Lajmet

​Shala: Qeveria nuk ka prezantuar buxhet zhvillimor

Published

2 years ago

on

Deputeti i Partisë Demokratike të Kosovës, Ferat Shala ka deklaruar se qeveria nuk ka prezantuar buxhet zhvillimor.

Në seancën e Kuvendit ku po shqyrtohet buxheti për vitin 2025, Shala ka kritikuar qeverinë për rezervat shtetërore dhe çmimin e grurit.

“Sot shpresova se kabineti qeveritar do të elaborojë në detaje projektbuxhetin por paska ardhur si gjithmonë praktikë të akuzojë dhe lavdëroje punën e vet. Ç’është e vërteta, gjithçka është por buxhet zhvillimor nuk është, sepse vet kategoria e parë e strukturës buxhetore ku 44.9 për qind është në subvencione, këtu nuk ka zhvillim, këtu ka ndihma sociale…U lavdëruan për pagën minimale të cilën e kanë arrit të miratojnë me strukturat më kriminale të mundshme dhe terroriste, me Radojicicin, dhe i kanë lënë jashtë kategoritë e të dala nga lufta. Ju lutem kryeministër, më trego nëse është kështu siç tha ministri se çmimi i grurit në BERZHE është që nga pandemia deri më sot i pandryshueshëm, 0.21 centë, si ka mundësi që ju gjatë mandatit tuaj në 2022, gjatë pandemisë keni blerë çmimin e grurit 0.48 centë minimalisht. Pra, më trego a është 0.21 centë, apo 0.48 centë çmimi i grurit, dhe nëse është kështu, pse atëherë keni blerë 0.48 cent çmimin e grurit dhe i cili kurrë nuk erdhi në Kosovë as në sasi e në cilësi, dhe nuk e dimë as sot si ka përfunduar kjo aferë”, ka thënë Shala.

Shala ka përmendur edhe rezervat shtetërore dhe problemin që po përballen disa nga banorët e kryeqytetit me ujë të pijshëm.

“Pse nuk erdhën rezervat as në 2023, as në 2024 nuk e ke blerë asnjë kilogram grurë, i ke paraparë në buxhet dhe je lavdëruar, pse nuk e ke blerë asnjë kilogram, pse nuk të ka ardhur vaji, sheqeri. Pse kryeministër rezervat shtetërore nuk të kanë ardhur asnjë, dhe nuk e përmende a e ke në linjë buxhetore për vitin 2025… Sot nuk e dëgjova asnjë fjalë, gjysma e qytetarëve të Prishtinës nuk kanë ujë të pijes nga Badovci i helmuar dhe ju sot nuk e keni paraparë asnjë centë, kryeministër je përgjegjës… nuk e kemi parë asnjë reagim tendin për ujërat, asnjë cent të ndarë. Nuk e dimë ku po furnizohen qytetaret, përveç që e dimë po furnizohen tek kompanitë që i ke subvencionuar dhe në fund ua ke falur borxhet”, ka shtuar Shala.

Ndërsa, ministri i Bujqësisë, Faton Peci ka reaguar ndaj kritikave të opozitës lidhur me ndikimin e subvencioneve duke i quajtur ato të pavërteta.

Ai ka thënë se Kosova ka importuar 28 milionë kilogram më pak, apo në vlerë monetare 8.1 milionë euro

“Deputeti Hoti i cili deklaroi se ndikimi i subvencioneve edhe në procesin e ujitjes është zero nga qeveria dhe Ministria e Bujqësisë, e pavërtetë e madhe. Po flas për një artikull që po përmendet shumë, për grurin. Në periudhën kohore janar-tetor, 2023, në periudhën janar-tetor 2024, Kosova ka importuar 28 milionë kilogram më pak, apo në vlerë monetare 8.1 milionë euro. Kush janë ata që deklarojnë që efekti i përkrahjes në bujqësi është zero, kur vetëm për një produkt rënia e sasisë së importit në vlerë monetare i është kthyer Kosovës në 8.1 milionë euro”, ka thënë ai.

Related Topics:
Continue Reading

Vendi

Nis protesta në Prishtinë kundër dënimit të krerëve të UÇK-së

Published

1 hour ago

on

October 1, 2026

By

Qindra qytetarë nga të gjitha trevat shqiptare janë grumbulluar sot në sheshet kryesore të Prishtinës për të marrë pjesë në protestën e thirrur nga platforma qytetare “Liria Ka Emër”.

Tubimi po mbahet në shenjë revolte ndaj aktgjykimit të shkallës së parë të Dhomave të Specializuara, me të cilin ish-krerët e Ushtrisë Çlirimtare të Kosovës – Hashim Thaçi, Kadri Veseli, Jakup Krasniqi dhe Rexhep Selimi – u dënuan me gjithsej 81 vjet burgim.

Me moton “JO NË EM RIN TIM”, pjesëmarrësit po shprehin kundërshtimin e tyre ndaj këtij vendimi juridik, duke e cilësuar atë si një goditje ndaj luftës çlirimtare. Në sheshin “Skënderbeu” situata ka njohur edhe momente tensioni, ku ka qenë e nevojshme ndërhyrja e përfaqësuesit të OVL-UÇK-së, Hysni Gucati, për të qetësuar turmën dhe për të parandaluar përshkallëzimin e mëtejshëm.

Organizatorët kanë nërvizuar se ky mobilizim gjithëpopullor synon të mbrojë të vërtetën historike dhe dinjitetin e luftës së UÇK-së

Continue Reading

Lajmet

Tensione në protestën në Prishtinë, Hysni Gucati ndërhyn për të qetësuar situatën

Published

2 hours ago

on

October 1, 2026

By

Situata në sheshin “Skënderbeu” në Prishtinë është tensionuar përkohësisht gjatë protestës gjithëpopullore të organizuar kundër vendimit të Dhomave të Specializuara ndaj ish-krerëve të Ushtrisë Çlirimtare të Kosovës.

Gjatë momenteve të tensionit midis protestuesve, ka ndërhyrë përfaqësuesi i Organizatës së Veteranëve të Luftës së UÇK-së, Hysni Gucati, i cili bëri thirrje për qetësi për të parandaluar përshkallëzimin e mëtejshëm të situatës.

Protesta e thirrur nga platforma qytetare “Liria Ka Emër” me moton “JO NË EM RIN TIM”, ka mbledhur mijëra qytetarë nga të gjitha trevat shqiptare. Ky tubim vjen si reagim ndaj aktgjykimit të shpallur më 16 shtator, sipas të cilit ish-krerët e UÇK-së – Hashim Thaçi, Jakup Krasniqi, Kadri Veseli dhe Rexhep Selimi – u dënuan me gjithsej 81 vjet burgim.

Përfaqësuesit e organizatorëve, përfshirë Ismail Tashollin, deklaruan se ky tubim përfaqëson një mobilizim gjithëpopullor kundër asaj që ata e konsiderojnë padrejtësi ndaj luftës çlirimtare. /E.A/

 

Continue Reading

Vendi

Profesori i UBT-së, Milaim Berisha, publikon studim shkencor në revistën “Journal of Human Sport and Exercise”

Published

2 hours ago

on

October 1, 2026

By

Profesori Milaim Berisha nga UBT, në bashkëpunim me studiuesin Pablo Prieto-González, ka publikuar një studim të ri shkencor në revistën ndërkombëtare “Journal of Human Sport and Exercise” (JHSE), të fokusuar në analizën e aftësive motorike në gjimnastikën artistike.

Studimi sasior përshkrues analizon 239 teknika të përcaktuara në udhëzuesin teknik të Federatës Ndërkombëtare të Gjimnastikës (FIG) për të dyja gjinitë. Hulumtimi ka identifikuar praninë dhe rëndësinë e komponentëve kryesorë motorikë, si koordinimi, fuqia, shpejtësia, lëvizshmëria, fleksibiliteti, ekuilibri, qëndrueshmëria dhe shkathtësia në secilin aparat.

Gjetjet e studimit tregojnë se, ndonëse disiplinat e gjimnastikës artistike ndajnë aftësi të përbashkëta, secila prej tyre ka kërkesa specifike që ndryshojnë në bazë të nivelit të vështirësisë së lëvizjeve.

Autorët përfundojnë se me evoluimin e teknikave dhe integrimin e teknologjive të reja në këtë sport, programet e stërvitjes duhet të përditësohen në mënyrë të vazhdueshme për t’iu përshtatur kërkesave bashkëkohore. /E.A/

Continue Reading

Lajmet

Ursula von der Leyen në Prishtinë: Aktgjykimi i Dhomave të Specializuara duhet të respektohet, por historia nuk rishkruhet

Published

3 hours ago

on

October 1, 2026

By

Presidentja e Komisionit Evropian, Ursula von der Leyen, ka deklaruar të enjten gjatë vizitës në Prishtinë se aktgjykimi dënues i Dhomave të Specializuara ndaj ish-krerëve të Ushtrisë Çlirimtare të Kosovës duhet të respektohet, duke nërvizuar njëkohësisht se askush nuk mund ta rishkruajë historinë e Kosovës.

Gjatë konferencës për media pas takimeve me udhëheqësit e shtetit, shefja e ekzekutivit evropian u shpreh se aktgjykimi i 16 shtatorit ndaj Hashim Thaçit, Kadri Veselit, Jakup Krasniqit dhe Rexhep Selimit u mor nga një institucion i pavarur gjyqësor.

“Aktgjykimi i Dhomave të Specializuara ka shkaktuar emocione të fuqishme, e çmoj reagimin tuaj të matur dhe të liderëve politikë që bëjnë thirrje për qetësi. Ky aktgjykim u dha nga një institucion i pavarur gjyqësor dhe mandati i tij duhet të respektohet”, deklaroi von der Leyen. /E.A/

Continue Reading

Të kërkuara