

Bota
Pas vlerësimit nga Pentagoni, disa armë amerikane s’do t’i dërgohen Ukrainës
Published
2 months agoon
By
UBTnewsShtetet e Bashkuara do të ndalojnë dërgimin e disa armëve që i kishin premtuar Ukrainës për luftën e saj kundër Rusisë, sepse, pas një kontrolli nga Pentagoni, u pa që rezervat e tyre kishin rënë ndjeshëm.
Vendimi u mor “për t’i vënë interesat e Amerikës në radhë të parë”, tha zëdhënësja e Shtëpisë së Bardhë, Anna Kelly.
“Fuqia e Forcave të Armatosura të Shteteve të Bashkuara mbetet e padiskutueshme – thjesht pyeteni Iranin”, tha ajo, duke iu referuar bombardimeve dhe sulmeve me raketa të SHBA-së kundër objekteve bërthamore të Iranit.
Deklarata e Kellyt erdhi pasi një zyrtar amerikan u citua nga Politico të ketë thënë se, pas një rishikimi nga Pentagoni, u pa se disa nga rezervat e artikujve që ishin premtuar më herët, janë shumë të pakta, ndaj disa dërgesa të planifikuara nuk do të realizohen.
Shtetet e Bashkuara – të cilat i kanë ofruar Ukrainës armë dhe ndihmë ushtarake me vlerë prej më shumë se 66 miliardë dollarësh, që kur Rusia nisi pushtimin e saj në shkallë të plotë në shkurt të vitit 2022 – u kanë bërë presion aleatëve që t’i ofrojnë Ukrainës sisteme të mbrojtjes ajrore dhe pajisje të tjera.
Por, shumë prej tyre ngurrojnë t’i japin sistemet e tyre të teknologjisë së lartë, sidomos vendet në Evropën lindore, që gjithashtu ndihen të kërcënuara nga Rusia.
Ndalimi i disa armëve vjen pasi Rusia, në fundjavë, nisi sulmin e saj më të madh ajror të kombinuar kundër Ukrainës, thanë zyrtarët ukrainas.
Ukraina është duke u kërkuar me ngulm vendeve perëndimore që t’i dërgojnë më shumë sisteme të mbrojtjes ajrore, pasi Rusia ka intensifikuar sulmet me raketa dhe dronë, duke goditur edhe objekte civile.
Trump u takua me presidentin ukrainas, Volodymyr Zelensky, në margjinat e samitit të NATO-s, javën e kaluar.
Pas takimit, ai tha se Shtetet e Bashkuara do të përpiqen t’i sigurojnë Ukrainës më shumë sisteme të mbrojtjes ajrore, për t’u mbrojtur nga sulmet vdekjeprurëse të Rusisë, por nuk do të angazhohen për të miratuar ndihma shtesë për Ukrainën.
“Do të shohim nëse mund t’i vëmë në dispozicion disa [sisteme Patriot]”, tha Trump në Hagë më 24 qershor, kur u pyet nga një gazetar nëse do t’i shiste Ukrainës sisteme të mbrojtjes ajrore.
“Ato janë shumë të vështira për t’u siguruar. Edhe ne kemi nevojë për to. Edhe Izraelin e kemi furnizuar me to”, tha presidenti amerikan.
Trump, i cili, gjatë fushatës presidenciale të vitit 2024, e ka kritikuar sasinë e ndihmës ushtarake amerikane të dërguar në Ukrainë, dha një përgjigje të paqartë kur u pyet për vazhdimin e ndihmave për vendin në luftë.
“Do të shohim se çfarë do të ndodhë”, tha Trump, Partia Republikane e të cilit është thellësisht e ndarë për këtë çështje.
Sekretari amerikan i Mbrojtjes, Pete Hegseth, tha më herët në një seancë dëgjimore në Senat se disa shpenzime të SHBA-së për Ukrainën janë ende në proces, por nuk dha detaje.
Hegseth pranoi se fondet për Ukrainën do të zvogëlohen.
Ai tha se administrata Trump ka një pikëpamje ndryshe për konfliktin në Ukrainë.
“Ne besojmë se zgjidhja e negociuar paqësore është në interesin më të mirë të të dyja palëve dhe në interesat e kombit tonë”, tha ai./REL
Bota
Erdogan thotë se Putin dhe Zelensky “nuk janë ende gati” për takim ballë për ballë mbi luftën
Published
5 hours agoon
September 2, 2025By
UBTnews
Presidenti turk, Recep Tayyip Erdogan, deklaroi se ka diskutuar mundësitë për t’i dhënë fund luftës në Ukrainë me, Vladimir Putin, gjatë takimit në Kinë, si dhe me, Volodymyr Zelensky, në një bisedë telefonike. Megjithatë, sipas tij, palët “nuk janë ende gati” për një takim në nivel liderësh.
Erdogan foli me gazetarët në bordin e aeroplanit të tij duke u kthyer nga Kina, ku u takua me Putinin dhe më pas tha se e telefonoi Zelenskyn-n. Ai tha se bisedimet në muajt e fundit midis zyrtarëve rusë dhe ukrainas në Stamboll treguan se rruga drejt paqes mbetet e hapur.
Turqia favorizon “ngritjen graduale të nivelit të negociatave” për të shndërruar shpresat për paqe në rezultate konkrete, tha ai, duke shtuar se çdo iniciativë në fund të fundit do të duhet të trajtohet në nivelin e udhëheqësve, megjithëse kushtet nuk ishin ende të vendosura, raporton Reuters.
Turqia, anëtare e NATO-s, ka mbajtur kanale të hapura si me Moskën ashtu edhe me Kievin që nga pushtimi i Rusisë në vitin 2022 dhe është përpjekur të ndërmjetësojë midis tyre./D.B/EO/CNN
Aktualitet
Netanyahu: Trump më nxiti duke thënë harroni marrëveshjet e pjesshme, hyni me forcë të plotë
Published
8 hours agoon
September 2, 2025By
UBT News
Kryeministri i Izraelit, Benjamin Netanyahu tha se presidenti amerikan Donald Trump e ka nxitur atë të refuzojë një marrëveshje të pjesshme armëpushimi me Hamasin dhe të vazhdojë luftën në Gaza me forcë të plotë, sipas The Telegraph.
Netanyahu refuzoi të mbante një votim mbi armëpushimin e propozuar gjatë një takimi të tensionuar të kabinetit të sigurisë të dielën në mbrëmje, duke pretenduar se presidenti amerikan e mbështeti zgjerimin e konfliktit.
Në vend të kësaj, takimi gjashtëorësh u përqendrua pothuajse ekskluzivisht në përshpejtimin e planeve për një ofensivë ushtarake brenda qytetit të Gazës, sipas disa rrjedhjeve nga sesioni me dyer të mbyllura.
Nëse pretendimi i Netanyahu-t është i vërtetë, kjo do të përfaqësonte një ndryshim të dukshëm nga presidenti amerikan, i cili ka bërë thirrje që lufta 22-mujore të përfundojë së shpejti mes dënimeve ndërkombëtare për sjelljen e Izraelit.
“Harroni marrëveshjet e pjesshme. Hyni me forcë të plotë dhe përfundoni këtë”, e citoi Netanyahu Trump-in të ketë thënë, sipas The Times of Israel.
Para takimit, Channel 12 raportoi se burime i kishin thënë se Trump kishte shtyrë homologun e tij izraelit të përshpejtonte planet për të mposhtur Hamasin pasi kishte humbur besimin tek negociatat e bllokuara për armëpushim.
/S.K/KP
Aktualitet
Belgjika do të njohë shtetin palestinez në Asamblenë e Përgjithshme të OKB-së
Published
8 hours agoon
September 2, 2025By
UBT News
Ministri i jashtëm belg, Maxime Prevot, ka thënë se vendi i tij do të njohë shtetin palestinez në Asamblenë e Përgjithshme të OKB-së këtë muaj, duke shtuar presionin ndërkombëtar mbi Izraelin pas lëvizjeve të ngjashme nga Australia, Britania, Kanadaja dhe Franca.
“Vendimi vjen në dritën e tragjedisë humanitare që po zhvillohet në Palestinë, veçanërisht në Gazë, dhe si përgjigje ndaj dhunës së ushtruar nga Izraeli në shkelje të së drejtës ndërkombëtare”, tha Prevot në rrjetet sociale.
Sipas The Guardian, Izraeli është bërë gjithnjë e më i izoluar në skenën ndërkombëtare pasi përballet me akuza të besueshme për gjenocid, spastrim etnik, krime lufte dhe ndëshkim kolektiv të popullsisë civile të Gazës.
Sulmi i Izraelit ka rrafshuar pjesë të mëdha të Gazës, duke vrarë më shumë se 63.000 njerëz, kryesisht civilë, duke detyruar pothuajse të gjithë mbi 2 milionë banorët e Gazës të largohen nga shtëpitë e tyre dhe duke shkaktuar atë që monitori i urisë i mbështetur nga OKB-ja, Integrated Food Security Phase Classification (IPC), e përshkroi muajin e kaluar si një uri të shkaktuar nga njeriu në dhe rreth qytetit të Gazës.
Izraeli ende po pengon ndihmat për të hyrë në territor, pavarësisht urisë së përhapur.
Gjatë verës, Britania, së bashku me Australinë, Kanadanë, Zelandën e Re dhe Norvegjinë, sanksionuan Ben-Gvir dhe Smotrich për “nxitjet e përsëritura të dhunës kundër komuniteteve palestineze” në Bregun e pushtuar Perëndimor.
/S.K/KP
Bota
Rrëshqitja e dheut merr jetën e 1000 njerëzve në Sudan
Published
13 hours agoon
September 2, 2025By
UBT News
Rrëshqitja e dheut ka marrë jetën e 1000 njerëzve në malet e largëta Marra në Sudanin perëndimor, sipas grupit rebel Lëvizja-Ushtria Çlirimtare e Sudanit.
Ditë të tëra shiu të rrëmbyeshëm shkaktuan rrëshqitjen e dheut të dielën, e cila la vetëm një të mbijetuar dhe rrafshoi” pjesën më të madhe të fshatit Tarasin, tha grupi në një deklaratë, shkruan BBC.
Lëvizja ka bërë thirrje për ndihmë humanitare nga Kombet e Bashkuara dhe organizata të tjera rajonale dhe ndërkombëtare.
Shumë banorë nga shteti i Darfurit të Veriut kishin kërkuar strehim në rajonin e Maleve Marra, pasi lufta midis ushtrisë sudaneze dhe Forcave paraushtarake të Mbështetjes së Shpejtë (RSF) i detyroi ata të largoheshin nga shtëpitë e tyre.

A e dini çfarë të hani nëse keni uri natën para gjumit?

Post Malone habit Parisin: Hyn me kalë në sfilatën e koleksionit të tij të parë të modës

Mos bëni dush në darkë, do të keni probleme me shëndetin

Drama e Bruce Willis, transferohet në një shtëpi tjetër pas gjendjes së përkeqësuar shëndetësore

Dylli i veshit: Simptomat shqetësuese dhe trajtimi me produkte natyrale

Erdogan thotë se Putin dhe Zelensky “nuk janë ende gati” për takim ballë për ballë mbi luftën

Kushtetuesja po shqyrton ankesën e Listës Serbe, thotë s’është përmendur “Kuvendi i Prishtinës”

Ku është vendi më i mirë për t’u ulur në një kinema?

Tre nga viktimat e aksidentit të rëndë në Luksemburg bëhet e ditur se janë kosovarë
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet1 week ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet1 month ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës