Aktualitet

Sektori bankar në Kosovë është punëdhënësi më i madh i grave

U diskutua roli i bankave në përshpejtimin e Kosovës dixhitale, jeshile, elastike dhe zhvillim gjithëpërfshirës.

Publikuar

1 vit më parë

më

Në panelin e parë në konferencën e organizuar nga Shoqata e Bankave të Kosovës (ShBK) me rastin e 20-vjetorit të themelimit, u diskutua roli i bankave në përshpejtimin e Kosovës dixhitale, jeshile, elastike dhe zhvillim gjithëpërfshirës.

Cornelia Schneider, anëtare e Bordit të Drejtorëve në ShBK tha se parashikimet që kanë pasur për rritje ekonomike janë prishur nga krizat e viteve të fundit. Sipas saj, për herë të parë për 20 vjet varfëria është rritur.

“Ne kemi bashkëpunime afatgjate dhe bashkëpunojmë me shumë anëtarë të juaj. Së pari ta pranoj se gjendjen ku jemi sot pastaj ta theksojmë ndjeshmërinë. Të gjithë e dinë ku jemi sot, në vitin 2015 kur janë caktuar objektivat as kush nuk e ka parashikuar se ku do të ndodheshim sot, pra pandemi, kriza nuk kanë qenë të parashikuara. Lajmi është se nuk po përparojmë deri aty ku kemi dashur dhe po për fat të keq po rrëshqasim prapa dhe për herë të parë për 20 vite varfëria është rritur. Këto shifra na tregojnë që nuk jemi aty ku dëshirojmë të jemi”, tha ajo.

Getoar Mjeku, zëvendësministri i Ekonomisë, foli për masat që ka ndërmarrë Qeveria për tejkalimin e krizës. Ai tha se janë marrë masa për subvencionimin e energji duke përmendur tri parime rreth strategjisë për energjinë.

“Është një situatë që ka prekur të gjithë dhe po mendojmë se si të gjejmë zgjidhje. Kosova varët prej thëngjillit, mirëpo synimi ynë është qe deri në vitin 2031 të kemi rreth 1 500 megavat energji të ripërtritshme. E shohim të domosdoshme zhvillimin e sektorit privat. Besoj që bankat mund të luajnë rol në tejkalimin e krizës në njoftimin për të ruajtur energjinë. Qeveria ka ndërmarr masat për subvencionimi për energji dhe për masat për biznese për ta parandaluar reduktimin tek këto biznese. Kur bankat janë mirë besoj që është mirë e gjithë ekonomia sepse kemi ku të mbështetemi. Po mundohemi që t’i prekim të gjithë edhe amvisëritë edhe bizneset. Janë tri parime rreth strategjisë për energjinë, e para sigurimi i saj, e dyta përballueshmëria e kostos dhe e treta integrimi rajonal”, tha ai.

Dardan Fusha, drejtor i Sistemit të Pagesave në Bankën Qendrore tha se pandemia ka pasur ndikim të madh në kalimin në shërbime dixhitale.

“Ta pranojmë se ka pasur zhvillime të vazhdueshme në lidhje me digjitalizimin e shërbimeve bankare. Dhe kalimi të shërbimet digjitale është shpejtuar me të madhe. Në fakt po shohim se ato po ndryshojnë mënyrën e transaksioneve, mund të hapeni llogari bankare pa shkuar ne bankë pra nga një largësi. Dhe kjo është shpejtuar për shkak të pandemisë. Nga studimet që kemi bërë për periudhën 2019, 97% të pagesave nga ekonomit e familjareve ishin me para të thata kjo ishte para pandemisë dhe pandemi ka pasur ndikim të madh në kalimin në shërbime dixhitale. Kemi pasur rritje të pagesave me kartel dhe ato elektronike për 30 %”, tha ai.

Massimiliano Paolucci nga Banka Botërore, tha se Kosova ka punuar mirë gjatë krizës dhe e ka përballuar atë në formën më të mirë.

“Prezantimi qe e pamë më herët pamë sfidat që ka sektori. Ajo që shohim këtu është që Kosova ka punuar mirë gjatë krizës, pas një tempoje për rritjes së bruto prodhimit vendor për 5%. Shohim që rritja e rritja e bruto prodhimit vendor për shkak të krizës është 3.1 % për këtë vit. Ndikimi i rritjes se çmimeve, energjisë, autoritete kanë reaguar mirë ata kanë vendosur një përgjigje e cila ka qenë efektive deri me tani kjo mundë të shihet nga idukatorët fiskal. Në këtë situatë kur kemi një rritje të inflacionit”, deklaroi ai.

Anita Kovaçiq nga banka Raiffeisen, tha se në Kosovë punësimi nuk është i njëjtë si për gratë ashtu edhe për burrat, por që sipas saj, sektori bankar në Kosovë është punëdhënësi më i madh i grave.

“Ne këtu permendem grat dhe këtu mund të them me krenari që sektori bankar është punëdhënësi më i madh i grave. Në bankën tonë kemi 800 persona dhe 80% e tyre janë gra”, tha ajo.

Etiketa
Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

1 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

2 muaj më parë

më

1 Mars, 2024

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Aktualitet

Safet Gjici dënohet me 2 vjet burgim për “shpërdorim detyre”

Gjykata ka ndryshuar akuzën ndaj Gjicit nga korrupsion në shpërdorim detyre.

Publikuar

2 muaj më parë

më

8 Shkurt, 2024

nga

Ish-kryetari i bashkisë së Kukësit, Safet Gjici është dënuar me 3 vite burg, ndërsa nga gjykimi i shkurtuar dënimi i ulet në dy vite.

Gjykata ka ndryshuar akuzën ndaj Gjicit nga korrupsion në shpërdorim detyre. Ndërkohë për Alma Kaçin, gjykata ka dhënë dënimin me 1 vit burg, duke e shpallur fajtore atë për prostitucion.

Safet Gjici sipas SPAK ka përfituar favore seksuale nga Kaci, duke i premtuar kësaj të fundit një projekt për qentë, ndërsa kjo e fundit ja ka ofruar favoret, përderisa kryen marrëdhënie seksuale orale në zyrën e punës së kryebashkiakut.

Para shpalljes së vendimit, Safet Gjici kërkoi pafajësi, duke pretenduar se nuk ka shkelur asnjë ligj, ndërsa i përlotur i kërkoi falje familjes dhe qytetarëve të Kukësit. Ai akuzoi Abedin Orucin se e sulmoi që të zaptonte pronat e bashkisë.

“Unë kam marrë dënimin më të madh, është dënimi moral. Iu kërkoi falje familjarëve të mi dhe qytetarëve të Kukësit”, tha Gjici, i cili akuzoi Oruçin se i publikoi videon intime.

Vazhdo të lexosh

Të kërkuara