Policia Metropolitane e Britanisë ka konfirmuar se do të “rishikojë” akuzat kundër Jeffrey Epstein dhe Ghislaine Maxwell të nxjerra në dritë në një hetim të ri nga Channel 4 News.

Channel 4 News tha se hetimi gjeti “më shumë se gjysmë duzine pretendimesh se gra dhe vajza të reja pretendohet të jenë shënjestruar, trafikuar, abuzuar seksualisht në Mbretërinë e Bashkuar nga Epstein dhe Maxwell, për një periudhë që zgjati më shumë se nje dekade.”

Raporti tha se veprat e pretenduara përfshijnë shumë sulme seksuale dhe përdhunime.

Epstein, pedofili multi-milioner ishte dënuar, pasi u akuzua nga prokurorët federalë amerikanë të trafikimit seksual, vdiq në një qeli burgu të Nju Jorkut në 2019 ndërsa priste gjyqin. Shkaku i vdekjes së 66-vjeçarit ishte vetëvrasja me varje.

Maxwell, një socialiste britanike dhe ish-bashkëpunëtore e Epstein mund të ketë gjyqin në vjeshtë. Prokurorët federalë thonë se ajo rekrutoi dhe abuzoi një vajzë 14-vjeçare për të kryer akte seksuale nga 2001 në 2004.

Ajo gjithashtu ishte akuzuar më parë nga prokurorët federalë për komplot dhe joshjen e të miturve për për të kryer veprime të paligjshme dhe transportimin e të miturve për t’u përfshirë në veprimtari kriminale seksuale për pretendimin e abuzimit dhe rekrutimit të vajzave të mitura nga 1994 deri në 1997. Ajo është deklaruar e pafajshme për trafikim dhe akuzat e tjera.

Në Mbretërinë e Bashkuar ka pasur një vëzhgim intensiv të mediave në lidhje me marrëdhëniet e Princit Andrew me Epstein, të cilin ai e kritikoi në një intervistë me BBC në 2019. Intervista përfshiu akuzat se princi kishte pasur takime seksuale me një vajzë të mitur, të cilat ai i mohon .

Dokumentari vë në dyshim nëse policia në Londër ndaloi hetimin e kundër Jeffrey Epstein dhe Ghislaine Maxwell për shkak të miqësisë së tyre me djalin e mbretëreshës.

Nazir Afzal, një ish-kryeprokuror në Anglinë Veriperëndimore, ra dakord që Epstein dhe Maxwell ndoshta u trajtuan ndryshe nga të dyshuarit e tjerë të abuzimit seksual për shkak të miqësisë së gjatë me Andrew, një anëtar i vjetër i familjes mbretërore.

Shërbimi i Policisë Metropolitane (SHPM) tha në një deklaratë se “gjithmonë i merr seriozisht pretendimet e akuzave seksuale dhe shfrytëzimit”.
“Ne gjithmonë do të shqyrtojmë çdo informacion të ri dhe do të rishikojmë informacionin e dërguar tek ne nga Channel 4”, shtoi deklarata.

Sipas Channel 4 News, ekspertët ligjorë të cilët rishikuan pretendimet e marra nga shtypi britanik i lajmeve thanë “pretendimet ofrojnë arsye të qarta për një hetim dhe akuzuan Policinë për dështimin në detyrën e tyre ligjore për të filluar një hetim të plotë penal”.

(Përktheu dhe përshtati UBTNews)