Lajmet

Raporti i OKB-së: Pesë gra vriten çdo orë nga një anëtar i familjes

Sipas një raporti të OKB-së, shifrat reale mund të jenë edhe më të larta.

Published

4 years ago

on

Sipas një raporti të Organizatës së Kombeve të Bashkuara (OKB) të publikuar të mërkurën, të paktën 45 mijë gra dhe vajza në mbarë botën u vranë nga partnerët ose anëtarët e familjes në vitin 2021.

Zyra e Kombeve të Bashkuara për Drogën dhe Krimin (UNODC) dhe UN Women thanë se kjo shifër nënkupton se më shumë se pesë gra dhe vajza vriten çdo orë nga ndonjë anëtar i familjes së tyre.

Sipas raportit, megjithëse gjetjet mbi femicidin janë të larta, shifrat reale mund të jenë edhe më të larta.

“Shtëpia s’është vend i sigurt”

Sipas OKB-së, rreth 81 mijë e 100 gra dhe vajza u vranë qëllimisht vitin e kaluar.

“Nga të gjitha vrasjet me dashje që u kryen vitin e kaluar, rreth 56% u kryen nga partnerët intimë ose anëtarët e tjerë të familjes… duke dëshmuar se shtëpia nuk është një vend i sigurt për shumë gra dhe vajza”, thanë zyrat e OKB-së.

Raporti vë në pah se gratë dhe vajzat janë veçanërisht të prekura nga dhuna me bazë gjinore në shtëpitë e tyre. Tutje thuhet se numri më i lartë i femicideve në vitin 2021 u regjistrua në Azi, me rreth 17 mijë e 800 viktima. Afrika është kontinenti i dytë më vdekjeprurës kur bëhet fjalë për dhunën në familje ndaj grave dhe vajzave, me 17 mijë e 200 viktima të regjistruara, sipas raportit të OKB-së./UBTNews/

Related Topics:
Continue Reading

Lajmet

Nora Gjakova diplomon në UBT, xhudistja përmbyll me sukses studimet në Shkencat e Sportit

Published

54 minutes ago

on

September 24, 2026

By

Xhudistja kosovare dhe kampionia olimpike, Nora Gjakova, ka diplomuar në UBT, në Fakultetin e Shkencave të Sportit dhe të Lëvizjes, në programin “Shëndeti dhe Aktiviteti Fizik”.
Gjakova, e cila ndër vite ka përfaqësuar Kosovën në garat më të rëndësishme ndërkombëtare të xhudos, ka përfunduar studimet me një temë diplome që lidhet drejtpërdrejt me sportin që e ka shoqëruar gjatë gjithë karrierës së saj.
Tema e punimit të saj ishte “Monitorimi i shkallës së lodhjes akute dhe rikuperimit pas një ndeshjeje të simuluar të xhudos përmes metodës indirekte (two-point velocity), të bazuar në shpejtësi në teknikën Bench Press”.
Punimi është realizuar nën mentorimin e Asoc. Prof. Dr. Milaim Berishës.
Me këtë arritje akademike, Nora Gjakova i shton një tjetër sukses rrugëtimit të saj, kësaj radhe në fushën e arsimit dhe shkencës sportive.

Continue Reading

Lajmet

Arrestohet një zyrtar që dyshohet se mori ryshfet nga pronarë biznesesh

Published

2 hours ago

on

September 24, 2026

By

Policia e Kosovës ka arrestuar një person në Rahovec, i dyshuar për veprën penale “Marrja e ryshfetit”.

Sipas Policisë, i dyshuari, mashkull kosovar, në periudha dhe lokacione të ndryshme në zonën e Rahovecit, dyshohet se kishte kërkuar dhe pranuar ryshfet nga pronarë të bizneseve, në këmbim të moskryerjes së kontrolleve apo mosndëshkimit për shkeljet e ligjit.

Gjatë hetimeve, të zhvilluara në bashkëpunim me Prokurorinë Themelore në Gjakovë, janë siguruar dëshmi se i dyshuari dyshohet se kishte pranuar në disa raste shuma prej 300 deri në 500 euro nga pronarë të ndryshëm biznesesh.

Me urdhër të Gjykatës Themelore në Gjakovë, më 24 shtator janë kontrolluar ambienti i punës dhe veturat që i dyshuari kishte në shfrytëzim. Gjatë kontrollit është sekuestruar edhe një telefon celular.

Pas intervistimit, me vendim të prokurorit, i dyshuari është ndaluar për 48 orë./A.K/

Continue Reading

Lajmet

Ish-kreu i SHISH, Vlora Hyseni del nga GJKKO, iu komunikua masa e sigurisë “arrest në shtëpi”

Published

2 hours ago

on

September 24, 2026

By

Ish-kreu i SHISH, Vlora Hyseni sapo ka dalë nga GJKKO pas më shumë se 2 orësh.

Gazetarja e Top Channel, Anila Hoxha raporton se Hysenit i është komunikuar masa e sigurisë “arrest në shtëpi”.

Ajo u pyet nga gazetarët në lidhje me përgjimet e SPAK, por ka refuzuar të flasë.

Ndryshe, para se të hynte në gjykatë gjatë kalimit nga rruga drejt godinës, Hyseni është shprehur shkurtimisht ndaj pyetjes së gazetarëve nëse Agasit i janë kaluar nga ana e saj dokumente të klasifikuara, duke u shprehur: “Si kalon ti në takime me agjentët serb në dhomat e hotelit Rogner”. /Tch/

Continue Reading

Lajmet

Djemtë e ish-krerëve të UÇK-së vizitojnë familjen e Afrim Bunjakut

Published

2 hours ago

on

September 24, 2026

By

Endrit Thaçi, Klestor Veseli dhe Altin Krasniqi, djemtë e ish-krerëve të UÇK-së, kanë vizituar sot familjen e policit të Kosovës, Afrim Bunjaku, në përvjetorin e rënies së tij.

Vizita është zhvilluar në shenjë respekti dhe solidariteti me familjen Bunjaku, i cili u vra më 24 shtator 2023 gjatë sulmit në Banjskë.

Gjatë vizitës, ata kanë shprehur respekt për figurën dhe sakrificën e Bunjakut, duke qëndruar pranë familjes së tij në këtë ditë përkujtimi.

Afrim Bunjaku humbi jetën në krye të detyrës gjatë sulmit ndaj Policisë së Kosovës në Banjskë./A.K/

Continue Reading

Të kërkuara