Sport

Pique iu përgjigjet akuzave për përfitime financiare në Kupën e Spanjës: Nuk kam përse të kërkojë falje!

Ai tha se nuk ka asgjë për të kërkuar falje.

Published

3 years ago

on

Qendërmbrojtësi i Barcelonës, Gerard Pique po akuzohet se ka përfituar financiarisht nga vendimi që ndeshjet e Superkupës së Spanjës të zhvillohen në Arabinë Saudite dhe një audio e publikuar nga “El Confidencial” zbuloi yllin e Barcelonës në diskutime me presidentin e Federatës Mbretërore të Futbollit Spanjoll (RFEF) Luis Rubiales mbi detajet financiare.

Organi qeverisës i futbollit në Spanjë theu traditën në vitin 2019 duke njoftuar një zgjerim të formatit tradicional të Superkupës, që do të luhej në Jeddah.

Megjithatë, audio e rrjedhur në media ka hedhur dritë mbi rolin që kompania e Pique-s “Kosmos” luajti në bindjen e RFEF për të bërë këtë lëvizje, duke përshkruar diskutimet që nevojiteshin për të bindur skuadra si Real Madridi për të marrë pjesë në këtë garë jashtë vendit.

Fituesi i Kupës së Botës është përgjigjur ashpër ndaj këtyre informacioneve që përfshijnë interesat e tij biznessore jashtë lojës së futbollit, me 35-vjeçarin që thotë se nuk ka asgjë për të kërkuar falje.

“Gjithçka që kemi bërë është e ligjshme. Unë do të ekspozoj pjesën time në konfliktin e interesit, dua të tregoj fytyrën time sepse nuk kam asgjë për të fshehur, jam krenar për atë që bëjmë në “Kosmos”, ka thënë Pique.

“Ne donim të ndryshonim formatin e garës dhe ta bënim atë më interesant për shikuesit. Kjo solli më shumë të ardhura. Presidentit, Luis Rubiales, i pëlqeu shumë ideja. Arabia Saudite nuk ishte opsioni i vetëm. Shtetet e Bashkuara dhe Katari ishin në tavolinë gjithashtu. Në fund, ata vendosën të shkojnë në Arabinë Saudite”, sqaroi spanjolli.

Ai më pas arsyetoi përfitimet financiare të arritura nga ky operacion.

“Komisioni? Në botën ku jetojmë, është relativisht normale. Lëviz midis 10 dhe 15% dhe ne besuam se ishte në përputhje me atë që kërkojnë agjencitë për kryerjen e këtij lloji të menaxhimit. Komisioni është në përputhje me tregun”, tha në fund Pique.

Related Topics:
Continue Reading

Lajmet

Ylli i Barcelonës do t’i nënshtrohet operacionit

Published

41 minutes ago

on

September 23, 2025

By

Mesfushori i Barcelonës, Pablo Martín Páez Gavi, do t’i nënshtrohet një operacioni në gju për të trajtuar një dëmtim të meniskut, njoftuan kampionët e LaLigës.

21-vjeçari spanjoll, i cili këputi ligamentin e kryqëzuar anterior (ACL) në nëntor 2023, dëmtoi gjurin e djathtë në stërvitje në gusht, pasi luajti në dy ndeshjet e para të Barçës këtë sezon.

Ndërsa Barca nuk dha një afat kohor për rikuperimin e Gavit, mediat spanjolle raportuan se ai mund të mungojë për pesë deri në gjashtë javë.

“Gavi iu nënshtrua testeve intensive të stresit sportiv pasi përfundoi kursin e tij të trajtimit konservator për dëmtimin radial të meniskut të brendshëm në gjurin e djathtë “, tha Barca në një deklaratë të hënën.

Gavi u bashkua me La Masia-n, akademinë e famshme të të rinjve të FC Barcelona-s, në vitin 2015 nga Real Betis në moshën 11 vjeç. Ai u ngjit shpejt në radhët e ekipit falë vizionit të tij të jashtëzakonshëm, aftësisë teknike dhe agresivitetit në mesfushë.

Klubi katalanas ka humbur gjithashtu shërbimet e mesfushorit Fermin Lopez, i cili është përjashtuar për tre javë pasi pësoi një dëmtim të muskujve të këmbës në fitoren 3-0 ndaj Getafes të dielën.

Barca, e cila është dy pikë prapa liderëve të LaLiga-s, Real Madrid, do të udhëtojë drejt Real Oviedos në ligë të enjten./S.K/KP/

Continue Reading

Lajmet

Reagimi i parë i Dembélé pasi fitoi Topin e Artë

Published

3 hours ago

on

September 23, 2025

By

Ousmane Dembélé ka shprehur emocionet e tij të para pas triumfit historik në ceremoninë e Topit të Artë 2025, ku u shpall lojtari më i mirë në botë.

“Ka shumë gëzim, krenari dhe emocione. Ëndrra ime u bë realitet,” u shpreh ylli francez menjëherë pas marrjes së çmimit prestigjioz.

Ai nuk harroi të falënderonte ata që kanë qenë pranë tij gjatë gjithë rrugëtimit.

Ky është Topi i Artë i parë në karrierën e Dembélés, një arritje që vulosi një sezon spektakolar për sulmuesin e Francës dhe PSG-së./S.K/KP/

Continue Reading

Lajmet

KB ​Trepça pëson nga Heroes Den Bosch

Published

4 hours ago

on

September 23, 2025

By

KB Trepça pësoi humbje nga kampionia e Holandës, Heroes Den Bosch me shifrat 80:68 në çerekfinale të kualifikimeve për Ligën e Kampionëve.

Në përballjen që u zhvillua në Samokov të Bullgarisë, ‘Xehetarët’ dhanë maksimumin, e ishin të përkrahur nga një numër i madh i tifozëve mitrovicas që kishin udhëtuar për këtë sfidë.

Mitrovicasit e nisën ndeshjen më mirë, duke fituar çerekun e parë 19:27, por periudha e dytë ishte fatale 21:9, ku skuadra shkuan në pushim me rezultat 40:36.

Në pjesën e dytë, holandezët për një nuancë ishin më të mirë dhe fituan 80:68, për tu kualifikuar në gjysmëfinale të kualifikimeve për Ligën e Kampionëve.

Tashmë, Trepça do të jetë pjesë e grupeve në FIBA Europe Cup, për edicionin e dytë radhazi./S.K/KP/

Continue Reading

Lajmet

Dembele dhe Bonmatí fitojnë çmimet prestigjioze Ballon d’Or 2025

Published

6 hours ago

on

September 23, 2025

By

Në ceremoninë e zhvilluar në Paris në “Théâtre du Châtelet”, Ousmane Dembele dhe Aitana Bonmatí u shpallën futbollistët më të mirë në botë, duke fituar çmimet prestigjioze Ballon d’Or 2025.

Dembele, la pas Lamine Yamal dhe Vitinhan, u kurorëzua si lojtari më i mirë në kategorinë e meshkujve, ndërsa Bonmatí u vlerësua si futbollistja më e mirë në botë, përpara Mariona Caldentey dhe Alessia Russo.

Çmime të tjera kryesore:

Kopa Trophy (U21): Lamine Yamal (meshkuj) dhe Vicky Lopez (femra).

Gerd Müller Award (golashënuesi më i mirë): Viktor Gyökeres (meshkuj) dhe Eëa Pajor (femra).

Yachine Trophy (portieri më i mirë): Gianluigi Donnarumma (meshkuj) dhe Hannah Hampton (femra).

Johan Cruyff Trophy (trajneri më i mirë): Luis Enrique (meshkuj) dhe Sarina Ëiegman (femra).

Klubi i vitit: PSG (meshkuj) dhe Arsenal (femra).

Në garë ishin 30 kandidatë, por dy emra që dukeshin si favoritët kryesorë ishin Ousmane Dembélé i PSG-së dhe Lamine Yamal i Barcelonës./S.K/KP/

Continue Reading

Të kërkuara