Lajmet

Pse gratë japoneze s’i përdorin karrocat dhe preferojnë t’i mbajnë fëmijët e tyre?

Mbajtja e fëmijëve është traditë e vjetër.

Published

4 years ago

December 6, 2021

Betim Gashi

Është thuajse e zakonshme në Japoni të shohësh nëna që mbajnë fëmijët e tyre në shpinë. Në fakt, është e zakonshme që ju t’i shihni katër nga pesë gra duke mbajtur fëmijët e tyre në shpinë.

1.Mbajtja e fëmijëve është traditë e vjetër

Historikisht, foshnjat barteshin duke përdorur një “Onbuhimos” që përkthehet si “rrip për mbajtje në shpinë”. Ky rrip për fëmijë është bërë prej pëlhure të butë me qëllim që nënat t’i mbajnë fëmijët në shpinë dhe t’ua mundësojnë atyre të shikojnë mbi supe. Në atë kohë, nënat duhet t’i merrnin fëmijët me vete edhe kur punonin, dhe kjo ishte mënyra më e mirë për to të kujdeseshin për ta.

2.Lidhja fizike mes nënës dhe fëmijës është shumë e rëndësishme

Marrëdhënia nënë-fëmijë është e thellë, por është thënë se lidhja mes nënave japoneze dhe foshnjave të tyre është shumë e fortë. Dhe kjo sepse ata e vlerësojnë shumë lidhjen fizike. Ata ndajnë aktivitete me fëmijët e tyre që në moshë shumë të hershme dhe nuk e humbasin mundësinë për t’u afruar fizikisht.

3.Fëmijët janë të relaksuar

Sipas një studimi që u krye në Japoni me 12 foshnje të shëndetshme, u vërtetua se ata ndihen menjëherë të relaksuar me një ritëm më të ngadaltë të zemrës. I njëjti studim tregoi se foshnjat që i mbanin nënat e tyre ishin më të relaksuara dhe më të qeta sesa foshnjat që qëndronin në karroce.

4.Bartja e foshnjeve është më praktike në transport publik

Meqenëse japonezët e preferojnë transportin publik, nënat që dëshirojnë të shkojnë nëpër Tokio ose qytete të tjera me autobus, metro ose tren, kërkojnë një zgjidhje të përshtatshme. Ato preferojnë t’i mbajnë foshnjat e tyre në vend të karrocës. Në këtë mënyrë, ato nuk do të shqetësohen që rrotat të ngecin ndërsa hipin dhe zbresin në këtë mënyrë transporti./UBTNews

Lajmet

Përleshen tetë të mitur në Prizren, tre në spital, dy në mbajtje

Published

1 hour ago

October 8, 2025

UBTnews

Një përleshje mes tetë të miturve ka ndodhur në Prizren të mërkurën, ndërkaq raportohet se dy prej tyre janë dërguar në mbajtje.

Policia rastin e ka cilësuar si lëndim i rëndë trupor. Sipas raportit 24-orësh, rasti ka ndodhur pas një mosmarrëveshje mes të dyshuarve.

Tre prej tyre kanë pranuar tretman mjekësor.

“Raportohet se pas një mosmarrëveshje janë rrahur mes veti tetë të dyshuar të mitur dhe si pasojë, tre prej tyre kanë pësuar lëndime trupore dhe kanë pranuar tretman mjekësor. Të dyshuarit janë intervistuar dhe me vendim të prokurorit dy prej tyre janë arrestuar dhe dërguar në mbajtje ndërsa të tjerët janë liruar”, thuhet në njoftim./D.B/EO

Lajmet

Nën ndikim të alkoolit një person sulmon zyrtarët policorë në Prishtinë

Published

1 hour ago

October 8, 2025

UBTnews

Një person dyshohet se nën ndikimin e alkoolit ka sulmuar zyrtarët policorë.

Sipas raportit të Policisë së Kosovës i dyshuari kishte tentuar që të largohet nga stacioni policor, pasi që zyrtarët policorë kishin ndaluar të dyshuarin për të ikur i njëjti i kishte sulmuar ata dhe u kishte shkaktuar lëndime të lehta trupore.

Me vendim të prokurorit, i dyshuari pas intervistimit dërgohet në mbajtje për 48 orë.

“Raportohet se i dyshuari mashkull kosovar, nën ndikim të alkoolit ka sulmuar zyrtarët policorë, i njëjti është sjellë për intervistim në stacionin policor. Derisa zyrtarët policor kanë qenë duke u marrë me të dyshuarin, ky i fundit kishte tentuar që të largohet nga stacioni policor, pasi që zyrtarët policorë kishin ndaluar të dyshuarin për të ikur i njëjti i kishte sulmuar ata dhe u kishte shkaktuar lëndime të lehta trupore. Me vendim të prokurorit, i dyshuari pas intervistimit dërgohet në mbajtje për 48 orë“, thuhet në raportin e Policisë së Kosovës/D.B/KP

Lajmet

Osmani pret në takim komandantin e ri të KFOR-it, gjeneralmajor Ozkan Ulutas

Published

1 hour ago

October 8, 2025

UBTnews

Pas marrjes së detyrës së komandantit të KFOR-it, Presidentja e Republikës së Kosovës, Vjosa Osmani, ka pritur dje në takim gjeneralmajor Ozkan Ulutaş.

Me këtë rast, Osmani e uroi për marrjen e detyrës së komandantit të KFOR-it dhe për rikthimin e tij në Kosovë duke shprehur besimin e plotë për vazhdim të bashkëpunim të ngushtë në funksion të përmbushjes së synimeve të përbashkëta për paqen dhe sigurinë në Kosovë dhe rajon, transmeton KosovaPress.

Në këtë frymë, ajo ritheksoi mirënjohjen e saj për angazhimin dhe përkushtimin e të gjithë ushtarakëve që shërbejnë në kuadër të KFOR-it.

Duke diskutuar për zhvillimet në fushën e sigurisë, si dhe kërcënimet që vijnë nga Serbia, përfshirë kërcënimet me fokus të veçantë te përdorimi i dronëve, Osmani potencoi rëndësinë e koordinimit dhe bashkëpunimit të KFOR-it me institucionet vendore të sigurisë me qëllim të parandalimit të taktikave destabilizuese të Serbisë./D.B/KP

Lajmet

Arrestohet në Prishtinë i dyshuari për vrasje në tentativë

Published

1 hour ago

October 8, 2025

UBTnews

Policia e Kosovës ka njoftuar se mbrëmë nga njësitë policore të stacionit Veriu në Prishtinë, është arrestuar personi i dyshuar që ishte në kërkim për rastin Vrasje në Tentativë, të ndodhur me datë 23.04.2025 në rrugën Rexhep Krasniqi.

Arrestimi i të dyshuarit; V. S, mashkull, 28 vjeç, shtetas i Republikës së Kosovës, i shpallur në kërkim, erdhi si rezultat i ndërmarrjes së veprimeve operativo-policore, në kuadrin e procesit hetimor të këtij rasti.

Përderisa ndaj të dyshuarit policia vijon hetimin në drejtim të veprës penale Vrasja në tentativë, me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtin e ka dërguar në mbajtje prej 48 orësh./D.B/KP