirë presidentin çek Petr Pavel dhe presidentin letonez Edgars Rinkēvičs, paralajmëruan për rrezik të madh konflikti dhe bënë thirrje për përgjigje të bashkuar të NATO-s.
Kremlini, nga ana tjetër, akuzoi perëndimin, sidomos Britaninë, se po udhëheq kampin “pro-luftë”. Ukraina mbetet e vendosur për të vazhduar rezistencën, ndërsa Zelensky shprehu gatishmëri për bisedime, por Rusia kushtëzon me dorëzimin e Ukrainës./D.B/KP

Franca pritet që ta njohë sot shtetin e Palestinës, sipas sekretarit të parë të partisë socialiste, njëherësh deputeti, Oliver Faure, pasi i njëjti kishte përmendur datën e 22 shtatorit.
Ai ka kërkuar që kur Franca më në fund do ta njohë shtetin e Palestinës, të ngritet flamuri palestinez nëpër komunat e Francës.
Por, ngritjen e flamurit nëpër komuna, e ka kundërshtuar Ministria e Brendshme.
Megjithatë, deputeti Faure ka thënë se pavarësisht tendencës që ministri i Brendshëm në largim po përpiqet t’i ndjekë penalisht kryebashkiakët që do të ndërmerrnin nismën për të lyer godinat e komunave me ngjyrat e Shtetit të Palestinës, i bëri thirrje Emmanuel Macronit, që Franca të jetë e qëndrueshme me qëndrimin që do të shpallë sot përpara komunitetit ndërkombëtar./S.K/EO/
Botë
Trump premton se do të mbrojë aleatët e NATO-s nga Rusia nëse do jetë e nevojshme
Published
6 hours agoon
September 22, 2025By
UBT News
Presidenti Donald Trump foli shkurtimisht me gazetarët përpara se të nisej për në memorialin për Charlie Kirk në Arizona duke iu përgjigjur pyetjeve në lidhje me shkeljet e fundit të hapësirës ajrore të aleatëve të NATO-s nga Rusia.
Rreth mbrojtjës së Polonisë dhe shteteve baltike nga Rusia Trump u tha gazetarëve se do t’i mbronte vendet nga Rusia nëse do të ishte e nevojshme.
“Po, do ta bëja”, u tha ai gazetarëve ndërsa po largohej nga Shtëpia e Bardhë për në Arizona për të marrë pjesë në shërbimin përkujtimor të Kirk.
Komentet e Trump vijnë pas shkeljeve të hapësirave ajrore të disa vendeve anëtare të NATO-s javën e kaluar./S.K/KP/

Çaji natyral që lehtëson fryrjen e barkut

OKB mbledhet urgjentisht për të diskutuar shkeljen ruse të hapësirës ajrore të Estonisë

Baleti Kombëtar i Kosovës hap sezonin e vjeshtës me premierë të re

Vdes aktori dhe regjisori i njohur Enver Petrovci

Uji nga Badoci vazhdon të jetë i papijshëm

Parandalohet kontrabandë në burgun e Dubravës

Avionët gjermanë ndalojnë avionin rus mbi Detin Baltik

BQK dhe BQE nënshkruajnë marrëveshje bashkëpunimi për sigurimin e integritetit të valutës euro

Jolie mahnit në San Sebastian dhe mendon të largohet nga Hollywood
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës