

Lajmet
Presidentja e Gjeorgjisë thotë se partia në pushtet e ka kapur “shtetin”
Published
7 months agoon
By
UBTnewsPresidentja e Gjeorgjisë, Salome Zurabishvili, ka thënë pas një takimi me një delegacion të Bashkimit Evropian se, partia në pushtet e afërt me Rusinë, Ëndrra Gjeorgjiane, i ka “kapur virtualisht” të gjitha institucionet, dhe ka bërë thirrje për zgjedhje të reja, për të drejtuar këtë shtet kah integrimet euro-atlantike.
Zurabishvili i ka bërë këto komente në një konferencë për media në Tbilisi, pas një takimi që ka zhvilluar me një delegacion të zyrtarëve evropianë, pas zgjedhjeve të kontestuara të muajit të kaluar.
Ëndrra Gjeorgjiane pretendon se i ka fituar 54 për qind të votave, pavarësisht dyshimeve për mashtrime të mëdha dhe ndikim rus.
Gjeorgjianët kanë mbajtur disa herë protesta prej zgjedhjeve të 26 tetorit, duke kundërshtuar rezultatet, dhe kanë bërë thirrje për përsëritje të zgjedhjeve.
“Jemi duke hyrë në krizë”, ka thënë Zurabishvili, e cila ka refuzuar të pranojë rezultatin zgjedhor.
“Nuk ka befasi këtu, kriza është e qartë”, ka thënë Zurabishvili, duke shtuar se shtetit i duhen “zgjedhje të reja, në mënyrë që Gjeorgjia të ketë një parlament legjitim, qeveri legjitime, dhe president të ri legjitim kur do të vijë koha”.
Gjeorgjia e ka fituar vitin e kaluar statusin e vendit kandidat për anëtarësim në Bashkimin Evropian, mirëpo demokracia në këtë vend ka nisur të zbehet, pas vendimeve që ka marrë Ëndrra Gjeorgjiane për të miratuar një ligj të stilit rus për “agjentë të huaj” dhe masa kundër komunitetit LGBT (lesbike, homoseksualë, biseksualë dhe trangjinorë).
Të gjitha këto e kanë shtyrë Brukselin që të paralajmërojë Gjeorgjinë se po e rrezikon procesin e integrimeve evropiane.
Presidenti i Komisionit Evropian, Charles Michel, ka thënë më 8 tetor, se “ekzistojnë dyshime serioze për mashtrime, të cilat kërkojnë hetime serioze”, duke iu referuar zgjedhjeve të 26 tetorit.
Delegacioni i BE-së është formuar prej krerëve të Komiteteve për Punë të Jashtme prej parlamenteve të Gjermanisë, Finlandës, Suedisë, Francës, Lituanisë, Letonisë, Estonisë dhe Polonisë.
Shalva Papuashvili, kryetar i Parlamentit të Gjeorgjisë, që kontrollohet nga Ëndrra Gjeogjiane, ka refuzuar të takohet me delegacionin e BE-së më 11 nëntor, duke pretenduar se arsyeja e refuzimit është “qasja jomiqësore drejt Qeverisë gjeorgjiane dhe shoqërisë gjeorgjiane, që është shpërfaqur disa herë nga qeveritë e delegacioneve”.
Shumë anëtarë të delegacionit të BE-së e kanë kritikuar refuzimin e Papuashvilit për t’u takuar me ta./REL/
Lajmet
Sot, tentimi i 27-të për konstituimin e Kuvendit
Published
25 minutes agoon
June 5, 2025By
UBTnews
Deputetët e zgjedhur do të mblidhen për herë të dytë brenda 24 orëve, në vazhdimin e njëzet e shtatë të seancës konstituive, e cila nuk po gjen fund që kur ka nisur më 15 prill.
Njëzet e gjashtë vazhdimet e deritanishme nuk sollën progres sa i përket zgjidhjes së kreut të legjislativit.
Vazhdimi i seancës konstituive do të jetë nga ora 11:00 dhe ajo mbahet sot për shkak të festës së Kurban Bajramit ditën e premte.
Lëvizja Vetëvendosje, Guxo dhe Alternativa po këmbëngulin që Albulena Haxhiu të jetë kryetare e re e Kuvendit, por ministrja në detyrë e Drejtësisë nuk po gjen 61 votat e nevojshme.
Gjykata Kushtetuese ende nuk ka kthyer përgjigje për kërkesën e parashtruar nga Aleanca për Ardhmërinë e Kosovës mbi mënyrën e fshehtë të votimit të kreut të ri të Kuvendit sikurse po kërkojnë Lëvizja Vetëvendosje, Guxo e Alternativa përmes krijimit të një komisioni për mbikëqyrjen e votimit./KosovaPress
Lajmet
Princi Harry distancohet më shumë nga familja mbretërore, dëshiron të ndryshojë mbiemrin në Spencer
Published
40 minutes agoon
June 5, 2025
Princi Harry thuhet se e ka konsideruar seriozisht ndryshimin e mbiemrit të tij në Spencer, si një homazh për nënën e tij, Diana, dhe ndoshta si një shenjë e një ndarjeje përfundimtare me familjen mbretërore, raportojnë mediat britanike.
Një zbulim ky që i shton një kapitull të ri dhe të papritur sagës komplekse midis Dukës së Sussex dhe Pallatit Buckingham. Sipas gazetës britanike Daily Mail, thuhet se Princi Harry i kërkoi këshilla xhaxhait të tij, Charles Spencer, për të adoptuar mbiemrin e nënës së tij, Diana, shkruan A2 CNN.
“Harry foli drejtpërdrejt me xhaxhain e tij, Charles Spencer, gjatë një vizite të rrallë në Mbretërinë e Bashkuar, duke i kërkuar këshilla se si ta përvetësonte ligjërisht mbiemrin e nënës së tij”, i tha një mik i ngushtë i princit, gazetës britanike Daily Mail.
Duket se përgjigjja e xhaxhait nuk la vend për entuziazëm: “Ata patën një bisedë shumë miqësore dhe Charles Spencer e këshilloi të mos ndërmerrte një hap të tillë”, tha burimi, duke nënvizuar se ndërlikimet ligjore do të kishin qenë shumë të shumta, raporton A2 CNN.
Princi Harry do të kishte dashur ta zëvendësonte mbiemrin Mountbatten-Windsor, atë që u ishte caktuar fëmijëve Archie e Lilibet në certifikatat e tyre të lindjes, me një Spencer më “identifikues”. Një zgjedhje plot kuptim, jo vetëm personal, por edhe simbolik, i cili megjithatë nuk u materializua.
Mbiemri Mountbatten-Windsor, i zgjedhur më 1960 për pasardhësit e drejtpërdrejtë të Mbretëreshës Elizabeth II dhe Princit Philip, mbetet një simbol i trashëgimisë mbretërore edhe sot. Për Princin Harry, ky emër nuk është i mjaftueshëm për të treguar historinë se kush është ai, apo nga vjen.
Marrëdhënia e Harry-t me të atin, Mbretin Charles III, dhe vëllanë William mbetet e largët. Pika e kthesës, ishte lamtumira me familjen mbretërore më 2020, e ndjekur nga botimi i autobiografisë Spare më 2023. Që atëherë, pavarësisht disa përpjekjeve për qetësim, marrëdhëniet familjare kanë mbetur të ngrira.
Lajmet
Osmani e liderët politikë po diskutojnë mbi datën e zgjedhjeve lokale
Published
19 hours agoon
June 4, 2025By
UBTnews
Presidentja e Kosovës Vjosa Osmani dhe përfaqësuesit e partive politike po mbajnë sot takim mbi caktimin e datës së zgjedhjeve lokale.
Të parët që erdhën në takim ishin nga Lëvizja Vetëvendosje, Guxo, Alternativa dhe liderët e disa prej partive të komuniteteve jo shumicë.
Lëvizja Vetëvendosje në këtë takim përfaqësohet nga nënkryetarja, Albulena Haxhiu dhe jo nga kryetari Albin Kurti.
Në takim ka ardhur edhe kryetari i PDK-së, Memli Krasniqi, kryetari i LDK-së, Lumir Abdixhiku dhe kryetari i AAK-së, Ramush Haradinaj. Ndërkaq, në këtë takim nuk u panë zyrtarë të Listës Serbe.
Lajmet
Danimarka konfirmon dërgimin e të burgosurve në Kosovë më 2027
Published
21 hours agoon
June 4, 2025By
UBTnews
Të burgosurit e parë nga Danimarka pritet të transferohen në burgun në Gjilan në pjesën e parë të vitit 2027, konfirmuan nga Shërbimi danez i Burgjeve për Radion Evropa e Lirë.
Ky shërbim tha se institucioneve të Kosovës u janë dorëzuar kërkesa specifike për renovimin dhe përshtatjen e burgut të Gjilanit.
“…duke përfshirë një ndërtesë të re për punësim dhe ambiente të reja për vizitorë. Ne presim që puna të nisë këtë verë, kurse gjatë gjysmës se parë të vitit 2027, pritet që burgu të vihet në përdorim”, tha Shërbimi danez i Burgjeve.
Danimarka tha se kjo është një detyrë komplekse, pasi bëhet fjalë për një burg të Kosovës që duhet të funksionojë sipas rregullave daneze.
Shërbimi i Burgjeve tha se kjo është një detyrë sfiduese, duke nisur me renovimin e ndërtesave dhe përshtatjen e tyre sipas nevojave të Danimarkës. Po ashtu, përfaqësuesit danezë kanë zhvilluar vizita të rregullta në objektin e burgut në Gjilan, me qëllim që të planifikohen punët që do të realizohen.
Një gjë e tillë, më 23 maj është konfirmuar për REL-in edhe nga drejtori i përgjithshëm i Shërbimit Korrektues të Kosovës, Ismail Dibrani, i cili ka deklaruar se “të burgosurit nga shteti danez pritet të vendosen në burgun e qytetit të Gjilanit në prillin e 2027-s”.
Megjithatë, ai ka thënë se procesi i renovimeve ende nuk ka nisur.
Transferimi i të burgosurve është pjesë e një marrëveshjeje dhjetëvjeçare mes Kosovës dhe Danimarkës, e cila parasheh shfrytëzimin e Institucionit Korrektues në Gjilan për dërgimin e 300 të burgosurve nga shteti danez.
Kuvendi i Kosovës e ratifikoi marrëveshjen më 23 maj 2024, dy vjet pasi ajo ishte nënshkruar.
Sipas marrëveshjes, personat që do të transferohen nuk do të jenë shtetas të Danimarkës.
Më herët, Ministria e Drejtësisë e Danimarkës kishte deklaruar për REL-in se të burgosurit të cilët do t’i dërgojë në burgun e Gjilanit janë persona të dënuar me dëbim nga Danimarka.
Megjithatë, shteti danez është zotuar se nuk do të sjellë të burgosur me rrezikshmëri të lartë.
Ata nuk do të jenë të dënuar për krime lufte, terrorizëm, apo persona me çrregullime të rënda mendore.
Në këmbim të këtij transferimi, Kosova do të përfitojë mbi 200 milionë euro.
Një pjesë do të investohet në Shërbimin Korrektues, ndërsa pjesa tjetër në energji të ripërtërishme.
Sipas marrëveshjes, Danimarka ka premtuar një tarifë fillestare prej pesë milionë eurosh për të mbuluar periudhën e tranzicionit, që nga hyrja në fuqi e marrëveshjes deri në funksionalizimin e plotë të burgut.
Shërbimi i danez i Burgjeve konfirmoi për REL-in se tashmë kanë paguar shumën fillestare.
Pas kësaj, pagesat do të bëhen çdo tre muaj, në varësi të numrit të të burgosurve të pranishëm në institucion./rel

Mes Liverpoolit dhe Cityt – cilin klub e zgjodhi Cherki

Sot, tentimi i 27-të për konstituimin e Kuvendit

Princi Harry distancohet më shumë nga familja mbretërore, dëshiron të ndryshojë mbiemrin në Spencer

UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore

UBT – Institucioni privat me më së shumti programe të akredituara nga Agjencia e Akreditimit të Kosovës

Profesoresha e UBT-së, Jeta Kiseri Kubati merr pjesë në Kongresin Evropian të Ortodoncisë me dy prezantime shkencore ndërkombëtare

Dr. Elmi Berisha ligjëron në UBT për rolin e lobit shqiptaro-amerikan dhe aleancën strategjike Kosovë–ShBA

Seminari SHAPE: Qasjet e reja për promovimin e plakjes së shëndetshme në Evropën Juglindore

Osmani e liderët politikë po diskutojnë mbi datën e zgjedhjeve lokale
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur