Sport

Ratcliffe hapi derën për rikthimin e tij në Old Trafford, Manchester United merr vendimin për Greenwood

Menaxheri Erik ten Hag e ka bërë të qartë se do të mirëpriste rikthimin e lojtarit në “Old Trafford”.

Published

12 months ago

February 29, 2024

Betim Gashi

E ardhmja e Mason Greenwood në Manchester United do të vendoset deri në fund të majit, sipas SunSport.

Pronari i ri, Sir Jim Ratcliffe ka angazhuar një ekip të këshilltarëve në mënyrë që ta bëjnë zgjidhjen e çështjes një “prioritet” nga tani deri në fund të sezonit.

Në anën tjetër, mësohet se edhe menaxheri Erik ten Hag e ka bërë të qartë se do të mirëpriste rikthimin e lojtarit në “Old Trafford”.

“Jim Ratcliffe dëshiron që ajo të zgjidhet deri në fund të majit, në mënyrë që ata të mund të shkojnë në verë duke ditur se çfarë po ndodh. Por, për Mason ka interesim edhe nga Barcelona, mirëpo asnjë lëvizje dhe asnjë bisedë nuk do të ndodhë deri në fund të majit. Tani për tani, gjasat janë 50/50 që Mason të kthehet”, thuhet në një raport.

Greenwood, i cili shkoi në huazim te Getafe në shtator, nuk është paraqitur për United qëkur u pezullua pasi u arrestua me dyshimin për përdhunim dhe sulm seksual në janar 2022.

Të gjitha akuzat u hoqën më pas, por “Djajtë e Kuq” sugjeruan se ai nuk kishte gjasa të kthehej në klub.

Ndërkaq, 22-vjeçari deri më tani në këtë edicion numëron 25 paraqitje me fanellen e Getafe-s, ku arriti ta dërgoj shtatë here topin ë rrjetë dhe të asistoj pesë here./UBTNews/

Up Next

Pogba flet pas pezullimit: Jam zemërthyer, do ta apeloj vendimin

Don't Miss

Liverpool ka në listë zëvendësuesin e Salah në rast se egjiptiani largohet

Lajmet

Superliga e Kosovës: Ballkani barazon 1-1 me Feronikelin

Published

5 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

7 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

8 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

9 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.