Sport

Rashford reagon fuqishëm pas fyerjeve raciste ndaj tij

Rashford: Kurrë nuk do të kërkoj falje për atë që jam dhe nga kam ardhur.

Published

4 years ago

on

Marcus Rashford ka thënë se ai nuk është ndjerë në asnjë moment më krenar se sa duke e përfaqësuar Anglinë në Euro 2020 dhe shtoi se ai kurrë nuk do të kërkojë falje pasi iu nënshtrua abuzimeve të shumta raciste pasi e humbi penalltinë në ndeshjen finale të Euro 2020 kundër Italisë.

Skuadra e Gareth Southgate u mposht 3-2 pas goditjes së penalltive në finalen e Euro 2020, me Rashfordin, Jadon Sanchon dhe Bukayo Sakan që i humbën penalltitë, duke bërë që treshja të marrë mesazhe dhe fyerje raciste në rrjetet sociale, përcjellë KosovaPress.

“Unë nuk di as nga të filloj dhe nuk di as të them me fjalë se si ndihem në këtë kohë,” shkroi Rashford në në llogaritë e tij në rrjetet sociale. “Unë kam pasur një sezon të vështirë, mendoj se kjo ishte e qartë për të gjithë dhe unë ndoshta shkova në atë finale me mungesë besimi.”

“Gjithmonë jam ndjerë i sigurt në penallti, por nuk kisha ndjenja të mira. Gjatë atyre pak minutave të luajtura, unë po kurseja veten time pak dhe fatkeqësisht rezultati nuk ishte ai që dëshiroja.”

“Unë u ndjeva sikur i kisha lënë shokët e mi të skuadrës. Ndjeva sikur i kisha lënë të gjithë poshtë. Një penallti ishte gjithçka që do të më kërkohej të kontribuoja për ekipin. Unë mund të shënoj penallti në gjumë, prandaj pse nuk e bëra? Kjo është pyetja që po më sillet nëpër kokë që nga ai moment dhe vërtete nuk di se si ta shpjegojë.”, vazhdoi sulmues i United.

“Më vjen keq. Do të doja të kishte shkuar ndryshe. Ndërsa vazhdoj të them keq, dua t’u brohoras shokëve të mi të skuadrës. Këtë verë ka qenë një nga kampet më të mira që kam përjetuar dhe të gjithë keni luajtur një rol në këtë. Është ndërtuar një vëllazëri që nuk prishet. Suksesi juaj është suksesi im. Dështimet tuaja janë të miat. Unë jam rritur në një sport ku pres të lexoj gjëra të shkruara për veten time. Pavarësisht nëse është ngjyra e lëkurës sime, ku jam rritur ose, së fundmi, se si vendos ta kaloj kohën time jashtë fushës mund të marr kritika për performancën time, penalltia ime nuk ishte mjaft e mirë, duhej të ishte futur brenda golit, por unë kurrë nuk do të kërkoj falje për atë që jam dhe nga kam ardhur.”

“Falemnderit për të gjitha mesazhet e mira. Unë do të kthehem më i fortë. Ne do të kthehemi më të fortë.”, ka shkruar në fund Rashford.

Related Topics:
Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

1 day ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

3 days ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

3 days ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Sport

Reali një zhgënjim, Ançeloti pas humbjes me Barcelonën: Gabuam në sulm dhe e paguam

Published

3 days ago

on

May 12, 2025

By

Trajneri i Realit të Madridit, Karlo Ançeloti, ka qenë kritik pas humbjes në Barcelonë, që me shumë gjasa mbylli çështjen e titullit dhe etapën e tij të dytë në stolin e bardhë.

Duke analizuar takimin në “Montjuiç”, Karleto ka nënvizuar se skuadra ka gabuar si në mbrojtje, duke marrë shumë gola, ashtu dhe në sulm, ku ka shpërdoruar shumë gola.

 “Bëmë disa gabime të dukshme. Ato na kushtuan disa gola. Rastet që patëm ishin të qarta. Sulmuam mirë pas mbrojtësve. Shënuam tre gola e mund të kishim shënuar më shumë. Në sulm, skuadra kishte një plan të qartë, por duhej të kishim shënuar më shumë.

Mund të ishim mbrojtur më mirë. Në 30 minutat e para, duhet të kishim luajtur më mirë. Nuk duhet të harrojmë se mungonin pesë mbrojtës në takim e të luash kundër Barcelonës me kaq pak resurse nuk është e lehtë. Duhej të mbroheshim më mirë. U mbrojtëm dobët, kaq. Jo sepse bllokuam ulët. Humbëm disa shanse dhe ata na ndëshkuan”, deklaroi Ançeloti.

KRITIKAT – Ançeloti nuk ka dashur të fajësojë askënd nga skuadra, duke preferuar të mos përmendë emra konkretë.

“Patëm mundësinë të shënonim 4-4 dy herë. Ishte ndeshje e ekuilibruar, konkurruese dhe e luftuar fort deri në sekondën e fundit. Shënuam dhe ishte jashtë loje. Kështu e pashë unë. Kundër një skuadre të shkëlqyer, dy skuadrave të shkëlqyera, nuk kam asgjë për të fajësuar skuadrën time sa i përket qëndrimit dhe përkushtimit. Nuk shkoi mirë, por ne konkurruam”, shtoi ai.

FUNDI – Me titullin në duart e Barcelonës, Ançeloti ka folur dhe për takimet e mbetura, duke pretenduar më të mirën nga skuadra e tij.

Continue Reading

Të kërkuara