Kulturë

Pse Elizabeta I e Anglisë nuk u martua kurrë?

ELIZABETH I: TË DASHUR PO, BURRA KURRË.

Published

on

Mbretëresha Elizabeth I vendosi të mos e ndajë mbretërinë e saj me asnjë mbret apo fisnik tjetër. Hipotezat e studiuesve lidhur me këtë zgjedhje janë të ndryshme.

Edhe pse të dashurit nuk i munguan aspak, Elizabeta I e Anglisë hyri në histori si mbretëresha e virgjër, sepse nuk u martua kurrë. Historianët ende debatojnë sot rreth hipotezave të kësaj zgjedhjeje të pazakonshme për një mbretëreshë, por më të besueshmit vënë në pikëpyetje arsyet personale dhe mbi të gjitha strategjike.

ELIZABETH I: TË DASHUR PO, BURRA KURRË. Është e sigurt se gjatë mbretërimit të saj të gjatë,  që zgjati nga viti 1558 deri në ditën e vdekjes së saj në 1603, Elizabeta I mori propozime të shumta martese nga mbretërit dhe fisnikët europianë, por ajo e dinte mirë se, nëse ishte e lidhur me një burrë, ajo do të humbiste në thelb fuqinë e saj të madhe. Prandaj, ajo mundi t’i mbante pretendentët e huaj në pritje të përgjigjes së saj për vite me radhë, duke shmangur kështu antagonizimin e tyre dhe duke e mbajtur mbretërinë e saj autonome nga ndërhyrjet e jashtme. Ajo gjithashtu refuzoi të martohej me fisnikët anglezë, sepse ndjeu se do të ishte një tjetër zgjedhje politike shumë e rrezikshme dhe do të rrezikonte ta ndante oborrin në fraksione armiqësore mes tyre.

Por ka edhe hipoteza të tjera. Ndoshta refuzimi për t’u martuar ishte për shkak të marrëdhënies së vështirë të Mbretëreshës së Anglisë me gjininë mashkullore, një përbuzje e shkaktuar nga fundi i trishtë i nënës së saj, Anna Bolena, së cilës iu pre koka nga babai i saj Henri VIII. Ose, nga frika se mos mbetej shtatzënë dhe duhet të përballej me lindjen, e cila, në ato kohëra, mund të ishte shkaku i vdekjes.

MBRETËRESHA LUFTËTARE E VIRGJËR. Cilido qoftë shpjegimi, zgjedhja e Elizabeth I u kundërshtua ashpër nga këshilltarët e oborrit për arsye të dukshme pasardhëse. Sidoqoftë, mbretëresha qëndroi e patundur dhe me të vërtetë e përdori statusin e saj “single” për qëllime propagandistike duke u paraqitur si një luftëtare e virgjër e përkushtuar vetëm për popullin e saj./a2news.com/

Continue Reading

Libra

23 prilli – Dita Ndërkombëtare e Librit

Published

on

Dita Ndërkombëtare e Librit dhe të drejtave autoriale që është përzgjedhur të jetë 23 prilli, është një datë me kuptim simbolik për letërsinë botërore.

Me këtë datë të vitit 1616, lidhet vdekja e dy kolosëve të letërsisë botërore: Shekspirit në Angli dhe Miguel de Servantes në Spanjë.

I pari konsiderohet si shkrimtari më i madh i të gjitha kohëve dhe vendeve, ndërsa i dyti është autori i veprës më të përkthyer në botë.

Kjo datë lidh edhe autorë tjerë në ditën e lindjes a vdekjes së tyre: Inca Garcilaso de la Vega, Maurice Druon, Halldór Kiljan Laxness, Vladimir Nabokov, Josep Pla dhe Manuel Mejia Vallejo.

Kjo datë shënohet në botë që nga viti 2003, ndërsa është pazgjedhur në vitin 1995 me qëllim të kontribuojë në mbarë botë për të drejtat e autorit duke inkurajuar të gjithë, e në veçanti të rinjtë për të zbuluar kënaqësinë e leximit.

Kjo datë është edhe një thirrje për të rritur respektin për kontributet e pazëvendësueshme të autorëve dhe librit në progresin social dhe kulturor të njerëzimit.

Continue Reading

Magazinë

Oscars prezantojnë rregulla të reja për 2026: Cilat janë këto ndryshime?

Published

on

Akademia e Arteve dhe Shkencave të Filmit ka prezantuar rregulla të reja për edicionin e Oscars 2026.

Të hënën, më 21 prill, Akademia e Arteve dhe Shkencave të Filmit zbuloi udhëzimet për fushatën për çmimet e 98-ta të Akademisë, e cila do të zhvillohet më 15 mars 2026.

Kështu kanë njoftuar përmes rrjeteve të tyre sociale, në një postim të publikuar në Twitter, tashmë X: “Ceremonia e 98-të e #Oscars do të mbahet të dielën, më 15 mars 2026. Nominimet do të shpallen të enjten, më 22 janar 2026”.

Cilat rregulla të reja janë përfshirë për Oscar 2026?

Së pari, detajohet se votuesit do të duhet të shohin të gjithë filmat në secilën kategori para se të votojnë për ta. Ende nuk është përcaktuar si do duhet të saktësojnë se i kanë parë, por po punohet për këtë.

Sipas Hollywood Reporter, shikuesit që shikojnë filma diku tjetër do të duhet të “plotësojnë një formular” duke detajuar se kur dhe ku i kanë parë. Ky është një skandal që tashmë ka dalë në dritë në edicionet e mëparshme, kur u pa se disa votues morën pjesë pa i parë realisht.

Përveç kësaj, përdorimi i inteligjencës artificiale në filma është i lejuar, siç ishte rasti me ‘Emilia Perez’ dhe ‘The Brutalist’.

Rregulli i ri ka sqaruar se përdorimi i teknologjisë nuk skualifikon një film: “Akademia dhe secila degë do të gjykojë arritjen, duke marrë parasysh shkallën në të cilën një qenie njerëzore ishte në qendër të autorësisë krijuese në zgjedhjen e filmit për të shpërblyer”.

Continue Reading

Magazinë

Filmat e realizuar me inteligjencë artificiale mund të fitojnë Oscar

Published

on

Filmat e realizuar me ndihmën e inteligjencës artificiale (AI) do të jenë në gjendje të fitojnë çmime Oscar, sipas organizatorëve të saj.

Akademia e Arteve dhe Shkencave të Filmit nxori rregulla të reja të hënën, ku u tha se përdorimi i AI dhe mjeteve të tjera dixhitale “as nuk do të ndihmonte dhe as do të dëmtonte shanset për t’u nominuar.”

Inteligjenca artificiale gjeneruese – e cila mund të krijojë tekst, imazhe, audio dhe video në përgjigje të kërkesave – ndihmoi në prodhimin e disa prej filmave të vlerësuar me çmimet kryesore të Ocars në mars.

Por, Akademia tha se do të merrte sërish në konsideratë përfshirjen njerëzore gjatë përzgjedhjes së fituesve.

Përdorimi i AI në film u bë temë debati pasi Adrian Brody mori çmimin “Aktori më i mirë” për rolin në “The Brutalist”. Filmi përdori AI për të përmirësuar theksin e aktorit kur ai fliste hungarisht. Teknologji e ngjashme e klonimit të zërit u përdor për të përmirësuar këndimin në muzikalin “Emilia Perez”.

Përdorimi i AI mbetet i diskutueshëm dhe artistët kanë shprehur shqetësime. Disa e kritikojnë këtë qasje të re, ndërsa të tjerë janë të pashqetësuar.

Për disa, kur përdor AI për projekte të tilla, mund të marrësh një skicë, por nëse ke nevojë për diçka me peshë emocionale, AI nuk do t’ju japë kurrë një Oscar.

Continue Reading

Magazinë

Hailey Bieber flet hapur për problemin e saj shëndetësor

Published

on

Modelja Hailey Bieber ka folur për problemin shëndetësor me të cilin po përballet.

Në një foto të publikuar në Instastory ajo ka bërë të ditur se po vuan nga cistet në vezore.

Themeluesja e brendit “Rhode” në fotografi shihet me barkun zbuluar. Ajo ka shkruar se kushdo që është duke u përballur me një gjendje të ngjashme, e ka mbështetjen e saj, ka shkruar PageSix.

“Nëse edhe ju përballeni me ciste në vezore, jemi bashkë në këtë!”, ka thënë ajo.

Continue Reading

Të kërkuara