Aktualitet

Rama prezanton prioritetet në Këshillin e Sigurimit: Nuk shkojmë për të mbushur karrigen

Published

4 years ago

on

Kryeministri i Shqipërisë, Edi Rama, ka thënë se Shqipëria në Këshill e Kombeve të Bashkuara nuk do të shkojë për t’u ulur dhe për të mbushur një karrige, por do të pasqyrojë një agjendë, që sipas tij, përbëjnë edhe disa prej sfidave të Shqipërisë moderne.

“Në Këshillin e Sigurimit vendi ynë nuk do shkojë për t’u ulur dhe për të mbushur një karrige, por do të shkojë me një agjendë prioritetesh që pasqyrojnë disa vlera, por edhe disa sfida të Shqipërisë moderne”.

Kreu i qeverisë renditi më pas të gjitha prioritetet e Shqipërisë në mandatin e saj dy vjeçar. Bëhet fjalë për çështjet e barazisë gjinore, paqes, sigurisë dhe klimës.

“Shqipëria do të fokusohet në çështjet e barazisë gjinore, si një vend që ka të drejtën ta thotë fjalën sepse çdokush ka të drejtën ta thotë fjalën, por sepse është një vend i renditur në 10 vendet e para në botë sipas OKB sa i përket barazisë gjinore në qeveri. Jo vetëm në qeveri, por edhe në nivelet e poshtme, Shqipëria ka treguar se besimin te gratë dhe vajzat i ka bashkë. Ndërkohë që jemi të bindur dhe në këtë bindje nuk jemi vetëm as në tryezën e KS dhe as botën që jetojmë, përkundrazi jemi me të tjerë që udhëheqin me forcën e shembullit se gratë dhe vajzat janë thelbësore për paqen dhe sigurinë. Natyrisht që në KS ka një axhendë, një axhendë të Kombeve të Bashkuara për gratë, paqen dhe sigurinë. Ne do të mbështesim në çdo rast pjesëmarrjen e plotë dhe të barabartë të grave në të gjitha përpjekjet paqendërtuese dhe paqeruajtëse. Kemi detyrimet që të kemi një angazhim në mbrojtje të njeriut dhe mbrojtjes së të drejtës ndërkombëtare, sepse jemi një vend që kemi një histori dhe shkojmë në KS nga një rajon që ka dhënë më shumë se njëherë mësimin se të drejtat e njeriut dhe të drejtat ndërkombëtare janë shtyllat e pashmangshme të platformës që ndërton shoqëri më të mira. Dhe mbrojtja e të drejtave të njeriut pa asnjë lloj diskriminimi, promovon patjetër edhe bashkëpunimin më të fortë mes vendeve, paqen dhe një zhvillimi më të garantuar”.

“Nga ana tjetër, sigurisht që Shqipëria ka jo thjesht të drejtë si gjithë të tjerët se kushdo ka të drejtë, por ka të drejtën që të dëgjohet kur vjen puna për tolerancën e plotë fetare dhe për harmoninë mes besimeve të ndryshme, çka për ne është themel i promovimit të paqes, por edhe themel i mbështetjes sonë të pakushtëzuar në luftën kundër terrorizmit dhe kundër çdolloj fondamentalizmi. Jemi në pozicionin e duhur, për të mbrojtur me forcë idenë se çdo formë dhe për më keq akoma çdo formë e re dhe e sofistikuar e relativizimit të antisemitizmit apo çdo formë tjetër e diskriminimit të myslimanëve, janë krejt të papranueshme dhe e kërcënojnë stabilitetin e demokracive tona dhe botës ku kemi zgjedhur të jetojmë përtej fjalëve. Rrezikojnë të çojnë në eksperienca të cilat njerëzimi asesi nuk duhet t’i përsërisë. I bashkohemi të gjitha përpjekjeve për sigurinë e mjedisit dhe kundër ndryshimeve të klimës. Në mbështetje të çdo nisme të kësaj natyre”, tha Rama.

Në fund, Kryeministri u shpreh krenar që vendi ynë do të ulet në Këshillin e Sigurimit si një vend aleat i palëkundur me SHBA-në dhe BE-në. Kreu i qeverisë u shpreh se beson se Shqipëria mund të dalë nga Këshilli si një vend me më shumë respekt dhe besueshmëri.

“Dua të them se unë jam shumë krenar që vendi ynë shkon në Këshillin e Sigurimit, si një vend që ka një fizionomi shumë të qartë në arenën ndërkombëtare si një vend aleat strategjik i palëkundur me SHBA dhe me BE dhe si një vend që padiskutim ka mundësinë që në të gjithë këtë kohë kur do të mund të jetojmë nderin e jashtëzakonshëm të të qenit në atë tryezë aq të posaçme, të mund të dalim prej saj me edhe më shumë respekt, me edhe më shumë besueshmëri dhe me edhe më shumë miqësi të forcuara”, u shpreh Rama.

Të pranishëm në ceremoninë e kësaj të marte ishin dhe diplomatët e huaj në Tiranë, akademikë, ministra, ish-ministra dhe deputetë.
Këshilli i Sigurimit në OKB është ndër organet më të rëndësishme të saj, që ka për detyrë mbarëvajtjen e paqes dhe sigurisë në mes të kombeve. Për t’u ulur në karrigen e Këshillit të Sigurimit diplomacisë shqiptare i janë dashur 10 vite lobim. Shqipëria ka prezantuar edhe një sërë prioritetesh me marrjen e kësaj detyre.

Related Topics:
Continue Reading

Bota

Hetimi: Ndërprerësit e karburantit të aeroplanit Air India u ndalën pak para rrëzimit

Published

9 hours ago

on

July 12, 2025

By

Ndërprerësit për kontrollim të karburantit në motorët e aeroplanit të kompanisë ajrore Air India, i cili është rrëzuar pak pasi është nisur dhe ka lënë të vdekur 260 persona muajin e kaluar, e kanë ndryshuar statusin nga pozicioni i “ rrjedhshëm” në të “ndalur” pak para se të ndodhte incidenti, është thënë në një raport paraprak hetimor të shtunën.

Në raportin e lëshuar nga Byroja për Hetimin e Aksidenteve të Aeroplanëve të Indisë, nuk janë dhënë përfundime apo se kush ka faj për katastrofën e 12 qershorit, mirëpo sipas të dhënave të kutisë së zezë, një pilot e ka pyetur tjetrin se pse e ka ndalur karburantin dhe i dyti i ka thënë se nuk ka vepruar ashtu.

Aeroplani i llojit Boeing 787-8 ishte nisur nga Ahmedabadi, qytet në perëndim të Indisë, për në Londër. Si pasojë e rrëzimit të aeroplanit kanë vdekur 242 persona në bord dhe 19 tjerë që kanë qenë në vendin e përplasjes.

Një pasagjer ka mbijetuar mrekullisht. Ai ka qenë një shtetas britanik, i cili ka arritur të largohet nga copëzat e aeroplanit dhe tashmë është liruar nga spitali.

Në raportin prej 15 faqesh, byroja për hetime ka thënë se sapo aeroplani ka arritur në shpejtësinë e duhur “ndërprerësit për karburant të motorëve 1 dhe 2 janë ndalur me një distancë nga njëri-tjetri prej 1 sekonde”.

Menjëherë pas këtij veprimi, raportohet se aeroplani e ka humbur drejtimin.

Sipas raportit, ndërprerësit janë rikthyer sërish në pozicionin “rrjedhës” dhe motorët kanë fituar fuqi, mirëpo njëri prej pilotëve veçse e ka nisur sinjalin për emergjencë.

Kontrollorët e trafikut ajror i kanë pyetur pilotët se çfarë ka ndodhur, mirëpo e kanë parë aeroplanin të rrëzuar dhe e kanë angazhuar menjëherë personelin për emergjenca në vendin e ngjarjes.

Continue Reading

Bota

Gjermania planifikon të blejë më shumë avionë luftarakë F-35 nga SHBA-ja

Published

1 day ago

on

July 11, 2025

By

Gjermania po planifikon të blejë 15 avionë luftarakë të tjerë F-35 nga SHBA-ja, transmeton Anadolu.

Berlini planifikon të rrisë madhësinë e flotës së saj të avionëve F-35 nga 35 në 50, njofton “Politico”. Në këtë kontekst, Gjermania planifikon të blejë 15 avionë luftarakë të tjerë F-35 nga kompania amerikane “Lockheed Martin”.

Vlen të përmendet se porosia e re e mundshme e Gjermanisë për avionët F-35 vjen pasi NATO kohët e fundit ra dakord për objektiva të reja për armët dhe nivelet e trupave.

Qeveria gjermane porositi 35 avionë luftarakë F-35 nga SHBA si pjesë e programit të ri të modernizimit të ushtrisë prej 100 miliardë eurosh.

Avionët luftarakë F-35 nga prodhuesi “Lockheed Martin”, janë planifikuar të zëvendësojnë avionët luftarakë “Tornado” të përdorur nga Forcat Ajrore Gjermane që nga viti 1980 dhe janë të vetmit avionë luftarakë gjermanë të aftë të mbajnë bomba bërthamore amerikane.

Ndërsa mosmarrëveshja midis Gjermanisë dhe Francës në lidhje me partneritetin e Sistemit të Avionëve Luftarakë Ajror të Gjeneratës së Ardhshme (FCAS) rritet, këtë javë në mediat evropiane doli lajmi se Franca donte të merrte 80 për qind të pjesës së punës në këtë projekt.

Continue Reading

Bota

Trump: Armët amerikane do të dërgohen në Ukrainë përmes NATO-s

Published

1 day ago

on

July 11, 2025

By

Trump ka thënë se do të bëjë një “deklarim të madh” për Rusinë më 14 korrik. Ai nuk ka dhënë më shumë hollësi në këtë aspekt, mirëpo ka folur për dërgimin e armëve.

“Po i dërgojmë armë NATO-s, dhe NATO-ja po paguan për këto armë 100%. Pra, çfarë po bëjmë është se armët që po nisen, po shkojnë në NATO, dhe më pas NATO-ja do t’i dorëzojë këto armë në Ukrainë dhe NATO-ja do të paguajë për këto armë”, ka thënë Trump në një intervistë për transmetuesin amerikan NBC.

Më herët gjatë javës, Trump ka thënë se do të kërkojë nisjen e disa armëve për mbrojtje për Ukrainën, pas komenteve negative të disa anëtarëve të Kongresit rreth njoftimit të Pentagonit, më 2 korrik, që disa armë nuk do të dërgohen, pas shqetësimeve se rezervat amerikane kanë rënë në mënyrë të konsiderueshme.

Trump duket se e ka përmbysur këtë vendim më 8 korrik, kur ka thënë se Shtetet e Bashkuara do të dërgojnë armë për mbrojtje të Ukrainës, teksa intensifikohen sulmet ruse.

Ai, gjithashtu, është shprehur i zemëruar me presidentin rus, Vladimir Putin, duke thënë se po e shqyrton mundësinë e vendosjes së sanksioneve të reja ndaj Moskës.

Trump ka thënë se është duke e studiuar propozimin e senatorëve Lindsey Graham dhe Richard Blumenthal për vendosjen e sanksioneve dhe tarifave ndaj shteteve që mbështesin luftën e Rusisë, dhe masa tjera ndëshkuese për sistemin bankar të Rusisë.

“Besoj se do të bëj një deklarim të madh për Rusinë të hënën”, ka thënë Trump gjatë intervistës.

Presidenti ukrainas, Volodymyr Zelensky u ka bërë thirrje aleatëve që t’i përdorin “asetet ruse” për rindërtim të Ukrainës dhe ka kërkuar më shumë armë, investime dhe prodhim të përbashkët të armëve për mbrojtje.

Më 10 korrik, Sekretari amerikan i Shtetit, Marco Rubio ka thënë se ia ka përsëritur homologut të tij rus, Sergei Lavrov se Moska duhet të jetë më fleksibile.

Dy diplomatët janë takuar në margjina të një samiti në Malajzi.

“Na duhet një plan veprimi për të ecur përpara për zgjidhje të këtij konflikti”, ka thënë Rubio, duke shtuar se administrata Trump është angazhuar me Senatin amerikan rreth asaj se si mund të duken sanksionet e reja ndaj Rusisë.

“Patëm bisedë të sinqertë. Ishte e rëndësishme”, ka thënë Rubio pas takimit në Kuala Lampur.

Ministria e Jashtme ruse ka thënë se Rubio dhe Lavrov kanë pasur “këmbim të sinqertë dhe substantial të pikëpamjeve të tyre”.

Rubio ka thënë se njoftimi i Pentagonit për dërgimin e armëve në Ukrainë është keqkuptuar, dhe që shumica e ndihmës amerikane nuk është ndalur kurrë për Ukrainën.

Ai e ka pranuar që Ukraina ka nevojë për më shumë sisteme Patriot dhe që disa janë “të qasshme në shumë shtete në Evropë, por askush nuk dëshirojë t’i ndajë me ta”, prandaj ka thënë se beson që situata do të ndryshojë.

Ai ka thënë se Rusia i ka humbur 100.000 ushtarë prej janarit, dhe që ata janë vrarë, nuk janë vetëm të plagosur.

Ukraina, sipas tij, ka humbur më pak ushtarë përgjatë asaj periudhe.

“Ndonëse shifra është më e vogël, megjithatë është e konsiderueshme”, ka deklaruar mes tjerash Rubio.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

Continue Reading

Kërkime

Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA

Published

1 day ago

on

July 11, 2025

By

Profesori i UBT-së, Musa Sabedini, ka realizuar një tjetër sukses akademik me publikimin e punimit shkencor në revistën ndërkombëtare Journal of Global Perspectives on Society, Culture, and Development (JGPSCD), e cila botohet në Shtetet e Bashkuara të Amerikës nga MK Science Set Publishers, me ISSN 3067‑8358 dhe me sistem vlerësimi shkencor “double-blind peer review”.

Punimi me titull “A janë lajmet e rreme (dezinformimi) armiku më i madh i Etikës, në gazetarinë profesionale në Kosovë?” trajton një tematikë aktuale dhe me rëndësi të veçantë për zhvillimin e gazetarisë etike dhe profesionale në Kosovë, në një kohë të mbushur me sfida të dezinformimit dhe lajmeve të rreme.

Ky punim, i cili është i pajisur me DOI zyrtar, përbën një kontribut domethënës në fushën e studimeve të gazetarisë dhe etikës mediale, duke pasuruar kështu literaturën akademike dhe duke rritur profilin ndërkombëtar të UBT-së në kërkim shkencor.

Profesori Sabedini është autor i tre librave shkencorë në fushën e gazetarisë dhe etikës, përfshirë:

  • Etika, mburojë e gazetarisë profesionale (2025), promovuar në UBT
  • Gazetaria Online në Kosovë dhe në rajon: Etika dhe sfidat e vetërregullimit (2024)
  • Mediet, etika, raportimet për situata të ndjeshme (2023)

Ai ka prezantuar mbi 11 punime shkencore në konferenca ndërkombëtare dhe gëzon mbi 33 vite përvojë në gazetarinë informative dhe hulumtuese. Është themeltar dhe redaktor i portalit RajoniPress, i njohur për raportime profesionale mbi çështje të ndjeshme si korrupsioni dhe krimi i organizuar.

Për angazhimin e tij në gazetari, Sabedini është katër herë fitues i çmimit “Gazetari i Vitit” në Kosovë, ndërsa ka ndjekur trajnime të avancuara në SHBA, përfshirë edhe në University of Missouri – Columbia, në fushën e gazetarisë hulumtuese dhe luftës kundër korrupsionit.

Continue Reading

Të kërkuara