Lajmet

Pse FBI nuk e akuzoi aktorin Brad Pitt në incidentin e avionit të Angelina Jolie që çoi në ndarjen e tyre?

Ajo këtë e bëri në mënyrë anonime.

Published

3 years ago

August 20, 2022

UBT news

Angelia Jolie “po përpiqet dëshpërimisht të gjejë diçka të re” në luftën e saj të vazhdueshme me ish-bashkëshortin, Brad Pitt, pasi dyshohet se paditi FBI-në për të dhënat që ajo kishte tashmë, sipas burimeve të Pitt.

Aktorja besohet se ka ngritur padi kundër zyrës në prill – në mënyrë anonime, si Jane Doe – duke kërkuar dokumente në lidhje me një hetim rreth Pitt, në një përpjekje për të zbuluar pse nuk u ngrit asnjë akuzë penale kundër ish-it të saj pas fluturimit të vitit 2016, gjë që e nxiti atë të divorcohet.

Raporti, i parë nga Page Six, tani është publikuar dhe tregon se Ndihmës Prokurori i SHBA-së dhe Ndihmës Shefi i Divizionit Penal i SHBA-së, diskutuan çështjen në nëntor të vitit 2017 përpara se të merrej një vendim për të mos vazhduar me akuzat kundër Pitt.

Në raportin fillestar të FBI-së, Jolie u tha zyrtarëve se ajo besonte se Pitt ishte “i çmendur” që nga koha kur ata hipën në avionin privat nga Nice, Francë, për në SHBA, me gjashtë fëmijët e tyre.

Gjatë fluturimit të 14 shtatorit më 2016, Jolie tha se bashkëshorti i saj i atëhershëm, i cili kishte pirë, e çoi në tualet ku “e kapi nga koka, duke e tundur” dhe gjithashtu e shtrëngoi ndërsa ata debatuan për një nga fëmijët e tyre.

Ajo pretendoi se Pitt goditi tavanin e aeroplanit katër herë duke i thënë asaj: “Ti po e shkatërron këtë familje”. Kur fëmijët e pyetën: “A je mirë, mami?” Pitt thuhet se u përgjigj: “Jo, ajo nuk është mirë, ajo po e shkatërron këtë familje, ajo është e çmendur”.

Në këtë moment, një nga fëmijët – emri i të cilit ishte redaktuar nga raporti – bërtiti: “Nuk është ajo [që po shkatërron familjen], je ti, ti” sipas raportit.

Më pas Pitt dyshohet se vrapoi drejt fëmijës, por Jolie e mbajti atë, duke pësuar lëndime në shpinë dhe bërryl gjatë procesit.

Ajo dorëzoi fotografi të lëndimeve të saj të supozuara në FBI për raportin.

Në një moment tjetër gjatë fluturimit, sipas raportit fillestar të FBI-së, Jolie tha se Pitt i kishte derdhur birrë teksa ajo përpiqej të flinte.

Pas fluturimit, Jolie bëri kërkesë për divorc gjashtë ditë më vonë. Edhe pse ajo dhe Pitt tani janë të divorcuar ligjërisht, ata vazhdojnë të luftojnë për kujdestarinë e fëmijëve të tyre të mitur.

Siç zbuloi Page Six në fillim të këtij muaji, dyshja janë përfshirë në një tjetër betejë ligjore pas një ankese që iu bë Prokurorit të Përgjithshëm të Kalifornisë për Stan Katz, psikologun e fëmijëve që foli me fëmijët e tyre të mitur pas incidentit, në fillim të këtij viti./UBTNews/

Lajmet

Ahmeti reagon pas bllokadës në Trafikun Urban

Published

4 hours ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

4 hours ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

4 hours ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

4 hours ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.