Aktualitet

Perëndimi e shmangu humnerën, po tani?

Aseti më i madhe i Xho Bajden është se ai nuk është Donald Trump.

Publikuar

Nga Edward Lucas

Gjatë 4 viteve të fundit, aleatët e SHBA-së ankoheshin në prag të samiteve ndërkombëtare, duke pasur frikën e ndonjë sulmi të fortë verbal apo ndonjë surprize të pakëndshme nga Trump.

Stili gazmor dhe multilateralizmi i përzemërt i presidentit Bajden, garantuan një Samit miqësor dhe produktiv të G-7 në Kornwall. Ai hodhi themelet për një samit të ngjashëm optimist të NATO-s në Bruksel. Fjalët janë të lira, ndërsa veprimet të kushtueshme.

Misioni i vërtetë është krijimi i një koalicioni efektiv të demokracive, për t’iu kundërvënë Rusisë dhe Kinës. Sjellja miqësor mund ta ndihmojë, por nuk e garanton domosdoshmërisht atë. Nëse do që të udhëheqësh, atëherë duhet të paguash për të. Për shembull, riparimi i epërsisë në diplomacinë globale të vaksinave, do të thotë të shpenzosh dhe jo vetëm të paguash për të huajt paratë e taksapaguesve të tu.

Disa votues në vendet perëndimore, do të duhet të presin për vaksinën e tyre,në rast se do të vaksinohen para tyre punonjësit e kujdesit shëndetësor në vendet e varfra. Proteksionizmi e prish unitetin  e Perëndimit. Të rifitosh ndikimin global në qeverisjen ekonomike, do të thotë të ndërtosh struktura të forta ndërkombëtare për vendosjen e rregullave, si Partneriteti i Tregtisë Transatlantike dhe i Investimeve (TTIP) dhe Partneriteti i Transpaqësorit (TPP), të braktisura me aq mendjelehtësi në epokën Obama dhe Trump.

Por propozime të tilla kanë aromën e liberalizimit të tregtisë, që është toksike në ditët e sotme për punëtorët e jakave-blu që i dhanë Partisë Demokratike në SHBA fitoren e ngushtë në zgjedhjet e nëntorit 2020. Ato nuk janë shumë popullor as në Evropë.

Brenda vetes dhe ndërkombëtarisht, Perëndimi është mbajtur bashkë nga besimi, një cilësi që ndërtohet ngadalë po që mund të gërryhet shumë shpejt. Vitet e presidencës Trump, ishte personifikim i mënyrës se si shumë amerikanë ndihen të zhgënjyer dhe të mashtruar nga aleatët e tyre të supozuar:të pasur por sërish koprracë, të vetëkënaqur dhe mosmirënjohës. Por për shumë vende aleate, epoka e “Amerika e Para” ishte shumë e vrazhdë. Për herë të parë në historinë e NATO-s, një president amerikan po hidhte dyshime mbi garancinë amerikane të sigurisë për Evropën. Ishte vetëm një devijim nga rregulli? Apo do të kthehet sërish? Planet e emergjencës, duhet të përfshijnë një të ardhme me një nivel të ulët besimi.

Tani pyetja është se si të shpërndahen perceptimet në Kinë dhe Rusi, se Perëndimit mund të sulmohet pa pësuar ndonjë ndëshkim. Shembujt e agresioneve të fundit përfshijnë krimin kibernetik (i organizuar kryesisht në Rusi); provokimet nga marina kineze; rrëmbimi i avionëve nga Bjellorusia dhe shantazhi i pritshëm përmes i Kremlinit kundër Ukrainës përmes furnizimeve energjitike.

Strategjia frenuese e Perëndimit ndaj këtyre sjelljeve, është dukur rrallëherë më e dobët sesa kaq. Ç’është më e keqja, në Shtëpinë e Bardhë dominon ideja se SHBA duhet të “parkojë” çështjen e Rusisë, në mënyrë që të përqendrohen më pas tek Kina.

Por kjo qasje është e gabuar. Rusia nuk dëshiron të “parkohet”. Përkundrazi Kremlini dëshiron të vozisë në mes të rrugës, duke ndezur dritat, muzikën në kupë të qiellit, duke kthyer kokën majtas djathtas dhe duke bllokuar trafikun.

Çdo vëmendje e madh ndaj Kinës, krijon perceptimin se SHBA-ja po neglizhon sigurinë evropiane. Kjo gjë krijon menjëherë hapësirë ​​për sjelljet dashakeqe të Kremlinit. Si mund të shpëtojmë nga kjo gjë? Sa duhet të paguajë Amerika për të parandaluar një krize?

Vendet evropiane mund të mbajnë mbi supe më shumë barrë teksa “ombrella” e SHBA-së pëson të çara. Mjerisht ajo ditë është ende e largët. Vendet nordike dhe baltike plus Poloninë, janë duke e vlerësuar shumë mirë mbrojtjen e tyre.

Por ato janë ende shumë të varura nga ndihma e SHBA-së. Ndërgjegjësimi për kërcënimin nga Kina po rritet, por kjo po ndodh shumë ngadalë. Në shumicën e fronteve, Evropa nuk përmbush as angazhimet e veta për mbrojtjen, e lëre më pastaj të jetë në lartësinë e sfidave më të forta të vendosura nga bota e jashtme.

Kryesore midis këtyre sfidave është realiteti i konkurrencës globale të fuqive të mëdha. Në pjesën më të madhe të Afrikës, Azisë dhe Amerikës Latine, udhëheqësit e G7-ës janë apostujt e një të djeshmeje më të mirë.

Ato përfaqësojnë ato që dikur ishin vendet më të rëndësishme dhe tërheqëse të botës, por që tanimë shihen si të pavendosura, si të përqendruara vetëm tek vetja dhe në rënie e sipër. Rindërtimi i këtij reputacioni të kompetencës dhe integritet, dhe i ndikimit që e shoqëron atë, është shumë jetik. Ne sapo e kemi filluar këtë proces. / “Center for European Policy Analysis”

Bota

Gjermanët po punojnë gjithnjë e më pak nga shtëpia dhe po kthehen në zyra

Publikuar

nga

Një numër në rritje i gjermanëve po kthehen në punë në zyra dhe punë të tjera, dhe vetëm një e katërta vazhdojnë të punojnë të paktën pjesërisht nga shtëpia, raportoi sot Instituti Ekonomik Ifo.

Pas një viti e gjysmë të pandemisë koronavirus, një e katërta (25.5 për qind) e gjermanëve në korrik ishin ende duke bërë një pjesë të punës nga shtëpia, ose më pak se rezultati i qershorit 28.4 për qind.

Instituti raportoi se rezultati nuk është vetëm pasi detyrimi i qeverisë për të lejuar kompanitë të lejojnë punonjësit e tyre të punojnë nga shtëpia skadoi në fund të qershorit.

“Njerëzit përsëri kërkojnë kontakt personal në zyra,” tha ekonomisti pranë Ifo, Jean-Victor Alipour.

Punëtorët në sektorin e shërbimeve vazhdojnë të punojnë nga shtëpia në numër më të madh, veçanërisht në media. Sidoqoftë, pati një rënie të mprehtë edhe në këtë sektor, pasi 37 për qind e punonjësve punonin herë pas here nga shtëpia në korrik ose pothuajse gjysmë më pak se në qershor.

Vazhdo të lexosh

Aktualitet

6 ishuj të qetë dhe pa COVID në Greqi që mund t’i vizitoni këtë verë

Publikuar

nga

Pasi një fushatë e suksesshme vaksinimi i bëri shumë prej 6,000 ishujve grek, të njiheshin si ishujt e parë pa-COVID, përhapja e variantit Delta e ka ndryshuar paksa peizazhin e këtij sezoni turistik.

Greqia u hap zyrtarisht për turistët në pranverë 2021, duke shpresuar se kjo do të ndihmonte rimëkëmbjen ekonomike nga humbjet e mëdha që sollën masat shtrënguese gjatë pandemisë. Parajsa mesdhetare tërheq turma turistësh diell-dashës çdo sezon veror. Më saktë, më tepër se 34 milionë turistë e vizituan Greqi në 2019-ën, (më shumë se 3 herë sa popullsia e këtij shteti), por në 2020-ën, ky numër ra me 78%.

Në fund të 2020, qeveria greke nisi një fushatë ambicioze për të vaksinuar çdo banues në ishujt me më pak se 1,000 banorë. Kjo nismë u quajt ‘Eleftheria’ ose Liria. Në disa raste suksesi ishte i përkohshëm, ndërsa ishuj të tjerë mbeten pa-COVID ende sot e kësaj dite.

Qeveria greke ka krijuar edhe një hartë interaktive, ku turistët dhe vendasit mund të shohin normat e infeksioneve me COVID në të gjithë vendin. Ndërkohë që pika të famshme turistike si Rodosi apo Mikonos po kalojnë një kohë të vështirë me infektimet, ishujt që njihen më pak mund të jenë zgjidhje më e mirë për disa pushime relaksuese.

Kjo është lista e përgatitur nga Euronews e 6 ishujve grek që duhet detyrimisht t’ia shtoni listës suaj këtë vit.

6 – Kastelorizo

Kastelorizo, i njohur zyrtarisht si Megisti, ishte ishulli i parë në Greqi që u vaksinua plotësisht. Në fakt, të gjithë banorët e këtij ishulli të vogël janë vaksinuar që nga fundi i Janarit. Ndërkohë që më shumë se 90% e vendasve janë të punësuar në industrinë e turizmit, ky ishull pa dyshim ja vlen t’i shtohet listës së vendeve që duhen parë në 2021-in.

5 – Karpathos

I ndodhur në mes dy gjigandëve turistik si Kreta dhe Rodosi, ky thesar i Detit Egje jugor shpesh kalon pa u parë, por kushdo që e bën këtë është duke humbur një mundësi të artë.

Banorët e Karpathos-it janë të përkushtuar ndaj mbajtjes gjallë të traditave të paraardhësve të tyre dhe kjo mund të shihet sidomos në ushqimin, muzikën dhe vallet e tyre. Një atraksion që nuk duhet humbur janë rrënojat e akropolit antik në kryeqytetin Pigadia.

4. Thymena 

Me emrin e bazuar tek bima e ‘trumzës’ që lulëzon në kodrat përreth, Thimena është ishulli i dytë më i madh në arkipelagun Fourni. Me një popullsi jo të dendur, një pikë që nuk duhet humbur në këtë ishull është manastiri në majë të njërës prej kodrave. Thymena mund të arrihet me anë të  një udhëtimi të shkurtër me traget dhe pjesa më e madhe e vizitorëve preferojnë të vijnë për disa orë në vend që të kalojnë natën.

3 –  Astypalaia

I njohur si ‘Flutura e Egjeut’, ky ishull ofron pamje, kuzhinë dhe histori plot shpirt.

Qyteti kryesor Hora gjendet nën hijen e një kështjelle të shekullit të 13-të mbi kodër, dhe pemët e portokallit dhe vreshtat e rrushit e rrethojnë të gjithë pjesën tjetër të ishullit. Plazhet në Astypalaia-s janë të thjeshtë, pa shumë urbanizim dhe lagen nga ujëra të kaltër e të tejdukshëm. Ngjitja në mal është një aktivitet popullor në këtë ishull, së bashku me banjat e famshme që nuk duhen humbur.

2.  Meganisi

Meganisi nuk është një destinacion turistik po aq i famshëm sa të tjerë ishuj grek. Kjo e bën atë vendin perfekt për dikë që kërkon një eksperiencë në ishujt e Greqisë pa qenë nevoja të gjendet mes turmave të turistëve.

Mbase një mënyrë tjetër për ta përjetuar Meganisin është me anë të një udhëtimi një-ditor pasi ai ndodhet vetëm 30 minuta larg me traget nga ishulli tjetër më i njohur i Nydri-t.

Diçka që e bën këtë ishull të dallojë janë plazhet me gurë dhe shkëmbinj dhe fakti që të gjithë banorët janë të vaksinuar e bën këtë vend edhe më tërheqës për vizitorët.

1. Anafi

Diku larg (goxha larg) zhurmës dhe qytetit është ishulli jo tepër i njohur i Anafi-t. Anafi nuk ka një sektor turistik mjaft të zhvilluar dhe kjo e bën atë perfekt për këdo që kërkon një përvojë autentike larg infrastrukturës dhe investimeve urbane.

Të vetmet dyqane në Anafi janë mini-marketet në një qytezë me emrin Chora dhe ecjet janë një aktivitet goxha popullor mes vizitorëve pasi automjetet janë të pakta në numër në këtë ishull.

Një nga atraksionet e Anafi-t është kamping falas dhe sigurisht plazhet magjepsës./euronews.al

Vazhdo të lexosh

Bota

MacKenzie Scott dhe Melinda French Gates dhurojnë 40 milionë dollarë për barazinë gjinore

Publikuar

nga

MacKenzie Scott dhe Melinda French Gates do të japin 40 milionë dollarë për katër organizata që promovojnë barazinë gjinore.

Projektet, të cilat u shpërblyen me 10 milionë dollarë secila, janë të fokusuara në barazinë gjinore për teknologjinë, arsimin e lartë dhe komunitetet në pakicë. Një shumë shtesë prej 8 milion dollarësh u nda midis dy finalistëve që punuan për dhunën në familje dhe trajnuan gratë të reja. Fituesit u përzgjodhën nga një grup prej më shumë se 550 aplikantësh.

“Ne mund të thyejmë modelet e historisë dhe të avancojmë barazinë gjinore, por ne duhet të angazhohemi për ngritjen e organizatave, si ato që marrin çmime sot, që janë gati për të rritur fuqinë e vajzave dhe grave”, tha French Gates në një deklaratë. Scott shtoi se fituesit janë “ekipe të forta që punojnë në vijën e parë të frontit dhe brenda komuniteteve për të fuqizuar gratë në jetën dhe karrierën e tyre”.

Në qershor, Scott dhuroi 2.7 miliardë dollarë për qindra organizata të fokusuara në një sërë cështjesh. Dhjetorin e kaluar, Scott njoftoi se 4.2 miliardë dollarë donacione janë dhënë për qindra organizata.

Scott ka një pasuri neto prej më shumë se 64.1 miliardë dollarë, sipas Indeksit të Miliarderëve të Bloomberg. Scott u bë një nga gratë më të pasura në botë pas divorcit të saj nga themeluesi dhe kryetari ekzekutiv i Amazon Jeff Bezos në vitin 2019, gjë që e la atë me 4% të aksioneve në Amazon. Ish-burri i saj është njeriu më i pasur në botë.

Fondacioni Bill dhe Melinda Gates gjithashtu tha në qershor se do të shpenzojë 2.1 miliardë dollarë gjatë pesë viteve të ardhshme për barazinë gjinore. French Gates, gruaja e bashkëthemeluesit të Microsoft Bill Gates për 27 vjet, shërben si bashkëkryetare e fondacionit. Çifti njoftoi divorcin e tyre në maj të këtij viti./dritare.net

Vazhdo të lexosh

Bota

“Ishulli i koronës” në Estoni

Publikuar

nga

Një ishull i Estonisë, i quajtur Saaremaa, ka marrë pseudonimin nga banorët lokalë si “ishulli i koronës”.

Kjo pasi është bërë vatër e nxehtë e koronavirusit dhe njerëzit janë urdhëruar të karantinohen.

Askush nuk mund të ikë apo të hyjë në ishull pa një leje. Ekspertët shprehen se numri i të sëmurëve bazuar me popullsinë është më i larti në Europë.

Ata llogarisin që gjysma e banorëve të jenë infektuar nga koronavirusi.

“Situata e infeksioneve me Covid-19 në Saaremaa dhe Kuressare është shumë serioze. Mund të kemi deri në 1 000 persona që do të kërkojnë hospitalizim deri më 20 Prill. Kemi nevojë për ndihmë”, tha doktori Edward Laane.

Saaremaa ka 33 mijë banorë. Një pjesë e të sëmurëve po dërgohen në Estoni për të marrë ndihmën mjekësore. Sipas specialistëve shkak për përhapjen e koronavirusit janë bërë dy ndeshje volejbolli.

Skuadra lokale udhëtoi një muaj më parë në Milano, ku dyshohet se janë infektuar atje. Më pas, në ishull u zhvillua një ndeshje tjetër ku morën pjesë rreth 1 000 tifozë.

Këtu ka nisur edhe përhapja masive. Ekspertët dyshojnë se shkak për shpërndarjen masive të koronavirusit është bërë edhe një festival.

Në një vend, ku pothuajse gjysma e banorëve janë infektuar, bizneset mundohen që të mbijetojnë online. Supermarketet ua dërgojnë në shtëpi ushqimet personave që porosisin. /KultPlus

Vazhdo të lexosh

Të kërkuara