Lajmet

Pues: Qeveria t’u lejojë viktimave të përmbushin pretendimet e tyre për zhdëmtim

Ajo ka bërë të ditur se do të dorëzojnë një parashtrim për mënyrën se si synojnë të llogaritet dëmshpërblimi.

Published

4 years ago

on

Mbrojtësja e viktimave në gjykimin ndaj Salih Mustafës, avokatja Anni Pues ka folur para trupit gjykues për mundësinë e zhdëmtimit të viktimave në rast se në fund të procesit do të ketë vendim për shpallje fajësie.

Ajo ka bërë të ditur se do të dorëzojnë një parashtrim për mënyrën se si synojnë të llogaritet dëmshpërblimi. Para trupit gjykues në Dhomat e Specializuara të Kosovës në Hagë, Pues ka thënë se presin që qeveria t’u lejojë viktimave të përmbushin pretendimet e tyre për zhdëmtim.

Ajo ka thënë se do të kërkojnë nga trupi gjykues të caktojë një ekspert për llogaritjen e dëmit material.

Ndërsa dëmi jo material sipas saj nuk është i lehtë për t’u llogaritur.

“Dëmi jo material nuk është i lehtë për tu llogaritur, të gjitha viktimat e drejtpërdrejta kanë përjetuar torturë ose trajtim çnjerëzor duke u lënë atyre lëndime të përhershme fizike dhe mendore, gjithashtu ndalimi arbitrar ka lënë shenjat e veta mendore. Ne mendojmë se ky dëm jo material duhet vlerësuar në baza të drejta. Ne do ti kërkojmë trupit gjykues të bëjë një vlerësim në baza të drejta, duke mbajtur parasysh deklaratat e vet viktimave, raportin e ekspertit mjekësor si edhe standardet që burojnë nga jurisprudenca ndërkombëtare dhe kombëtare”, ka thënë avokatja e viktimave.

Ajo ka thënë se viktimat duhet të përmbushin pretendimet e tyre për zhdëmtim.

“Theksojmë këtu se disa pika mbetën të hapura siç është për shembull zbatueshmërinë e legjislacionit të cituar në një situatë përpara se të ekzistonte Republika e Kosovës, pra përpara se të ekzistonte kjo si subjekt. Po kështu nuk kanë marrë zgjidhje plotësisht probleme të tjera si nevoja për vijimësi të anonimitetit, pra kjo është një çështje që po ashtu nuk është trajtuar plotësisht. Siç e kam thënë më parë do të ofrojmë mendimet tona të mëtejmë në këtë pikë në momentin e duhur, por ajo çfarë duam të pranojmë dhe të vlerësojmë se ne këtë aspekt përpjekjet e turpit gjykues anë qenë për lëvdata. Ne shpresojmë që qeveria të mund të heq çdo ambiguitet, çdo dyshim dhe të sigurojë një qasje konstruktive që do t’u lejojë viktimave që të mund të përmbushin pretendimet e tyre për zhdëmtim”, ka thënë ajo.

Pues ka folur edhe dëshmitë që janë dëgjuar në seanca private çka sipas saj është brengosëse meqë publiku nuk ka arritur të dëgjojë historinë e viktimave.

“Lufta dhe përpjekja e Kosovës ka marrë shumë jetë, për viktimat pjesëmarrëse këtu është e rëndësishme të theksohet se ata janë pjesë e kësaj të shkuare, të tashmes dhe gjithashtu të ardhmes së Kosovës. Ajo që ata duan është të njihet ajo çfarë ka ndodhur, të kuptohet ajo si dhe të jenë në gjendje të thyejnë heshtjen. Unë kam folur për këtë gjë gjatë e gjerë në deklaratën time hyrëse, për arsye se, e ritheksoj këtë element këtu, është se e kuptoj se perspektiva e viktimave në përgjithësi i fshihet publikut për shkak të nevojës për mbrojtje. Ata që na kanë përcjellë rregullisht e njohin shumë mirë tashmë shenjën seancë private në ekran. Pas kësaj shenjë në seancë private fshihen histori dhimbje ,humbje dhe traume dhe e kemi me merak që këto të jenë informacione të ditura publikisht”, ka thënë ajo.

Mbrojtësja e viktimave është deklaruar para se trupi gjykues të fillojë të dëgjojë një viktimë.

Ajo ka kërkuar që viktima të dëgjohet në seancë të mbyllur për shkak se ka informacione që mund të cenojnë masat mbrojtëse.

Aktakuza ndaj Salih Mustafës, i cili është i arrestuari i parë nga Specialja, është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte.

Ai po qëndron në qendrën e paraburgimit në Hagë ndërsa në deklarimin e tij para trupit gjykues, Salih Mustafa është deklaruar i pafajshëm.

Related Topics:
Continue Reading

Lajmet

30 vite nga nënshkrimi i Marrëveshjes së Dejtonit

Published

23 minutes ago

on

November 21, 2025

By

Sot mbushen tri dekada nga nënshkrimi i Marrëveshjes së Paqes për Bosnjë dhe Hercegovinë, njohur si Marrëveshja e Dejtonit.

Marrëveshja u nënshkrua në bazën ushtarake amerikane “Wright Peterson” në Ohajo, më 21 nëntor 1995.

Një nga parimet kryesore të kësaj marrëveshje, ishte në ndarjen e BeH në 51 për qind në territorin e Federatës së BeH-së dhe 49 për qind në Republikën Serbe.

Nënshkruesit u zotuan për të rregulluar marrëdhëniet e ndërsjella sipas Kartës së Kombeve të Bashkuara, Aktin Final të Helsinkit dhe dokumentet e tjera të OSBE-së, si dhe respekt reciprok për sovranitetin dhe zgjidhjen e kontesteve në mënyrë paqësore.

Ky dokument mundësoi që t’i jepet fund luftës disa vjeçare, ku kishin humbur jetën më shumë 300 mijë qytetarë të BeH-së, e cila luftë kishte filluar pas shpalljes së pavarësisë së Bosnjës nga Jugosllavia.

Agresioni u krye nga Ushtria e Jugosllavisë që udhëhiqej nga Serbia, në mbështetje të serbëve të Bosnjës, që synonin ta mbanin nën kontrollin e tyre territorin e BeH-së./S.K/KP/

Continue Reading

Lajmet

​SHBA bojkoton samitin G20 në Afrikën e Jugut

Published

33 minutes ago

on

November 21, 2025

By

SHBA-ja nuk do të merr pjesë në samitin G20 më 22-23 nëntor në Afrikën e Jugut, deklaroi zëdhënësja e Shtëpisë së Bardhë, Karoline Leavitt.

Vërejtjet e saj erdhën pasi presidenti i Afrikës së Jugut Cyril Ramaphosa tha se SHBA dhe Afrika e Jugut po diskutojnë pjesëmarrjen e Uashingtonit në samit pas një ndryshimi të mendjes.

“Do të isha e lumtur të shpjegoja pasi nuk ka ndonjë ndryshim. Shtetet e Bashkuara nuk po marrin pjesë në bisedimet zyrtare në G20 në Afrikën e Jugut. E pashë presidentin e Afrikës së Jugut duke folur pak kundër Shteteve të Bashkuara dhe Presidentit të Shteteve të Bashkuara më herët sot, dhe kjo gjuhë nuk vlerësohet nga presidenti ose ekipi i tij”, tha Leavitt.

“Ambasadori ose përfaqësuesi i Ambasadës në Afrikën e Jugut është thjesht atje për të njohur se Shtetet e Bashkuara do të jenë pritësit e G20; ata po e marrin atë përshëndetje në fund të ngjarjes, ata nuk janë atje për të marrë pjesë në bisedime zyrtare pavarësisht asaj që presidenti i Afrikës së Jugut po pretendon në mënyrë të rreme”, shtoi ajo.

Afrika e Jugut është vendi i parë afrikan që udhëheq G20, pasi mori presidencën vjetore me rotacion të grupit dhjetorin e kaluar.

Marrëdhëniet midis Uashingtonit dhe Pretorisë zyrtare kanë qenë të ftohta pas mosmarrëveshjeve mbi disa çështje të jashtme dhe të brendshme. Më parë këtë muaj, Trump tha se asnjë zyrtar amerikan nuk do të merrte pjesë në samitin e Johanesburgut, duke akuzuar Afrikën e Jugut për “abuzime me të drejtat e njeriut” kundër afrikano-amerikanëve të bardhë.

Afrika e Jugut ka hedhur poshtë vazhdimisht akuzat, duke thënë se pretendimet për persekutim sistematik ose konfiskime tokash që synojnë afrikano-amerikanët e bardhë nuk mbështeten nga provat./S.K/KP/

Continue Reading

Lajmet

Dita Botërore e Televizionit

Published

42 minutes ago

on

November 21, 2025

By

Sot shënohet Dita Botërore e Televizionit e cila simbolizon komunikim dhe globalizimin në botën bashkëkohore.

Kjo ditë është shpallur nga Kombet e Bashkuara në vitin 1996 dhe i ka bërë bashkë për herë të parë, institucionet kryesore të industrisë mediale,

Unioni Evropian i Transmetuesve (EBU), Asociacioni i Televizioneve Komerciale në Evropë (ACT) dhe EGTA Asociacioni i Radio Televizioneve me bazë në Bruksel.

Kjo Ditë e njeh televizionin si një medium jetësor në informimin, edukimin dhe ndikimin e opinionit publik, si dhe në nxitjen e komunikimit dhe mirëkuptimit global.

Globalisht data e 21 nëntorit festohet i rezultat i pas shpalljes nga Asambleja e Përgjithshme e Kombeve të Bashkuara përmes një rezolute të miratuar në vitin 1996./S.K/KP/

 

Continue Reading

Lajmet

​41 të vdekur e 9 të zhdukur pas përmbytjeve në Vietnamin qendror

Published

50 minutes ago

on

November 21, 2025

By

41 persona vdiqën dhe nëntë të tjerë konsiderohen si të zhdukur pas përmbytjeve që shkatërruan Vietnamin qendror këtë javë.

Departamenti i Menaxhimit të Digave dhe Parandalimit të Fatkeqësive Natyrore njoftoi se më shumë se 52 mijë shtëpi u përmbytën dhe mijëra hektarë me të mbjella, së bashku me bagëti dhe shpendë, u humbën gjithashtu nga ujërat e përmbytjeve.

Media lokale VN Express njofton se provincat pësuan më shumë viktima si Dak Lak me 16 vdekje, dhe Khanh Hoa me 14 vdekje.

Më shumë se një milion klientë mbetën pa energji elektrike për shkak të motit të keq, megjithëse energjia elektrike është rikthyer që atëherë në rreth 600 mijë familje.

Gjithashtu, mbi 140 rrëshqitje toke ndodhën në rrugët provinciale dhe personeli me oficerë policie janë vendosur për t’iu përgjigjur situatës./S.K/EO/

Continue Reading

Të kërkuara