Lajmet

Qelaj: E kundërligjshme mbyllja e reparteve të psikiatrisë në spitalet regjionale, të ndryshohet Ligji për Shëndetin Mendor

Published

2 years ago

on

Avokati i Popullit, Naim Qelaj, në Ditën Ndërkombëtare për Parandalimin e Vetëvrasjeve, ka bërë thirrje për ndryshime dhe plotësime të domosdoshme të ligjit për shëndetin mendor. Qelaj ka thënë se kanë bërë një hetim lidhur me shërbimet e shëndetit mendor që ofrohen personave mbi moshën 65 vjeç dhe se del se ka çështje problematike që lidhen me respektimin e të drejtave që i ka secili qytetarë për marrjen e shërbimeve në shëndetin publik. Ai ka shtuar se çështja e vetëvrasjeve është një problematikë që lidhet me shëndetin mendor, dhe se shërbimet që ofrohen për këtë çështje duhet që të përmirësohen.

“Nevoja për me ndryshuar dhe plotësuar Ligjin për Shëndetin Mendor është e domosdoshme. Ne kemi pasur një hetim lidhur me shërbimet e shëndetit mendor që ofrohen personave mbi moshën 65 vjeç dhe aty kemi kuptuar shumë situata ose shumë çështje problematike që lidhen me respektimin e të drejtave që i ka secili qytetarë për marrjen e shërbimeve në shëndetin publik. Çështja e vetëvrasjeve është një problematik që lidhet me shëndetin mendor, mendoj që shërbimet duhet që të përmirësohen në këtë fushë, coftë në parandalim, në evitim edhe në mbrojtje të rasteve ku veç identifikohen rastet e mundshme të vetëvrasjes. Unë nuk e di për sa i përket ligjit të veçante nëse ka ndonjë rast dikun tjetër dhe praktiken e cilit shtet e kanë zbatuar, nuk munden as të prononcohem në lidhje me këtë çështje”, ka thënë Qelaj.

Avokati i Popullit ka thënë se statuti i ShSKUK-së i cili parasheh mbylljen e reparteve të psikiatrisë në spitalet regjionale ka edhe elemente diskriminuese pasi disa qytetarë për shkak të distancës mund të mbesin pa i marrë shërbimet. Për këtë, Qalaj ka thënë se është në kundërshtim me vetë Ligjin për Shëndetin Mendor.

“Por që e din një fakt që ne kemi reaguar tek statuti i SHSKUK-së dhe organizimi brenda ShSKUK-së ku ka paraparë mbylljen e reparteve të psikiatrisë në spitalet regjionale. Kemi konsideruar se kjo nuk i shërbehen interesit më të mirë të qytetarëve dhe ofrimin e shërbimeve sa ma afër qytetarëve. Në anën tjetër kemi konstatuar që mund të ketë edhe elemente diskriminuese sepse disa qytetarë për shkak të distancës për më marr një shërbim shëndetësor mund të kenë të pa mundur një gjë të tillë dhe se mbyllja e këtyre reparteve është në kundërshtim me vetë ligjin për shëndetin mendor. Ky ligj në kuadër të organizimit të shëndetit publik përcakton edhe sektorin parësor, dytësor edhe terciar të ofrimit të shërbimeve shëndetësore në aspektin e psikiatrisë. Kemi pa një gatishmëri të jashtëzakonshme të Ministria e Shëndetësisë gjë që është inkurajuese, është rast i veçante. Ata kanë kërkuar nga ne një takim dhe bisedë e sipër kanë qenë shumë të gatshëm që me ndryshuar statutin e ndryshuar, tash më edhe me harmonizuar me ligjin. Edhe pse ne këtë rast e kemi dërguar në vlerësim në Gjykatën Kushtetuese sa i përket fakti së sa është në përputhje me Kushtetutën”, ka thënë ai.

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

15 hours ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Lajmet

Nisin vlerësimet për masat e reja të Pakos 2.0, pagesat për sektorin privat javën e ardhshme

Published

15 hours ago

on

June 12, 2026

By

Ministri në detyrë i Financave, Hekuran Murati, ka bërë të ditur se komisionet vlerësuese kanë nisur shqyrtimin e aplikimeve për dy masat e mbetura të Pakos për Përballje me Inflacion 2.0, përkatësisht mbështetjen për punëtorët e sektorit privat dhe studentët.

Sipas Muratit, puna e komisionit për masën e sektorit privat është drejt përfundimit dhe pagesat pritet të ekzekutohen në fillim të javës së ardhshme, të hënën.

Ndërkaq, komisioni përgjegjës për masën e studentëve do ta përmbyllë procesin pas pranimit të konfirmimeve nga institucionet e arsimit të lartë për aplikuesit. Ai tha se qytetarët do të njoftohen me kohë sapo listat e përfituesve të jenë gati për ekzekutim.

“Qeveria për të gjithë!”, ka shkruar Murati në njoftimin e tij./A.K/

Continue Reading

Lajmet

Vizitë zyrtare e presidentit të Shqipërisë në Kosovë, priten masa të përkohshme në trafik

Published

17 hours ago

on

June 12, 2026

By

Presidenti i Republikës së Shqipërisë, Bajram Begaj, do të qëndrojë për një vizitë zyrtare në Kosovë më 12 qershor 2026, në orët e mbrëmjes.

Policia e Kosovës ka bërë të ditur se gjatë kësaj vizite do të angazhohet për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe aktiviteteve të delegacionit.

Për shkak të itinerarit të lëvizjes së eskortës nga pika kufitare në Vërmicë dhe aktiviteteve zyrtare gjatë ditës, pritet të ketë ndërprerje të përkohshme të qarkullimit në disa segmente rrugore, si dhe riorientim të trafikut në rrugë alternative në intervale të shkurtra kohore.

Policia e Kosovës ka kërkuar mirëkuptim nga qytetarët dhe pjesëmarrësit në trafik gjatë zhvillimit të vizitës./A.K/

Continue Reading

Lajmet

Nis edicioni i 8-të i “Mitrovica Guitar Days”

Published

17 hours ago

on

June 12, 2026

By

Ka nisur edicioni i tetë i festivalit “Mitrovica Guitar Days”, i cili po sjell në Mitrovicë artistë dhe kitaristë të njohur ndërkombëtarë, koncerte dhe aktivitete të ndryshme artistike që po e pasurojnë jetën kulturore të qytetit.

Festivali është hapur me një performancë nga artistja me renome botërore Carlotta Dalia, e cila ka sjellë një mbrëmje të veçantë me interpretime mbresëlënëse për publikun.

“Mitrovica Guitar Days” vazhdon të afirmohet si një prej festivaleve më të rëndësishme të kitarës në vend, duke krijuar hapësirë për shkëmbim artistik, zhvillim profesional dhe promovim të muzikës.

Ngjarja mbështetet nga Ministria e Kulturës përmes një financimi trevjeçar, me synim zhvillimin dhe qëndrueshmërinë afatgjatë të festivalit. Në koncertin hapës ka marrë pjesë edhe zëvendësministrja Nora Arapi-Krasniqi./A.K/

Continue Reading

Të kërkuara