

Lajmet nga UBT
Përfundoi suksesshëm aktivitetet Akademia Verore e Arkitekturës dhe Planifikimit Hapësinor në UBT
Bartësit e moduleve të kësaj akademie ishin personalitete të shquara në fushën e tyre, të cilët ndanë njohuritë dhe përvojën e tyre me pjesëmarrësit.
Published
2 years agoon
By
Betim GashiAkademia Verore e Fakultetit Arkitekturë dhe Planifikim Hapësinor ofroi një platformë të veçantë të diskutimeve, ligjëratave tematike nga ekspertë të fushës, vizita studimore dhe punëtori të ndryshme, duke u mundësuar pjesëmarrësve thellimin e njohurive rreth arkitekturës dhe planifikimit hapësinor.
Bartësit e moduleve të kësaj akademie ishin personalitete të shquara në fushën e tyre, të cilët ndanë njohuritë dhe përvojën e tyre me pjesëmarrësit, duke ofruar një perspektivë të pasur dhe të frytshme. Nëpërmjet ligjërimeve tematike dhe punëtorive praktike, pjesëmarrësit u njohën me teknikat dhe strategjitë e avancuara të arkitekturës dhe planifikimit hapësinor.
Bartësit e moduleve dhe emërtimi i moduleve të cilat janë trajtuar:
- “Green spaces planning and Landscape sustainable design” – Prof. Asoc. Dr. Nexhat Balaj;
- “Light as a Feature in Architectural Design” – MSc. Bard Bajçinovci;
- “Tiny House in Prishtina” – MA. Blend Dema & MSc. Zana Prelvukaj;
- “The same construction of three or more houses, social category or architectural value” – Prof. Dr. Nexhat Çoçaj;
- “Wooden furniture for School Buildings” – IDA. Zekë Islamaj & Prof. Dr. Lulzim Beqiri;
- “The impact of modern lighting technology on the sustainability of buildings” – Prof. Bashkim Shala;
- “Optimization in Built Heritage” – Prof. Phd. Bekim Çeko.
Kjo akademi solli një kontribut të rëndësishëm në rritjen e njohurive dhe aftësive të pjesëmarrësve në fushën e arkitekturës dhe planifikimit hapësinor. Ajo siguroi një mjedis të frytshëm për ndarjen e ideve dhe përvojave, duke përcjellë vlera të rëndësishme në fushën e arkitekturës dhe planifikimit të hapësirave.














Lajmet nga UBT
Nderohet në Tunizi veprimtaria artistike e profesoreshës së UBT-së, Dr. Marigona Bekteshi Ferati
Published
44 minutes agoon
May 8, 2025By
UBTnews


Lajmet nga UBT
Publikohet punimi shkencor i profesorit të UBT-së, Alfred Marleku dhe studentes Elona Belaj në revistën prestigjoze “Sage Journals”
Published
19 hours agoon
May 7, 2025By
UBTnews
Alfred Marleku, profesor i Shkencave Politike në UBT dhe studentja Elona Belaj kanë publikuar së fundmi një punim shkencor të titulluar “The influence of the Ukraine war on threat perceptions and security dynamics in the Western Balkans”, i cili është publikuar në revistën prestigjoze Sage Journals.
Ky punim ka për qëllim të shqyrtojë se si lufta Rusi-Ukrainë ka ndikuar në perceptimet e kërcënimit dhe strategjitë e sigurisë në vendet e Ballkanit Perëndimor, teksa studimi është fokusuar në analiza të thelluara për gjashtë shtete (Kosovë, Serbi, Maqedoni e Veriut, Mali i Zi, Shqipëri dhe Bosnje-Hercegovinë).
Sipas studimit, vendet pro-perëndimore si Kosova, Shqipëria dhe Mali i Zi janë gjithnjë e më shumë me NATO-n dhe BE-në për të kundërshtuar agresionin e perceptuar rus, ndërsa në anën tjetër Serbia vijonë të ruaj një lidhje të fortë me Moskën.
Ky studimi nga profesori Alfred dhe studentja Elona Belaj trajton teorinë shumëdimensionale të sigurisë të Barry Buzan dhe teorinë e balancimit të kërcënimit të Stephen Walt, duke analizuar ndërveprimin midis trashëgimive historike, dobësive ekonomike dhe dinamikës së jashtme gjeopolitike.
Prof. Alfred Marleku shprehet se ky punim paraqet një rezultat të mësimdhënies së orientuar drejt hulumtimit, një qasje që prej vitesh aplikohet në Fakultetin e Shkencave Politike në UBT.
“Artikulli është rezultat i mësimdhënies së orientuar kah hulumtimi – një qasje që prej vitesh aplikohet në Fakultetin e Shkencave Politike në UBT, ku studentët përfshihen drejtpërdrejt në kërkime, duke fituar dije teorike dhe shkathtësi praktike të rëndësishme për profesionin”.
Publikimi i punimeve shkencore nga profesorët dhe studentët e UBT-së, në revista prestigjoze ndërkombëtare, krijon një imazh të mirë si brenda ashtu dhe jashtë Kosovës, duke dëshmuar angazhimin e stafit akademik për hulumtime në fusha të ndryshme.
Lajmet nga UBT
UBT organizon Akademi Përkujtimore në nder të Prof. Dr. Mufail Salihaj
Published
2 days agoon
May 6, 2025By
UBTnews
UBT organizoi një Akademi Përkujtimore për të nderuar jetën dhe veprën e Prof. Dr. Mufail Salihaj – profesor i shquar, studiues i palodhur dhe intelektual i devotshëm, i cili për dekada me radhë dha një kontribut të jashtëzakonshëm në arsimin e lartë në Kosovë dhe në formimin e shumë brezave të studentëve.
Kjo ngjarje përkujtimore u zhvillua në nderim të një figure të botës akademike shqiptare, i cili me urtësinë, dijen dhe përkushtimin e tij, la gjurmë të pashlyeshme në mendjet dhe zemrat e të gjithëve që patën fatin ta njihnin dhe të punonin me të.
Në fjalën e tij para të pranishmëve, Rektori i UBT-së, Prof. Dr. Edmond Hajrizi, shprehu dhimbjen për ndarjen nga jeta të profesorit Salihaj, duke theksuar rolin e tij thelbësor në ngritjen e cilësisë së arsimit dhe promovimin e vlerave akademike:
“Me dhimbje të thellë jemi mbledhur sot për të nderuar kujtimin dhe jetën e një njeriu të rrallë, një profesori, studiuesi dhe intelektuali të shquar – Prof. Dr. Mufail Salihaj. Lajmi për ndarjen e tij të parakohshme nga jeta ka lënë një boshllëk të madh në zemrat tona dhe një mungesë të pashlyeshme në botën akademike të vendit tonë. Ai ishte një njeri i ditur, i urtë, i përkushtuar dhe mbi të gjitha – një njeri i madh në shpirt dhe zemër. Humbja e tij është një humbje për të gjithë ne, por gjithashtu një mundësi për të reflektuar mbi vlerat që ai përfaqësonte dhe për të vazhduar rrugën e dijes që ai na la trashëgim”.
Në këtë akademi morën pjesë anëtarë të stafit akademik, studentë, miq, familjarë dhe bashkëpunëtorë të profesorit, të cilët ndanë kujtime dhe vlerësime për figurën e tij si njeri, pedagog dhe studiues.
I pranishëm në këtë ngjarje ishte edhe Kryetari i Komunës së Shtimes, Dr. Qemajl Aliu, i cili ndau me të pranishmit vlerësimin dhe mirënjohjen e tij për figurën dhe veprën e Prof. Dr. Mufail Salihaj:
“Profesori Mufaili jetoi me modestinë e njeriut të ditur dhe veproi me bindjen e palëkundur se shoqëria përparon kur ne, të gjithë bashkë, japim më të mirën prej vetes. Ai mbolli dijen me dashuri dhe nga dora e tij kanë dalë breza të tërë studentësh, të cilët sot mbajnë përgjegjësi të rëndësishme në fusha të ndryshme të jetës sonë intelektuale dhe kombëtare. Edhe përtej figurës publike, Prof. Mufaili ishte njeri i jashtëzakonshëm, para së gjithash në rrafshin njerëzor: i dashur, i dhembshur, gjithmonë i gatshëm të dëgjonte, të kuptonte, të ndihmonte secilin, i papërtuar dhe i vendosur”.
Prof. Dr. Mufail Salihaj do të kujtohet si një njeri i dijes, urtësisë dhe përkushtimit të pashembullt, që i dha shumë Kosovës në rrugëtimin e saj arsimor dhe intelektual.
Lajmet nga UBT
Inteligjenca Artificiale në fokus: UBT sjell ekspertizën në Qendrën DIG-4K
Published
2 days agoon
May 6, 2025By
UBTnews
Rektori i UBT-së, Prof. Dr. Edmond Hajrizi, së bashku me Prof. Vehbi Sofiun, Drejtor i Kampusit të UBT-së në Prizren, dhe Prof. Besnik Skenderin, Drejtor i Departamentit për Edukim dhe Zhvillim Profesional në UBT, morën pjesë në ceremoninë zyrtare të lansimit të Qendrës për Ekselencë në Inovacion Digjital “Digital Innovation Gateway for Kosovo – DIG-4K”.
Kjo qendër, e para e këtij lloji në Kosovë, u lansua në kuadër të programit Evropa Digjitale, të cilin Kosova e nënshkroi me Bashkimin Evropian në vitin 2023. DIG-4K tashmë është bërë pjesë e Rrjetit të Qendrave Evropiane të Inovacionit Digjital (EDIH) dhe synon të nxisë zhvillimin digjital në sektorë kyç të ekonomisë dhe shoqërisë.
DIG-4K do të ofrojë mbështetje të specializuar për ndërmarrjet e vogla dhe të mesme (NVM-të), si dhe për organizatat publike, përmes qasjes në teknologji të avancuara si cloud computing, siguri kibernetike, inteligjencë artificiale, dhe mjete të tjera digjitale të nivelit të lartë. Ajo gjithashtu do të mbulojë fusha strategjike si e-commerce, fintech, shëndetësia, arsimi, dhe bujqësia.
UBT, si partner në këtë qendër të rëndësishme, do të japë kontribut të drejtpërdrejtë përmes ekspertizës së saj në inteligjencën artificiale, duke ofruar trajnime të avancuara, mentorim profesional dhe ndihmë në zhvillimin e zgjidhjeve digjitale për bizneset dhe institucionet publike që aplikojnë për mbështetje në kuadër të DIG-4K.
Kjo pjesëmarrje e UBT-së konfirmon edhe njëherë rolin e saj udhëheqës në avancimin teknologjik dhe edukimin e gjeneratave të reja me njohuritë më të fundit në fushat më kërkuese të kohës.

Kardinalët votojnë sot përsëri për ta zgjedhur papën e ri

Ankthi i heshtur: Si manifestohet te gratë dhe pse nuk merret seriozisht?

Nderohet në Tunizi veprimtaria artistike e profesoreshës së UBT-së, Dr. Marigona Bekteshi Ferati

Cardi B i përgjigjet komenteve negative për paraqitjen e saj në Met: Isha e lodhur

Vance: SHBA dhe Evropa në të njëjtin ekip, qesharake të mendosh për një përçarje

Pakistani pezullon fluturimet në katër aeroporte

Qetësi në qytetet ukrainase në orët e para të armëpushimit të shpallur nga Kremlini

A janë të sigurta pijet me kafeinë për personat me diabet?

AUDI prezanton modele hibride gjatë verës
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet4 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim