Kronikë e zezë

Prizren: Policia arreston një person për armë, drogë dhe para të falsifikuara

Published

5 years ago

June 4, 2021

Betim Gashi

Policia në Prizren gjatë realizimit të detyrave në teren ndaluan për kontrolle një automjet të tipit Mercedes-Benz me targa vendore. Gjatë realizimit dhe kryerjes se detyrave zyrtarët gjeten në posedim të drejtuesit të automjetit substancë të dyshuar narkotike e llojit “kokainë”.

Në lidhje më këto vepra penale të gjetura te i dyshimti, policia realizoi një bastisje edhe në shtëpinë e të dyshimtit.

Gjatë bastisjes në shtëpi, i dyshimti ishte në posedim edhe të armës ilegale të tipit pistoletë “SIG”, së bashku më një karikator me 38 fishek të kalibrit 9mm.

Në kontrolle të hollësishëm zyrtarët policor gjeten gjithashtu monedha të falsifikuara, gjithsej 8 monedha ne vlerë 2 euro të metalit. Për të gjitha aktivitetet policia informoj prokurorin kujdestar për të cilat ishte e autorizuar të kryej veprime, me aktvendim të prokurorit i dyshimti B.B i lindur në vitin 1976 u ndalua në mbajtje në afat prej 48 orë.

Në cilësinë e provës materiale u sekuestruan një pistolete “SIG”, 38 fishek kalibër 9mm, 8 monedha nga 2 euro metali dhe 0.45 gram substancë e dyshuar narkotike e llojit “Kokainë”.

Rasti është ne hetime të mëtutjeshme.

Kronikë e zezë

Arrestohen dy të dyshuar për fajde në Prizren

Published

10 hours ago

February 20, 2026

UBTNews

Dy burra janë arrestuar në Prizren, nën dyshimin se kanë kryer veprën penale të fajdesë, duke e detyruar viktimën të paguajë kamatë mujore prej 100%.

Sipas Policisë së Kosovës, pas arrestimit dhe intervistimit, me vendim të prokurorit, të dyshuarit janë dërguar në mbajtje, ndërsa rasti po hetohet nga autoritetet kompetente.

Kronikë e zezë

Arrestohet serbi në Jarinje për ryshfet ndaj zyrtarit policor

Published

10 hours ago

February 20, 2026

UBTNews

Sipas raportit të fundit 24-orësh të Policisë së Kosovës, në Pikën e Kalimit Kufitar në Jarinje është arrestuar një i dyshuar, shtetas i Serbisë, pasi ka ofruar 50 euro ryshfet një zyrtari policor.

Policia bën të ditur se rasti ka ndodhur në PKK Jarinje, ku i dyshuari ka tentuar t’i japë para zyrtarit gjatë kryerjes së detyrës zyrtare.

Pas intervistimit, me vendim të prokurorit, i dyshuari është dërguar në mbajtje, ndërsa hetimet për këtë rast po vazhdojnë si “Dhënie e ryshfetit”.

Kronikë e zezë

Katër raste të dhunës në familje brenda 24 orëve

Published

11 hours ago

February 20, 2026

UBTNews

Sipas raportit njëditor të Policisë se Kosovës, në 24 orët e fundit janë regjistruar disa raste të dhunës në familje në Prishtinë dhe Pejë.

Në Prishtinë është raportuar se një person ka dëmtuar veturën e ish të dashurës së tij duke e goditur me shqelm. Viktima, nga frika, është larguar nga vendi i ngjarjes, ndërsa rasti është duke u hetuar.

Po ashtu në Prishtinë, një burrë i dyshuar është arrestuar pasi, pas një mosmarrëveshjeje, kishte sulmuar fizikisht bashkëshorten e tij, duke i shkaktuar lëndime trupore. Viktima ka pranuar tretman mjekësor, ndërsa me vendim të prokurorit kujdestar i dyshuari është dërguar në qendrën e mbajtjes.

Në Pejë, një tjetër i dyshuar është arrestuar pasi kishte sulmuar fizikisht bashkëshorten e tij pas një mosmarrëveshjeje. Me vendim të prokurorit ai është liruar në procedurë të rregullt.

Ndërkohë, në një raport shtesë për një rast tjetër në Pejë, policia ka njoftuar se i dyshuari është arrestuar dhe, pas intervistimit, me vendim të prokurorit është dërguar në mbajtje. Hetimet për rastet janë duke vazhduar.

Kronikë e zezë

Dy të arrestuar në Obiliq për armëmbajtje pa leje

Published

11 hours ago

February 20, 2026

UBTNews

Sipas raportit të Policisë se Kosovës, në 24 orët e fundit janë regjistruar dy raste të armëmbajtjes pa leje në Obiliq.

Rasti i parë ka ndodhur në fshatin Mazgit, Obiliq, ku është arrestuar një burrë i dyshuar, pasi gjatë kontrollit policor i është gjetur dhe sekuestruar një revole me 16 fishekë. Me vendim të prokurorit, pas intervistimit, i dyshuari është liruar në procedurë të rregullt.

Ndërkaq, në rrugën “Guri i Plakës” në Obiliq, është arrestuar një tjetër burrë i dyshuar, pasi gjatë kontrollit i është gjetur dhe konfiskuar një revole me 26 fishekë. Edhe në këtë rast, me vendim të prokurorit, i dyshuari është liruar në procedurë të rregullt, ndërsa rasti vazhdon në procedurë të rregullt.