Aktualitet

PDK: Ftojmë të gjithë deputetët ta votojnë nesër Projektligjin për trustin

Published

3 years ago

on

Partia Demokratike e Kosovës përmes një konference për media sërish ka kërkuar nga deputetët e të gjitha partive politike që nesër në seancën e Kuvendit të Kosovës të votojnë pro pikës për tërheqjen e mjeteve nga Trusti, për t’i ndihmuar qytetarët e Kosovës të cilët nga fillimviti 2020 po përballen me krizën financiare.

Deputeti i PDK-së, Bekim Haxhiu u shpreh se nesër bëhen 100 ditë prej kur Projektligjin për trusin e kanë dërguar në Kuvend, por trajtimi i tij është shtyrë nga pushteti i Albin Kurtit, sipas tij, me qëllim që të ushtrohet presion mbi deputetët që të mos e përkrahin këtë projektligj.

Ai tha se sipas deklarimeve të djeshme të pasurisë u pa që shumë politikanë përfshirë edhe drejtorin e Fondit Pensional i kanë tërhequr mjetet nga Trusti, dhe se e njëjta nuk duhet t’iu ndalohet qytetarëve.

“Nesër bëhet dita e 100-të prej kur ne kemi dorëzuar Projektligjin për trustin në Kuvend, pushteti i Albin Kurtit në vazhdimësi e ka shtyrë trajtimin e këtij projektligji duke shkel edhe rregulloren e punës së Kuvendit të Kosovës. Kjo shtyrje është bërë me qëllim që të ushtrohet presion mbi deputetët për të mos e votuar një kërkesë të qytetarëve që tu mundësohet tërheqja e mjeteve nga Trusti. Derisa miratimi i Ligjit për trustin është shtyrë plot 100 ditë, kriza ekonomike ka shkuar duke u thelluar edhe më shumë. Andaj, si deputetë në emër të PDK-së i ftojmë të gjithë deputetët pa dallim pozitë dhe opozitë që të mbështesin me votë Projektligjin për trusin. Ata janë të zgjedhur me votë të qytetarëve dhe duhet të votojnë për kërkesën e qytetarëve. E kemi parë që shumë politikanë dhe familjarë të vet kanë tërhequr mjete nga Trusti dhe është e pamoralshme që kjo të mos u mundësohet qytetarëve. Kur edhe vetë drejtori i Trustit ka tërhequr mjetet nga trusti atëherë pse kjo tu ndalohet atyre që kanë kursime”, u shpreh ai.

Ai tha se me miratimin e këtij projektligji përfitojnë rreth 700 mijë qytetarë që kanë kursime në Trust, ndërsa propozoi që Qeveria përmes buxhetit të shtetit të mbështesë me nga 100 euro në vazhdimësi rastet sociale, të papunët dhe pensionistët, deri në hartimin e përbashkët të reformës pensionale.

“Edhe Hekuran Murati por edhe Qeveria gjatë kësaj periudhe kohore ka qëndruar vëzhguese e situatës të krizës ekonomike pa ndërmarrë asnjë masë sa i përket edhe inflacionit edhe krizës ekonomike. Ka kontradikta në deklarimet e tij. Ai vetë e ka thënë se inflacioni është i importuar dhe nuk buron nga Kosova. Ekonomistët dhe njohësit e mirë të fushës së ekonomisë këtë tërheqje të parasë e shohin si potencial për zhvillimin ekonomik edhe për bizneset dhe se është fatkeqësi për vendin që në këtë kohë krize kemi një ministër të Financave të paaftë çfarë është Hekuran Murati”, theksoi Haxhiu.

Kurse, anëtarja e kryesisë së PDK-së, Safete Hadergjonajtha se PDK-ja është kundër një qeverisje mashtruese dhe pa alternativë, e cila çdo ditë e varfëron qytetarin e Kosovës.

“PDK është kundër një qeverisjeje mashtruese dhe pa alternativë, jemi kundër një forme të tillë të qeverisjes që çdo ditë e varfëron qytetarin e Kosovës. Në këtë situatë kur Qeveria nuk ka ndërmarrë asnjë masë për të lehtësuar jetën e qytetarëve, atëherë ka mbetur e vetmja zgjidhje për qytetarët tërheqja e mjeteve të tyre të kursimit në Fondin e Kursimeve Pensionale. Ne do të donim që Qeveria, kur për çdo ditë ka rritje të çmimeve, të merrte veprime urgjente për t’ua lehtësuar jetën qytetarëve qoftë përmes rritjes të pagës së të punësuarve… Në rrethana të tilla ne e shohim si të domosdoshme tërheqjen e mjeteve të Trustit, tërheqjen e mjeteve të veta qytetarët në mënyrë që ta tejkalojnë këtë periudhë krize kur Qeveria po rri në shtëpi dhe po jeton fortë e relaksuar dhe pa asnjë ndërhyrje për ta lehtësuar jetën e qytetarëve”, theksoi ai.

Related Topics:
Continue Reading

Aktualitet

Kurti: Nuk jemi prishur me Amerikën, bëhet fjalë për pezullim të planifikimit të dialogut strategjik

Published

29 minutes ago

on

September 19, 2025

By

Kryeministri në detyrë, Albin Kurti, në mbledhjen e 269-të të Qeverisë, ka sqaruar se vendimi i Shteteve të Bashkuara të Amerikës lidhet vetëm me pezullimin e planifikimit të dialogut strategjik dhe jo me ndërprerjen e tij.

Kryeministri Kurti ka theksuar se marrëdhëniet me SHBA-në janë dhe do të mbeten të qëndrueshme dhe se nuk ka prishje të raporteve, mes Kosovës dhe SHBA-së.

“Së pari duam të qartësojmë për qytetarët tanë se bëhet fjalë për pezullim e planifikimit për dialog strategjik, jo të dialogut strategjik si proces të nisur as të komunikimit të rregullt që ne kemi. Nuk jemi prishur me Amerikën, por kemi disa dallime. I siguroj qytetarët se qeveria jonë i trajton seriozisht deklaratat e Ambasadës Amerikane. Në diplomaci kemi dallime në raport me Serbinë dhe veprimet e saj në Kosovë. Bashkëpunimi ushtarak po vazhdon. Marrëdhëniet janë të thella”, tha Kurti në mbledhje./S.K/EO.

Continue Reading

Aktualitet

Plagosje me armë zjarri në Viti, i dyshuari në arrati

Published

42 minutes ago

on

September 19, 2025

By

Policia e Kosovës ka njoftuar se është plagosur një person me armë zjarri dje në Viti.

Në raportin 24 orësh të policisë bëhet e ditur se i dyshuar është larguar në drejtim të panjohur.

Sipas policisë, plagosja ka ndodhur me armë të gjuetisë.

“Viktima mashkull kosovar, ka pësuar lëndime nga arma e zjarrit, pasi që i dyshuari mashkull kosovar (për motive të panjohura), dyshohet se ka shtënë me armë gjuetie në drejtim të tij. Viktima për shkak të lëndimeve është dërguar për tretman mjekësor në QE-në Gjilan, ndërsa i dyshuari është larguar në drejtim të panjohur”, thuhet në raportin policor./S.K/EO/PK/

Continue Reading

Aktualitet

Rritje shqetësuese e dhunës në familje, vrasje në tentativë dhe aksidente në raportin 24‑orësh të Policisë së Kosovës

Published

1 hour ago

on

September 19, 2025

By

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2573 tiketa trafiku, janë shkaktuar 46 aksidente me dëme materiale dhe 26 aksidente me të lënduar. Zyra e Informimit nga PK ka njoftuar se 17 persona janë arrestuar, kurse 11 janë dërguar në mbajtje.

 INCIDENTET KRIMINALE-PRISHTINË

 LËNDIM I LEHTË TRUPOR & POSEDIM I NARKOTIKËVE

Rr. Lidhja e Pejës, Prishtinë 18.09.2025-20:00.  Është arrestuar i dyshuari mashkull kosovar, pasi që i njëjti pas një mosmarrëveshje e ka sulmuar fizikisht viktimën femër kosovare derisa kishte qenë në shoqëri me të e cila ka pranuar trajtim mjekësor. Gjatë kontrollit i është gjetur dhe konfiskuar një sasi e vogël substancë që dyshohet të jetë narkotike e llojit marihuanë. Me vendim të prokurorit i dyshuari është dërguar në mbajtje.

DHUNË NË FAMILJE

Podujevë 15.09.2025 – 13:30. Me 18.09.2025 është intervistuar i dyshuari mashkull kosovar, nën dyshimin se me datën e cekur ka ushtruar dhunë fizike ndaj viktimës bashkëshortes së tij dhe po ashtu dyshohet se e ka detyruar viktimën të largohet nga shtëpia. Në konsultim me prokurorin, i dyshuari pas intervistimit është liruar në procedurë të rregullt.

VRASJE NË TENTATIVË & SH. RR. P.& ARMËMBAJTJE PA LEJE

Prishtinë 13.09.2025-18:28.  Lidhur me rastin është raportuar se me 18.09.2025 janë arrestuar tre të dyshuar meshkuj kosovarë dhe gjatë kontrollit në vendbanimet e tyre dhe në një veturë pronë e njërit prej tyre,  janë gjetur dhe konfiskuar : një armë e shkurtër – pistoletë dhe një AK-47. Tre të dyshuarit janë intervistuar dhe me vendim të prokurorit janë dërguar në mbajtje.

RASTET TJERA/ NGJARJET:

PERSON I ZHDUKUR

Rr. Dardania, Fushë Kosovë 14.09.2025 – 18:00.  Me datë 18.09.2025 ankuesja ka raportuar se djali i saj i mitur, me datën e cekur ka dalë nga shtëpia dhe nuk dihet vendndodhja e tij.  Rasti është duke u hetuar.

Rr. Bedri Bajrami, Podujevë 14.09.2025 – 12:00. Ankuesi ka informuar se vajza e tij është larguar nga shtëpia dhe nuk është kthyer më. Rasti është duke u hetuar.

INCIDENTE KRIMINALE-GJILAN

VRASJE NË TENTATIVË

Fsh. Debëlldeh, Viti 18.09.2025 – 14:25. Viktima mashkull kosovar, ka pësuar lëndime nga arma e zjarrit, pasi që i dyshuari mashkull kosovar (për motive të panjohura), dyshohet se ka shtënë me armë gjuetie në drejtim të tij. Viktima për shkak të lëndimeve është dërguar për tretman mjekësor në QE-në Gjilan, ndërsa i dyshuari është larguar në drejtim të panjohur. Njësitet policore në konsultim e koordinim me prokurorin gjatë bastisjes në shtëpinë dhe objektet përcjellëse të dyshuarit kanë gjetur dhe konfiskuar: 1-pushkë gjysmë automatike, 1-pushkë pneumatike, 1-pistoletë me gaz, 149-fishekë, 3-gëzhoja dhe 2-DVR të kamerave të sigurisë. Rasti duke u hetuar.

DHUNË NË FAMILJE

Gjilan 17.09.2025 – 23:30. Është arrestuar i dyshuari mashkull kosovar, pasi që dyshohet se kishte sulmuar fizikisht babanë e tij viktimën mashkull kosovar. Me vendim të prokurorit, i dyshuari është dërguar në mbajtje.

INCIDENTE KRIMINALE-FERIZAJ

Asgjë me rëndësi për të raportuar.

 INCIDENTE KRIMINALE-PRIZREN

DHUNË NË FAMILJE

Suharekë 18.09.2025 – 15:30. Është arrestuar i dyshuari mashkull kosovar, pasi që dyshohet se ka sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.  

VJEDHJE E VETURËS

Fsh. Landovicë, Prizren 18.09.2025 – 02:05. Ankuesi mashkull kosovar, ka raportuar se persona të panjohur (gjatë natës) i kanë vjedhur veturën me targa vendore, të cilën e kishte të parkuar në oborrin e tij.  Lidhur me rastin është informuar edhe prokurori, ndërsa njësitet policore janë duke hetuar rastin.

Raport shtesë:

KULTIVIM I BIMËS SË HASHASHIT, SHKURRES SË KOKAINËS OSE BIMËVE TË KANABISIT  

Fsh. Maqitevë, Suharekë 16.09.2025 – 17:30. Lidhur me rastin, sistemi për ujitje dhe disa pajisje që kanë shërbyer për mbjellje të bimëve narkotikë janë asgjësuar me vendim të prokurorit. Rasti është duke u hetuar.

INCIDENTE KRIMINALE-PEJË

Asgjë me rëndësi për të raportuar.

INCIDENTET KRIMINALE-GJAKOVË

DHUNË NË FAMILJE

Gjakovë 17.09.2025 – 19:00. Me 18.09.2025 është arrestuar i dyshuari mashkull kosovar, nën dyshimin se me datën e cekur në gjendje të dehur ka fyer dhe sulmuar fizikisht viktimatbashkëshorten dhe vajzën e tij të mitur. Viktimat kanë refuzuar tretmanin mjekësor, ndërsa i dyshuari pas intervistimit me vendim të prokurorit është dërguar në mbajtje.

Raport shtesë:

DHUNË NË FAMILJE

Gjakovë 16.09.2025 – 09:30. Lidhur me rastin me 18.09.2025 është arrestuar i dyshuari mashkull kosovar dhe pas intervistimit, me vendim të prokurorit është dërguar në mbajtje.

INCIDENTET KRIMINALE-MITROVICË VERI

 VDEKJE E DYSHIMTË

Fsh. Jasenovik i Poshtëm, Zubin Potok 18.09.2025 – 06:40. Njësitet policore pas pranimit të informatës lidhur me rastin kanë dalë në vendin e ngjarjes dhe në kanalin e ujit të Ibër-Lepencit kanë gjetur trupin e pajetë të viktimës femër kosovare. Ekipi mjekësor ka konstatuar vdekjen e viktimës në vendin e ngjarjes, ndërsa me urdhër të prokurorit trupi i pa jetë i viktimës është dërguar në IML për obduksion.

RASTET TJERA/ NGJARJET:

AKSIDENT TRAFIKU ME LËNDIME

Rr. Sutjeska, Mitrovicë Veri 18.09.2025 – 21:00. Vozitësi mashkull kosovare, me veturë dyshohet nga pa kujdesia ka goditur këmbësoren femër kosovare- e mitur. Viktima është dërguar në Spitalin e Mitrovicës për tretman mjekësor. Rasti është duke u hetuar.

INCIDENTET KRIMINALE-MITROVICË JUG

VRASJE NË TENTATIVË

Mitrovicë Jug 18.09.2025 – 09:00. Ankuesja femër kosovare, ka informuar se nipi i saj i dyshuari mashkull kosovar, kishte tentuar të privojë nga jeta. I dyshuari është dërguar në neuropsikiatri nga familjarët. Viktima është dërguar në IML për ekzaminim. Rasti është duke u hetuar.

DEPARTAMENTI I POLICISË KUFITARE

KALIM ILEGAL I KUFIRIT

Rr. Eksodi 99, Hani Elezit 18.09.2025 – 17:10. Është shoqëruar në stacionin policor i dyshuari mashkull shqiptar shtetas i R. Maqedonisë Veri, pasi që kishte kaluar kufirin ilegalisht. Me vendim të prokurorit i dyshuari pas intervistimit është liruar në procedurë të rregullt.

/S.K/PK/

 

 

 

 

 

 

 

 

Continue Reading

Aktualitet

Masat ndaj Kosovës, Rohde: Sanksionet goditën njerëzit e gabuar, duhet të hiqen

Published

2 hours ago

on

September 19, 2025

By

Ambasadori në largim i Gjermanisë në Kosovë, Jorn Rohde, ka folur rreth sanksioneve ndaj Kosovës, ku sipas tij, mosndjekja penale e Milan Radojçiqit mund të jetë një ndër arsyet e stagnimit të bisedimeve Kosovë- Serbi.

Sipas Rohde sanksionet kanë targetuar dhe kanë goditur njerëzit e gabuar.

“Masat, dua të them se Gjermania, pozita jonë është dhe mbetet që masat duhet të hiqen, sepse ato i kanë targetuar njerëzit e gabuar. Pse nuk po hiqen? Sepse janë disa vende në BE që janë skeptike, ato janë dashur të hiqen vitin e kaluar, dhe përsëri ka pasur disa masa kundër institucioneve”, tha Rohde.

Megjithëse, sipas tij, të njëjtat nuk po hiqen për shkak se disa vende në Bashkimin Evropian janë ende skeptikë.

“E dini, mund ta lexoni në çdo deklaratë, se bëjmë apel për ndjekje penale të Milan Radoiçiqit, por kjo nuk ka ndodhur, dhe ndoshta kjo është ndër arsyet pse nuk përparojnë bisedimet BE-Serbi. Ne duam që sundimi i ligjit të zbatohet”, tha ambasadori në largim.

Siç tha ai, kur veprimet janë shqetësuese, vendosen sanksionet.

“Thuhet se veprimet shqetësuese vendosin sanksione në Kosovë, për shkak të obligimeve. Sepse nëse jo, ndodhin shtrëngime në raporte, dhe kjo do të thotë se gjendja nuk është në rregull. Por kjo s’do të thotë se Gjermania nuk është partner i ngushtë me Kosovës, sepse jemi dhe do të jemi”, vazhdoi edhe më tej Rohde./S.K/KP/

 

Continue Reading

Të kërkuara