Aktualitet

SHBA dërgon 3,000 trupa në Afganistan për të ndihmuar në evakuimin e ambasadave

Published

on

Ushtarët do të mbërrijnë brenda 48 orëve për të siguruar siguri dhe mbështetje për personelin e ambasadës amerikane në Kabul.

Planifikuesit ushtarakë amerikanë dhe perëndimorë po përshpejtojnë planet për evakuimin e stafit të ambasadës në Afganistan, pasi Kabuli po kërcënohet gjithnjë e më shumë nga talebanët, shkruan The Guardian, transmeton UBT News.

Pentagoni tha të enjten se do të dërgojë përkohësisht rreth 3,000 trupa shtesë amerikanë në Afganistan për të ndihmuar në tërheqjen e personelit të ambasadës amerikane në ambasadën në Kabul.

Ushtarët do të ofrojnë mbështetje shtesë tokësore dhe ajrore për sigurinë e personelit amerikan i cili do të transportohet me aeroplan në aeroportin e Kabulit, sipas zyrtarëve.

Vendet tjera po planifikojnë të reagojnë njejtë

Vende të tjera pritet të ndjekin shembullin pasi ritmi i fitoreve të talebanëve ka vazhduar, të cilët pretendojnë kapjen e qytetit të dytë dhe të tretë më të mëdhenj të vendit, Kandahar dhe Herat.

Disa vende tashmë kanë filluar të tërheqin stafin, edhe Turqia po negocion një plan sigurie për aeroportin në kryeqytet që do të ishte thelbësor për çdo evakuim.

Zhvillimet vijnë pas një vlerësimi të inteligjencës amerikane se Kabuli mund të okupohet në 30 deri në 90 ditë, me këtë rast u dha edhe një paralajmërim për qytetarët amerikanë që të largohen nga vendi menjëherë në çfarëdo mënyre që të munden. Gjermania të enjten gjithashtu u tha qytetarëve të saj që të largohen.

Ndërsa ministri turk i mbrojtjes, Hulusi Akar, tha të enjten se vendi i tij po kërkonte garanci financiare, logjistike dhe diplomatike, duke cituar frikën se misionet diplomatike do të tërhiqeshin plotësisht [nga Afganistani] nëse aeroporti ishte i mbyllur.

“Për këtë arsye ne vazhdojmë të ndajmë pikëpamjen tonë se aeroporti duhet të mbetet i hapur. Në ditët në vijim kjo çështje do të marrë formë”, tha ai në një deklaratë të ministrisë së mbrojtjes.

Pas vendimit të Indisë për të tërhequr stafin konsullor nga qyteti verior i rrethuar Mazar-i Sharif, Danimarka tha të enjten se do të tërhiqte 45 shtetas afganë që punonin për qeverinë e saj dhe do t’u ofronte atyre qëndrim në vendin evropian për dy vjet.

Plani i miratuar të mërkurën vlen për njerëzit që punuan në ambasadën daneze në Kabul dhe si përkthyes për trupat daneze.

“Situata e sigurisë në Afganistan është serioze. Talibanët po fitojnë terren dhe zhvillimi po përshpejtohet më shumë nga sa kishin frikë shumë [njerëz]”, tha ministria e Punëve të Jashtme daneze pasi plani i evakuimit mori mbështetje të gjerë politike.

“Ne kemi një përgjegjësi të përbashkët për të ndihmuar afganët të cilët tani janë të kërcënuar për shkak të lidhjes dhe kontributit të tyre në përfshirjen e Danimarkës në Afganistan”, tha ministria./UBTNews

Bota

Aleatët e Ukrainës premtojnë 21 miliardë euro ndihmë ushtarake

Published

on

By

Aleatët e Ukrainës premtuan sot ndihmë ushtarake me vlerë 21 miliardë euro (23,8 miliardë dollarë), ndërsa vendi vazhdon të jetë nën sulmin rus, njoftoi sot sekretari i Mbrojtjes i Britanisë së Madhe, John Healey.

Jam i impresionuar dhe mirënjohës për njoftimet dhe premtimet, për paketat mbështetëse nga partnerët në mbarë botën”, tha ministri gjerman i Mbrojtjes, Boris Pistorius.

Ministrat britanikë dhe gjermanë kryesuan takimin ndërkombëtar për koordinimin e ndihmës së mëtejshme ushtarake për Ukrainën në selinë e NATO-s në Bruksel, në të cilin u përfaqësuan rreth 40 vende.

Takimi i sotëm do të ketë një ndikim në fushën e betejës këtë vit”, tha Pistorius.

Paqja në Ukrainë duket se është e paarritshme në të ardhmen e afërt”, tha ai.

Ne do të sigurojmë që Ukraina të vazhdojë të përfitojë nga mbështetja jonë e përbashkët ushtarake. Rusia duhet të kuptojë se Ukraina është në gjendje të vazhdojë të luftojë dhe ne do ta mbështesim atë”, theksoi ai.

Presidenti rus Vladimir Putin tha se donte paqe, por ai vazhdon të zvarrisë dhe vonojë negociatat”, tha Healey.

Gjermania njoftoi planet afatgjata në takim – për të mbështetur Kievin me mbi 1,100 radarë të mbikqyrjes tokësore dhe sisteme shtesë raketore të mbrojtjes ajrore IRIS-T.

Përveç premtimeve afatgjata, Ukraina do të marrë katër sisteme të tjera “IRIS-T”, 300 raketa dhe 100 radarë të mbikqyrjes tokësore këtë vit”, tha Pistorius.

Gjermania, kohët e fundit dorëzoi 30 raketa shtesë “Patriot” në Ukrainë.

Healey njoftoi ndihmen e Britanisë së Madhe me vlerë 350 milionë paund (458,2 milionë dollarë) duke përfshirë sistemet e radarëve, minat anti-tank, dronët e rinj dhe fonde të reja për riparimin dhe mirëmbajtjen e pajisjeve të fushëbetejës.

Presidenti ukrainas Volodymyr Zelensky dhe sekretari amerikan i Mbrojtjes, Pete Hegseth iu bashkuan takimit përmes lidhjes me video.

Burimet ushtarake paralajmëruan, kohët e fundit se Ukraina mund të përballej me vështirësi të mëdha ushtarake deri në fund të verës – nëse partnerët nuk angazhoheshin për te ofruar ndihmë të mëtejshme ushtarake.

Ukraina është mbrojtur nga sulmi i plotë rus për më shumë se tre vjet, me ndihmën e vendeve perëndimore.

Continue Reading

Bota

Von der Leyen: Nëse negociatat me Trump dështojnë, BE do përgatisë masa hakmarrëse

Published

on

By

Bashkimi Evropian është i gatshëm të vendosë taksa ndaj gjigantëve të teknologjisë amerikane nëse negociatat me Presidentin Donald Trump për uljen e tarifave për mallrat evropiane dështojnë, raportoi Financial Times për atë çfarë ka deklaruar presidentja e Komisionit Evropian, Ursula von der Leyen.

Ne po përgatisim masa hakmarrëse,” deklaroi von der Leyen, duke përmendur mundësinë e taksimit të të ardhurave nga reklamat dixhitale të kompanive si Meta, Google dhe Facebook. “Ka një gamë të gjerë kundërmasash… në rast se negociatat nuk janë të kënaqshme.

BE-ja njoftoi dje pezullimin për 90 ditë të tarifave hakmarrëse ndaj SHBA-së, pas vendimit të njëjtë të Trump për një pauzë 90-ditore të tarifave të tij “reciproke”. Blloku evropian ishte prekur nga tre lloje tarifash amerikane: një taksë 25% për çelikun dhe aluminin, një tjetër 25% për makinat, si dhe një tarifë 20% për mallrat e tjera.

Megjithëse tarifa “reciproke” është pezulluar, Trump vazhdon të aplikojë një taksë 10% ndaj një sërë partnerësh tregtarë, përfshirë Bashkimin Evropian.

Në përgjigje, BE-ja po shqyrton mundësinë e vendosjes së një “bazuke” tregtare, e cila do të synonte shërbimet amerikane, dhe në veçanti gjigantët e teknologjisë. “Një shembull është që ju mund të vendosni një taksë mbi të ardhurat nga reklamat e shërbimeve dixhitale,” theksoi von der Leyen.

Në një deklaratë të enjten, ajo u shpreh se BE-ja është e përkushtuar ndaj negociatave konstruktive me SHBA-në, por paralajmëroi se kundërmasat do të hyjnë në fuqi nëse nuk arrihet një marrëveshje.

Continue Reading

Bota

Kryeministri francez: Kina nuk mund të zëvendësojë SHBA-në si partner tregtar

Published

on

By

Kryeministri francez, François Bayrou, ka paralajmëruar se është një ide “tmerrësisht e rrezikshme” të mendohet se Kina mund të zëvendësojë Shtetet e Bashkuara si një partner tregtar i rëndësishëm.

Ai gjithashtu ka apeluar për një qëndrim të bashkuar të shteteve anëtare të Bashkimit Evropian përballë pasigurisë që shkaktojnë tarifat e vendosura nga Presidenti i SHBA-së, Donald Trump.

Kur presidenti i Shteteve të Bashkuara rrit tarifat, është një tërmet, por kur 48 orë më vonë ai heq tarifat, është një tjetër tërmet,” tha Bayrou, duke theksuar pasigurinë dhe pasojat e papritura të politikave tregtare të administratës Trump.

Ky është komenti i fundit nga autoritetet franceze në lidhje me tarifat. Më herët, presidenti Emmanuel Macron tha se pezullimi i pjesshëm i tarifave për 90 ditë ishte një “derë e hapur” për mundësinë e negociatave me SHBA-në.

Continue Reading

Bota

I dërguari i Trumpit, Steve Witkoff do të takohet me Putinin në Rusi

Published

on

By

Një ndihmës i lartë i presidentit amerikan, Donald Trump, ka mbërritur në Rusi në mes të një stuhie diplomatike rreth luftës në Ukrainë, përfshirë bisedimet SHBA-Ukrainë në Uashington dhe një takim të kryesuar nga Britania dhe Gjermania në Bruksel.

Zëdhënësi i Kremlinit, Dmitry Peskov, i tha mediave shtetërore ruse se i dërguari i posaçëm i SHBA-së, Steve Witkoff, kishte mbërritur më 11 prill. Ai u ndal në Shën Petersburg rrugës për në bisedimet e nivelit të lartë me Teheranin mbi programin bërthamor iranian. Bisedimet mes SHBA-së dhe Iranit janë planifikuar që të mbahen në Oman më 12 prill.

Peskov, sipas mediave shtetërore, tha se i dërguari i Trumpit do të takohet me presidentin rus, Vladimir Putin, për të diskutuar për aspektet e bisedimeve për paqe në Ukrainë. Ai nuk tha se nëse në këtë takim do të diskutohet edhe për Iranin apo për ndonjë temë tjetër.

Agjencia shtetërore ruse TASS raportoi se Witkoff me të mbërritur në Rusi u takua me Kirill Dmitriev, një figurë me lidhje të forta me Kremlinin dhe drejtues i Fondit Rus për Investime Direkte. Javën e kaluar, të dy zyrtarët u takuan në Uashington, ku diskutuan forcimin e marrëdhënieve dypalëshe.

Vizita e Witkoffit zhvillohet një ditë pasi zyrtarë amerikanë dhe rusë u takuan në Stamboll për të diskutuar për normalizimin e marrëdhënieve diplomatike, gjë që mund të çojë në rikthimin e stafit të ambasadave, të cilët u dëbuan që kur nisi pushimi rus i Ukrainës më 2022.

Kjo është vizita e tretë e Witkoffit në Rusi që kur Trump mori detyrën në janar, duke premtuar përmirësim të marrëdhënieve me Moskën.

Muajin e kaluar, takimi i tij me Putinin i hapi rrugë një telefonate mes dy presidentëve. Ai gjithashtu vizitoi Rusinë në shkurt dhe ishte pjesë e bisedimeve SHBA-Rusi në Riad./REL/

Continue Reading

Të kërkuara