Kronikë e zezë

Për 3 muaj Policia konfiskoi rreth 200 patentë shofer për mosrespektim të dritës së kuqe në semaforë

Published

on

Policia e Kosovës për rajonin e Prishtinës ka filluar një plan operacional për të gjithë ata të cilët në komunikacionin rrugor nuk janë duke e respektuar dritën e kuqe në semaforë, vijën e plotë si dhe për këmbësorët të cilët nuk kalojnë në vijat e bardha (zebra).

Lajmin e bëri të ditur në një prononcim për Telegrafin komandanti i trafikut rajonal për regjion të Prishtinës, major Milaim Fejzullahu.

Fejzullahu tha se aksioni ka filluar javën e kaluar, do të vazhdojë edhe javën e ardhshme, i cili aksion sipas tij ka për qëllim parandalimin e aksidenteve të shumta që po ndodhin kohëve të fundit.

Ai po ashtu tregoi se për tre muaj si masë mbrojtëse janë konfiskuar afër 200 patentë shoferë vetëm për mosrespektim të dritës së kuqe në semafor.

“Plani operativ, mosrespektimi i dritës së kuqe, mosrespektimi i semaforit i cili ka filluar javën e kaluar dhe është vazhdimësi, kjo është java e dytë. Pastaj e kemi planin operativ të këmbësorit i cili është ende në implementim edhe mosrespektimi i vijës së plotë. Para dy jave ka filluar aksioni policor dhe vazhdon edhe javën e ardhshme. E tëra është bërë për shkak të kundërvajtjeve të shumta të cilat nuk po respektohen drita e kuq, si masë mbrojtëse për tre muaj janë konfiskuar afër 200 patentë shofer, vetëm për dritë të kuqe. Edhe për vijë të plotë kemi marr masa”, ka thënë Fejzuallhu.

Komandanti i trafikut rajonal për regjion të Prishtinës po ashtu tha për identifikimin e atyre që tejkalojnë në vijë të plotë kanë futur në funksion dhe dronin.

“E kemi fut edhe dronin në funksion që të identifikojmë ata të cilët nuk e respektojnë vijën e plotë. Është plani që dy njësi tonat do të qëndrojnë në Veternik për shkak të disa aksidenteve që kanë ndodhur kohëve të fundit ku këmbësorët kalojnë vend e pa vend, duke i kaluar ndarjet fizike e barrierat”, tha ai.

“Është mundësia që plani të vazhdohet pasi e tëra po bëhet për parandalimin e aksidenteve, pasi këtë vit kemi rritje të numrit të aksidenteve në krahasim me vitin e kaluar. Janë duke u ndërmarr masa ligjore më të rrepta për dritë të kuqe dhe tejkalim në vijë të plotë, këto kur nuk respektohen po shkaktohen aksidentet”, tha ndër të tjera për Telegrafin, major Milaim Fejzullahu, komandant i trafikut rajonal për regjion të Prishtinës.

Continue Reading

Lajmet

Rrahje mes katër personave në Vushtrri: Arrestohen dy të dyshuar, dy të tjerë në arrati

Published

on

By

Dy persona janë arrestuar nga Policia e Kosovës në Vushtrri nën dyshimin për përfshirje në veprat penale “Sulm” dhe “Asgjësim apo dëmtim i pasurisë së luajtshme”, pas një rrahjeje mes katër personave të ndodhur në rrugën “Ismajl Qemali”.

Sipas njoftimit zyrtar të policisë, njësitë policore kanë ndërhyrë në vendin e ngjarjes ku kanë arritur të ndalojnë dy prej të dyshuarve, ndërsa dy të tjerët janë larguar në drejtim të panjohur.

Pas ofrimit të tretmanit mjekësor dhe intervistimit në stacionin policor, me vendim të prokurorit kompetent, dy të arrestuarve u është caktuar masa e ndalimit policor prej 48 orësh. Ndërkohë, policia bën të ditur se ka identifikuar edhe dy personat e arratisur dhe të njëjtit ndodhen në kërkim policor. /E.A/

Continue Reading

Lajmet

Gjenden mbetje mortore në Brod të Shtërpcës

Published

on

Mbetje mortore janë gjetur sot në fshatin Brod të Komunës së Shtërpcës, gjatë aktiviteteve të kërkimit për personat e zhdukur me dhunë.

Sipas njoftimit të Komisionit Qeveritar për Persona të Zhdukur, aktivitetet e kërkimit dhe gërmimet vlerësuese në këtë lokacion kishin nisur më 6 nëntor 2026, pas sigurimit të urdhrit përkatës gjyqësor.

Gjatë aktivitetit të parë nuk ishte arritur të lokalizohej varri i dyshuar, për shkak të ndryshimeve që kishte pësuar terreni ndër vite, duke vështirësuar përcaktimin e vendndodhjes së saktë.

Ndërkaq, gjatë vazhdimit të gërmimeve më 12 nëntor, janë gjetur mbetje mortore, të cilat do t’i nënshtrohen ekzaminimit mjekoligjor dhe procedurave të identifikimit përmes analizës së ADN-së.

Aktivitetet janë realizuar në koordinim ndërmjet Komisionit Qeveritar për Persona të Zhdukur, Institutit për Mjekësi Ligjore dhe Drejtorisë së Policisë për Hetimin e Krimeve të Luftës – Sektorit për Hetimin e Personave të Zhdukur, me përkrahjen e Prokurorisë – Departamentit për Krime Lufte./A.K/

Continue Reading

Lajmet

Nën masa të larta sigurie, nis gjykimi ndaj ish-bashkëshortit të Arlinda Zekajt

Published

on

Në Gjykatën Themelore në Pejë po mbahet shqyrtimi fillestar ndaj Jeton Sylajt, ish-bashkëshortit të Arlinda Zekajt, i akuzuar për kanosje ndaj saj.

Seanca, e caktuar për orën 11:00, po zhvillohet pa praninë e publikut, bazuar në vendimin e gjykatës të datës 10 nëntor 2026.

Mediumi Arbresh.info ka publikuar pamje të momentit kur Njësia Speciale Intervenuese e ka sjellë Sylajn në gjykatë, nën masa të larta sigurie.

Sylaj akuzohet për kanosje ndaj Arlinda Zekajt, e cila tashmë ka ndërruar jetë.

/A.K/

Continue Reading

Lajmet

Dy të vdekur dhe disa të bllokuar pas shembjes së një ndërtese në New York

Published

on

Të paktën dy persona kanë humbur jetën dhe disa të tjerë kanë mbetur të bllokuar nën rrënoja, pasi një ndërtesë trekatëshe është shembur të mërkurën pasdite në Brooklyn të New Yorkut, pranë një kantieri ndërtimi.

Rreth 250 zjarrfikës dhe pjesëtarë të policisë janë angazhuar në operacionin e kërkim-shpëtimit, duke përdorur pajisje të ndryshme për të nxjerrë personat e bllokuar nën rrënoja.

Sipas autoriteteve, të paktën 17 persona janë dërguar në spital, katër prej tyre në gjendje kritike. Ende nuk dihet nëse ka persona të tjerë nën rrënoja, ndërsa operacionet e kërkim-shpëtimit kanë vazhduar gjatë natës.

Kryetari i New Yorkut, Zohran Mamdani, e ka cilësuar situatën jashtëzakonisht sfiduese, për shkak të strukturave të paqëndrueshme dhe hapësirave të rrezikshme nën rrënoja.

Sipas komisionerit të Departamentit të Ndërtesave në New York, Ahmed Tigani, shembja ndodhi në kohën kur punëtorët po gërmonin në një parcelë të zbrazët pranë ndërtesës, ku planifikohej ndërtimi i një objekti të ri. Megjithatë, shkaku i saktë i shembjes mbetet nën hetim.

Ndërtesa kishte banesa në katet e sipërme dhe lokale afariste në katin përdhes. Edhe objekti fqinj, i cili ndante një mur me ndërtesën e shembur, pësoi dëme të konsiderueshme.

Gjatë operacionit, ekipet e shpëtimit arritën të nxirrnin disa persona të gjallë nga rrënojat, përfshirë edhe shtatë fëmijë. Një zjarrfikës pësoi lëndime të lehta gjatë ndërhyrjes.

Mes personave të prekur ishte edhe Anderson Velez, i cili në momentin e shembjes ndodhej në punë. Ai i tha gazetës “New York Post” se bashkëshortja e kishte njoftuar përmes telefonit se kishte mbetur nën rrënoja së bashku me dy fëmijët e tyre, të moshës dy dhe shtatë vjeç.

Velez tregoi se më vonë kishte marrë lajmin se familjarët e tij ishin nxjerrë të gjallë nga rrënojat.

Burimi: New York Post

/A.K/

Continue Reading

Të kërkuara